Rasti Brodec: Skandal, Invalidi Akuzohet Per Terrorizem !!

[Faik]

RASTI BRODEC: SKANDAL, INVALIDI AKUZOHET PER TERRORIZEM !

http://www.bdi.org.mk/foto/brodec.jpg


Në mesin e të arrestuarëve në aksionin policorë në Brodec është edhe Shkodran Dauti, për të cilin i ati i tij thotë se është invalid, i cili katër vite ka qëndruar i shtrirë në shtrat. Prokuroria maqedonase të enjten ka përfunduar hetimet dhe ka vendosur që të arrestuarit e Brodecit dhe katër ta arratisurt tjerë t’i akuzojë për terrorizëm. Babai Shkodranit, Kadri Dauti kërkon t’i kthehet i biri në shtëpi. “Im bir është i sëmurë. Katër vjet ka qëndruar në shtrat. Ai sapo e kish marrë veten prej dy operacioneve që ka pas në kokë. Të gjithë e dinë se ai nuk ka lidhje me asnjë lloj pune”, thotë Kadriu.

Me shpresë se shqiptarët e qeverisë do ta zgjidhin çështjen ai ka vazhduar të presë në heshtje zgjidhjen e problemit, por më kot. Djali i tij Shkodrani, së bashku me dy vëllezërit e tij Nadiun dhe Tafilin si dhe nipin e tij Rametullain vazhdojnë të qëndrojnë në burg.

“Gjithë jetën jemi marrë me punë të ndershme dhe nuk jemi përzier me asgjë. Vetëm pse na ka qëlluar shtëpia buzë xhamisë, i morën që të gjithë me vete pas aksionit”, thotë ai.

Të mërkurën e shtatë nëntorit Nadiu dhe Rametullai kanë qenë duke punuar në ushqimore. Aty ka qenë dhe Shkodrani. Që të mos frikësohet, Shkodrani i sëmurë, që të tre kanë hyrë në shtëpi, ku ka qenë dhe vëllai tjetër, Tafili. “30 minuta para se ti arrestonin, policët kanë kall cigare në shtëpinë tonë. Pastaj pas disa telefonatave që kanë pasur i kanë marrë edhe këta me vete. Më treguan edhe mua në telefon se i kanë marrë me vete. I tregova se im bir është i sëmurë dhe nuk ka lidhje me asnjë lloj pune. Ma dhanë fjalën se vetëm do t’i pyesin diçka dhe do t’i lëshojnë…, por nuk ndodhi ashtu”, rrëfen babai i Shkodranit. Kadriu është i shqetësuar për fatin e të birit i cili ka pas dy operacione në kokë, të cilat janë kryer në vendet Skandinave, në Suedi.

“I gjithë rajoni i Shapkës dha para që unë ta dërgoja tim birë për tu operuar. Të parën herë është operuar në shalën e kokës (tursko sello) edhe nuk pati rezultate të mira. Pastaj është operuar për së dyti ku e gjetën defektin. Katër vjet im bir ka ndenj në shtrat. Pas suksesit të operacionit të dytë, Suedi na dha një aeroplan special për ta shëtitur atë nëpër liqenet, nëpër natyrën e Suedisë, meqë ai shpëtoi nga ky operacion i komplikuar. Sapo iu ringjall jeta, dhe policia po ia rimerr. Policisë pasi u krye aksioni, si duket i janë dukur pak të arrestuarit dhe e mori edhe djalin tim invalid”, thotë ai, duke shtuar se Shkodrani s’ka pas mundur të mbajë as dy kg peshë, e jo më të marrë kallash në krahë.

Ai thotë si diçka duhet të bëhet, pasi të gjithë e dinë se kush cili është. “Sikur im birë të kish dhe një për qind faj, vullnetarisht do të dilja dhe do ta dorëzoja vetë. Por ai është një milionë për qind i pafajshëm. Krejt rrethi e di se gjithë jetën kemi punuar si punëtorë, por vetëm se e kishim shtëpinë afër xhamisë i burgosën. Nuk shkuan pak më lart, por i morën ata aty afër…Ata fort mirë e dinë se im birë nuk ka bërë asgjë”.

I brengosur dhe i mllefosur nga ajo që po ndodh, Kadriu pyet se çfarë janë bijtë e tyre. A mos janë dele për kurban? Kadriu i bën thirrje partive politike shqiptare që të paktën për rastin e Brodecit, t’i lënë mënjanë mëritë e tyre dhe të gjitha së bashku ta zgjidhin këtë çështje, sepse siç thotë ai, jeta nuk ndërtohet mbi gjakun e të pafajshmëve, ashtu siç ndërtojnë karrierë maqedonasit.


Tmerr kur e ka parë të birin pas 11 ditësh

“ Pas 11 ditësh e pash tim bir në burgun e Shutkës…nuk kisha çfarë të shoh. Kisha të drejtë të qëndroj 30 minuta aty, por nuk qëndrova as 30 sekonda, sepse im birë ishte i rrahur për vdekje. Ishte rrahur nga koka, aty ku dhe ishte bërë operacion. Sytë i kishin plasur, njëri sy ishte pak më mirë, tjetri ishte i kuq, sepse në mesin e kokës ku dhe ka pas qenë bërë operacion, ai ishte goditur”, rrëfen Kadriu. Kishte dash zoti që gjatë rrahjes të ndodhte dhe një polic shqiptar, thotë ai, i cili e kish marrë në krah tim birë, policët e tjerë maqedonas kanë dash ta gjuajnë në bërllok, apo në kontejner, nuk e di se ku. “Pas tre ditësh është ngritur në këmbë prej torturave dhe rrahjeve dhe tani nuk i dihet se si do të vazhdojë jeta e tij. Për diagnozën e tij nuk ka mjekë në Maqedoni ”.

[princcesha]

Shpreh ngushllimet e mia me te sincerta per familjen Dauti dhe te gjithe te arrestuarve ne rastin e Brodecit dhe me shprese se te gjithe do te lirohen sa me shpejt, ku jane zoterinjt e PDSHs qe sipas tyre operacioni ishte i suksesshem torturim i njerzeve te pafajshem dhe te semure, malltretim, vrasje, dhe masakrim i popullates dhe ky quhet sukses.

Por njerezit qe nuk e kane fijen e moralit, karakterit, ndjenjes kombetare dhe fetare ata nuk kane edhe turp.

[error919]

[QUOTE=princcesha;1841231] ku jane zoterinjt e PDSHs qe sipas tyre operacioni ishte i suksesshem torturim i njerzeve te pafajshem dhe te semure, malltretim, vrasje, dhe masakrim i popullates dhe ky quhet sukses.

Oj ti Princes

Me vjen shum keq per kete rast dhe e njoh personalisht personin dhe familjen Dauti, vertet me vjen shum keq, dhe lus qe sa me pare te lirohen nga burgu te gjith ata qe jane te pafajshem.

Por Te pyes tyy, Qfar kee moj qik ti me PDSH-ne, ska qene PDSH-ja ajo qe i ka bere keta qe po i thuu tii, si nuk te vjen turp te flasesh keshtu. Qfar lidhje ka PDSH me keta te burgosurit. Duhet te kesh parasysh se qka po flet, qiko me shamii.

[alibaba]

Krejt politikanët tradhëtarë i kanë fajet.