Mos më harroni

[Agim Doçi]

Duke postuar kete poezi desha t'u kujtoj bashkeforumasve se jam ende ketu! Ketu jam!!!!!!!

Kërkova në pagjumësinë e netve
kërkova në qiellin e pafund.
kërkova dhe në gjethet e vjeshtës
kërkova dhe s'e gjeta askund

kërkova pastaj në thellësitë e shpirtit
qëndronte e fshehur diku e hutuar...
e thirra dhe erdhi në Kryqëzimin e Krishtit
rrëfimin e nisi. - jam e dashuruar.

I zgjaste duart drejt shenjtit të kryqzuar
që gozhdat e mbanin në kryq të mbërthyer
dhe Krishti buzqeshi, i lodhur, i shuar...
borxhin e dashurisë asaj për ti kthyer

Kështu pra kryqzohen në mes njerzve dashuritë
dhe rrinë të mbërthyera pafundsisht
vuajnë dhe pastaj luten tek Perënditë
Tua ruaj dashurinë përjetsisht...

[Palma]

Nese nje dite fytyra tu harrua,
syte ketej rrotull, më s´ti pame
zeri tu shter ende padegjuar
vargjet e tua, kurre su thane...



P.s Pershendetje

[Agim Doçi]

PaLma e nderuar dhe e dashur. Po te pergjigjem me shume e shume mall.

Të gjitha ndjenjat u arratisën
siç ikën djemt nga Shqipëria...
Dhe një nga një ne u degdisëm
Na mbeti Malli dhe Dashuria!...

Kemi shumë Mallë për vendin tonë
dhe Dashuri për njerzit tanë!
Një zë më thotë: - Herët a vonë
do pimë kafenë bashkë në Tiranë!

E di që prap do shkojmë në punë!
Të shtyrë nga forcë e Dashurisë.
Ndaj shkruaj netëve pa gjumë
nga kjo Punishte e Poezisë.

Se Malli që të zë për Tokën
dhe Dashurija që ndjen në gji
Na shtyjnë që ta mbështesim kokën
tek hallerënda Shqipëri!

Se Mjaft pa strehë mbetëm tërë jetën!
si pasagjerë në trena hallesh...
Dhe Mjaft në shpirt e mbajtëm Vjeshtën!
Ka ardhur koha që të shmallesh!!!

dhe duke pirë kafenë e parë
me miqt e shokët që do të vinë.
Të gjithë një "borxh" kanë për të larë
borxhin e fundit për Dashurinë!...

[Palma]

Faleminderit i nderuar Agim!!

Kemi shumë Mallë për vendin tonë
dhe Dashuri për njerzit tanë!
Një zë më thotë: - Herët a vonë
do pimë kafenë bashkë në Tiranë!

Eshte zeri im qe ke degjuar,
ti nuk e njohe, se eshte pak tjeter
nga malli per Tiranen time
duket zhubrosur, si robe e vjeter...


Kafene, patjeter qe do e pime,
Mbase ca vargje, pastaj do thuash,
te emblat vargje per dashurine,
qe vetem Ti, mundesh ti shkruash...

[Agim Doçi]

Eja pa frikë në zemrën time!
E vetmja dritë do jeshë veç ti!
Nuk do përplasesh! Mos ki dyshime!
Tek unë do gjesh veç dashuri!

Nuk do përplasesh me njeri tjetër
Edhe pse brenda asht krejt errësirë!
Se dashurija, inatë i vjetër
Vetëm pranë teje, më bën shumë mirë!

[maryp]

e vetmuar ne kete bote
syte i ke gjithmone me lote
te vetmuar kur te shikoj
pi duhan, rri e mendoj
mendoj mrezitjen te ta heq
qe jeten tende ndopak ta ndreq
por jeta eshte lufte ti e kupton
dhe ne lufte jo gjithmone fiton

[hope31]

i lexova vargjet tuaja me endje, dhe me dhane kenaqesi, flm

[Syku]

zeri tu shter ende padegjuar
vargjet e tua, kurre su thane...

Me pelqyen keto dy vargje.
Une do ia kisha dedikuar Migjenit.
Urime!

P.s. Me falni per nderhyrjen!

[Agim Doçi]

UROJ TE GJITH TE DASHURUARIT

SHËN VALENTINI

Dashnor i flaktë duhet të ketë qënë
Dhe shpesh mendoj me shumë zili
Që dashurinë në qiell ka shpënë
Shën Valentini me siguri!?…

Përndryshe jo, nuk ka mundsi
që të festojnë të gjithë dashnorët
në mes të shkurtit Emrin e tij
dhe të rreshtohet pranë me shenjtorët.

Nuk jam xheloz, as ziliqar
Se dashurija është oqean
Ajo çdo shpirt që digjet zjarr
Si nëna foshnjën në gji e mban.

Por bëj çudi kur shoh dashnorët
Si një qiri që s’ka fitil…
Kur flakë e ndjenjës numuron orët
Bëjnë dashuri veç Hyr e Dil…

Kjo Mbretëri e Shenjtëruar
Që në çdo zemër e ka një Fron.
Në shpirtin tim të dashuruar
Ka ndenjur zgjuar dhe ngrohtë gjithmon

Dhe nëse sot të gjith dashnorët
Festojnë me afsh Shën Valentinin
Do vij një ditë dhe do kujtohen
Kur të lexojnë me qejfë Agimin

Atë që kurr hovin s’e ndali
Dhe shkroj plot vargje me poezi
Atë që hi e bëri malli
Se ishte prush me dashuri…

Dhe netët shtyn duke menduar
Për Bukuroshen dashuri
Dhe mbeti shpirt i dashuruar
Shën Valentini e ka zili!….

Dhe kur të shkojnë ditët e motet
E ju do keni në shpirt kujtimin
Shën Valentini do të festohet
Por pranë do ndjeni gjithmonë Agimin

[Palma]

Dhe kur të shkojnë ditët e motet
E ju do keni në shpirt kujtimin
Shën Valentini do të festohet
Por pranë do ndjeni gjithmonë Agimin

Muajt e vitet kalojne pa pyetur
Nuk mundi kush, kohen ta ndale,
por fryma heshtet, kur te lexojme,
Agim poet, na le pa fjale...


Gezuar Shen Valentinin te gjithe poeteve!!!
Gezuar zoti Agim Doci.
Shendet ne jete dhe frymezimi yt, mos u ndalte dhe per dhjetra Shen Valentine te tjere!!

Miqesisht,
Alma