Maqedoni:PDSH "Koalicioni qeveritar ka marr fund"

[Faik]

http://www.balkanweb.com/sitev4/index.php?id=17795

================================================== ================================================== ===============
Thaçi: PDSH sonte vendosë për braktisjen e koalicionit qeveritarë

Shtuar më: 12/03/2008 - 12:48
• Kreu i Partisë Demokratike Shqiptare (PDSH-së), MenduhThaçi sot realizoi takim me ambasadoren e SHBA-ve në Republikën e Maqedonisë, Xhilijan Millovanoviq.


Mësohet se në takim është biseduar lidhur me qëndrimet e fundit të PDSH-së, për largimin nga Qeveria nëse nuk plotësohen 6 kërkesat të cilat kanë të bëjnë me realizimin e të drejtave të shqiptarëve në Maqedoni.



Pas takimit me ambasadoren e SHBA-ve në Shkup, Xhilijan Millovanoviq, lideri i PDSH-së, Menduh Thaçi, deklaroi para mediave se koalicioni ka marrë fund. “Sipas propozimit që unë do t'ua jap organeve të partisë, kjo punë ka marrë fund që sonte. Janë në pyetje çështje orësh, unë kam shumë takime të një pas njëshme dhe shtyhet koha vetëm për shkak të këtyre takimeve. Kam bindjen e plotë se organet e partisë do ta mbështesin këtë qëndrim”, deklaroi lideri i PDSH-së, Menduh Thaçi.

Pas bisedimeve me ambasadoren amerikane, kryetari i PDSH-së, Menduh Thaçi, ka realizuar edhe një takim me ambasadorin e BE-se në Maqedoni, Ervan Fuere.

PDSH kushtëzon kryeministrin Nikolla Gruevski për plotësimin e gjashtë kërkesave: ligjin për UÇK-në, zyrtarizimin e gjuhës shqipe, njohjen e shpejtë të Kosovës, rritjen e përfaqësimit të shqiptarëve në administratën shtetërore, përdorimin e flamurit kombëtar shqiptar në takimet lokale dhe mbylljen e katër rasteve të Tribunalit të Hagës që muajin e kaluar janë kthyer në Maqedoni.

Ndërkaq, zëdhënësi i Qeverisë së Maqedonisë, Ivica Bocevski edhe njëher theksoi sot se nuk do t’i komentojë paralajmërimet se PDSH-ja do ta braktisë qeverinë. Bocevski tha se do të fokusohemi në realizimin e programit qeveritarë.
“Qeveria funksionon normal dhe me rregull në kapacitet të plotë. Dje kishim mbledhje qeveritare ku të gjitha pikat u shqyrtuan dhe është konstatuar se realizmi i Programit është duke i zhvilluar në pajtim me dinamikën dhe afatet e parapara”, tha Bocevski.


Kreu i Qeverisë Maqedonisë, Nikolla Gruevski akoma nuk është prononcuar në lidhje me këtë çështje e cila rrezikon prishjen e koalicionit qeveritarë dhe shpalljen e zgjedhjeve të parakoshme. Sipas burime të agjencisë së lajmeve INA, pritet që sonte të takohen Thaçi dhe Gruevski, përfundimishtë për të vendosur fatin e kualiocionit PDSH- VMRO DPMNE. (INA)

================================================== ================================================== ================

Thaçi: Kjo punë ka marrë fund

Shkruar: 12/03/2008 - 12:00
• Koalicioni me VMRO DPMNE-në ka marrë fund, ka deklaruar kryetari i PDSH-së Menduh Thaçi pas takimit që zhvilloi me përfaqësues të ambasadës amerikane në Shkup.

Heshtja e kryeministrit Gruevski nënkupton se nuk ndërmend të pranojë kërkesat tona, tha Thaçi.
"Sipas propozimit që unë do t'ua jap organeve të partisë kjo punë ka marrë fund që sonte. Janë në pyetje çështje orësh, unë kam shumë takime të një pas njëshme dhe shtyhet koha vetëm për shkak të këtyre takimeve. Kam bindjen e plotë se organet e partisë do ta mbështesin këtë qëndrim. Mendoj se përgjigjja e kryeministrit është heshtja e tij, heshtja e tij nënkupton se ai nuk ka ndërmend që t’i pranojë këto kërkesa, do të shohim", deklaroi lideri i PDSH-së, Menduh Thaçi.
Kryeministri Gruevski vazhdon të heshtë. Nuk u prononcua edhe sot për mediat edhe pse para kamerave bashkë me disa nga ministrat e tij mbillte fidanë në Milladinovcë të Shkupit. Në emër të tij foli zëdhënësi Bocevski, i cili nuk komentoi deklaratën e Thaçit por tha se Qeveria është duke funksionuar me kapacitet të plotë.
“Qeveria është duke funksionuar normalisht dhe me kapacitet të plotë”, tha zëdhënësi i Qeverisë, Ivica Bocevski.
Kryetari i PDSH-së Thaçi i pyetur se a është momenti për një vendim të prerë për të dalë nga Qeveria duke pasur parasysh rëndësinë para të cilës gjendet Maqedonia, që në rastin konkret është marrja e ftesës për NATO, tha se momenti është më se i volitshëm.

"Momenti, bash është momenti i volitshëm, kjo është ndezje e semaforit të kuq që të mos vij deri te ndeshje komunikacioni mes njerëzve të cilët janë në politikë. Plus asaj, çdo tajming tjetër i PDSH-së do të ishte pjesë e interpretimeve, keqinterpretimeve, jo seriozitet, jo korrektësi, jo vendosmëri, dallavere, marrëveshje me dikë tjetër e kështu me radhë", ishte decid Thaçi.
Në fillim të kësaj jave Menduh Thaçi drejtoi 6 kërkesa kryeministrit Gruevski, miratimin e një ligji për gjuhën shqipe, ligjin për statusin e ish - pjesëtarëve të UÇK-së, njohjen urgjente të pavarësisë së Kosovës, miratimin e një ligji të ri për flamurin , rritjen e punësimeve të shqiptarëve dhe mbylljen e rasteve të Hagës që para ca kohe u kthyen në Maqedoni.

Bedri Rexhallari
http://alsat-m.com/index.php?id=1437

[Faik]

BDI-ja kërkon zgjedhje të parakohshme

Shkruar: 12/03/2008 - 15:16
• Kryetari i BDI-së Ali Ahmeti vlerëson se zgjedhjet e parakohshme që do të mbaheshin pas Samitit të NATO-s janë zgjidhja e vetme për kapërcimin e situatës kaotike politike.
Ai këtë koment e bëri pas paralajmërimit të PDSh-së për braktisjen e koalicionit qeveritar, por u shpreh se nuk është i interesuar që të bëhet pjesë e qeverisë.

"Kur të krijohen kushtet e volitshme atëherë edhe mund të mbahen zgjedhjet e parakohshme. E vetmja mënyrë për t’u shërua e gjithë situata. Ne kemi bërë me dije opinionin, jo vetëm tash por shumë më herët që ne nuk jemi të interesuar që të jemi pjesë e qeverisë", tha kryetari i BDI-së, Ali Ahmeti.

Aipas takimit me përfaqësues të Ambasadës së SHBA-së tha se PDSH-ja nuk kishte rrugë tjetër përveç se të dalë nga Qeveria.
"Ajo është çështje që i takon një partie, që ne nuk mund t’i komentojmë qëndrimet e tyre. Mendoj që rrugë tjetër nuk ka pasur Partia Demokratike Shqiptare", konstatoi lideri i BDI-së.

Sipas Ahmetit, situata kërkon që forcat politike në Maqedoni para Samitit të NATO-s në Bukuresht të arrijnë konsensus politik dhe ndër-etnik me qëllim që të tejkalohet gjendja politike në vend: Ai propozoi mbajtjen e një takimi të liderëve të partive politike në Maqedoni.

" Deri në mbajtjen e zgjedhjeve të parakohshme kërkojmë për çështje me interes shtetëror dhe kombëtar, forcat politike me përgjegjësi të arrijnë që veprimtaritë e tyre të koordinohen që të mos humbet shansi për integrim të Republikës së Maqedonisë në NATO si moment historik për vendin tonë”, konkludoi Ahmeti.
Ai në takimin me përfaqësuesit e Ambasadës së SHBA-së ka marrë porosi të qartë se të gjitha partitë politike duhet të luajnë një rol konstruktiv.

================================================== ================================================== ================

Ahmeti: Nuk do të jemi pjesë e Qeverisë së Gruevskit

Shtuar më: 12/03/2008 - 15:39
• Kreu i Bashkimit Demokratik për Integrim (BDI-së), Ali Ahmeti deklaroi se nuk dëshiron të jetë pjesë e kësaj qeverie edhe nëse PDSH-ja definitivishtë largohet nga koalicioni.

Ai theksoi se BDI është për mbajtjen e zgjedhjeve të parakoshme para samitit të NATO-s, i cili do të mbahet në Bukuresht, njofton agjencia e lajmeve INA. Lidhur me parajmërimet e liderit të PDSH-së për largim nga Qeveria, Ahmeti tha se Thaçi nuk kishte zgjidhje tjetër.

Ndërkohë që Ministri i Shëndetësisë Imer Selmani lidhur me paralajmërimet e liderit të PDSH-së Menduh Thaçi për daljen nga Qeveria tha se për këtë duhet të vendosë kryesia e partisë."Kryetari i partisë Menduh Thaçi dje ishte për vizitë zyrtare në Kosovë dhe udhëheqësia e PDSH-së nuk mbajti seancë. Vendimet e mëdha nuk merren individualisht, por në mënyrë kolektive dhe për këtë shkak ekzistojnë organe partiake", deklaroi ministri Selmani sot në Matkë, ku u inkuadrua në aksionin "Dita e drurit - Mbjelle të ardhmen tënde". (INA)

[alpost]

"Shqiptaret ne Maqedoni po ecin drejt pavaresise"

E Merkure, 19 Mars 2008


Ministri rus i Puneve te Jashtme, Sergej Lavrov, vlereson se shqiptaret e Maqedonise kerkojne shkalle te autonomise qe paraqet hap drejt pavaresise. Pretendimin, Lavrov e beri per mediat e Moskes, duke bere analogji dhe me zhvillime te koheve te fundit ne Kine dhe ish-Republikat Socialiste Sovjetike. "A e shikoni se cfare po ndodh ne rajonin autonom ne Kine, Tibet, se si atje veprojne separatistet. Ndaj edhe shqiptaret ne Maqedoni tashme kerkojne shkalle te tille te autonomise qe paraqet hap evident drejt pavaresise", tha Lavrov i cituar nga agjencia maqedonase e lajmeve, Makfax. Ne ish-Republiken Jugosllave te Maqedonise (FYROM) qe nga nje numer shtetesh njihet si Maqedoni, vleresohet se afro 40 per qind e popullates mbi dymilioneshe jane shqiptare. Kurse autoritetet e Shkupit thone se shifra eshte me e vogel. Prej vitesh ne FYROM vazhdon debati per me shume te drejta te popullsise shqiptare, e cila thekson se nuk e ndjen veten te integruar aq sa duhet ne jeten maqedonase.

Lavrov eshte ndalur dje dhe ne zhvillimet ne Kosove, ku hodhi pretendimin se "po vazhdojne tentimet qe njerezit me fuqi te detyrohen te jetojne ne nje shtet qe eshte krijuar ne menyre te paligjshme". "Ajo qe po ndodh ne pjeset tjera te botes, vijoi Lavrov, mundeson te supozojme se jemi deshmitare te fillimit te nje procesi tejet eksploziv dhe te rrezikshem". Ne kete pike, Lavrov arriti ne perfundimin tipik rus se "situata ne Kosove eshte shembulli me evident i separatizmit etnik kunder te cilit mund te zhvillohet lufte kunder metodave juridike". Lavrov, ne kuadrin e takimit te tij me lideret e vendeve te Lindjes se Mesme leshoi per to thirrjen qe te mos e njohin pavaresine. "Deshiroj te terheq verejtjen ndaj thirrjeve qe vendet jo islamike dhe joarabe po iu bejne vendeve islamike per te njohur pavaresine e Kosoves", tha Lavrov, duke pretenduar me tej: "Nuk eshte e rastit qe shumekush, duke perfshire edhe vendet islamike, nuk po e njohin pavaresine e Kosoves".
(KJ)

[Faik]

Kryetarët e BDI-së, PDSH-së, BDSH-së dhe PPD-së të enjten vizitojnë Prishtinën

Shkruar: 18/03/2008 - 16:33
• Liderët e katër partive politike shqiptare të Maqedonisë , të enjten janë ftuar në Prishtinë në takime me krerët e autoriteteve të Kosovës.

Liderët e katër partive politike shqiptare të Maqedonisë, të enjten janë ftuar në Prishtinë në takime të ndara me krerët e autoriteteve të Kosovës. Kryetarët e BDI-së ,, PDSH-së , BDSH-së dhe PPD-së , Ali AHmeti, Menduh Thaci , Bardhyl Mahmuti dhe Abdylhadiu Vejseli do të zhvillojnë takime të ndëra me prësidentin e Kosovës Fatmir Sejdiu. Sic mëson Alsat takimet janë inicuar nga presidenti kosovar Sejdiu. Ato do të zhvillohen në Parlamentin e Prishtinës dhe në to do të marrin pjesë edhe kryeministri Hashim Thaçi dhe kreu i Kuvendit, Jakup Krasniqi. Sipas axhendës, i pari në takim duhet të paraqitet kryetari i BDI-s, Ahmeti, më pas Bardhyl Mahmuti i BDSH-së, i ndjekur nga kryetari i PDSH-së, Menduh Thaçi dhe Abylhadi Vejseli, lider i PPD-së. Detaje tjera për qëllimin e këtyre takimeve dhe ftesës që I është bërë liderëve shqiptarë të Maqedonisë për të vizituar Prishtinën nuk janë dhënë .