Infeksionet seksualisht të transmetueshme.

[DI_ANA]

Simptomet, tretmanet dhe faktet e Gonorrës, Klamidia dhe Sifilisit
Gonorrhoea, Chlamydia and Syphilis Symptoms, treatment and facts

Shume informata në këtë fletushkë janë informata që mund të aplikohen në përgjithësi dhe nuk janë për ndonjë shtet të posaqëm. Megjithatë pjesët e veçanta si ‘Ku mund të gjeni ndihmë’, ‘Tretmanet’ dhe ‘Analizat’ janë posaqërisht për Britani të Madhe.
Gonorrea

Gonorrea është infeksion bakterial. Përcjellet në mes të marrëdhënieve seksuale dhe mund ta infektojë qafën e mitrës, uretrën, rektumin, anusin dhe fytin.
Shenjat dhe simptomet

Simptomet e infeksionit mund të shfaqen çdo kohë ndërmjet 1 dhe 14 ditë pas infektimit. Është e mundshme që të infektoheni me gonorre dhe mos të përjetoni asnjë simptom. Zakonisht meshkujt mund të i dallojnë simptomet më shpesh se femrat.
Femrat

Simptomet e gonorresë mund të përfshijnë:

* ndryshim në lengjet vaginale. Lëngjet mund të shtohen me ngjyrë të verdhë apo të gjelbër dhe me erë të sertë.
* dhimbje dhe djegësim gjatë urinimit
* iritim dhe/apo shkarkesë nga anusi.

Meshkujt

Simptomet mund të përfshijnë:

* lëng i bardhë apo i verdhë nga penisi
* iritim dhe/apo shkarkesë nga anusi
* inflamim të testiseve dhe prostatës

Si barrtet gonorrea

* nga seksi dëpërtues (kur penisi hyn në vaginë, gojë, apo anus) dhe më rallë nga:
* kur personi e përdor gojën dhe gjuhën për të stimuluar anusin e një personi tjetër
* duke i futur gishtat e infektuar në vaginë, gojë, anus dhe pastaj duke e prekur vetën pa i larë duart.

Ku mund të gjeni ndihmë

* Në klinikën seksuale lokale nga Shërbimet Shëndetsore Kombëtare (NHS). Në Britani të Madhe ju mund ti gjeni hollësirat për klinikën tuaj të afërt në librin e adresave (phone book) nën pjesën për mejkësi gjenito urinare (GUM) për sëmundjet ngjitëse seksuale (STD) apo për sëmundje veneriale (VD). Apo ju mund të telefononi spitalin tuaj lokal dhe kërkoni informata për klinikë speciale. Në këtë fletushë nën pjesën ‘ndihmë dhe këshilla’ ku mund të gjeni uebfaqe me informata për klinikat më të afërta.

Ju mund të merrni tretmane, këshilla falas dhe në mirëbesim. Mund të shkoni në çfardo klinike çdokund në shtet. Ju nuk keni nevojë të shkoni në klinikën lokale dhe nuk ka nevojë të referoheni nga mjeku juaj i përgjithshëm. Klinikat seksuale që nuk janë nga Shërbimet Shëndetsore Kombëtare (NHS) ndonjëherë ndodh që nuk mund të ofrojnë shërbime të plota të cilat janë në dispozicion nga klinikat seksuale nga Shërbimet Shëndetsore Kombëtare NHS.

* nga mjeku juaj i përgjithshëm (GP)
* Nëse jetoni në Britani të Madhe vizitoni uebfaqen www.playingsafely.co.uk për informata të klinikave.
* Nëse jetoni në Shtete të Bashkuara të Amerikës vizitoni http:/herpes-coldsores.com/support/std clinic us.htm në këtë uebfaqe ju mund të gjeni hollësira për klinikat në Australi, Zeland të Re, Porto Riko dhe Indi.

Analizat për Gonorre

* Një egzaminim nga mjeku apo infermjerja bëhet në organet gjenitale.
* Disa mostra merren duke përdor pambuk në pjesët të cilat mund të jenë të infektuara si qafa e mitrës, uretra, anusi dhe fyti.
* Femrat egzaminohen brenda në pelvik.
* Urina duhet të jipet

Asnjëra nga këto analiza nuk shkaktojnë dhimbje mirëpo ndonjherë mund të jenë të pa këndshme.

Nëse ju keni pasur marrëdhënie seksuale anale është me rëndsi të i tregoni mjekut kështu që ata ta marrin edhe mostrën nga rektumi. Poahtu i tregoni mjekut nëse keni pasur seks oral.

Ju mund ti bëni analizat menjherë pasi që mendoni keni qenë në kontakt me gonorre.
Diagnoza dhe tretmani

Mostrat e marra gjatë egzaminimit shikohen nën mikroskop për të kontrolluar infektimin e gonorresë. Në disa klinika ju mund ta merrni rezultatin menjëherë. Mostra e dytë dërgohet në laborator për analizë, rezultati i të cilës kthehet pas një jave. Tretmani është i lehtë por i domosdoshëm.Ju ofrohet antibiotik në tableta, antibiotik i lëngshëm apo injeksion. Është me rëndsi ta kompletoni tretmanin.

Nëse jeni alergjik në antibiotik apo nëse ka shansa që jeni shtatëzënë është me rëndsi të i tregoni mjekut.

Nëse ju jeni të infektuar me gonorre mund të kërkohet nga ju që të takoheni me këshillëtar shëndetsor i cili/a do të spjegojë për infektim dhe përgjigjet pytjeve tuaja. Këshillëtarët shëndetsor do të ju pyes edhe për partnerin-ët tuaj kështu që edhe ata të i bëjnë analizat dhe të marrin tretman nëse është e nevojshme.

Ju nuk duhet të i shmangeni marrëdhënieve seksuale penetrative derisa të ktheheni në klinikë dhe mjeku ju tregon se ju jeni shëruar nga infektimi. Mjeku apo këshillëtari shëndetsor do të ju tregojë cilat aktivitete seksuale janë të sigurta gjatë pritjes për rezultat.
Vizita e dytë

Pasi që e kompletoni tretmanin për gonorre ju duhet ta vizitoni klinikën apo mjekun tuaj të përgjithshëm (GP) përsëri për kontrollim.

Disa lloje të gonorresë janë rezistues në disa antibiotik, posaqërisht nëse jeni infektuar në shtete të tjera. Analiza të mëtutjeshme do të bëhen për tu siguruar që infeksioni është larguar. Nëse infeksioni ende qëndron atëherë do të ju ipen një lloj tjetër antibiotikësh.
Komplikimet
Femrat

Nëse infeksioni nuk trajtohet gonorrea mund të zhvillohet në sëmundje inflamuese të pelvikut. Kjo është inflamim i tubave fallopiane e cila mund të shkaktojë ethe, dhimbje në pjesën e poshtme të barkut dhe dhimbje të shpindës. Ju mund të keni dhimbje gjatë marrëdhënieve seksuale. Inflamimi i pelvikut mund të shkaktojë probleme me pjellshmëri apo shtatëzani jashtë mitrës.

Nëse jeni shtatëzanë dhe jeni të infektuar me gonorre kur fëmija lind ju mund ta barrtni infektimim në foshnje. Poashtu foshnja juaj mund të lind me infeksion të syve. Kjo duhet të trajtohet me antibiotik sepse mund të shkaktojë verbërsi. Nëse jeni të infektuar me gonorre gjatë shtatëzanisë rekomadohet që të trajtoheni para lindjes së foshnjes.
Meshkujt

Gonorrea mund të shkaktojë inflamim të testiseve dhe prostatës e cila shkakton dhimbje. Pa tretman mund të zhvillohet ngushtim i urtetës apo absesi.

Pasi që gonorrea shërohet me sukses nuk lajmërohet përsëri vetëm nëse infektoheni prapë.

Mos harroni pas tretmanit përdorimi i kondomave gjatë seksit e redukon rrezikun apo barrtjen e infektimeve seksuale.
Klamidia

Klamidia është njëra nga infektimet bakteriale të barrtura seksualisht që trajtohet më së shpeshti. Mund të shkaktojë probleme serioze më vonë nëse nuk shërohet. Klamidia e infekton qafën e mitrës në femra. Urtera, rektumi dhe sytë në të dy gjinitë mund të infektohen. Në disa raste klamidia mund të jetojë në pjesë të tjera të trupit si fyt, mëlqi dhe mushkëri.
Shenjat dhe simptomet
Femrat

Simptomet e infeksionit mund të shfaqen çdokohë. Shpesh kjo ndodh gjatë 1 deri në 3 javë pasë infektimit. Megjthatë mund të ndodh që simptomet mos të lajmrohen për një kohë të gjatë. Shumica e femrave që janë të infektuara me klamidia nuk kanë asnjë simptom. Por simptomet e mundshme janë:

* rritja e lëngjeve vaginale – që shkaktohet nga inflamimi i qafës së mitrës
* dhëmbje gjatë urinimit dhe shpeshtim i urinimit
* dhëmbje në pjesën e poshtme të barkut
* dhëmbje gjatë seksit
* perioda menstruale të parregullta
* ajësim me dhimbje dhe iritim në sy (nëse sytë infektohen)

Meshkujt

Simptomet e infeksionit mund të shfaqen çdokohë. Shpesh kjo ndodh gjatë 1 deri në 3 javë pasë infektimit. Megjthatë mund të ndodh që simptomet mos të lajmrohen për një kohë të gjatë. Simptomet lajmrohen më shpesh në meshkuj se në femra. Megjithatë edhe te meshkujt mund që të mos ketë simptome. Simptomet e mundshme janë:

* shkarkesë që rrjedh nga penisi me ngjyrë të bardhë të vrenjtur dhe i lëngshëm dhe lenë shenja në brekë
* dhimbje dhe djegësim gjatë urinimit
* ajësim me dhëmbje dhe iritim në sy (nëse sytë janë të infektuar) Klamidia në rektum rrallë shkakton simptome.

Si barrtet klamidia

Klamidia mund të barrtet duke:

* marrëdhënie seksuale me dikend që është i infektuar
* nëna shtatëzanë në foshnje të palindur
* ndonjherë duke e barrtur infektimin në gishta nga organet gjenitale në sy.

Ku mund të gjeni ndihmë

* Në klinikën seksuale lokale nga Shërbimet Shëndetsore Kombëtare (NHS). Në Britani të Madhe ju mund ti gjeni hollësirat për klinikën tuaj të afërt në librin e adresave (phone book) nën pjesën për mejkësi gjenito urinare (GUM) për sëmundjet ngjitëse seksuale (STD) apo për sëmundje veneriale (VD). Apo ju mund të telefononi spitalin tuaj lokal dhe kërkoni informata për klinikë speciale. Në këtë fletushë nën pjesën ‘ndihmë dhe këshilla’ ku mund të gjeni uebfaqe me informata për klinikat më të afërta.

Ju mund të merrni tretmane, këshilla falas dhe në mirëbesim. Ju mund të shkoni në çfardo klinike çdokund në shtet. Ju nuk keni nevojë të shkoni në klinikën lokale dhe nuk ka nevojë të keni referoheni nga mjeku juaj i përgjithshëm. Klinikat seksuale që nuk janë nga Shërbimet Shëndetsore Kombëtare (NHS) ndonjherë ndodh që nuk mund të ofrojnë shërbime të plota të cialt janë në dispozicion nga klinikat seksuale nga Shërbimet Shëndetsore Kombëtare NHS.

* nga mjeku juaj i përgjithshëm (GP)
* Nëse jetoni në Britani të Madhe vizitoni uebfaqen www.playingsafely.co.uk për informata të klinikave.
* Nëse jetoni në Shtete të Bashkuara të Amerikës vizitoni http:/herpes-coldsores.com/support/std clinic us.htm në këtë uebfaqe ju mund të gjeni hollësira për klinikat në Australi, Zeland të Re, Porto Riko dhe Indi.

Analizat për Klamidia

* Një egzaminim nga mjeku apo infermjerja bëhet në organet gjenitale.
* Disa mostra merren duke përdor pambuk në pjesët të cilat mund të jenë të infektuara si qafa e mitrës, uretra, anusi dhe fyti.
* Femrat egzaminohen brenda në pelvik.
* Meshkujve ju bëhet egzaminim i jashtëm i testiseve për ti kontrolluar a janë të shëndosha
* Urina duhet të jipet

Asnjëra nga këto analiza nuk shkaktojnë dhimbje mirëpo ndonjherë mund të jenë të pa këndshme.

Rezultati për klamidia mund të tregohet pasë disa ditëve të kontaktit me infektim shpesh para se të keni ndonjë simptom.
Dignoza dhe tretmani

Mostrat e marra gjatë egzaminimit dërgohen në laborator për testim dhe rezultati vjen pasë një jave.

Tretmani për klamidia është i thjeshtë dhe efektive pasi që ju jipet diagnoza. Ju duhet të merrni antibiotik. Është me rëndsi ta kompletoni tretmanin. Nëse për ndonjë arsye i ndërpreni antibiotikët është e nevojshme të ia filloni ta kompletoni një tretman tjetër antibiotikëve.

Nëse jeni alergjik në antibiotik apo nëse ka shansa që jeni shtatëzënë është me rëndsi të i tregoni mjekut.

Nëse ju jeni të infektuar me klamidia mund të kërkohet nga ju që të takoheni me këshillëtar shëndetsor i cili/a do të spjegojë për infektim dhe përgjigjet pytjeve tuaja. Këshillëtarët shëndetsor do të ju pyes edhe për partnerin-ët tuaj kështu që edhe ata të i bëjnë analizat dhe të marrin tretman nëse është e nevojshme.

Ju nuk duhet të i shmangeni marrëdhënieve seksuale penetrative përderisa të ktheheni në klinikë dhe mjeku ju tregon që ju jeni shëruar nga infektimi. Mjeku apo këshillëtari shëndetsor do të ju tregojë cilat aktivitete seksuale janë të sigurta gjatë pritjes për rezultat.
Vizita e dytë

Është me rëndësi ta vizitoni klinikën prapë pasi që e keni kompletuar tretmanin për tu siguruar që jeni mirë dhe nuk keni infeksione të tjera.
Komplikimet
Femrat

* Nëse infeksioni nuk trajtohet klamidia mund të zhvillohet në sëmundje inflamuese të pelvikut. Kjo është inflamim i tubave fallopiane e cila mund të shkaktojë ethe, dhimbje në pjesën e poshtme të barkut dhe dhimbje të shpindës. Ju mund të keni dhimbje gjatë marrëdhënieve seksuale. Shumica e problemeve me pjellshmëri ndodhin për shkak të infektimit me klamidia.
* Inflamimi i pelvikut mund të shkaktojë probleme me pjellshmëri apo shtatëzani jashtë mitrës apo lindje para kohës. Klamidia mund të barrtet te foshnja dhe foshnja juaj mund të lind me infeksion të syve dhe mushkërive. Klamidia mund të trajtohet pa ndonjë rrezik gjatë shtatëzanisë.
* Klamidia mund të kalojë në dhimbje kronike në pelvik.

Meshkujt

* sindromi reiters është rezultat i infektimit klamidia. Shkakton inflamimin e syve dhe nyjeve dhe ndonjherë shkakton skuqje në thembra të këmbëve dhe organe gjenitale.
* Inflamimi i apendicitit mund të shkaktohet nga klamidia.

Mos harroni pas tretmanit përdorimi i kondomave gjatë seksit e redukon rrezikun apo barrtjen e infektimeve seksuale.
Sifilisi

Sifilisi nuk është infektim i zakonshëm në Britani të Madhe por është më shumë i zakonshëm në shtete të tjera. Është infeksion bakterial. Zakonisht ngjitet gjatë seksit por edhe mund të ngjitet në foshnje të palindura nga nënat shtatëzanë.
Shenjat dhe simptomet

Simptomet e sifilisit janë të njejta në meshkuj dhe femra. Janë vështirë të dallohen dhe mund të shfaqen 3 muaj pasë seksit me personin e infektuar. Sifilisi i ka disa faza, faza e parë dhe e dytë janë më infektuese.
Faza e parë

Një apo më shumë pezmatime lajmrohen në vendin ku bakteria e sifilisit ka hyrë në trup. Mesatarisht kjo ndodh pasë 21 ditëve. Është e mundshme që ju mos të i dalloni ato.

Pezmatimi mund të ndodh çdokund në trup por kryesisht në:

* në vulvë (buzët e vaginës), klitoris dhe përreth hapjes së uretrës (kanali urinor)
* në qafë të mitrës në femra dhe penis dhe lushkë në meshkuj
* përreth anusit dhe gojës (në meshkuj dhe femra) pezmatimi është shumë infektiv dhe mund të kalojë 2 deri 6 javë për tu shëruar.

Faza e dytë

Nëse infektimi nuk trajtohet faza e dytë ndodh 3 deri 6 javë pasë lajmërimit të pezmatimit. Simptomet përfshijnë:

* skuqje pa kruarje që e mbulon plotësisht trupin apo në pjesë pjesë
* duken si rritje në lytha të rrafshta në vulvë të femrave dhe përreth anusit në të dy gjinitë
* me simptome si të gripit, lodhje, humbje e oreksit të shoqëruara me gjendra të ajura (kjo mund të zgjat me javë apo muaj)
* arna të bardha në gjuhë apo pjesën e lartë të gojës
* humbje të flokëve vende-vende Kur këto simptome lajmërohen, sifilisi është shumë infektiv dhe mund të barrtet seksualisht te partneri.

Tretmani në çdo kohë gjatë këtyre dy periudhave të sifilisit mund ta shërojë infektimin.
Faza jo aktive

Faza jo aktive flet për prezencën e sililisit të patrajtuar. Mund të ndodh që ju mos të keni simptome apo shenja të infektimit e cila tregohet nga analiza pozitive e gjakut. Nëse nuk trajtohet mund të zhvillohet në sifilis simptomatik të vonshëm. Kjo zakonisht zhvillohet pasë 10 viteve apo më gjatë. Kjo mund të ndikojë në zemër dhe mundësisht sistemin nervor.

Nëse tretmani për sifilis jipet gjatë fazës jo aktive infektimi mund të shërohet. Megjithatë, nëse dëmi ka ndodh në zemër dhe sistem nervor para tretmanit kjo nuk mund të jetë e pakthyeshme.
Si barrtet sifilisi

Sifilisi mund të barrtet nga:

* gjatë marrëdhënieve seksuale me dikend që është i infektuar
* nëna shtatëzanë në foshnjen e palindur

Ku mund të gjeni ndihmë

* Në klinikën seksuale lokale nga Shërbimet Shëndetsore Kombëtare (NHS). Në Britani të Madhe ju mund ti gjeni hollësirat për klinikën tuaj të afërt në librin e adresave (phone book) nën pjesën për mejkësi gjenito urinare (GUM) për sëmundjet ngjitëse seksuale (STD) apo për sëmundje veneriale (VD). Apo ju mund të telefononi spitalin tuaj lokal dhe kërkoni informata për klinikë speciale. Në këtë fletushë nën pjesën ‘ndihmë dhe këshilla’ ku mund të gjeni uebfaqe me informata për klinikat më të afërta.

Ju mund të merrni tretmane, këshilla falas dhe në mirëbesim. Ju mund të shkoni në çfardo klinike çdokund në shtet. Ju nuk keni nevojë të shkoni në klinikën lokale dhe nuk ka nevojë të keni referoheni nga mjeku juaj i përgjithshëm. Klinikat seksuale që nuk janë nga Shërbimet Shëndetsore Kombëtare (NHS) ndonjherë ndodh që nuk mund të ofrojnë shërbime të plota të cialt janë në dispozicion nga klinikat seksuale nga Shërbimet Shëndetsore Kombëtare NHS.

* nga mjeku juaj i përgjithshëm (GP)
* Nëse jetoni në Britani të Madhe vizitoni uebfaqen www.playingsafely.co.uk për informata të klinikave.

Nëse jetoni në Shtete të Bashkuara të Amerikës vizitoni uebfaqen www.unspeakable.com/locator/index.jsp.
Analizat për Sifilis

Në klinikë zakonisht analizat në vijim bëhen:

* Merret gjaku
* Nëse keni pezmatim një epruvetë me lëng nga pezmatimi merret dhe shikohet nën mikroskop
* Organet gjenitale dhe trupi në tërësi egzaminihet nga mjeku
* Disa mostra merren duke përdor pambuk nga çdo pezmatim
* Femrat egzaminohen brenda në organe gjenitale
* Urina duhet të jipet

Asnjëra nga këto analiza nuk shkaktojnë dhimbje mirëpo ndonjherë mund të jenë të pa këndshme.

Ju mund ti bëni analizat menjëherë pasi që mendoni që keni ra në kontakt me sifilis.
Dignoza dhe tretmani

Mostrat e marra gjatë egzaminimit dërgohen në laborator për testim dhe rezultati vjen pasë një jave.

Nëse ju jeni të infektuar me sifilis mund të kërkohet nga ju që të takoheni me këshillëtar shëndetsor i cili/a do të spjegojë për infektim dhe përgjigjet pytjeve tuaja. Këshillëtarët shëndetsor do të ju pyes edhe për partnerin-ët tuaj kështu që edhe ata të i bëjnë analizat dhe të marrin tretman nëse është e nevojshme.

Nëse dyshohet që jeni të infektuar në fazat e para të sifilisit ju duhet ti shmangeni seksit oral, vagjinal dhe anal. Ju poashtu nuk duhet të keni asnjë lloj seksi që bjen në kontakt me ju dhe partnerin tuaj dhe pezmatimet apo skuqjet përderisa e kompletoni tretmanin. Tretmani për sifilis zakonisht zgjat 2 javë me injeksione penicilini apo në disa raste tableta apo kapsulla antibiotiki.

Nëse jeni alergjik në antibiotik apo nëse ka shansa që jeni shtatëzënë është me rëndsi të i tregoni mjekut. Është me rëndsi ta kompletoni tretmanin. Nëse për ndonjë arsye i ndërpreni antibiotikët është e nevojshme të ia filloni ta kompletoni një tretman tjetër antibiotikëve. Pasi që e kompletoni tretmanin ju duhet të vazhdoni ta vizitoni klinikën rregullisht për analiza të gjakut.
Shtatëzania dhe sifilisi

Në Britani të Madhe çdo nëne shtatëzanë i ofrohet analiza e sifilisit kur ato vizitojnë klinikën antenatale. Nëse ato janë të infektuara tretmani ju ofrohet dhe nuk ka ndonjë rrezik për foshnjen e palindur. Nëse nëna nuk e merr tretmanin ajo mund ta barrt infeksionin. Në disa raste mund të shkaktojë abortim spontan apo fëmija mund të lind i/e vdekur.

Atëherë kur sifilisi trajtohet me sukses nuk kthehet përveq nëse infektoheni prapë nga dikush. Megjithatë analiza e gjakut do të tregojë pozitiv (p.sh. nëse ju nevojitet për arsye imigracioni). E merrni çertifikatën e tretmanit në klikë që spjegon për tretmanin tuaj.

Mos harroni pas tretmanit përdorimi i kondomave gjatë seksit e redukon rrezikun e infektimit apo barrtjen e sëmundjeve të barrtura seksualisht.

"Multikulti"

[DI_ANA]

Pupupupupupupupu me gjithe keto gjera DI_ANA na fute friken.
Ska me mardhenie per 1 Muaj.

Mendoj per te miren e popullit derman!Lol...
Po lere ti aman se ti e ke tamam grune po eshte per ata qe mendojne me "seks" dhe jo me tru!Dhe qe ta dish ti,qe e di shume mire biles,ka shume te tilla dhe te tille!
Kujdes derman se mos tradheto grune...e shef ce te gjen?!lol
Il_Santo me ka shku mendja me ndrru profesion....lol

Respekte

[IL__SANTO]

DI_ANA po edhe neve qe mendojme me Tru prap Seks bejme.


Po e tradhtova do i bej analizat me pare asaj tjetres te pakten te jem i Sigurt.

[DI_ANA]

Sëmundjet seksualisht të transmetueshme (Sexually Transmitted Diseases)

Sëmundjet ngjitëse seksuale janë sëmundje që ngjiten nga kontakti trupor gjatë marrëdhënieve seksuale. Këto shkaktohen nga viruset, bakteret dhe parazitët. Këto po ashtu njihen si infektime ngjitëse seksuale apo me emrin e vjetër Sëmundje Veneriane. Ekzistojnë 25 lloje të sëmundjeve ngjitëse seksuale. Këto të gjitha kanë të përbashkët faktin që të gjitha ngjiten nga marrëdhëniet seksuale duke përfshirë seksin vaginal, anal dhe oral. Çdo njeri që është seksualisht aktiv mund të jetë në rrezik prej sëmundjeve ngjitëse seksuale. Disa prej sëmundjeve mund të kenë simptoma si: shkarkesë nga organet gjenitale, dhembje kur urinojnë, ënjtje dhe inpoflamim në organe gjenitale. Shumë sëmundje ngjitëse seksuale si Klamidia, nuk shfaqin simptoma. Për këtë shkak rekomandohet të bëni kontrollin e shëndetit seksual, t’i bëni analizat për sëmundje ngjitëse seksuale nëse mendoni se jeni në rrezik. Ndonjëherë mund të kalojë kohë e gjatë deri në shfaqjen e simptomave, kështu që ju mund infektoni dikë gjatë kësaj kohe. Prandaj është e nevojshme të bëni analizat dhe të merrni trajtimin e duhur. Nëse jeni në marrëdhënie me partner dhe është vërtetuar se keni sëmundje ngjitëse, kjo nuk do të thotë se ai/ajo ka pasur marrëdhënie seksuale me dikë tjetër. Simptomat e sëmundjeve ngjitëse seksuale mund të shfaqen me muaj pas infektimit.

Simptomat
- Kruajtje rreth gjenitaleve
- Ethe
- Gjëndra të fryra
- Dhimbje barku
- Djegie gjatë urinimit
- Dhimbje gjatë kryerjes së marrëdhënieve

[DI_ANA]

Gonorrea (Gonorrhea)
Gonorrea është sëmundje seksualisht e transmetueshme, e cila shkaktohet nga bakteri i quajtur Neiser gonore. Këto lloj bakteresh mund të kalohen nga një person tek një tjetër gjatë aktivitetit seksual (vaginal, oral) kur infeksioni kalon nga zverku, në vaginë e më pas në tubin e urinës. Nëse nuk trajtohet infeksioni i gonorreas mund të përhapet në mënyrë të shpejtë në një pjesë të traktit riprodhues dhe shkakton në shumë raste inflamacion të prostatës dhe inflamacion të testikujve kjo tek burrat, ndërsa tek femrat sëmundje të ndryshme të legenit. Gonorrea gjithashtu shkakton inflamacion të anusit dhe zorrës së trashë, veçanërisht tek njerëzit që praktikojnë seksin anal. Nëse nuk trajtohet, gonorrea përhapet më pas në pjesë të tjera të trupit, të tilla si sistemi i qarkullimit të gjakut, jep ethe pa shkak në trupin e njeriut, bakteret mund të përhapen gjithashtu edhe në sy, tek fëmijët, nëse nëna është shtatzënë, e shumë të tjera si këto. Shumë njerëz të cilët janë të infektuar me këtë sëmundje, mund të ndodhë të mos kenë asnjë simptomë. Gratë madje janë më të pritura të mos kenë simptoma sesa meshkujt. Në rastet kur sëmundja shkakton simptoma të “dukshme” atëherë ato shfaqen 10 ditë pas atit seksual me një person të infektuar. Meshkujt mund ta zbulojnë këtë sëmundje gjatë urinimit, gjatë këtij procesi ata kanë shqetësime, kruarje, skuqje. Ndërsa femrat kanë probleme në zorrën e trashë.

Blerina Kaca, Elberta Spaho

[DI_ANA]

Hepatiti A, si të mbrohemi në ditët e nxehta

• Stina e nxehtë që po afron shton riskun për shfaqjen e hepatitit A. Kjo për shkak të temperaturave të larta dhe mungesës së kushteve higjieno-sanitare që janë më të theksuara gjatë stinës së verës.

AIDA MALAJ

Mënyra më e shpeshtë e transmetimit është nëpërmjet ujit të pijshëm, prandaj sëmundja merr lehtë përmasat e epidemisë. Në një intervistë për "Panorama", mjekja infeksioniste, Alma Hoxhaj, shpjegon se cilët janë faktorët e riskut dhe si mund të mbrohesh nga kjo sëmundje gjatë verës:
Doktoreshë, është e vërtetë që gjatë stinës së verës shtohet rreziku për shfaqjen e hepatitit A?
Hepatiti A është një infeksion viral sistemik që prek kryesisht mëlçinë, duke shkaktuar dëmtime inflamatore dhe shkaktohet nga virusi i hepatitit A. Grimca virale e ruan aftësinë infektuese në temperatura mbi 60 gradë për një kohë të gjatë në gjak, si dhe është mjaft rezistentë ndaj klorinimit. Në fakt ky lloj hepatiti mund të jetë i pranishëm gjatë gjithë vitit, por gjatë verës shtohet incidenca për shkak të temperaturave të larta dhe mungesës së kushteve higjieno-sanitare etj., që janë shkaktarët e shfaqjes së kësaj sëmundjeje.
Si transmetohet infeksioni nga virusi i hepatit A?
I vetmi burim infeksioni është njeriu i sëmurë, i cili eliminon virusin në mjedisin e jashtëm me materialet fekale. Rruga kryesore e transmetimit është ajo fekalo-orale dhe favorizohet nga kushtet e këqija higjieno-sanitare. Përhapja kryhet kryesisht nëpërmjet ujit të infektuar nga fekalet, por edhe nga përdorimi i perimeve, zarzavateve që nuk i nënshtrohen përpunimit termik ose që nuk pastrohen mirë si dhe nga akulloret ose ushqimet e përgatitura me ujë të pazier ose me ujë të ndotur.
Si shfaqet sëmundja?
Sëmundja ka një periudhë inkubacioni 15-50 ditë, e cila është dhe periudha preikterike. Në këtë fazë karakteristikë e klinikës janë çrregullimet dispeptike si: pështjellim, mungesë oreksi, të vjella, dhimbje në hipokondrin e djathtë, të cilat mund të stimulojnë kolikën bilare dhe në këtë fazë është shumë e lehtë të ngatërrohet me sëmundje gastro-intestinale. Shenja kryesore në këtë fazë është edhe atralgjia (dhimbje e kyçeve dhe kockave), e cila ngatërrohet me artitin reumatizmal akut ose artritin reumatoid. Dhimbjet e kyçeve janë simetrike dhe zakonisht të artikulacioneve të vogla. Ndonjëherë mund të kemi edhe temperaturë 37.5-38.5 gradë celsius, e cila mund të shoqërohet me dhimbje koke, atralgji, diarre etj. Periudha ikterike është faza që pason. Gjatë kësaj periudhe kemi shfaqjen e ikterit, me sklera dhe lëkurë me intensitet të ndryshëm. Në këtë fazë kemi dekolorim të feçeve dhe urinë të errët etj.
Çfarë këshillash mund të jepni për parandalimin e këtij hepatiti gjatë stinës së verës?
Në vija të përgjithshme, këshillat janë ato që do të rekomandoheshin dhe gjatë gjithë vitit. Kështu që fillimisht, fakti që kjo është sëmundje që transmetohet me rrugë fekal-orale, përmirësimi i kushteve higjieno-sanitare është masa e parë parandaluese. Në kushtet e vendit tonë, është e domosdoshme zierja e ujit të pijshëm dhe përdorimi sa më pak i ushqimeve që shiten në rrugë ose në kushte higjieno-sanitare jo të rregullta. Po ashtu është e domosdoshme të tregohet kujdes në konsumimin e akulloreve gjatë stinës së verës, që mund të prodhohen apo ruhen në kushte jo të përshtatshme higjienike. Përdoret dhe imunoprofileksia aktive, vaksina kundër hepatit A që i nënshtrohen personat e rrezikuar ata që nuk kanë kaluar hepatitin A, që janë në zona endemike dhe që kanë pasur kontakt me të sëmurë me hepatit A.

Shenjat

• dobësi dhe këputje trupore;

• të përziera dhe të vjella;

• dhimbje barku në zonën e mëlçisë;

• temperaturë;

• diarre;

• feçe në ngjyrë të bardhë;

• urinë e errët;

• zverdhje e lëkurës

• dhimbje kyçesh etj


Marre nga "Panorama"

[DI_ANA]

Si mund të mbrohesh nga hepatiti E

• Hepatiti E është një sëmundje inflamatore e mëlçisë, e cila mund të përhapet shumë lehtë nëpërmjet ujit të pijshëm dhe ushqimeve të kontaminuar.

AIDA MALAJ

Kjo formë hepatiti është shumë e ngjashme me atë A, por ka një specifikë, sepse mund të krijojë probleme madhore me dëmtime të mëdha të mëlçisë te gratë. Në një intervistë për “Panorama”, mjekja gastro-hepatologe, Edlira Elezaj (Ibra), shpjegon se si shfaqet, cilët janë faktorët e riskut dhe si mund të mbrohesh nga kjo sëmundje:
Si transmetohet hepatiti E dhe çfarë veçorish ka ky lloj hepatiti?
Hepatiti E ngjason shumë me atë A, për shkak të mënyrës së transmetimit. Kjo bëhet kryesisht me rrugët fetal orale, veçse virusi E ka një specifikë, sepse mund të krijojë probleme madhore me dëmtime të mëdha të mëlçisë te gratë shtatzëna. Këta pacientë që kalojnë këtë infeksion nuk kanë risk për të kaluar në kronicizim, por ekziston risku për të bërë format e rënda.
Infeksioni transmetohet duke pirë ujë apo ngrënë ushqime të ndotura me materiale fekale që përmbajnë virusin. Pasi gëlltitet, virusi që përthithet nga stomaku arrin në mëlçi nëpërmjet gjakut dhe riprodhohet në qeliza hepatike. Ushqimet “më të rrezikshme” janë frutat e detit të kontaminuar, që konsumohen të gjalla dhe perimet e paziera dhe të palara mirë.
Sa është periudha e inkubacionit?
Periudha e inkubacionit është 15-60 ditë me një mesatare prej rreth 40 ditësh.
Si shfaqet, çfarë ankesash shfaq i sëmuri?
Simptomat karakteristike janë: ikteri (zverdhja), dobësi e përgjithshme, temperaturë, dhimbje ambdominale dhe dhimbje kockash.
Kush preket më shpesh, cilat grupmosha?
Ky lloj hepatiti është vënë re se është më i shpeshtë te grupmoshat e mëdha, sesa te fëmijët.
Si është ecuria e sëmundjes?
Sëmundja e shkaktuar nga virusi E është e lehtë dhe nuk shkakton infeksion kronik, por te gratë shtatzëna nuk janë të pakta rastet e formave fulminante.
Si trajtohet ky lloj hepatiti?
Nuk ekziston ndonjë terapi specifike për këtë sëmundje. Terapia bazohet në trajtimin simptomatik (antipiretik) dhe në mënyrën e ushqyerjes. Ushqimi duhet të jetë i pasur në kalori, me kripë, normalisht me yndyrna bimore dhe jo pikante. Gjithashtu duhet të mbahen parasysh rregullat higjieno-sanitare, si për të gjitha sëmundjet infektive.
Si mund të parandalohet shfaqja e këtij hepatiti?
Për këtë formë hepatiti nuk ka vaksinë. Kështu që parandalimi bazohet në respektimin e normave të zakonshme higjieno-sanitare. Duke shmangur kështu konsumimin e ujit dhe ushqimeve që mund të jenë të kontaminuara. Kështu duhet treguar shumë kujdes në konsumimin e perimeve dhe prodhimeve të detit të palara apo të pagatuara mirë. Masë parandalimi tjetër është konsumimi i ujit të dezinfektuar dhe shmangia e kontaktit me personat e infektuar.

rreziku

Faktorët e riskut

ushqyerja me ushqime të gjalla ose që nuk janë gatuar mirë;

konsumimi i perimeve të gjalla dhe të palara mirë;

nëse pini ujë që vjen nga burime të pasigurta nga pikëpamja mikrobiologjike;

nëse laheni në zona të ndotura me fekale;

nëse nuk respektoni masat higjienike.

"Panorama"

[DI_ANA]

Disa informacione për sëmdundjet ngjitëse seksuale më të shpeshta.

Çka është HIV?

Shkurtesë e cila rrjedhë nga gjuha angleze dmth Human Immunodeficiency Virus -virusi njerëzor i cili dëmton sistemin e imunitetit. Është virusi që e shkakton Aids apo Sidën siq njihet tek ne. HIV e dëmton sistemin imun në trup dhe personi me virus është i pambrojtur nga disa infektime. Personi i/e cili/a është HIV pozitiv nuk do të thotë se vuan nga Aids. Mund të shkojnë vite të tëra deri sa HIV ta dëmton sistemin imun dhe personi të sëmuret. Gjatë kësaj kohe personi me HIV pozitiv mund të jetojë me shëndet të mirë me vite të tëra pa zhvilluar Aids.
Çka është AIDS (SIDA)?

AIDS rrjedh nga gjuha angleze Acquired Immunodefficiency Sindrom apo SIDA qe rrjedh nga gjuha frenge Syndrome d’Immuno Déficience Acquise. Nga të dy emrat kuptohet se AIDS është sindromi i fituar nga virusi i cili dëmton sistemin e immunitetit. AIDS është një kolekcion i infektimeve dhe kancereve të ralla që njerëzve me HIV pozitiv mund të ju zhvillohen. Nëse një person me HIV sëmuret me njërën nga këto sëmundje të veçanta atëherë do të thotë se vuan nga AIDS. Shumë nga këto organizma që i shkaktojnë këto sëmundje janë mjaft të zakonshme dhe relativisht të padëmshme për personat me imunitet të shëndosh. Megjithatë, te personat me imunitet të dëmtuar keqësisht mund të shkaktojnë sëmundje serioze dhe vdekje.
Si infektohen njerëzit me HIV?

Katër mënyrat kryesore për tu infektuar me HIV janë:

*
Duke pasur marrëdhënie seksuale vaginale dhe anale pa përdorim të kondomit me dikend që është i/e infektuar me HIV
*
Duke marrë drogë me pajisje të injeksioneve që është e kontaminuar me gjak të infektuar
*
Foshnjet gjatë shtatëzanisë nga nënat e infektuara me HIV, gjatë lindjes apo ushqimit me gji.
*
Me injeksion apo transfuzionit me gjak nga personi i infektuar

HIV nuk ngjitet nga kontaktet sociale ditore si:

*
puthjeve në faqe, prekjeve, përqafimeve, takimi me duar
*
larja në pishinë, nga nevojtoret, enët, lugët/pirunët apo ushimet që pregaditen nga personi i infektuar me HIV
*
kollitja, teshja apo lotët, kafshimet e insekteve apo kafshëve.

Marrëdhëniet seksuale

Ju mund të infektoheni me HIV dhe infektime të tjera seksuale nëse keni marrëdhënie seksuale vaginale apo anale pa përdor kondom me dikend që është i infektuar. Kondomi ju jap mbrojtje efektive kundër HIV nëse keni marrëdhënie seksuale. Kondomat poashtu mund të ju mbrojnë kundër infektimeve të tjera seksuale poashtu edhe shtatëzanive të padashura.


Droga

Ju mund të infektoheni me HIV dhe me viruse të tjera të gjakut si Hepatitin C nëse merrni drog dhe i ndani gjilëpërat dhe shiringat me të tjerët. Nëse merrni drogë përdorni gjilpërë dhe shiringë të papërdoruar çdo herë dhe mos i ndani me të tjerët.


Shtatëzania

Nëse jeni shtatëzanë dhe jeni të infektuar me HIV, kujdesi i përshtatshëm para, gjatë dhe pas lindjes mund të zvogëlojë rrezikun e transmetimit të HIV në fëmijën tuaj 20 përqind në deri në një përqind. Për ta zvogëluar mundësin e transmetimit të HIV ju mund të:

*
merrni tretman me medikamente kundër HIV gjatë shtatëzanisë
*
Lindni foshnjen me operacion
*
ta ushqeni fëmijën me shishe nëse është e mundhsme sepse është e vërtetuar që ka mundsi 10 përqind që HIV mund të kalojë nga qumshti i nënës

Dhënja dhe marrja e gjakut

Dhënja e gjakut në Britani të Madhe është e sigurt. Të gjitha pajisjet janë të sterilizuara dhe përdoren vetëm njëherë. Të gjitha prodhimet, organet dhe indet për transplantim analizohen për antitrupat e HIV. Prodhimet e gjakut poashtu trajtohen nxehësitje për të shkatruar HIV. Kështu që tani për tani rreziku për tu infektuar nga HIV nga transfuzioni i gjakut në Britani të Madhe është i papërfillshëm.


Analiza e HIV

Diagnoza e HIV zakonisht bëhet me analizë të gjakut, që njihet si analizë për antitrupa të HIV apo analizë e HIV. Kur bëhet kjo analizë kërkohen antitrupa të formuar nga sistemi imun nëse HIV është prezent. Kur një person infektohet nga HIV mund të shkojë deri në tre muaj që sistemi i imunitetit të prodhojë mjaft antitrupa për tu lajmruar në gjak. Kjo periudhë quhet periudhë tremujorshe apo serokonverzion. Nëse antitrupat gjinden në gjak, rezultati i analizës njihet si pozitiv. Kjo do të thotë se personi është HIV pozitiv. Nëse antitrupat nuk gjinden rezultati i analizës njihet si negativ. Kjo do të thotë që personi është HIV negativ, përderisa analiza është bërë pas periudhës tre mujorshe.


Tretmanet e HIV

Terapia kundër HIV është tretman me ilaqe që e sulmojnë HIV. Këto ilaqe ndërprejnë mënyrën e shumimit të virusit brenda qelizave njërëzore, por këto ilaqe nuk mund ta shkatërrojnë virusin krejtësisht. Ilaqet kundër HIV zakonisht përshkruhen në kombinim të tri apo më shumë lloje të ilaqeve. Kjo quhet terapi kombinuese apo terapi me aktivitet të lartë antiretrovirale (Highly Active Antiretrovral Therapy, HAART). Qysh nga viti 1996 kur është prezentuar, kjo terapi është vërtetuar se është efektive për ta kontrolluar HIV dhe ta vonojë fillimin e Aids për shumë njerëz mirëpo jo të gjithë. Tretmanet ju kanë ndihmuar shumë njerëzve por ilaqet kanë kundërindikacione që ndonjëherë mund të jenë serioze. Kjo mund të bëjë vështirë të vazhdohet me tretmane dhe mund të ketë reagim të tretmaneve të komplikuar që njerëzit duhet ta vazhdojnë. Këto vështërsi për të vazhduar me ilaqe mund të thotë se tretmani mund të dështojë. Poashtu sa më gjatë që merren këto tretmane mundësi të dështojnë janë më të larta. Tretmanet dështojnë kur HIV i reziston ilaqet që merren. Kur një kombinim dështon, një kombinim tjetër i ilaqeve duhet të merret, por sa më shumë që tretmanet dështojnë më vështirë është që të gjindet kombinim i sukseshëm.


A ka ilaqe që mund ta parandalojnë infektimin e HIV?

Tani për tani nuk ka vaksinë që e prandalon infektimin e HIV dhe ende nuk ka shërim për Aids. Vaksinat eksperimentale janë duke u hulumtuar por ende nuk ka ndikim për vaksinë efektive në të ardhmen.



marrë nga nat.org.uk

[DI_ANA]

...................................

[angmokio]

Shume flm Diana per keto informacione.

Ne nje nga hadithet e profetit Muhamed a.s thuhet se nje prej shenjave te kijametit do te jete shtimi i semundjeve seksualisht te transmetueshme.