Qeveria serbe: Do të paguajmë borxhin e jashtëm të Kosovës

[brooklyn2007]

• Ministri i Ekonomisë, liberali Mladjan Dinkiç, tha se Beogradi duhet të pushojë së paguari borxhin e jashtëm të Kosovës, por propozimi i tij ka rënë ndesh me politikat e qeverisë serbe pas shpalljes së pavarësisë së Kosovës

“Serbia do të vazhdojë të paguajë kamatat në borxhin e Kosovës, për të treguar se Kosova ende është pjesë e saj”, ka thënë një ministër i kabinetit të Koshtunicës. Ndërsa vetëm një ditë më parë qeveria serbe ka deklaruar se një borxh të tillë nuk do ia paguajë kurrë Kosovës, tashmë duket se drejtuesit e saj kanë ndryshuar mendim. Ministri i Ekonomisë, liberali Mladjan Dinkiç, tha se Beogradi duhet të pushojë së paguari borxhin e jashtëm të Kosovës, por propozimi i tij ka rënë ndesh me politikat e qeverisë serbe pas shpalljes së pavarësisë së Kosovës. “Në mbledhjen e qeverisë, kryeministri e përkujtoi ministrin Dinkiç se kjo do të ishte në kundërshtim me politikën zyrtare të qeverisë, e cila e hodhi poshtë pavarësinë si të jashtëligjshme”, ka thënë ministri i Arsimit, Zoran Llonçar. “Kosova është pjesë e pandashme e Serbisë në bazë të rezolutës që e ka miratuar parlamenti”, ka thënë Llonçar. Lajmi është bërë publik nga “Radio Europa e Lirë” ndërkohë që mësohet se borxhi ndaj Kosovës që pritet të paguhet nga Beogradi është 1.2 miliardë dollarë. (A.S/Balkanweb)


http://balkanweb.com/sitev4/index.php?id=17046

[brooklyn2007]

Ahh se harrova, une nga ana ime i jap mbeshtetje totale qeverise serbe per kete gje

[gjilan55]

serbia kosoves i ka shum borgje te pa paguara deri tani.te shpresojm se tani qeveria e kosoves te filloj te kerkoj kthimin e parave te vjedhura nga bankat serbe ,fondin pensional etj.sa i perket borgjit nga ish jugosllavia qe i takon qe kosova te paguaj ky eshte problem i qeverise se kosoves.ne askujt si kemi mbet borgj deri me tani.kur te ndahet pasuria e ish jugosllavis do te ndahet edhe borgji qe i takon kosoves..

[RAPTISHA]

Është shndërruar kohëve të fundit shumë aktuale klisheja ''deri sa karvani vazhdon rrugën qent lehin'', kështu që ata kanë marr rrugën e dështimit, ndërsa ne rrugën e suksesit, kështu që ata nuk e di cilin vend dëshirojnë ta bindin me ksi gjana ?!

Kosova po fillon me ambasada, ndërsa kish me qenë mirë Ambasadat që po i saboton Serbia, me i shfrytëzu ato objekte Kosova, dhe kjo do të ishte një pagesë e borgjeve te Serbisë ndaj Kosovës....

[dodoni]

Kosova e paguan borxhin e vet por ne rradhe te pare duhet te marr pjesen e vet nga pasuria e ish-Jugosllavise dhe poashtu Serbia te paguaj borxhet qe i ka Kosoves sidomos keto te luftes se fundit.