PDSH paralajmëron largimin nga kabineti qeveritar!

[Bl3ri]

Po sbehet nami sikur te del nga qeveria, nuk eshte hera e par qe ajo del nga qeveria, iha kryesorja shqiptaret te jemi mire se sa parti ndrojn qeverite sduhet mar shum afer zemres

[bili99]

Ashiqare kjo qe po e ben PDSH esht vetem per te fitu simpatit e votuesve.
Sot ne nje Tv lokal ne Kumanov po qarkullon nje lajm , Letra e PDSH-se drejtuar Gruevskin , pastaj nje nga nje i palojn ato kushtet e PDSH-se , duke u dhen ky lajm ne prapavi kendon Ilir Shaqiri .

Paska nisur kampanja parazgjedhore per zgjedhjet e parakohshme....thua edhe 18 vjet te tjera do ta hame tunxh....!?... harruat Gebelsin , ai eshte ne kabinet...te zhgryerit duan te shperlahen me urine.....
Elektorati shqiptare ne Maqedoni te mendohet mire kete here per ke do te votoje, e kam per pakicen se shumica votuan forcat kombetare gjithmone( eshte tjeter pune sa arriten ata te lajne borxhin ndaj elektoratit, eshte shendeti i elektoratit ne pyetje ,te tjerat behen)
Mbase eshte kohe te kethehem ne vendlindje dhe te merrem me "politike"...

[Pompei]

NUk eshte hera e pare qe jep dorheqje Ali pash toptani i tetoves......

Shpresoj te jet e vertet kjo .....

[Renea]

Sigurisht ate kengen "kthim prapa ska" hahhaha

ahahaha , jo jo e gjeta origjinalin , ja ket e leshojn , bashk me ket fjalim

[Cimo]

Ku eshte kufini Cimo ne Grupcin?

Vizatoje be zemer ku te dush, si te dush sa te dush vetem lere pak edhe per bullgarin !

[RaPSouL]

KRYESIA QËNDRORE MIRATOI PROPOZIMIN E KREUT TË PARTISË PËR DOREHEQJE NGA QEVERIA

Kuvendi Qendror i Partisë Demokratike Shqiptare do të japë fjalën e fundit

Propozimi i kryetarit të PDSH-së z. Menduh Thaçi për largimin nga qeveria, pas refuzimit të gjatë kërkesave, është miratuar nga Kryesia Qendrore e Partisë të mërkurën në mbrëmje. Për të zyrtarizuar vendimin, pritet verifikimi i kuvendit qendror i cili do ti zhvillojë punimet të ejtën në ora 17.00 në Komunën e Sarajit. "Kryesia e Partisë Demokratik Shqiptare e pranoi propozimin tim për të marrë vendim për t’u larguar nga koalicioni qeveritar në bazë të arsyeve të cilat unë i paraqita para kryesisë së partisë. Kryesia obligohet që në afat prej 24 orë këtë vendim ta çoj në verifikim te Kuvendi qendror i partisë. Nesër në ora 17 në Komunën e Sarajit, Kuvendi qendror i partisë do ta diskutoj vendimin e kryesisë së Partisë Demokratike Shqiptare për të dalur nga koalicioni qeveritar. Dhe vendimi nëse merret, besoj, jam i sigurt se do të merret nga Kuvendi Qendror është vendim final, i pakthyeshëm prapa", deklaroi kryetari i PDSH-së, Menduh Thaçi.
Duhet theksuar se PDSH kushtëzon kryeministrin, Nikolla Gruevski për plotësimin e gjashtë kërkesave: ligjin për UÇK-në, zyrtarizimin e gjuhës shqipe, njohjen e shpejtë të Kosovës, rritjen e përfaqësimit të shqiptarëve në administratën shtetërore, përdorimin e flamurit kombëtar shqiptar në takimet lokale dhe mbylljen e katër rasteve të Tribunalit të Hagës që muajin e kaluar janë kthyer në Maqedoni.

[Cimo]

PDSH e braktis koalicionin qeveritar --------------------------------------------------------------------------------

Tetovë, 13 mars (MIA) - PDSH në mbledhjen e djeshme të Kryesisë qendrore, e cila zgjati më shumë se dy orë, solli vendim për ta braktisur koalicionin qeveritar.

Këtë në mbledhjen e sotme në Saraj duhet ta konfirmojë organi më i lartë partiak, Këshilli qendror, me të cilin kryeson kryetari i nderit, Arbën Xhaferi.

"Në orën 17 do të kemi mbledhje të Këshillit qendror në Saraj, jam i sigurtë se do ta pranojë vendimin dhe ai do të jetë i pakthyeshëm dhe përfundimtar për daljen e PDSH-së nga Qeveria", tha lideri Menduh Thaçi, pas përfundimit të mbledhjes së Kryesisë qendrore.

Ai theksoi se ky është problem i rëndë dhe krizë e rëndë politike. Thaçi potencoi se të gjithë të cilët shpresojnë se spin-mjeshtër apo mjeshtër trillues do ta zgjidhin situatën, në fund do të gënjehen. Ai përsëriti se qëndrimi i PDSH-së është të jetë pjesë e zgjidhjes së problemit, e jo problemi.

"I porosis zotërinjtë Gruevski dhe Ahmeti në drejtim të respektimit të Kushtetutës së RM-së dhe të ligjeve nëse munden të bëjnë qeveri të përbashkët dhe të na thonë se për çka janë marrë vesh dhe nëse atë mund ta realizojnë. Kjo do të thotë se ne do të respektojmë çfarëdo vendime të cilat janë në suaza të Kushtetutës dhe ligjeve. Këtë e bëjmë sepse jemi të njohur se asnjëherë nuk kemi bërë lojëra prapaskene, por dëshirojmë çdoherë të kemi politikë transparente. Për ne është shumë i rëndësishëm procesi, NATO-ja, por me të vërtetë më të rëndësishme për ne janë të drejtat e njerëzve të cilët i përfaqësojmë", theksoi Thaçi.

Ai shtoi se nuk janë të rëndësishme zgjedhjet dhe qeveritë, me rëndësi është procesi të çohet deri në fund. Sipas Thaçit, PDSH ka mbështetje të madhe nga, siç tha, aleatët tanë, BE-ja, NATO-ja dhe SHBA-ja që të gjithë së bashku të punojmë për t'i zgjidhur këto probleme.

"Ata nuk janë aq naivë të na përzihen se çfarë qeveri do të bëjmë dhe nëse do të bëjmë qeveri. Porosia e tyre është shumë e qartë", potencoi Thaçi.

[RaPSouL]

LARGIMI: PPD SOLIDARIZOHET ME PDSH-në

Vejseli: Po ndodh demaskimi i lojrave dyfytyreshe te opozitës
Tetovë, 13 mars - Edhe Partia e Prosperitetit Demokratik të enjten braktisi koalicionin qeveritar. Lideri i prosperitetit, Abdylhadi Vejseli ka theksuar se me këtë hap i thuhet stop lojërave politike dhe prapaskenave të BDI-së, e cila i ka realizuar në bashkëpunim me kryeministrin Gruevski. “Veprimi ynë i deklaruar nga dje është për të stopuar lojërat politike dyfytyrëshe e të prapaskenave me kryeministrin Gruevski, që i ka zhvilluar ‘opozita konstruktive shqiptare’ e quajtur BDI, ndaj nesh dhe ndaj faktorit ndërkombëtar”, tha Vejseli. Sipas tij, situata e krijuar për dalje nga koalicioni qeveritar është një rezultante e dinamikës së brendshme politike, e cila krijoi masën kritike që faktori shqiptar i përfaqësuar në këtë koalicion, të vërë vijën e kuqe tej së cilës nuk mund të shkelë në veprimin e mëtejmë politik e qeveritar. Në fakt, shtoi ai, ecja përtej kësaj vije, do të linte një trashëgim regresiv të faktorit politik shqiptar në veprimin e tij institucional. “Konsiderojmë se me këtë hap të ndërmarrë, nëse kjo pozitivizohet politikisht dhe me sens të duhur dhe konstruktiv, krijohet shans real për një perceptim të unifikuar të ecjes së Maqedonisë drejt integrimeve euro-atlantike”, ka shtuar kryetari i PPD-së. Ai thotë se partia e tij konsideron që po ashtu me këtë hap demaskojnë fare qartë përpjekjet e opozitës shqiptare që nën maskën e të ashtuquajturave “interesave shqiptare”, apo të “integrimeve euroatlantike si interes jokonkret”, të bëjë lojën e pazareve të ndyta me këto interesa, vetëm e vetëm për të plotësuar pretendimet për ardhje në pushtet dhe për të amnistuar veprimet korruptive nga qeverisja e shkuar e saj. Ai ka informuar gjithashtu se PPD çdo ditë është në kontakt me kryetarin e PDSH-së, Menduh Thaçin dhe kontaktet do të vazhdojnë edhe gjatë ditëve të ardhme.

[RaPSouL]

KUVENDI QËNDROR: PDSH PËRFUNDIMISHT LARGOHET NGA QEVERIA

Shkup, 13, 03.2008: Përfundimisht Partia Demokratike Shqiptare largohen nga qeveria Gruevski. Vendimi përfundimtar është marrë në seancën e jashtëzakonshme të Kuvendit qëndror të PDSH-së. Kështu në Saraj u mbajt seanca e jashtëzakonshme e Kuvendit Qendror të Partisë Demokratike Shqiptare (PDSH), ku u shqyrtua vendimi i kryetarit z. Menduh Thaçi dhe kryesisë së kësaj partie për largim nga koalicioni qeveritar me VMRO-DPMNE të kryeministrit Nikolla Gruevski. Pas kryesisë qëndrore të partisë edhe kuvendi qëndror pranuan unanimisht propozimin e kryetarit Thaçi për largim nga qeveria meqë Gryevski nuk mori në konsideratë gjashtë kërkesat kruciale për vazhdimin e qeverisjes.Gjashtë kërkesat: ligjin për UÇK-në, zyrtarizimin e gjuhës shqipe, njohjen e shpejtë të Kosovës, rritjen e përfaqësimit të shqiptarëve në administratën shtetërore, përdorimin e flamurit kombëtar shqiptar në takimet lokale dhe mbylljen e katër rasteve të Tribunalit të Hagës që muajin e kaluar janë kthyer në Maqedoni.

[RaPSouL]

THAÇI: QEVERITË SHKOJNË DHE VIJNË, NDËRKAQ KERKESAT TONA JANË ETNIKE DHE KOMBËTARE

EKSKLUZIVE: FLET PËR TOP-CHANNEL, KRYETARI I PDSH-së z. MENDUH THAÇI

Shkup, 13, 03.2008: Menjëherë pas përfundimit të punimeve të Kuvendit qëndror të PDSH-së ku u mor vendimi për dalje nga koalicioni qeveritar, kreu i kësaj partie z. Menduh Thaçi u prononcuan për televizionin “Top-Channel”. “Qeveritë vijnë dhe shkojnë, ndërkaq kërkesat të cilat i ka vendosur Partia Demokratike Shqipetare janë kërkesa etnike, kombëtare të shqiptareve dhe nuk kanë të bëjnë me teknika të qeverisë” kështu është shprehur mes të tjerash kryetari Thaçi.


Top-Channel: PDSH-ja përfundimisht vendosi të dalë nga qeveria Gruevski, cfarë do të ndodhë më tuje me qeverisjen?


Thaci : Mendoj se më e rëndësishme është se cfarë do të ndodh me te ardhmen me Maqedoninë sesa me qeverinë. Qeveritë vijnë dhe shkojnë, ndërkaq kërkesat të cilat i ka vendosur Partia Demokratike Shqipetare janë kërkesa etnike, kombëtare të shqiptareve dhe nuk kanë të bëjnë me teknika të qeverisë. Gjithsesi është pyetje esenciale për opinionin, pse pikërisht në këtë moment Partia Demokratike Shqipetare i vendosi gjashtë kerkesat. Aryeja e parë është se problemi i Kosovës perfundoj dhe ne ishim të kujdesshëm që të mos e demtojmë procesin më të rëndësishëm historik për gjithë kombin shqiptar. Së dyti ne jemi në prag të ftesës për në NATO nga kjo pikëpamje ne nuk guxojmë që ta lëshojmë këtë moment historik dhe të mos arrijmë një marrëveshje për realizimin përfundimtar të të drejtave tona nacionale që duhet t’i gëzojmë në këto territore.



Top-Channel- z. Thaçi, ju kishit vendosur disa kushte për të cilat besojmë se ishit të bindur se nuk do te plotesoheshin nga qeveria , a ishte paramenduar largimi nga qeveria?


Thaci : Une ende kam shpresë se keto kushte do të plotesohen për shkak se me këto kushte pajtohen Bashkesia Ndërkombtare, diplomat nderkombëtarë që janë këtu . Duhet te kemi parasysh se këto kushte, apo këto kerkesa të Partisë Demokratike Shqipetare here pas here janë mbështetur edhe nga zyrtare të lartë të Natos, të SHBA-ve, BE-së. Pra, tashmë nuk është me rëndësi cështja e qeverisjes, por zgjidhja e problemit do të mundësohet nëse forcat politike kryesore këtu arrijne nje konsensus për afatin kohor te realizimit te ketyre kerkesave te shqipareve.


Top-Cannel: Zoti Thaci edhe nje pyetje te fundit nese vendi do te futet ne zgjedhje cfarë aleancash politike do te preferojë partia juaj ?


Thaçi : Mendoj se e ka shumë gabim zoti Ahmeti kur flet për zgjedhje dhe për teknika të tjera. Kemi të bëjmë me nje problem të madh mes shqipetarve dhe maqedonve, une asesi nuk pajtohem me njerëzit te cilet vlersojnë se me matematika te thjeshta politike mund te zgjidhen keto probleme. Besoj së të gjithë ata që nuk janë serioz në politikë do të digjen politikisht ne kete situate. Ne do te kengulim deri ne fund, për PDSH-në nuk janë të rendësishme zgjedhjet e para kohshme e as qeveritë, për PDSH-në është me rëndësi paresore që të zgjidhen problemet dhe Maqedonia ta marrë ftesën për në NATO. Të gjitha vlerësimet e tjera mendoj se janë jo serioze. Që nga dita e neserme në emër të Partisë Demokratike Shqiptare do të kërkoj mbeshtetje prej partive tjera politike shqipetare që veprojnë në Maqedoni me pastaj prej gjithë shqipetareve qe jetojnë ne Maqedoni ,prej maqedonasve qe kete proces ta mbyllim . Të gjithë duhet të kuptojnë nuk bisedohet per krize qiveritare, por bisedohet per krize te rendë politike e cila mund te ketë refrekusione shumë shpejt edhe ne aspektin etnik .