Kryeministri i Shqipërisë, Sali Berisha, vizitë zyrtare në Japoni

[Davius]

Kryeministri i Shqipërisë, Sali Berisha, prej datës 5 deri më 8 shkurt, do të zhvillojë një vizitë në Japoni, gjatë së cilës do të pritet nga autoritetet më të larta të vendit, Madhëria e Tij Imperiale, Perandori Akihito, Kryeministri Fukuda, zyrtarë të tjerë të lartë si dhe përfaqësues të biznesit dhe botës akademike të këtij vendi.

Gjatë një deklarate për shtyp, drejtori i informacionit në Këshillin e Ministrave, Grid Rroji, bëri të ditur se "më datën 5 shkurt, kryeministri Berisha do të pritet në takim dhe do të zhvillojë bisedime me kryeministrin e Japonisë, Yasuo Fukuda, ndërkohë që në mbrëmjen e kësaj date, kryeministri Fukuda do të shtrojë një darkë për nder të kryeministrit Berisha dhe delegacionit që e shoqëron".

Duke vijuar më tej me agjendën e kryeministrit Berisha në Japoni, Rroji vuri në dukje se "kryeministri do të zhvillojë takime me ministrin e Financave, Fukushiro Nakaga, me ministrin e Ekonomisë dhe Tregtisë, Amari, kryetarin e Parlamentit, Yohei Kono, anëtarë të Parlamentit dhe Senatit të Japonisë, si dhe presidenten e Agjencisë Japoneze të Bashkëpunimit, Sadako Ogata".

Ndër të tjera, Kryeministri Berisha do të zhvillojë takime me kryetarin e Organizatës Japoneze të Tregtisë së Jashtme, Yasuo Hayashi, guvernatorin e Bankës Japoneze për Zhvillim, Koji Tanami, si dhe do të zhvillojë një seri takimesh me përfaqësues të biznesit dhe medias japoneze.

Kryeministri Berisha do të zhvillojë gjithashtu dhe një konferencë shtypi për median japoneze. Ndërsa, në datën 8 shkurt Berisha do të pritet në një audiencë të veçantë nga Madhëria e Tij Imperiale, Perandori Akihito, në rezidencën e tij perandorake.

Në këtë vizitë, kryeministri Berisha shoqërohet nga ministri i Punëve të Jashtme, Lulzim Basha, ministri i Financave, Ridvan Bode, ministri i Ekonomisë, Genc Ruli, si dhe zyrtarë të lartë të Kryeministrisë.

/telegrafi/

[Duaje Siveten]

larg po vete krieministri ine, si dikur mehmeti qe deri ne Pakistan arrinte te shkonte, sepse Kina e kishte aleate kunder Hindise ...

ne Kine nuk e qasin me, se u ngopen me genjeshtrat e palaçolleqet e tija - megjithese i njohu dhe i pranoi borxhet e dulles, dhe ngriti lart Dang Hsiao-pin, eshte bere krejt i pabesueshem per kinezet, qe e njohin me rrenje e dhemballe ...

te ben pershtipje se do te mbaka edhe nje konference shtipi .. do ta prese edhe imperatori - qe saliu, kur te kthehet, do na thote se e kishte per zemer Shqiperine.

[Albo]

Kryeministri Berisha takon grupin e përfaqësuesve të Lidhjes Parlamentare Japoni-Shqipëri

Kryeministri Berisha pati sot një mëngjes pune me një grup të madh përfaqësuesish të lidhjes parlamentare Japoni-Shqipëri, të kryesuar nga Kryetari ETO Seishiro, ish ministër i mbrojtjes dhe sekretarja e përgjithshme zonja Hoike Juriko, ish ministre mjedisit.



Në këtë takim ishin të pranishëm gjithashtu zoti Hosoda, ministër i shtetit dhe sekretar i përgjithshëm i Partisë Liberal-Demokrate në fuqi, senatori Okada, zonja Akiko Janamaka, zëvendësministre e jashtme, zoti Ceichiro Murakami, ish ministër i shtetit, zonja Majumi Morijama, ish ministre e Drejtësisë, zonja Nidori Masushita, ish zv ministre e transportit, etj



Në fjalën e tij, Kryetari i Lidhjes Seishiro shprehu në emër të parlamentarëve japonezë, kënaqësinë e veçantë dhe nderin që presin, në një vizitë historike, kryeministrin shqiptar Berisha. Zoti Seishiro e vlerësoi vizitën e kryeministrit Berisha shumë të suksesshme dhe një mundësi e madhe për promovimin dhe forcimin e bashkëpunimit mes dy vendeve. Zoti Seishiro i premtoi kryeministrit Berisha se grupi i parlamentarëve do të bëjë cështe e mundur për të bërë të njohura potencialet e Shqipërisë për investime si dhe të ndikoje tek qeveria japoneze për vazhdimin e ndihmave ndaj shqipërisë.



Duke falënderuar parlamentarët për mikpritjen, Kryeministri Berisha shprehu kënaqësinë e tij për vizitën e zhvilluar në Japoni, si dhe për takimin tepër të frytshëm me Kryeministrin e vendit Fukuda. Kryeministri shqiptar u drejtua me një falënderim për qeverinë japoneze për ndihmën bujare dhe të çmuar që ajo ka dhënë përgjatë 15 viteve në Shqipëri, ne fusha te tilla si, energjia, infrastruktura, arsimi, asistenca teknike, etj, si dhe për kredinë e butë prej rreth 12 miliard jen që qeveria japoneze i ka akorduar Shqipërisë.



Kryeministri Berisha shprehu angazhimin për forcimin e lidhjeve me Japoninë në të ardhmen dhe zgjerimin e bashkëpunimit në të gjitha fushat, duke inkurajuar investitorët japonezë për të investuar në Shqipëri.



Kryeministri Berisha bëri një prezantim të hollësishëm për parlamentarët japonezë të zhvillimeve më të fundit në Shqipëri, duke u ndalur veçanërisht në progresin e ekonomisë shqiptare, e cila shënon tashmë një rritje vjetore prej 6 % , si dhe në masat e vazhdueshme që po ndërmerr qeveria shqiptare për krijimin e një mjedisi atraktiv për investuesit e huaj.



Kryeministri Berisha theksoi se ai dhe qeveria shqiptare do të punojnë për forcimin e lidhjeve me Japoninë, duke inkurajuar investitorët japonezë për investime në Shqipëri.

Kryeministri Berisha u shpreh se nga takimet që ai zhvilloi në Japoni, mesazhi më i rëndësishëm që u përcoll ishe ai i miqësisë mes dy vendeve, i cili do të forcohet në të ardhmen, nëpërmjet mbështetjes që Japonia do të ofrojë për Shqipërinë, si dhe rritjes së interesit të investitorëve japonezë për të investuar në Shqipëri.


07/02/2008
Kryeministria

[Albo]

Kryeministri Berisha takon kryetarin e Dhomës së Parlamentit, zotin Johei Kono



Në vijim të vizitës në Japoni, Kryeminisri Berisha zhvilloi sot një takim me Kryetarin e Dhomës së Parlamentit, zotin Johei Kono, ne rezidencen e tij .

Kryetari i Dhomës së Parlamentit Kono u shpreh i kënaqur që priste Kryeministrin shqiptar, në këtë vizitë historike edhe për faktin e lidhjeve të tij të hershme me shqiptarët dhe vizitës që kishte zhvilluar disa kohë më parë në Kosovë.

Zoti Kono shprehu vlerësimin e tij për suksesin e reformave në Shqipëri dhe masat e ndërmarra për inkurajimin e investimeve të huaja. Ai theksoi se stabiliteti politik, siguria në vend dhe potencialet natyrore të Shqipërisë, janë faktorë të rëndësishëm për tërheqjen e investitorëve japonezë. Duke e vlerësuar vizitën e kryeministrit shqiptar historike, Zoti Kono u shpreh se kjo vizitë do të shërbejë si një mjet shumë i mirë njohje dhe promovimi për potencialet që Shqipëria mbart. “Rritja e shkëmbimeve dhe bashkëpunimi dypalësh ndërmjet dy popujve tanë, jo vetëm në fushën ekonomike, por edhe në kulturë dhe art është një hap domosdoshëm, për përshkallëzimin e lidhjeve midis vendeve tona. Kjo vizitë është themeli i forcimit të marrëdhënieve tona në këto fusha.” u shpreh zoti Kono.

Nga ana e tij, Kryeministri Berisha shprehu kënaqësinë e veçantë për takimin shumë të frytshëm që zhvilloi me Kryeministrin Fukuda , si dhe për mbështetjen që ai mori nga kryeministri japonez dhe anëtarë te tjerë të lartë të qeverisë si Ministri i Financave, Ministri i Ekonomisë, si dhe nga Guvernatori i Bankës japoneze për bashkëpunim ndërkombëtar dhe Kryetari i Organizatës së Tregtisë së Jashtme të Japonisë Gjithashtu Kryeministri vlerësoi të një rëndësie të veçantë takimet me përfaqësues të lartë të biznesit japonez

Kryeministri Berisha u shpreh i kënaqur që Kryeministri japonez Fukuda do të vazhdojë ti japë mbështejte të plotë Shqipërisë, në realizmin e projekteve të shumta për investimin në zhvillimin e turizmit, energjisë, si dhe vlerësoi dhënien e kredisë së butë prej 12 miliard jen.

Kryeministri theksoi ndër të tjera se do të ishte një inkurajim i madh për investuesit japonez hapja e ambasadës japoneze në Shqipëri.

Në prezantimin e situatës së përgjithshme ekonomike dhe politike të Shqipërisë, Kryeministri theksoi se tashmë është konsoliduar një kornizë ligjore e përshtatshme sipas standardeve evropiane për tërheqjen e investimeve. Kryeministri e njohu zotin Kryetarin e dhomës së parlamentit me masat e ndërmarra nga qeveria për të minimizuar sa më shumë të jetë e mundur pengesat burokratike, nëpërmjet digjitalizimit të një sërë proceseve të rëndësishme, të cilat i kanë hapur Shqipërisë rrugën drejt moshës digjitale. Kryeministri theksoi se si pasojë e implementimit të reformave në sektorin ekonomik si dhe e një sërë masave, si vendosja e taksës së sheshte prej 10 %, ulja taksave për biznesin, etj është shënuar një rritje ekonomike prej 6 %, duke e bërë Shqipërinë, vendin me barrën më të ulët fiskale në Evropë.

Zoti Kono vlerësoi hapat e rëndësishme të ndërmarra nga Shqipëria në drejtim të tërheqjes së investitorëve të huaj si dhe i shprehu kryeministrit berisha përshtypjet shumë pozitive për prezantimin e tij para biznesit japonez.


Kryeministria
07/02/2008

[Albo]

Koorporata e fuqishme japoneze "Marubeni" shpreh interes për të investuar në Shqipëri



Kryeministri Berisha gjatë vizitës së tij në Japoni, zhvilloi një takim me Kryetarin e Bordit Drejtues të grupit “Marubeni Coorporation”, z. Kazuhiko Sakamoto, dhe përfaqësues të tjerë të lartë të kësaj koorporate, në fushën e energjisë dhe të minierave.


Kryeministri Berisha tha se qëllimi i kësaj vizite mjaft të rëndësishme, në Japoni, është ikurajimi i sipërmarrjes japoneze për të investuar në Shqipëri.


Gjatë takimit, Kryeministri Berisha e informoi z. Sakamoto se interesi i biznesit ndërkombëtar për të investuar në Shqipëri ka njohur një rritje të jashtëzakonshme gjatë dy viteve të fundit. Në këtë kontekst Kryeministri evidentoi se aktualisht në vend ka mbi 10 kompani të huaja në industrinë e çimentos, disa kompani të interesuara për rezervat minerale të Shqipërisë, e cila zë vendin e tretë në botë për rezervat e kromit, ndërkohë që ka burime të konsiderueshme me hekur-nikel, baokside dhe minerale të tjera.


Gjithashtu, Kryeministri Berisha theksoi se mjaft kompani të huaja janë të interesuara për investime në energjinë ujore,eolike, termike madje edhe në atë bërthamore.


Nga ana e tij, z. Sakamoto pasi falenderoi Kryeministrin Berisha për vizitën shumë të suksesshme në Japoni, theksoi se ishte i impresionuar për interesin e shfaqur nga sipërmarrja japoneze për të investuar në Shqipëri. Duke iu referuar një vizite të tij në Shqipëri në vitet ’80, z. Sakamoto theksoi se vendi ynë ka bërë një progres të jashtëzakonshëm që nga ajo kohë.
Z. Sakamoto shprehu interesin e koorporatës “Marubeni” për shfrytëzimin e rezervave të mëdha të kromit në Shqipëri, dhe për investime në fushën e energjisë.


Kryetari i Bordit Drejtues të grupit “Marubeni Coorporation” shprehu kënaqësinë që Guvernatori i Bankës së Japonisë për Bashkëpunim Ndërkombëtar, z. Tanamin ofroi sigurinë për mbështetjen e fuqishme të biznesit japonez që dëshiron të investojë në Shqipëri, duke vlerësuar se qeveria shqiptare ka krijuar një klimë tërheqëse për investimet e huaja në vend.


Koorporata Marubeni ka një eksperiencë 150 vjeçare në biznesin ndërkombëtar. Gjithashtu ajo zotëron rreth 30 stacione elektrike në vende të ndryshme të botës.


Kryeministria
07/02/2008

[Albo]

Kryeministri Berisha: Tregu shqiptar i punës, tregu më i mirë në Evropë



Kryeministri Berisha dha sot një konferencë për shtyp, me përfaqësues të medias së huaj të akredituar në Tokio. Kjo konference u mundësua nga grupi i japonez i korrespodentëve të huaj, dhe u moderua nga gazetari i gazetës italiane“Il Manifesto”.



Ne konference morën pjesë mbi 50 gazetarë dhe korrespodentë të huaj, të shtypit ndërkombëtar, ndërmjet të cilëve edhe gazetarja e njohur japoneze Catherin Makino.



Në këtë prezantim, i cili ngjalli interes të veçantë, Kryeministri Berisha foli gjerësisht për arritjet e qeverisë shqiptare në luftën me zero tolerancë kundër të krimit të organizuar dhe korrupsionit, si dhe për ecurinë e reformave të implementuara nga qeveria shqiptare në fusha të rëndësishme për vendin, kryesisht në sektorin e ekonomisë, arsimit, shëndetësisë, etj. Kryeministri theksoi se masa të tilla si ulja e taksave për biznesin, vendosja e taksës së sheshtë prej 10 %, aplikimi i e-taxes, e-prokurime, si dhe digjitalizimi i shumë proceseve, e kanë bërë Shqipërinë një vend të lakmueshëm për investimet e huaja. Gjithashtu kryeministri theksoi se beteja kundër krimit të organizuar, lufta kundër korrupsionit dhe informalitetit, si dhe korniza e përshtatshme ligjore i bëjnë më të sigurta këto investime. Kryeministri i njohu të pranishmit me potencialet e jashtëzakonshme natyrore që ofron Shqipëria, si dhe mundësitë e shumta për investime në fushën e turizmit dhe shfrytëzimin e pasurive minerale. Kryeministri theksoi se investuesit e huaj do të gjejnë në Shqipëri një treg pune, të ri, dinamik dhe te kualifikuar, nga më të mirët në Evropë.



Duke u ndalur ne proceset integruese të Shqipërisë, Kryeministri Berisha u shpreh për medien e huaj, se dy projektet madhore të shqiptarëve mbeten integrimi në NATO dhe BE. Në këtë kontekst, Kryeministri theksoi se qeveria shqiptare po punon me angazhimin më të madh për zbatimin me rigorozitet të Marrëveshjes se Stabilizim Asociimit.



Në këtë paraqitje, kryeministri shprehu edhe një herë falënderimet për ndihmën e çmuar qe Japonia i ka dhënë Shqipërisë gjatë 15 viteve, në sektorë të ndryshëm, si dhe për premtimin e marë gjatë takimeve se kjo mbështetje do të vazhdojë edhe në të ardhmen.



Më pas, kryeministri Berisha iu përgjigj interesimit të gazetarëve lidhur me çështje të ndryshme. Për sa i përket çështjes së Kosovës, Kryeministri tha se pavarësia e Kosovës është një akt i pashmangshëm, i cili do të ndodhë shumë shpejt. Kryeministri, u shpreh ndër të tjera, se pavarësia Kosovës, i shërben paqes dhe stabilitetit në Ballkan, si dhe është në dobi të vetë Serbisë.


Kryeministria
07/02/2008

[Albo]

Sadako Ogata: Japonia është e gatshmë për të ndihmuar zhvillimin e Shqipërisë



Kryeministri Berisha, në vazhdim të vizitës së tij në Japoni, zhvilloi sot një takim me Presidenten e Agjencisë Japoneze për Bashkëpunim Ndërkombëtar (JICA), zonjën Sadako Ogata.

Kryeministri Berisha e falënderoi zonjën Ogata për pritjen e ngrohtë dhe i shprehu mirënjohje për ndihmën e vazhdueshme që ajo ka dhënë për Shqipërinë. Kryeministri tha se zonja Sadako Ogata është një mikeshë e madhe për shqiptarët dhe se është e mirëpritur të vizitojë Shqipërinë.

Më tej, Kryeministri Berisha bëri një prezantim të reformave dhe arritjeve të qeverisë shqiptare. Rezultati i këtyre reformave, u shpreh Kryeministri ka krijuar një klimë të re biznesi në Shqipëri, duke e bërë vendin më tërheqës për investimet e huaja.

Kryeministri i njohu bashkëbiseduesit dhe me suksesin e dukshëm të disa prej reformave të ndërmarra nga qeveria shqiptare, si projektet për taksat elektronike, prokurimet elektronike, taksën e sheshtë 10 përqind, nisma "Shqipëria 1 euro", rritja ekonomike prej 6 përqind, suksesin në luftën kundër korrupsionit, informalitetit, krimit të organizuar, etj.. Shqipëria, tha Kryeministri po lë pas ditë të vështira dhe po orientohet drejt një të ardhme euroatlantike.

Duke e falënderuar për ndihmën e madhe dhe asistencën 15 vjeçare që Japonia ka dhënë për Shqipërinë, Kryeministri Berisha kërkoi nga zonja Ogata që kjo ndihmë të vazhdojë dhe më tej. Gjatë takimit, Kryeministri u ndal dhe në interesin e shfaqur nga një kompani japoneze për të investuar në Shqipëri në fushën e shëndetësisë.

Kryeministri Berisha e njohu zonjën Ogata me takimin shumë të frytshëm që zhvilloi me Kryeministrin Fukuda, ndërsa shprehu falënderimet e tij për ndihmën në formën e një kredie të butë prej rreth 12 miliard jen, që qeveria japoneze i ka akorduar Shqipërisë.

Në sajë të reformave të ndërmarra dhe rezultateve të dukshme që këto reforma kanë sjellë në këto dy vitet e fundit, Kryeministri Berisha shprehu besimin se Shqipëria do të marrë ftesën për antarësim në NATO në Samitin e Bukureshtit.

Nga ana e saj, Presidentja e Agjencisë Japoneze për Bashkëpunim Ndërkombëtar, Sadako Ogata u shpreh se Shqipëria është një vend i mrekullueshëm dhe me potenciale shumë të mëdha natyrore. Zonja Ogata e siguroi Kryeministrin Berisha se agjencia që ajo drejton synon të zgjerojë bashkëpunimin me Shqipërinë, me anë të programeve të ndryshme. Në këtë takim u diskutua dhe për shqyrtimin e mundësive për dhënien e kredive të buta në projektin për ndërtimin e rrugëve dytësore. Presidentja e Agjencisë Japoneze për Bashkëpunim Ndërkombëtar, Sadako Ogata tha se Japonia është e gatshme të ndihmojë Shqipërinë edhe në projekte të tjera që lidhen me arsimin, trajnimin e specialistëve shqiptarë në fusha të ndryshme, për shfrytëzimin e pasurive mineraleve si dhe në turizëm.

Më tej, bashkëbiseduesit u ndalën në zhvillimet në rajon dhe kryesisht në çështjen e Kosovës. Kryeministri Berisha u shpreh se pavarësia e Kosovës do t’i shërbejë paqes dhe stabilitetit në rajon. Shqipëria, tha më tej Kryeministri është e gatshme të bashkëpunojë me Serbinë dhe se marrëdhëniet ndërmjet dy vendeve tona nuk duhet të ndikohen aspak nga çështja e Kosovës.

Agjencisë Japoneze për Bashkëpunim Ndërkombëtar (JICA) ka dhënë një kontribut tepër të rëndësishëm prej vitesh për Shqipërinë. Më shumë se 240 specialistë shqiptarë janë trajnuar nga kjo agjenci, në Japoni, për specialitete të ndryshme.

Kryeministria
07/02/2008

[Albo]

Kryeministri Berisha takon Presidentin e Senatit Japonez Eda Satsuki

Kryeministri Berisha pati sot një takim të ngrohtë e miqësor në ambientet e senatit japonez me Presidentin e tij Eda Satsuki.

Kryeministri Berisha e falënderoi për klimën e ngrohtë që gjeti gjatë kësaj vizite historike në Japoni, nga takimi me Kryeministrin Fukuda dhe tek zyrtarët e lartë të qeverisë, si dhe me përfaqësues të biznesit dhe mediave. Ai u shprehu se ishte shumë mirënjohës për ndihmën e Japonisë në këto 15 vjet ndaj Shqipërisë. Kryeministri shprehu falënderimet për Kryeministrin Fukuda dhe vlerësoi kredinë e butë që qeveria japoneze i ka akorduar Shqipërisë për sistemin e kanalizimit të ujërave të zeza të Tiranës, si dhe për rritjen e mbështetjes për Shqipërinë.

Kryeministri i bëri një prezantim të reformave dhe të potencialeve të Shqipërisë, si dhe përparësinë gjeografike që ajo ka afër tregut europian dhe pa dogana për shkak të Marrëveshjes së Stabilizim Asociimit me Bashkimin Europian. Hapja e korridoreve ndërballkanike dhe rrugëve me Kosovën, tha Kryeministri, e bën Shqipërinë pikë kyçe për zhvillimin e rajonit, veçanërisht portet shqiptare bëhen pika më e afërt nga Sofia në Novi Pazar. Kryeministri e njohu zotin Satsuki me masat e ndërmarra nga qeveria për dixhitalizimin e procedurave që reduktojnë pengesat burokratike, me reformën fiskale si vendosjen e taksës së sheshte prej 10 për qind, uljen taksave për biznesin e vogël, uljen e tatimit mbi fitimin, uljen e kontributit të sigurimeve shoqërore etj., duke e shndërruar Shqipërinë në vendin me barrën më të ulët fiskale në Europë. Gjithashtu Shqipëria, theksoi Kryeministri, ofron tregun më të ri, dinamik e të favorshëm të punës në Europë.

Presidenti i Senatit u shpreh i mahnitur me axhendën e ngjeshur të Kryeministrit Berisha dhe theksoi që një axhendë e tillë tregon një energji të madhe drejt progresit dhe zhvillimit ekonomik. Zoti Satsuki vlerësoi potencialet e Shqipërisë, veçanërisht atë turistik dhe në fushën e minierave. Ai u shpreh se Shqipëria ka hyrë në interesin më të madh të investitorëve japonezë dhe se interesi i treguar prej tyre gjatë prezantimit, të bërë nga Kryeministri Berisha në seminarin me përfaqësues të biznesit japonez, e vërteton këtë më së miri.

Kryeministri Berisha e ftoi zotin Satsuki të vizitojë Shqipërinë.

Kryeministria
07/02/2008

[Xhuxhumaku]

Nuk lejohen marrëdhëniet fizike, por çmimi për disa orë argëtim me këta djelmosha varion deri në 10 mijë euro brenda natës

Në Japoni, tani edhe burra geisha

Lokalet quhen "Host Club" dhe frekuentohen vetëm nga femra


Fjala e duhur për të kuptuar Tokion është një e vetme: të shkosh përtej luksit të vitrinave dhe lokaleve të lagjes së Ginzas. Japonia, fuqia e dytë ekonomike e botës, e famshme për industrinë e makinave dhe teknologjinë e lartë, ka si industri kryesore të paktën në formë gjysmëzyrtare, atë të "mizu shobai" ("tregtisë së ujit") që mund të përkthehet si "industria e seksit", edhe pse bëhet fjalë për një fenomen të ndryshëm.

Në shkallën më të ulët të piramidës së kësaj perandorie është prostitucioni, ilegal, por i përhapur në të gjithë vendin, falë marrëdhënies së privilegjuar që Yakuza ka ditur të ndërtojë me forcat e policisë. Në lagjet si Shinjuku, në Tokio, është vet Yakuza që u garanton sigurinë qytetarëve: një nëpunës i dehur, klienti tipik i lokaleve "seksi", pasi i ka shpenzuar të gjitha paratë në një klub që administron Yakuza, mund të flejë në rrugë pa pasur frikë se mund ta plaçkitë njeri.

Duke zbritur shkallët e kësaj piramide, seksi sa vjen e bëhet më pak i rëndësishëm dhe dalëngadalë duke kaluar nëpër klubet e striptizës mund të arrish në "kiabakura" ("hostess club", klube nate, ku femrat argëtojnë meshkujt) dhe "Host Club" (klube nate, ku meshkujt argëtojnë femrat), ku seksi nuk është i përfshirë, por xhiroja e parave rritet jashtëzakonisht. Këto klube janë integruar aq shumë në shoqërinë japoneze, saqë janë bërë protagonistë të revistave, "reality show", skenografive televizive, pa llogaritur sagat e pafundme mbi këtë temë.

Frekuentimi në klubet e "Roppongi Hills", apo "Shinjuku", në zonën e Kabukisho-s, është njësoj sikur të lexosh manualin e dashurisë të shoqërisë japoneze. "Salariman" - kështu quhen nëpunësit në këto zona - mbushin lokalet e shumta për të rriturit: me 100 euro, një çmim jo shumë i lartë, në krahasim me pagën mesatare, mund të kalohen disa orë të këndshme duke shkarkuar të gjithë stresin e punës me ndonjë "hostess" ose një shishe alkooli, por pa arritur në seksin e vërtetë.

Për traditë, në pjesën më të madhe të "hostess club", marrëdhënia fizike nuk është e përfshirë absolutisht. Gjithmonë në Kabukisho është treguesi i fundit që edhe në shoqërinë maskiliste japoneze, gjërat po ndryshojnë. Tashmë rolet kanë ndryshuar, ato që kanë më shumë nevojë për dashuri dhe mbështetje janë femrat. Kështu, edhe klientela e lokaleve të meshkujve është shndërruar në një ambient femrash. Janë dhjetëra "Host Club" të sapo përuruar (në të gjithë Tokion janë 250). Edhe në këtë rast, klientet nuk paguajnë për të bërë seks, por për të kaluar disa orë pushimi nën shoqërinë e djelmoshave të rinj, me moshë përkatësisht nga 18-25 vjeç, të cilët janë të gatshëm të të dëgjojnë dhe të të bëjnë të ndihesh e dëshiruar.

Djaloshi i duhur, zgjidhet përmes një menyje të vërtetë. Si në rastin e vajzave të "kiabakura" ("hostess club") - emri i këtyre vendeve që të mbajnë me muhabet pa bërë seks, ka lindur nga gërshetimi i kabareve dhe klubeve, dhe janë, le të themi kështu, "trashëgimtaret" e atyre ku takoheshin geishat - "host"-ët nuk përdorin emrin e vërtetë, por një pseudonim, zakonisht të frymëzuar nga filmat komikë, ose ato të animuar, shpesh një figurë historike japoneze. Në këtë mënyrë ruhet anonimati dhe njëkohësisht i shtohen edhe detaje të tjera botës së fantazisë që shtyn klientët të shpenzojnë mijëra para për pak orë larg realitetit: sepse "të marrësh me qira" ato që të ofron një burrë, kushedi se për çfarë arsye, kushton më shumë se të marrësh një grua.

Gjatë një nate, djemtë shkojnë nga një tavolinë në tjetrën, në këtë mënyrë klientët, pavarësisht se zgjedhin një djalë të caktuar, mund të takojnë edhe të tjerët, madje edhe të ndërrojnë partner nëse duan. Kënaqësitë e marra, për secilin prej tyre, janë padyshim të rëndësishme: çdo sukses shpërblehet me një rritje të menjëhershme rroge. Në këtë mënyrë secili prej tyre bën gjithçka që klientet ta zgjedhin dhe nuk janë të pakta rastet kur ata që kanë më pak përvojë, kritikohen ashpër nga kolegët e tjerë me më shumë përvojë. Klubet për gratë janë ndoshta shembulli i vetëm në shoqërinë japoneze, kur burrat janë në kushte inferioriteti ndaj gjinisë femërore, pasi në jetën e përditshme kjo gjë nuk ndodh kurrë: për këtë arsye, tregojnë klientët, kjo është një përvojë e veçantë. E çuditshme në thuhet, por pjesa më e madhe e klientëve janë vajza që punojnë si "hostess" në "kiabakura", që pas mbrëmjeve të lodhshme në punë, kërkojnë të çlirohen nga stresi, ndjenja e vetmisë dhe trishtimit të akumuluar. Pjesa tjetër e klientelës përbëhet nga gra të reja të klasës së lartë sociale, të cilat falë mundësive ekonomike arrijnë të gjejnë aty ngrohtësinë që u mungon në jetën e përditshme. Këto gra, që shpesh janë shumë të bukura dhe nuk e kanë problem të gjejnë një të dashur në jetën reale, preferojnë më shumë të futen në krahët e një "xhigoloje platonik" që di t‘i dëgjojë dhe të flasë me këto princesha për orë të tëra. Çuditërisht, vetëm një pjesë e vogël e klientelës përbëhet nga gra të martuara (klubi i parë i "Burrave geisha" u hap në vitin 1966, për gratë e biznesmenëve) që falë pasurisë së bashkëshortëve të tyre, pothuajse asnjëherë të gatshëm për t‘u kushtuar vëmendje dhe për t‘u dhuruar dashuri, i lejojnë vetes të shpenzojnë 5 apo dhjetë mijë euro për një mbrëmje speciale që të ndihen sërish të dëshiruara. Ndryshe nga koleget e tyre, "host", nuk kanë ndonjë rrogë fikse, por paguhen në bazë të shitjeve të pijeve alkoolike që porositin klientet. Këto të fundit pinë pak (veçanërisht "hostess" që sapo kanë përfunduar ditën e tyre të punës në lokalet e tyre) dhe për këtë arsye djemtë pinë shumë për të rritur porositë. Duke marrë parasysh që një "host club" hapet rreth orës 8 të mbrëmjes, mbyllet rreth orës 7-8 të mëngjesit dhe qëndron i hapur 6 ditë jave, është e lehtë të kuptohet se pas disa vitesh me këtë lloj jete, djemve u duhet të tërhiqen për arsye shëndetësore (ndryshe nga ata "hostess" mund të ndryshojnë punë lehtë, pasi kanë arritur të mbledhin shumë para ose pasi kanë mbushur 30 vjeç dhe dëshirojnë t‘i kthehen jetës normale, ndoshta të martohen e të krijojnë familje). Kur një vajzë porosit diçka për të pirë, nis ajo që quhet "Champagne call": të gjithë djemtë e lokalit mblidhen rreth tavolinës për ta falënderuar për porosinë, madje në disa raste të veçanta, i këndojnë edhe këngë para se ajo të nisë pijen. Çmimi? Nga katër deri në dhjetë mijë euro shishja.

Nëse "hostess club" janë një shfaqje e përbashkët e maskinilitetit, "host club" janë një provë që tregon qartë paaftësinë e burrit japonez për t‘iu përgjigjur kërkesave të bashkëshortes së tyre me të njëjtën gatishmëri me të cilën i përgjigjet kompanisë për të cilën punon. Ndoshta e njëjta që paguan llogarinë e "hostess club" atë që ai frekuenton mbrëmjeve".



Rëndësia

Këto klube janë integruar aq shumë në shoqërinë japoneze, saqë janë bërë protagonistë të revistave, "reality show", skenografive televizive, pa llogaritur sagat e pafundme mbi këtë temë


Personifikimi

Si në rastin e vajzave të "kiabakura" ("hostess club"), emri i këtyre vendeve që të mbajnë me muhabet pa bërë seks, ka lindur nga gërshetimi i kabareve dhe klubeve, dhe janë, le të themi kështu, "trashëgimtaret" e atyre ku takoheshin geishat. "Host"-ët nuk përdorin emrin e vërtetë, por një pseudonim, zakonisht të frymëzuar nga filmat komikë, ose ato të animuar, shpesh një figurë historike japoneze. Në këtë mënyrë ruhet anonimati dhe njëkohësisht i shtohen edhe detaje të tjera botës së fantazisë që shtyn klientët të shpenzojnë mijëra para për pak orë larg realitetit


Çlodhja

Janë dhjetëra "Host Club" të sapo përuruar (në të gjithë Tokion janë 250). Edhe në këtë rast, klientet nuk paguajnë për të bërë seks, por për të kaluar disa orë pushimi nën shoqërinë e djelmoshave të rinj, me moshë përkatësisht nga 18-25 vjeç, të cilët janë të gatshëm të të dëgjojnë dhe të të bëjnë të ndihesh e dëshiruar

shqip.

[Albo]

Kryeministri Berisha takon Madhërinë e Tij Imperiale Akihito



Sot, në ora 11, në Pallatin Imperial të Japonisë, Perandori i Japonisë, Madhëria e tij Imperial Akihito dhe Perandoresha, Madhëria e saj Imperiale Michiko, pritën në një audiencë të veçantë, tërësisht të pazakonshme, Kryeministrin e Shqipërisë, Pr. Dr Sali Berisha dhe zonjën e tij Liri Berisha.



Audienca zgjati jashtë parashikimit kohor protokollar, sepse interesi i Perandorit dhe Perandoreshës së Japonisë për Shqipërinë, për reformat e ndërmarra nga Kryeministri Berisha dhe qeveria e tij dhe progresin e vendit drejt anëtarësimit në NATO dhe Bashkimin Europian, ishte shumë i madh.



Në këtë audiencë, Kryeministri Berisha i shprehu mirënjohjen Perandorit të Japonisë për këtë pritje, që përbën një nder të madh për Shqipërinë dhe të gjithë shqiptarët. Kryeministri shprehu edhe mirënjohjen për ndihmën që qeveria dhe kombi japonez i kanë dhënë Shqipërisë gjatë këtyre 15 vjetëvë, ndihmë e cila ka përfshirë të gjitha fushat. Edhe si pasojë e kësaj ndihme, Shqipëria e cila ishte një Kore e Veriut në Evropë 15 vjet më parë, është shndërruar tashmë në një vend serioz për të merituar ftesën në NATO, si dhe ajo ecën përpara drejt integrimit në BE.



“Shqiptarët nuk e kanë harruar mesazhin tuaj miqësor që erdhi nga takimi ynë i para 15 viteve, në Bruksel. Do të ishte për ta një nder shumë i madh nëse Madheria Juaj Imperiale, ose anëtarë të tjere të familjes Suaj, do të vizitonin Shqipërinë”, u shpreh Kryeministri Berisha.



Nga ana e tij, Madhëria e tij Imperiale, Perandori Akihito, shprehu vlerësim të madh për zhvillimet në Shqipëri, si dhe kënaqësinë e tij për marrëdhëniet shumë të mira midis dy vendeve. Ai shprehu gjithashtu dëshirën e tij që investimet japoneze në Shqipëri të zhvillojnë edhe më tej këto marrëdhënie bashkëpunimi midis dy vendeve.

Kryeministria
08/02/2008