Antologji e poeteve te Forumit

[Gunnar]

Po Xhexho trimin ku ma late mo!

Një zeshkane lëkurdritur
Në High Park më rri karshi
Me vështrimin pa ma shqitur
C’ka me mua, s’po e di!

C’më vështron me ata sy?
Mos tek unë të vajti mëndja,
Të kalojmë një natë të dy,
Në një dhomë të mbyllur brënda?!

Mos të dukem burrë i hijshëm
Apo të ngjaj si kreshnik?
Mos të dukem gjah i shijshëm
Rritur në një vënd epik?

Pse tek unë, jo tek një tjetër
Hedh shikimin epshndjellës?
Mos ke mbetur fare vetëm,
Apo dukem zjarrpërcjellës?

I tillë jam, është e vërtetë
Prush, shpuzë dhe gur stralli,
Ti e sheh, jam me një tjetër,
Një lanetkë prej Opari.

Hiqmi sytë, moj, të lutem
Mos më shih me aq zjarr.
Mos më ndill, se po të ngjitem,
Nuk të shqitem aq kollaj.

Eh ...Poet per te gjithe dhe origjinal

[Eagle]

Cdo gje e ka nje cmim...
Une
jam cmimi i paguar...
Une,
qingji i pergjakur
ne kembet e perendeshes
se shenjteruar...
Une,
flija e merituar
ne fronin e perendive
qe kurre nuk kane mekatuar...
Une
jam mekati...
mbi krenarine time
flijuar.

amico mio, ke harruar Melodine, Sang Real dhe Blue crystal...

ciao tutta

[whisper]

Kur fluturon shqiptari

--------------------------------------------------------------------------------

Rotullohet, rotullohet, rotullohet
këmbët aty të shpien, s'ka shpëtim
ziles i bie sa më dhëmb gishti
kërcasin dyer, shkallë, dyer
një ëngjëll mbuluar me jorgan
erdhe ? po gruan ?
në krevat e lashë
çelësin dy herë rotullova, shkallëve zbrita avash avash
hajde, futu, zhvishu, fute
avash avash
më dhëmb, sonte, 50 burra erdhën
e kam flakë

Fluturon, fluturon, fluturon
e përsëri aty përplasesh, s'ka shpëtim
nënë Tereza është shqiptare, e di
një serb më rrahu për ç'do natë
ishte jevg, unë jam bullgare, po ti ?
unë jam shqiptar, Skënderbeu
shpatën thellë e futi, më dhëmb
sonte 50 burra u ngjitën shkallëve
avash avash
çelësin dy herë rotulluan, dhe ata
të lutem, hajde, shtrihu, zhvishu
mos më prek se e kam gjak

50 burra, 50 euro, 50 xhama
rruga plot për plot ç'do natë
Të lutem, hajde, shtrihu, futu, zhvishu, fute,
mos
Jam bullgare, po ti ?
Unë ?
Unë jam shqiptar !


(kam pershtypjen qe ka kaluar pa u vene re nga lexuesit kjo poezi-skaner...)

[Rebele]

Per ty... - Melankolia


Per ty,
Une nje Zhan d’Ark e pakuptimte
Vec nje skelet qe digjej cdo dite ne turren e druve

Per ty,
Une nje putane e padenje ne haremin tend
Atehere kur isha akoma e virgjer

Per ty,
Une mbaja thase me gur mekatesh mbi shpine
Se Krishti kish vdekur e kush te me falte?

Per ty,
cdo dite duhej te ngrija nje mur kalaje honeve
e Rozafe nuk do behesha kurre

Per ty,
Une nje fytyre-engjelli e braktisur
Ku djalli ne udhekryq me kish dhene udhe

Per ty,
Une shpirtin e lashe jetim
Nuk u bera asnjehere e jotja Muze!

[Rebele]

(meqe kam gerrmuar neper faqet e vjetra te letersise keto dite)

Luspat... - Pentesilea


Si po thahet zeri yt, lekura po kthehet ne luspa
Ne luspa gjigande, si pllanga gjaku te thare
Ne barkun e vogel po rritet murgesha e radhes
Mendimet rrjedhin lekures se shpirtit te çare

Beronje,ti, beronje, me murgeshen e ardhshme ne bark
…Kam veshur kepucet me taka qe s’di ku me çojne
Ne dyer te huaja… tradhtare te vona, te ngrata
Pellushi rreth qafes me zerin e dhelpres me shpon

Ah, si po trashet ky ze kaq i embel dikur
Ah, si kercasin asfaltit kepucet tradhtare
Ah, si m’u fut kjo dhelper krahrorit tim
Ah, barkut tim te vogel, eshte ngjizur nje fare…

Beronje, ti, beronje, me murgeshen e radhes ne bark…

[Rebele]

Coordination - BenAlbani

Me thua ti:
...te vijme te dy!

Te dy ne mes te detit
Nen diell te dy.
Te nxehte.
Nen qiell.
Une nen ty.

Me thua ti.
Me flet me gjoksin tend si prush fjale te cmendura

Te dy mbeshtjelle me eren
Qe shket e cmendur, e cmendur ijeve te tua
Buzeve te mia
Nektari jot
Une
Brenda teje

Me thua ti
Gojemedha vithet e tua
Zhurmojne mbi vale
Mbi dallge lekunden
Dhe ngrihen
Si dy diej qe djegin
Lakuriqe
Dhe zbresin
O Zot! O Zot!
O Zot!
Si zbresin!
Fryre nga perqafimi i eres
Ne qiell ngrihen
Dhe keputen
Dhe bien

Mbi vale

Mbi mua

Shkumezojme si det...

Dhe vijme


Vijme!


Te dy.

[White_Angel]

Pa permendur poezite e tjera te Whisper ..........










E mban mend...?

--------------------------------------------------------------------------------

Ne fillim ishte..vullkani
nuk pashe flaket...as llaven,
por nga hiri i tij
kuptova grine time...

me pas ishin...qiejt e tu...
(ah qiejt e tu...!)
te paster...te kthjellet...
dhe grija nje mengjez
kalteroi ne syte e mi...
muzgjet e tua...
ngjyre blu...

me pas erdhen...tingujt
e peshperimat veshtrimet i kthyen
ne melodi...
qe dritherueshem neteve
kumbonte
aty ku heshtje
ti...
.......................
.......................

Po me pas ?
Hmmm...me pas?
Oh..harrova...
me pas eshte ...tani.

[Eagle]

CRAZY OLD BABY


PRIVILEGJ I GËNJESHTËRT

Të jesh i dashuruar dhe i lirë !
C’gënjeshtër fatale , c’mashtrim ,
midis dhjetra krahëve flokëgjatë
të zgjedhësh një të vetëm përqafim…

Të jesh i dashuruar dhe i lirë !
C’lumturi dhe njëkohësisht c’tmerr ,
tërë botën të falësh për një zemër ,
për një zemër që tërë botën të merr…

Të jesh i dashuruar dhe i lirë !
më i rremi qiellori privilegj
që diellin ta dhuron ndër duar
e hënën nga duart ta heq…

Të jesh i dashuruar dhe i lirë,
dy ëndërra që s’bëhen kurrë një ,
perëndim që bujshëm largohet
e madhështinë një muzgu ia lë…

[Eagle]

XHEXHO

Ec, e gjej një tjetër botë!...


C’po këndirrem nga një kërrn,
Kërrn bezdisur i mërzisë,
Një kërrc-mërrc shpirtin ta shëmb,
Shëmb dhe trarin e shtëpisë.

Dhe me kokën ulur poshtë,
Vështroj poshtë i cemerritur,
Ku më del para një botë,
Një botë fare e fëlliqur.

Ndaj vështrimin tim e tret,
E tret në fundin e gotës
Dhe kërkoj aty të gjej,
Ëmbëlsinë e të gjithë botës.

Fundi i gotës më përqesh,
Përqeshja më cuk në zemër,
Mirpo, ec edhe të gjesh,
Botë tjetër, me tjetër emër!...

Ku ta gjesh një tjetër botë,
Botë tjetër, me tjetër emër,
Jet’ pa dhimbje, sy pa lot,
Sy pa lot, pa cërr në zemër!

[whisper]

nga Elna Durresi...

poezi e denje per antologji...erotizem i mirefillte...

Mes trëndafilëve të shtratit tim

Në shtratin tim me shumë kujdes
Trëndafila të kuq ngado janë hedhur
Por trëndafili me i bukur , do të jem unë
Kur në këtë shtrat të jem e zhveshur

Dhe dalëngadalë, unë ty do të ftoja
Të kundërmoje aromën e trupit tim
Petalet e mia ngadalë ti t’i zbuloje
Me puthjet të shumta, pa mbarim.

Dhe pasi puthjet të më kishin mbuluar
Petalet e mia do kërkoja në trupin tënd
Do ti mblidhja me buzët e mia në heshtje
Me puthje që të ta digjnin gjithë trupin tënd.

Pasi të ishim dehur nga ndjenjë e shtratit
Çërçafët mbi trupat tanë do ti ngrija
Do strukesha diku në gjoksin tënd
Dhe mes krahëve të tu, me endje do flija.