Formulari dhe dokumentet që duhen

[RaPSouL]

Nxënësit që kanë mbaruar shkollën e mesme jashtë vendit, por që duan të studiojnë në Shqipëri, duhet që të paraqiten pranë Komisionit të Posaçëm në Ministrinë e Arsimit deri më datën 15 prill. Për herë të parë këtë vit akademik, kreu u arsimit, Genc Pollo ka firmosur një udhëzim në bazë të të cilit maturantëve që kanë dhënë provimet e matematikës apo letërsisë në shkollat jashtë vendit, ato do t'u njihen edhe këtu. Çka do të thotë se ata kanë të drejtën të konkurrojnë vetëm për provimet me zgjedhje.

Komisioni

Ministria e Arsimit dhe Shkencës ka ngritur një komision të posaçëm për të shqyrtuar kërkesat e maturantëve, të cilët kanë kryer arsimin e mesëm jashtë Shqipërisë dhe dëshirojnë të studiojnë në universitetet tona publike. Këta maturantë sipas shkollës së mesme që kanë kryer jashtë vendit, mund të jenë të dy kategorive, nxënës që nuk kanë dhënë provimet ekuivalente me Maturën tonë Shtetërore dhe për t'u pranuar në universitete duhet të japin provimet me zgjedhje. Për të kryer provimet me zgjedhje dhe për të plotësuar formularët A1 dhe A2, këta kandidatë duhet të drejtohen pranë Drejtorive apo Zyrave Arsimore Rajonale ku ata banojnë. Si dhe nxënës që kanë dhënë provimet ekuivalente me Maturën tonë Shtetërore dhe që do të pranohen në universitete mbi bazën këtyre provimeve. Këta nxënës duhet të paraqiten pranë Komisionit të Posaçëm në MASH deri në datën 15-16 prill 2008.

Formulari

Të gjithë këta nxënës që duan të vazhdojnë studimet në universitetet tona duhet të plotësojnë formularët A1 dhe A2. Në të dy rastet Komisioni i Posaçëm do të kryejë ekuivalentimin dhe përllogaritjen e pikëve të mesatares së shkollës së mesme, provimeve me detyrim dhe ato me zgjedhje. Komisioni i posaçëm është i përbërë nga specialistë të MASH me kryetar drejtorin e arsimit parauniversitar të ministrisë. Vitin e kaluar nxënësit shqiptarë që kishin përfunduar shkollën jashtë shtetit dhe donin të vazhdonin studimet në Shqipëri, vetëm në DAR Tiranë ishin 30.

Dokumentat

Nxënësit e dy kategorive duhet të paraqesin në komision për aplikim këto dokumente:

1-Kërkesën me shkrim për të vazhduar shkollën e lartë publike.
2-Dëftesën origjinale me notat e mbarimit të shkollës së mesme, të përkthyera dhe të noterizuara.
3-Pasaportë ose certifikatë lindjeje me fotografi.
4-Ata duhet të plotësojnë Formularin A1 nga datat 16 prill deri në 30 qershor
5-Nxënësit duhet të regjistrohen pranë Komisionit të Posaçëm nga data 16 prill deri në 23 prill.

U D H Ë Z I M

Nr. 10, DATË 28.02.2008
PËR EKUIVALENTIMIN DHE REGJISTRIMIN NË MATURËN SHTETËRORE 2008 TË SHTETASVE SHQIPTARË QË KANË KRYER SHKOLLËN E MESME JASHTË SHTETIT

Në mbështetje të nenit 102 të Kushtetutës së Republikës së Shqipërisë, nenit 13 të ligjit nr. 7952 datë 21.06.1995, "Për Sistemin Arsimor Parauniversitar" i ndryshuar, të vendimit nr. 78, datë 8.02.2006, të Këshillit të Ministrave "Për krijimin e Maturës Shtetërore dhe pranimeve në shkollat e larta publike" i ndryshuar,

U D H Ë Z O J:

1. Shtetasit shqiptarë që kanë kryer arsimin e mesëm jashtë shtetit, kanë të drejtë të vazhdojnë studimet e larta në Republikën e Shqipërisë sipas kritereve të mëposhtme:

a) Shtetasit shqiptarë që kanë përfunduar arsimin e mesëm jashtë shtetit dhe kanë dhënë provimet ekuivalente me Maturën Shtetërore (provime të detyruara D1 e D2 dhe provime me zgjedhje Z1 e Z2), pranohen në shkollat e larta publike, mbi bazën e pikëve që llogariten sipas notave të marra.

b) Shtetasit shqiptarë që kanë kryer arsimin e mesëm jashtë shtetit dhe që nuk kanë dhënë provimet ekuivalente me Maturën Shtetërore (provimet me detyrim D1 e D2 dhe provimet me zgjedhje Z1 e Z2), për t'u pranuar në shkollat e larta publike duhet të japin provimet me zgjedhje.
Ministria e arsimit dhe shkencës ministria e së nesërmes www.mash.gov.al Udhëzim _ MSH _ shtetasit jashtë vendit

2. Shtetasit shqiptarë të përmendur në pikën 1 të këtij udhëzimi, paraqesin për ekuivalentim në Drejtorinë e Kurrikulës në Ministrinë e Arsimit dhe Shkencës deri më 15 prill 2008 dokumentet e mëposhtme :

a) kërkesë me shkrim për të vazhduar shkollën e lartë publike;

b) diplomë përfundimtare origjinale të shoqëruar me vërtetimin origjinal për notat e mbarimit të shkollës së mesme, si dhe kopje e këtyre dokumenteve, të përkthyera dhe të noterizuara;

c) fotokopje të noterizuar të pasaportës ose certifikatë lindjeje me fotografi;

3. Në Ministrinë e Arsimit dhe Shkencës ngrihet komisioni i posaçëm për ekuivalentimin e kërkesave të shtetasve shqiptarë që kanë kryer shkollat e mesme jashtë shtetit dhe do të japin provimet e Maturës Shtetërore 2008.

4. Komisioni i posaçëm, pasi njeh vlefshmërinë e dëftesës shkollore, përcakton mbi bazën e dokumentacionit të paraqitur nga shtetasi, nëse provimet e dhëna që figurojnë në diplomën përfundimtare janë ekuivalente me Maturën Shtetërore.

5. Për rastet kur provimet e dhëna janë ekuivalente me Maturën Shtetërore, komisioni i posaçëm ndjek hapat e mëposhtëm:

a) bën përllogaritjen e notës mesatare të viteve të shkollimit;

b) përcakton notat e provimeve të detyruara (D1 dhe D2) dhe notat e provimeve me zgjedhje (Z1 e Z2);

c) njofton shtetasit për të plotësuar formularin A2 deri më 30 Qershor 2008.

6. Për rastet kur provimet e dhëna nuk janë ekuivalente me Maturën Shtetërore, komisioni i posaçëm ndjek hapat e mëposhtëm:

a) bën përllogaritjen e notës mesatare të viteve të shkollimit dhe notat e provimeve të detyruara D1 dhe D2;

b) përcjell zyrtarisht rezultatet e mësipërme në Komisionin e Maturës Shtetërore pranë Drejtorive Arsimore Rajonale dhe Zyrave Arsimore, ku shtetasi ka vendbanimin, brenda datës 30 prill 2008.

7. Komisioni i Maturës Shtetërore pranë Drejtorive Arsimore Rajonale dhe Zyrave Arsimore:

a) cakton shkollën ku shtetasi do të kryejë provimet me zgjedhje dhe do të plotësojë formularët A1 dhe A2;

b) përcjell pranë shkollave përkatëse notat që ka përcaktuar Komisioni i Posaçëm;

c) dorëzon zyrtarisht dhe në formë elektronike në Agjencinë e Vlerësimit të Arritjeve të Nxënësve (AVA) formularët A1 të plotësuar nga shtetasit dhe përmbledhësen e të dhënave të shtetasve sipas tabelës T, brenda datës 5 Maj 2008.

8. Formularët A2 plotësohen nga shtetasit brenda datës 30 qershor 2008 dhe dorëzohen në Komisionin Shkollor të Maturës Shtetërore.
ministria e arsimit dhe shkencës ministria e së nesërmes
www.mash.gov.al udhëzim _ MSH _ shtetasit jashtë vendit

9. Për zbatimin e këtij udhëzimi ngarkohen sekretari i Përgjithshëm, zëvendësministri, Drejtoria e Kurrikulës, Agjencia e Vlerësimit të Arritjeve të Nxënësve, Drejtoritë Arsimore Rajonale dhe Zyrat Arsimore.

Ky udhëzim hyn në fuqi pas botimit në Fletoren Zyrtare.
GENC POLLO
M I N I S T Ë R

[RaPSouL]

Zot na ruj. Po ti or shok ske asnje lloj lidhje me sistemin arsimor Shqiptar, a mund te na shpejgosh ca interesi ke ti ne postimin e ketyre udhezimeve? Edhe si i gjete e pse te interesuan eshte pyetja tjeter? Apo nje postim me shume?

Ndoshta dikush ka nevoj qe ta di kete por sigurt jo nje injorant si ti, qe po sillesh neper forum me 100 nick-e te regjistruar per te bere propaganda te ndryshme.


Artikullin e solla per ata qe u intereson dhe te cilet ose femijet e te cileve kane mbaruar shkollen e mesme jashta vendit, cfar ju nevoitet atyre per te vazhduar shkollimin ne Shqiperi.

Nese nuk te pelqejne artikujt qe i sjell une ketu ose me saktesisht postimet e mia do te sugjeroja te largohesh nga forumi dhe te mos vazhdosh me kete avaz qe ke marrur se ke lene gerdin me te madhe neper forum.

Gjithe te mirat edhe pse si meriton!