Qeveria aktuale cmendim keni?

[gerland]

Pershendetje te gjitheve
Me kete teme doja tju kerkoja nga nje mendime sa me te paanshem e jo per tifozllen mbi politiken e klases aktuale ne pushtet.
Cmendoni cfar eshte permiresuar cfar eshte perkeqsuar?
A ka qene me mire qeveria e meparshme?
Cfar mendimi keni mbi kete subjekt?
G

[Duaje Siveten]

Gazeta Tema

Klima prokorrupsion, e nxitur nga qeveria
Nga Mero Baze

Kam tetë vjet që për arsye gjysmë private dhe gjysmë politike nuk komunikoj me Genc Pollon. Thjesht, jemi dy njerëz që nuk përshëndetemi. Problemi i fundit me të ka qenë, mbaj mend, vjehrri i tij, i cili m’u turr njëherë në rrugë si i çmendur për të më qëlluar, pse nuk ia përkrahja dhëndrin që kishte dalë kundër Sali Berishës. Ashtu gjysmë i hakërryer krijoi një skenë shumë banale, vetëm për shkakun se unë pa të keq i thashë se nuk e dija që Pollo ishte dhëndri tij, po i dikujt tjetër. Dhe për tetë vjet kjo distancë na e ka ruajtur dhe njëfarë etike.

Dje, gazeta “TemA” ka botuar një raport zyrtar, e theksoj, zyrtar, të Kontrollit të Lartë të Shtetit që akuzon Genc Pollon se ka abuzuar me fondet publike dhe tenderat, duke i copëzuar ato dhe duke i dhënë me prokurim të drejtpërdrejtë. Kaq mjaftoi që ky ministër të nxirrte një femër që e përdor dhe për këshilltare shtypi, që të shpifte publikisht, duke thënë se Mero Baze ka kërkuar tendera dhe se ky Pollo nuk i paska hapur rrugë. Që kjo është shpifje, nuk ka nevojë të verifikohet, se unë së pari nuk kam asnjë kompani private në funksionim që të kërkoj ndonjë tender. Po ashtu, siguroj lexuesit se asnjë i afërm i imi, as i parë, as i dytë e as i dhjetë bilé nuk ka ndonjë biznes që të ketë pasur punë me Genc Pollon. Bilé, as ndonjë komshi nuk njoh që të ketë punë me të. Nuk kam lobuar dhe nuk më është afruar askush që ta ndihmoj për ta shpëtuar nga ndonjë padrejtësi e Genc Pollos, se ata që më njohin, e dinë që nuk komunikoj me këtë shpifës. Duke mos komunikuar me Genc Pollon dhe duke pasur probleme banale me të, natyrisht është e qartë se gjithçka e thënë prej tij është një shpifje, një shpifje, e cila po kthehet në metodë pune për administratën e re të kryeministrit Berisha.

Shumica e zyrtarëve hajdutë të kësaj administrate kanë filluar të mbrohen ndaj kritikave dhe sulmeve për korrupsion, duke akuzuar se sulmuesit kanë arsye personale. Mbaj mend se kështu e nisi e para Elvana Hana. Pastaj denoncuam drejtorin e “Albtelecom”-it, Ilir Kuko, me fakte konkrete si person në kërkim, kur është emëruar drejtor dhe doli dhe tha se ka arsye personale. Denoncuam drejtorin e Burgjeve për korrupsion në burgje, për prostitucion në burgje dhe keqpërdorim të postit, doli dhe ai dhe tha se ka arsye personale. Po botojmë raportin e Kontrollit të Shtetit për Genc Pollon, del dhe ky shpif dhe thotë se ka arsye personale. Pra, këtyre zyrtarëve qeveria iua pranon zyrtarisht arsyetimin dhe kam frikë se iua qan dhe hallin, se shtypi iu bie më qafë. Por, në këtë vend nuk është votuar shtypi, por qeveria.

Në këtë vend njerëzit kanë besuar se qeveria do të reagojë ndaj të korruptuarve, ndaj e kanë votuar. Mund të ketë dhe gazeta apo gazetarë që nisen nga raste personale dhe prapë janë në të drejtën e tyre. Në rastin tonë, është tërësisht e pavërtetë, por unë nuk do t’ia mohoja të drejtën një kolegu gazetar që ka një histori personale korrupsioni të qeverisë ndaj tij që të mos ta shkruante. Ashtu siç do qytetar, dhe çdo gazetar ka të drejtë të përdorë historinë dhe përvojën e tij për të dënuar të keqen. Kjo metodë e ndyrë e përpjekjes për të zhvlerësuar korrupsionin zyrtar dhe për t’u kthyer nga i akuzuar zyrtar në akuzues privat, vjen mes të tjerash nga fakti se qeveria i injoron akuzat për korrupsion. Qeveria akuzoi në mënyrë të pafalshme ankesat e rektorëve dhe dekanëve ndaj Genc Pollos dhe ky justifikon me këtë betejën e pandershme ndaj tyre. Qeveria injoroi akuzat për korrupsion në shpërndarjen dhe botimin e librit shkollor dhe ky tashmë legjitimon vjedhjet. Qeveria injoroi akuzat për licencat e dyshimta të disa universiteteve private, ku parashiten diploma dhe lëvizin miliona euro dhe ky tani legjitimon piramidat në arsim.

Në kushte të tilla, ngelen pak gjëra për të bërë në betejën kundër korrupsionit në këtë vend, pasi kjo betejë po demotivohet nga mjedisi indiferent që krijon vetë qeveria ndaj saj. Përpjekja për t’i injoruar akuzat për korrupsion dhe më tej akoma për t’i zhvleftësuar ato me kundërakuza personale, janë shenja tipike të një regjimi të korruptuar. Unë do ta çoj në gjykatë akuzën e Genc Pollos. Kam regjistruar femrën që përdor ai për këto punë dhe do t’i kërkoj dëmshpërblim civil prej gjykatës atij dhe femrës që përdor ai. Do t’i kërkoj të më provojë, nëse kam folur me të qoftë dhe një herë për tetë vite dhe nëse kam shkelur qoftë dhe një herë te ministria e tij. Por, e di që kjo nuk e zgjidh problemin. Nuk e zgjidh problemin, se këtu nuk ka shumë njerëz të interesuar të dëgjojnë, nëse vjedh apo jo Genc Pollo.

Këtu është krijuar bindja se vjedhin të gjithë dhe se këta që kritikojnë hajdutët, kanë mbetur pa vjedhur. Kjo të fyen dyfish në këtë shoqëri. Klima e krijuar ndaj atyre që ngrenë akuza për korrupsion, është më e ndyrë se klima që iu duhet krijuar hajdutëve. Të gjithë këtu të pyesin se cila është arsyeja që lufton korrupsionin dhe jo pse e lufton atë. Dhe ka një arsye të fortë, përse ndodh kështu. Shoqëria jonë është bindur, me sa duket, se këtu qeveritë e kanë mision vjedhjen dhe kush i sulmon në këtë pikë, thjesht është ndonjë i pakënaqur nga vjedhjet. Kjo është kuota më e ulët, ku mund të arrijë krijimi i një klime prokorrupsionit në vend. Dhe kjo klimë, për fat të keq, nxitet zyrtarisht nga zyrtarët e qeverisë, ata që çuditen sesi në këtë shoqëri ka njerëz që mund t’iu vënë gishtin atyre si hajdutë dhe të korruptuar, pa pasur ndonjë interes privat. Genc Pollo është një nga këta hajdutë, por as i pari dhe as i fundit.

[SaS]

pse qeveri eshte kjo ??? nuk mund te jap mendim per nje qeveri kur as qeveri se quaj !!!

[xfiles]

une nuk mund te gjykoj direkt qeverine e tanishme, se nuk jetoj atje, por nga ato qe degjoj ne lajme, dhe nga gjendja qe ma pershkruajne ata qe jane atje, jam shume i zhgenjyer.
Berisha ka qene gjithmone idhulli im ne politike, po tani me sa duket shoh se ka vetem fjale e jo vepra. Vetem te zihen dine, per çeshtje te kota, absurde.

[land]

Pershendetje te gjitheve
Me kete teme doja tju kerkoja nga nje mendime sa me te paanshem e jo per tifozllen mbi politiken e klases aktuale ne pushtet.
Cmendoni cfar eshte permiresuar cfar eshte perkeqsuar?
A ka qene me mire qeveria e meparshme?
Cfar mendimi keni mbi kete subjekt?
G

Nje mendim pa tifozllik.
Qeveria me koti e te gjitha qeverive koti qe kemi patur,dhe me nje klase politike koti(per te mos thene gjera te tjera,te tjerat i dime te gjithe)

[Duaje Siveten]

Gazeta sot Online Saturday, 22 December 2007

Berisha, kryetar i Këshillit të Ministrave, apo kryetar i Këshillit të Spiunëve ?!
Nga Kastriot Myftaraj

Në 15 tetor 2006, gazeta e PS “Zëri i Popullit” hapej me titullin e madh në faqen e parë: “Regjistri i spiunëve, emrat janë ruajtur” dhe më poshtë vazhdonte: “Sllobodanka’ ‘Gjitari’, ‘Korçari’, ‘Dizenjatorja’, rrëzojnë Qeverinë ‘Berisha” (“Zëri i Popullit”, 15 tetor 2006, f. 1) Në shkrimin e botuar në faqen 3 të gazetës, që i përgjigjet këtij titulli thuhet: “Qeveria Berisha e ka të pashmangshëm rrëzimin nëse hapen dosjet e spiunëve dhe bashkëpunëtorëve me Sigurimin.

Në to ka të implikuar direkt apo në mënyrë indirekte emra të kabinetit të cilët do të zbardheshin me emrat e tyre të plotë, por dhe mbiemrat nëse do të merreshin me rradhë në regjistrin themelor… ‘Gjitari’ është një tjetër prej bashkëpunëtorëve të ngushtë të ish-Sigurimit të Shtetit, që sot është i ngjashëm edhe në pamje me nofkën e tij, brenda në kabinetin e Berishës. Edhe ‘Korçari’, kontributi i të cilit është njohur në atë kohë edhe jashtë kufijve të vendit. E fundit për nga rradha, por jo për nga rëndësia, është edhe ‘Dizenjatorja’ ose ‘e dashura e Sigurimit’, që lidhet në mënyrë indirekte me qeverinë. Bashkëpunëtori s’ ka mundur dot të përfshihet në kabinet, por ka aty ‘Pjellën”. (“Zëri i Popullit”, 15 tetor 2006, f. 3)

Logjika elementare të thotë që nëse dosjet e ish-bashkëpunëtorëve të Sigurimit të Shtetit do ta rrëzonin Qeverinë “Berisha”, siç thotë “Zëri i Popullit”, dhe gazeta “Zëri i Popullit”, pra edhe PS, pra edhe kryetari i PS, Edi Rama, kishte kopje të këtyre dokumenteve, atëherë, derisa “Zëri i Popullit”, PS, dhe Edi Rama, nuk i bënë ato publike, ata nuk donin që të rrëzohej Qeveria “Berisha”. Dhe derisa këto fakte nuk janë shfaqur as sot në gazetën “Zëri i Popullit”, kjo do të thotë se “Zëri i Popullit” dhe Edi Rama nuk duan as sot që të rrëzohet Qeveria “Berisha”. Spiunët që përmend “Zëri i Popullit” në tetor 2006 kanë mbetur në qeveri edhe pas ndryshimeve që janë bërë në vitin 2007. dhe ata nuk janë të vetmit ish-bashkëpunëtorë të Sigurimit të Shtetit në qeveri. Por ata nuk janë të vetmit. Një tjetër ministër që ka qenë ish-bashkëpunëtor i Sigurimit të Shtetit është dhe ai me pseudonimin “I vogli”.

Për të identifikuar një tjetër ministër-spiun të Sigurimit të Shtetit mund t’ u referohemi fjalëve të vetë kryeministrit të sotëm Berisha, i cili në prill 1997, në mbledhjen e Këshillit Kombëtar të PD, e ka akuzuar drejtpërdrejt Genc Rulin si spiun të Sigurimit të Shtetit, siç na e thotë në kujtimet e veta të botuara, edhe Gëzim Zilja.

Për të identifikuar një tjetër spiun të Sigurimit të Shtetit në qeveri, mjaft që t’ i referohemi një editoriali të dikurshëm të gazetës “55” kur kryeredaktore ishte sekretarja e përgjithshme e sotme e ministrisë që drejton ky zotëri, se a i kujtohej ministrit në fjalë kur i erdhi në Lushnjë operativi i Sigurimit të Shtetit për ta rekrutuar. Se si punon ky ministër me këtë vartëse të tij, kjo mbetet mister, por duket se ai per këtë gjë ka bërë psikoterapi, duke qenë se e mban veten për ekspert të kësaj fushe. Në Qeverinë “Berisha” nuk mungon dhe një “Pavlik Morozov”, që ka denoncuar tek Sigurimi i Shtetit dajën e vet.

Kështu del se në Qeverinë “Berisha” prej 16 anëtarësh, kemi së paku shtatë ish-bashkëpunëtorë të Sigurimit të Shtetit. “Zëri i Popullit” ka detyrimin të na shpjegojë se përse nuk vepron dhe me ta si me zëvendësministrin “Drita e kuqe”, të cilit i kushtoi disa ditë nga një faqe, duke e denoncuar si ish-bashkëpunëtor të Sigurimit të Shtetit. Është ironike që “Zëri i Popullit”, nga të gjithë ish-bashkëpunëtorët e Sigurimit të Shtetit që janë tek mazhoranca dhe në qeveri, më ashpër ka sulmuar një zëvendësministër të një partie të vogël, që nuk është as deputet?! Pse “Zëri i Popullit” për ministrat e Qeverisë “Berisha” pret që dosjet të hapen zyrtarisht, ndërsa fakirit “Drita e kuqe” ia hapi dosjen pa pritur ligjin për këtë gjë? Merret vesh, “Zëri i Popullit” nuk do që ta rrëzojë qeverinë me anë të dosjeve të ish-Sigurimit të Shtetit!

Pse “Zëri i Popullit” nuk hap dosjen e “Dizenjatores” për të cilën thotë se ka qenë “e dashura e Sigurimit të Shtetit”, dhe që nuk është në qeveri por pranë saj? A nuk tregon kjo se gjithë fushata e bujshme e PS për shkarkimin e “Dizenjatores”, gjatë së cilës u bllokua parlamenti me bilbila, ka qenë një blof? Ata që kanë shkruan në “Zërin e Popullit” se “Dizenjatorja” ka qenë “e dashura e Sigurimit”, duket se e njohin mirë dosjen e saj.

Pse nuk e hap dosjen e kësaj zonje “Zëri i Popullit” deri tek “Shtiza”, dhe politika të mbetet pa “të dashurën e Sigurimit”, që sot, nga e njëjta gojë ku mbante penisin e oficerëve të Sigurimit të Shtetit, lëshon fjalë prej “skiftereje” të politikës? Apo “Zërit të Popullit” dhe Edi Ramës u bën komoditet vetëm që të lëshojnë kërcënime në erë, dhe mos të veprojnë, jo vetëm se kanë pazare me Berishën, por edhe se Edi Rama nuk do që të hapen dosjet e Sigurimit të Shtetit, se ai e di mirë që në kohën e komunizmit, kur dilte jashtë vendit me skuadrat e basketbollit(për hir të të atit, dhe të dajës së nënës politbyroist, se vetë ka qenë i paaftë si sportist), ka marrë disa detyra speciale, dhe ka bërë disa raporte për sjelljen e shokëve të tij, për të justifikuar dhuratën që po i bënte partia, siç quhej në atë kohë, dhe që ai e dinte se nuk e meritonte.

Prandaj Berisha qeveris i qetë në një qeveri që, më tepër se Këshilli i Ministrave është Këshilli i Spiunëve.

[juanito02]

Pa shume komente qeveria sot e cila vetem gabimisht mund te quhet e tille eshte njolla me e zeze qeverisese qe ka pasur ndonjehere Shqiperia gjate 16 vjeteve te tranzicionit te pafund.
Me e keqe se qeveria e Meksit, e Nanos, e Majkos, e Metes etj.
Nuk ka bere vaki nje ekonomi kaq e dobet sa ekonomia shqiptare ne keto kohe.
Nuk pa pasur fund viti me te zymte se ky. Edhe ne vitin 1991 qe ishim me nallane druri qeme me mire se sot sepse na ate kohe nuk dinim asgje. Kurse sot e dime si duhet te jete Shqiperia dhe e shohim pafundesisht larg binareve te kombit.
Dhe ju them sinqerisht qe nuk bej e nuk do bej pjese ne ndonje parti.

[2043]

QEVERIA ME E MIRE E TE GJITHA KOHEVE.

[ooooo]

QEVERIA ME E MIRE E TE GJITHA KOHEVE.

hahahahahhahahahahahaha, rrofsh se qesha me shpirt hahahahahahahahha


lum si ju qe e pakseni arrit ket dite

[Arsyetimi]

qeveri, dy duar ne nje xhep.