Kombi - Shqiptar, Shtetsia - Kosovar

[ZANOR]

diskutim publik



I NDERUAR KUVEND I KOSOVËS


(Dy fjalë për Kushtetutën e Kosovës)


Urime Pavarësia e Kosovës!


Aq sa jemi të gëzuar për pavarësinë e Kosovës, po aq jemi edhe të prekur - pse në Kushtetutë nuk përmendet askund emri - SHQIPTAR?

Filli: Ne populli i Kosovës.... pse të mos jetë NA POPULLI SHQIPTAR I KOSOVËS?

Edhe aty ku shkruhet për minoritetet, përmenden emrat: serb (EDHE SI PAKICË AS 4 %), tok me tjerat, kurse, askund nuk shkruhet shumica shqiptare e Kosovës!

Në Kushtetutë duhet patjetër të shkruhet: e drejta e festes kombëtare 28 Nëntori, 1912, si festë Kombëtare Shqiptare, e festa shtetërore e Kosovës, 17 shkurt, 2008!

Ta dini se kurrë nuk do të pranohet Kushtetuta e Kosovës PA EMRIN SHQIPTAR, SHUMICË SHQIPTARE E KOSOVËS, sepse nuk kemi kohë të mos kemi të drejtë në emrin tonë SHQIPTAR!

Si mund të potencohet emri SERB si pakicë 4%, e të mos potencohet emri SHQIPTAR, SHUMICË SHQIPTARE E KOSOVËS?

Pra, Kuvend i Kosovës, antarë të Kuvendit, joveç mos ngurroni ta quani vetveten SHQIPTAR, por mos leni ndërskamca politike, që nesër, të mos guxohet të valoj FLAMURI KOMBTAR SHQIPTAR, KRAHAS FLAMURIT TË SHTETIT TË KOSOVËS!

EMRI KOMBTAR SHQIPTAR, DUHET PATJETËR TË SHENOHET NË KUSHTETUTËN E KOSOVËS!


JEMI KOMBI SHQIPTAR E SHTETAS TË KOSOVËS!


TË FIGUROJ NË KUSHTETUTË EMRI - SERB, E ASKUND EMRI - SHQIPTAR, KJO NUK ËSHTË AS E LIGJSHME, AS E NATYRSHME, AS KOMBTARE SHQIPTARE!


Na Populli Shqiptar i Kosovës, tok me pakicat tjera, përbejmë shtetin juridik nga 17 shkurti, 2008 - jemi shqiptar, shtetas kosovar.

Kombi: shqiptar

Shtetësia: kosovar

Kombi përcakton shtetin dhe gjithkund aty ku thohet në kushtetutë, për pakicat shtetërore të Kosovës - duhet patjetër të figurojë edhe - SHUMICA SHQIPTARE E KOSOVËS!

Dikush mendon se kuptohet shumica, ne populli i Kosovës etj., por duhet të shenohet SHUMICA SHQIPTARE E KOSOVËS, sepse po ajo shumicë shqiptare edhe luftoi për Kosovë të Pavarur, kuptohet tok me pakicat - por assesi me pakicën serbe, e cila kundërshton në mënyrat ma të egra vet sovranitetin e shtetin e Kosovës! Ju, mund të thoni se kjo dihet - po dihet, por nuk skjarohet juridikisht, as me të drejtën ndërkombtare, emërtimi SHUMICA SHQIPTARE E KOSOVËS!


Shpresojmë të mos kemi përsëri probleme juridike, në përdorimin e flamurit kombtar shqiptar, e krahas tij Flamuri shtetëror i Kosovës. Kuptohet se është një trik politik, të mos përmendet emri - shqiptar, por KUSHTETUTA E KOSOVËS, DUHET TË FILLOHET - NA POPULLI SHQIPTAR I KOSOVËS...

Tash: a duhet të frigohemi të thomi se jemi shqiptar? Kur për këtë emër u flijuam me shekuj nëpër robëritë e huaja. Kujtoni bile pasaporten ish-jugosllave (1980), ku shkruhej: kombi - shqiptar, e shtetësia - jugosllav. E tash askund mos të shkruhet kombi - shqiptar, e shtetësia - kosovar - kjo nuk mund të përbihet!

Mbesim me shpresë se do të ndreqni kushtetutën e Kosovës - kombi - shqiptar, e shtetësia - kosovar!


Nderime!

Prof. Nezir Myrta