Lezhë, gruaja 113-vjecare feston 8 marsin me familjen

[EDUARDI]

Gruaja e moshuar tregon se si ka arritur të jetojë më shumë
se një shekull duke u ushqyer me qumësht dhe zarzavate


Është 113 vjec, dhe është në gjëndje të mirë shëndetësore. 8
Marsin shekullor, një nga gratë më të moshuara në Shqipëri e
ka festuar në mënyrë të vecantë. Dila Jakut nga fshati Balldre
i Lezhës, i është dashur të tregojë para kameras sonë për orë
të tëra me qindra copëza historie nga jeta e saj 113 vjecare.
Dila Jaku ka lindur 7 fëmijë, nga të cilët jetojnë 5 prej
tyre, është martuar në moshën 30 vjecare dhe është gruaja më e
moshuar në rrethin e Lezhës e ndoshta një ndër gratë më të
vjetra në Shqipëri.
Dila Jaku 113 vjec, na tregon se ka 90 nipër e mbesa, të
cilëve ua di të gjithëve emrat. Sipas saj arsyeja që ka jetuar
kaq vite dhe është në gjëndje të mirë, lidhet me konsumimin e
qumështit dhe të zarzavateve. Madje gruaja plakë thotë se nuk
është sëmurur asnjëhere deri më sot. Është në gjëndje të ecë
vetë e të kujdeset vetë për veten, për cdo gjë pa ndihmën e
askujt.
Të gjithë rrënqethen kur gruaja 113-vjecare tregon se si u
shpall pavarsia në Shqipëri dhe c’hoqi i gjithë populli
shqiptar që nga fillimi e deri në mbarimin e dy luftrave
botërore. Detaje nga tregimet e Dila Jakut janë botuar edhe në
disa broshura që i janë kushtuar enkas asaj.

© Copyright 2008 BalkanWeb