Serbët i vënë flakën ambasadës Amerikane në Beograd!

[DYDRINAS]

Protestat e dhunshme e kanë katapultuar Serbinë drejt izolimit



Kryeministri serb Kostunica shprehu në një njoftim për shtyp keqardhjen për ekseset, por bën përgjegjëse bashkësinë ndërkombëtare.

Pas ekseseve kundër ambasadave të huaja në Beograd sot është kthyer sërish e përditshmja. Tribuna e mitingut të djeshëm është zhdukur përsëri. Vetëm copa xhamash, kazanë plehrash të djegur dhe dyqane të plaçkitura, jo vetëm perëndimore, dëshmojnë për ekseset.



Para ndërtesave të ambasadave në bulevardin e Knjaz Miloshit janë vendosur njësi speciale dhe shumë më tepër policë se në ditë e tjera. Por kjo shumëkujt i duket tepër e vonuar. Në momentin e duhur, kur u sulmuan ambasadat, policia nuk ishte prezente. Huliganët e kishin rrugën e lirë.



Prestigji ndërkombëtar i Serbisë është dëmtuar



Në komentin e tij të parë ministri i jashtëm Vuk Jeremic i mori në mbrojtje forcat e sigurisë."Policia ka reaguar shpejt, edhe pse ndoshta nuk është dukur kështu. Por po të marrësh parasysh njerëzit e panumërt në rrugë, nuk ka qenë e domosdoshme të siguroheshin vetëm ambasadat, por edhe i gjithë manifestimi me disa qindramijëra pjesëmarrës."

Në të njëjtën kohë politikani i kampit qeveritar properëndimor i dënoi ekseset. Ai deklaroi, se vandaluesit e pakët nuk përfaqësojnë ndjenjën kolektive të popullsisë serbe. Këtë e vertëtojnë edhe reagimet e qytetarëve të Beogradit në rrugë.



"E tmerrshme. Kjo është paradigma e asaj që na ndodh. Natyrisht që dëmton prestigjin tonë. Përse do të na duartrokiste bota, për një gjë të cilën e dënojmë vetë këtu?"

I njohuri i tij flet për një sindromë të pashërueshme. "I jam lutur zotit, që i vdekuri në ambasadën amerikane të mos ishte qytetar amerikan. Sepse përndryshe ndoshta amerikanët do të na kishin bombarduar të pasnesërmen."



Edhe në gazetat serioze serbe dënohen pamjet e shëmtuara të ekseseve. "Kjo nuk është Serbia", titullohet një nga gazetat e mëdha. Një tjetër ankohet, që vetëm disa e kanë dëmtuar emrin e Serbisë, ndërsa qindramijëra kanë demonstruar në paqe kundër pavarësisë së Kosovës.



Kryeministri serb Kostunica shprehu në një njoftim për shtyp keqardhjen për ekseset e djeshme, por bën përgjegjëse bashkësinë ndërkombëtare. Mediat serbe citojnë sot nga protokolli i një mbledhjeje të kabinetit. Kryeministri me tendencë nacionaliste duhet të ketë thënë tekstualisht: "Këto njerëz, huliganë siç i quani ju, kanë reaguar vetëm ndaj shkeljes të së drejtës ndërkombëtare."

Kjo akuzë i bëhet tani vetë Serbisë. Këshilli i Sigurimit dënoi ashpër sulmet ndaj ambasadave të huaja dhe kujtoi Serbinë, se ambasadat janë të pacënueshme. Edhe SHBA-të akuzuan udhëheqjen serbe dhe kritikuan masat e këqia të sigurisë. Protestuesit nuk i bëjnë mirë popullsisë serbe, përkundrazi. Ata jo vetëm kanë hedhur hije mbi manifestimin paqësor, por e kanë katapultuar Serbinë pak më tej në izolim.


Andrea Mühlberg


DW


P.S. Cila eshte Serbia tjeter?

Deri sot ne njohim nje Serbi qe drejtohet historikisht nga manipulatore, te cilet e gjejne mbeshtetjen tek mentaliteti fshatar i popullit te tyre.
E gjithe historia e serbeve ka qene e mbushur me ngjarje te dhunshme. Ata ju kane nxjerre syte mbreterve te tyre dhe kane mbreteruar duke mbajtur syte e shkulura ne xhep.
Ata kene qene ne konflikt permanent me te gjithe popujt e Ballkanit, pa dallim, per shekuj me rradhe.
Ata kane qene dera e fshehte e enderrave rusosllave per te kontrolluar Ballkanin dhe per te mbajtur ate nen tension te perhershem.
Ata pergjaken ish-Jugosllavine, me endrren e tyre te cmendur te Serbise se Madhe dhe ishin ata qe nxoren nga gjiri i tyre vetem kriminele te kerkuar lufte dhe qindra e mijera kriminele te tjere bastarde, qe grabiten, dhunuan, plaçkiten dhe dogjen popujt sllovene, kroate, boshnjake dhe shqiptare.

Serbia dhe populli i saj jane nje Rusi ne miniature.

[xani1]

Shkinat u thoshin kameramanëve të mos i gjirojnë, kurse me vete sigurisht kanë thënë:
Shyqyr që ra kjo tollovi e u bëmë me veshmbathje falas.

[dodoni]

Shume e forte kjo video. Kishin pasur veshtiresi pak qe te gjejne numrin e kepuceve por mire se e kishin gjetur ne fund. lol.

Nje profesor univerziteti ne Beograd kishte pagen 400 euro ne muaj, kurse nje mjek ne spitalin e Mitrovices se Veriut, qeveria serbe po e paguan 1000 euro ne muaj, vetem e vetem qe te mos i lej serbet te integrohen ne institucionet kosovare. Normalisht qe nuk do kene mundesi ta vazhdojne kete avaz per gjate kohe.

[extreme]

video prej beogradit. nqs ka mundsi njeri ta perkthej se cfare thuhet sepse paska gallate. tani e kuptova pse paskan dale kaq shume mbreme ne demonstrate, kane nevoje per veshmbathje.

ok, ktu http://www.youtube.com/watch?v=j01e1j251Cs

ky i cili gjiron si duket eshte nje liberal serb i cili po tallet me ata huligan dhe e pyteke at sebren hej hejj a ke gjetur numrin e patikave tamann

[RaPSouL]

Banoret e Beogradit denojne aktet vandale

Banore te Beogradit denojne aktet vandale gjate protestes te se enjtes. Sic ben te ditur agjencia e lajmeve VOA, megjithese demonstratat e djeshme kunder pavaresise se Kosoves paten mbeshtetje te gjere – me 150 mije pjesemarres ne mitingun e kryeqytetit serb, banore te ndryshem te Beogradit i denuan shkaterrimet e shkaktuara nga disa protestues. “Jane akte vandaliste, ç’te them tjeter. Eshte e turpshme dhe krim”, thote nje banor i Beogradit.

Protestuesit hyne gjithashtu ne nje restorant McDonalds dhe e shkaterruan ate. “S'ka problem, megjithate ata nuk duhet te kishin shkaterruar gjithçka. Per kete duhet te denohen, por une i mbeshtes protestat per mbrojtjen e vendit tone” thote nje serb.

Nje numer dyqanesh u plaçkiten. Pati nga ata qe hyne ne dyqane dhe grabiten atlete, kostume sportive dhe produkte te tjera. “Njerezit po na vjedhin ne. Ata po shkaterrojne dhe po thyejne dhe askush nuk nderhyn”, thote nje banor.
Bashkimi Evropian i kerkoi Beogradit te mbroje ambasadat e huaja ne vend dhe paralajmeroi se sulmet ndaj perfaqesive perendimore i vene ne rrezik perpjekjet per ta sjelle Serbine me prane BE-se.
Policia patrullonte sot ambasaden amerikane ne Beograd dhe perfaqesite e shteteve perendimore te cilat u demtuan gjate nates ne protestat qe lane nje te vdekur dhe 100 te plagosur. Kjo ishte protesta me e madhe ne kryeqytetin serb qe nga ajo e vitit 2000 e cila çoi ne rrezimin e Sllobodan Milloshevicit.


bw

[RaPSouL]

“Serbët të mos harrojnë ç’ndodhi në Kosovë”

Serbët nuk duhet të harrojnë kurrë atë që ndodhi në Kosovë në vitet ’90, masakrën ndaj popullit kosovar dhe të kuptojnë se pikërisht për shkak të kësaj masakre nuk kanë të drejtë të protestojnë kundër shkëputjes së Kosovës”. Kështu deklaroi dje shkrimtari i njohur, Ismail Kadare, në një intervistë dhënë “Zërit të Amerikës” lidhur me zhvillimet e fundit në Kosovë dhe Serbi. Në këtë intervistë ai vlerëson qëndrimin konstruktiv të liderëve në Prishtinë dhe kritikon reagimet e Moskës zyrtare kundër pavarësisë së Kosovës.

Ditët e fundit kemi qenë dëshmitarë të kundërshtimit të serbëve, të shprehur edhe me dhunë, si dje ndaj ambasadës amerikane në Beograd dhe ndaj ambasadave të tjera perëndimore. Si do t’i komentonit këto ngjarje?

Kam ndjekur me shumë interes ato që kanë ndodhur dhe kam pritur me interes një reagim, të gjithë kanë pritur një reagim, por ai ka qenë më i keq se ç’ka ndodhur, d.m.th, ka ndodhur diçka që është kapërcyer arsyeja. Kam përshtypjen, që një njeri që asiston në këto ngjarje, përnjëherësh e kupton se këtu është harruar diçka; është harruar burimi i bombardimit të vitit 1999; kjo gjë nuk thuhet, bëhet sikur harrohet; bëhet sikur ka ndodhur diçka, por nuk shpjegohet ç’ka ndodhur në atë vit: gati-gati, sikur ballkanasit u çmendën dhe u çmend edhe NATO-ja atë vit, që e bombardoi, si të thuash, Jugosllavinë, si të thuash, pa arsye. Kurse këtu, duhet thënë në mënyrë të qartë, duhej thënë se ky bombardim, ky ndëshkim i Serbisë para 10 vjetësh ka pasur një kuptim, ka pasur një arsye, një arsye të fortë madje; se nuk u ngritën kot avionët në qiell. Avionët e Aleancës Atlantike u ngritën në qiell, sepse ndodhte një krim i madh në tokë, sepse një popull masakrohej. Ka qenë një masakër nga më të tmerrshmet që ndodhte në Ballkan, ka qenë masakrimi i popullsisë, ka qenë një shpërngulje e papërfytyrueshme, gati-gati 1 milion banorë u shpërngulën brenda disa javëve. Ka ndodhur një përdhunim masiv i grave dhe i vajzave shqiptare, që ka qenë i rrallë në këto përmasa në historinë e Ballkanit, prandaj kjo gjë u duk sikur u harrua ngaqë ka kaluar shumë kohë, ngaqë shumë njerëz kanë lindur tashti, shumë njerëz nuk i dinë shumë mirë ato që kanë ndodhur dhe tashti, gati-gati u duk si e natyrshme, që serbët të protestojnë kundër shkëputjes së Kosovës, duke u hequr madje si viktima. Unë mendoj se këtu është burimi i këtij keqkuptimi, që mund ta quaj keqkuptim tragjik.

Ajo që po ndodh në Serbi, është komentuar si pjesë e një procesi pastrimi brenda vetë shoqërisë serbe: nga njëra anë, një pjesë e popullsisë që shikon drejt Perëndimit dhe pjesa tjetër, ende e pushtuar nga ndjenjat nacionaliste...Mendimi juaj?

Po. Ky proces që përmendët ju, është kryesori në historinë e sotme të të gjithë Evropës, e sidomos të Ballkanit. D.m.th, njerëzit që duan vërtet që ky gadishull të ketë paqe, duhet të gjejnë edhe mënyrat se si arrihet kjo. Ka një arsyetim të tillë, që po të kujtojmë se ç’ka ndodhur, këto krime, si të thuash, këto tmerre, ne do të acaronim të dy etnitë, pra shqiptarët dhe serbët me njëri-tjetrin. Unë mendoj të kundërtën, që acarimi më i keq është ai kur krimet harrohen, kur s’përmenden dhe secili i mban, si të thuash, brenda zemrës së vet. Kështu, nëse serbët harrojnë ç’kanë bërë dhe hiqen si viktima dhe nga ana e komunitetit evropian, në vend që t’iu kujtohet kjo, ka një lloj përkëdhelje, dhe duket sikur u bën mirë. Unë e kuptoj që popujt nuk duhen acaruar, natyrisht që është e drejtë që të mos acarohen, por të vijmë tek pyetja: ju bën mirë kjo gjë, apo ju bën keq? Unë mendoj se ju bën keq, sepse lihet pa prekur thelbi i problemit. Dhe tek serbët, çfarë ndodh? Ata kanë një burim vreri; tashti, ata thonë se u është bërë një padrejtësi shumë e madhe, si: “ne na kanë marrë Kosovën”, “ne na kanë bombarduar pa asnjë arsye”. Dhe tek një popull, kur ka një grumbull vreri të tillë, një ide që po i bëhet një padrejtësi, është jashtëzakonisht e rrezikshme. Ne e dimë nga përvoja e historisë botërore, se kështu, p.sh, nazizmi ka grumbulluar vrerin që u krijua në Gjermani, pas Luftës së Parë Botërore, për të përgatitur pastaj krimet e ardhshme. Ne e dimë që terrorizimi, sot p.sh, baza e terrorizimit, është një vrer i grumbulluar. Në vende të caktuara thuhet që Evropa i ka shkaktuar këtyre popujve në Lindjen e Afërme, u ka shkaktuar shumë fatkeqësira dhe prandaj duhet të marrin tashti revansh, dhe o burra të krijojmë një kryqëzatë terroriste, kundër një kryqëzate tjetër, që ka qenë kryer dikur kundër tyre. Me një fjalë, nëse do të donim që të fajësohej Ballkani, duhen thënë të vërtetat dhe nuk duhen harruar asnjëherë, sidomos në një rast të tillë, kur serbët kanë këtë reagim. Është më e lehtë për vetë serbët që ta kalojnë këtë traumë, sepse unë e kuptoj, se tek shumë njerëz ka një trishtim, ka një dëshpërim nga kjo që po ndodh, që Kosova po shkëputet, por është mirë që të sqarohet, se përse po ndodh kjo gjë. Në Kosovë, nga ata njerëzit, që ka me mijëra në rrugë, ka midis tyre, për të thënë një shembull, ka qindra të rinj, që në atë kohë kanë qenë 10 vjeç, të cilët kanë parë me sy tragjedinë që ka ndodhur, kanë parë me sy shpërnguljen, masakrat, por kanë parë me sy, sidomos diçka që nuk përmendet, ose që përmendet tepër, tepër rrallë. Kanë parë përdhunimet masive të grave, të motrave, të nënave të tyre; dhe ata nuk mund ta harrojnë kurrë këtë gjë. Dhe unë këtë e them, kurrsesi jo për të nxitur, ne duhet t’ua kujtojmë serbëve, që të kuptojnë se çfarë kanë bërë serbët në Kosovë, dhe kështu do ta kenë më lehtë dhe nuk do të vuajnë nga mllefe të kota.

Kryeministri Koshtunica, i cili përfaqëson klanin nacionalist në Serbi, e ka kthyer vështrimin drejt Moskës. Si e shikoni ju rolin e Rusisë në mbarë këtë proces?

Për fat të keq, roli i Rusisë si një vend i madh, një vend që qëndron në largësi dhe që duhet ta kishte vizionin më të qartë, në fakt qëndrimi i saj është tepër zhgënjyes. Unë nuk e kuptoj se si në konfliktin që ndodh në Ballkan, Rusia të niset vetëm nga një pikëpamje, që do ta quaja racore, në mos raciste. D.m.th, që meqenëse miqtë tanë serbë janë sllavë, ne në çdo rrethanë do të marrim anën e tyre, pa parë kurrsesi se cila është e drejta. Pra në Ballkan, po kthehem prapë tek ajo që thashë në fillim, nuk ndodhi një çmendje e përgjithshme: u përleshën dy palë – njëra palë kishte ushtrinë, policinë, tanket, gjithçka. Pala tjetër s’kishte asgjë, veç duarve të zhveshura. Ndodhi pra një tragjedi. Rusia duhej të jepte një ndihmë, t’u thoshte serbëve, për të mirën e tyre, këtë po e theksoj, të frenoheshin në këtë psikozë revanshiste, se nga një psikozë e tillë nuk del asgjë. Tani thuhet se Rusia ka interesat e saj e të tjera gjëra, por unë mendoj se ky qëndrim jokonstruktiv, jondërtues i Rusisë, nuk i shkon asnjë vendi, aq më tepër një vendi të madh.

Të dielën Kosova shpalli pavarësinë, që ishte kurorëzimi i përpjekjeve dhe sakrificave shumëvjeçare. Tashmë, një numër i konsiderueshëm vendesh e njohën atë....Në mozaikun më të fundit ballkanik, si e shikoni ju pozicionin e Kosovës?

Mendoj që qëndrimi i Kosovës në përgjithësi, i shqiptarëve, i liderëve të saj, i institucioneve, ka qenë me të vërtetë një qëndrim shumë konstruktiv, shumë pozitiv, shumë gjakftohtë, një qëndrim, i cili bazohet vërtet në standardet dhe kryesorja, në idenë e një të ardhmeje në paqe, pa luftë, në miqësi me fqinjët e tjerë, natyrisht duke përfshirë edhe serbët që janë në kufi dhe sidomos serbët që janë brenda në Kosovë. Unë e kam admiruar qëndrimin gjakftohtë të shqiptarëve, nuk ka pasur asnjë thirrje revanshi. Nuk ka pasur asnjë thirrje për hakmarrje, siç është krijuar legjenda e hakmarrjes së famshme të shqiptarëve, që “tashti erdhi ora, shqiptarët do t’u vënë zjarrin manastireve të serbëve, do të hakmerren, do të gjejnë rastin... Asgjë e tillë nuk ka ndodhur. Prandaj po kthehem përsëri tek këto profeci të arta, të cilat nuk u vërtetuan dhe kjo është një gjë shumë e gëzueshme për shqiptarët dhe për të gjithë ballkanasit, duke përfshirë edhe serbët.


Marrë nga “Zëri i Amerikës”

[Dita]

Ajo qe ka dale pardje ne qarkullim ishte video "Kosovo za patike". Dje paska dale dhe "Kosovo za patike 2".




E para ka pasur ne dy dite me shume se 570000 shikime. Ka gati 5500 komente. Ai qe e ka vendosur paska shkruar si shpjegim per videon, se kishte nisur te filmonte dhe kish rastisur dy here ne vende te ndryshme ne po te njejtat vajza, ndaj dhe duke nxjerrur ato te dyja paska dashur te tregoje, se persona te tille jane ekstreme dhe nuk jane te gjithe serbet ashtu. Kush pyet ne keto raste se "cfare ka dashur te shprehe autori"!!!

Tani po me vjen shume keq qe nuk i kuptoj dot komentet, se aty paska material qe...

[Kosovar2006]

Serbia tregoje botes se kush jan

[DYDRINAS]

Ambasada amerikane fillon evakuimin


SHBA ka filluar tërheqjen e stafit jo shumë të nevojshëm të ambasadës në Serbi pas një sulmi të demonstruesve kundër përkrahjes amerikane për pavarësinë e Kosovës.

Një autokolonë me afro 40 makina janë larguar tani nga Beogradi.

Në një deklaratë, ambasada amerikane tha se i kishte ofruar edhe shtetasve privatë amerikanë mundësinë që t'i bashkoheshin autokolonës për në Kroaci.

Deklarata thotë se evakuimi është i përkohshëm, por ishte urdhëruar për shkaqe sigurie.

Pritet që amerikanët të jenë larguar të paktën për një javë.

Ambasada është e mbyllur, ndërkohë ndërtesës i janë bërë riparimet e duhura pasi pjesëve të saj iu vu zjarri nga protestues të enjten.

Mësohet se policia në Beograd ka arrestuar të paktën 200 vetë pas protestave ku një person u vra dhe disa të tjerë janë plagosur.

Situata në Beograd është e qetë sot , por opozita serbe ndaj pavarësisë së Kosovës është më e fortë se kurrë.


BBC

[DYDRINAS]

Departamenti i Shtetit urdhëron largimin e punonjësve të ambasadës dhe familjeve të tyre nga Serbia

23-02-2008


Departamenti i Shtetit urdhëroi të premten pasdite largimin nga Serbia të personelit jo të domosdoshëm dhe anëtarëve të familjeve të punonjësve amerikanë në ambasadën amerikane në Beograd.

Pas protestave të së enjtes dhe sulmit ndaj ambasadës amerikane në Beograd, Departamenti i Shtetit thotë se shtetasit amerikanë duhet të konsiderojnë seriozisht rreziqet e udhëtimit apo qëndrimit në Serbi gjatë kësaj kohe. Ndërsa ambasada amerikane vazhdon të mbetet e mbyllur, qytetarët amerikanë në Beograd këshillohen që të shmangin zonat kur mund të mbahen demonstratat, si për shembull ambasada amerikane.

Ambasada e Shteteve të Bashuara në Beograd parashikon që grumbullime dhe aktivitete të ardhshme ku protestohet kundër shpalljes së pavarësisë së Kosovës, qofshin zyrtare ose jo zyrtare, mund të paraqesin rrezik për sigurinë për kalimtarët dhe pjesëmarrësit. Bizneset dhe organizatat me lidhje me Shtetet e Bashkuara mund të shërbejnë si pika qendrore për këto demonstrata.

Departamenti Shtetit, në njoftimin e së premtes, u kujton shtetasve amerikanë se edhe demonstratat paqësore mund të kthehen në konfrontuese dhe mbase të përshkallëzohen në dhunë. Në njoftim bëhet thirrje të shmangen zonat e demonstrimeve dhe të tregohet kujdes. Meqenëse koha dhe vendet ku mbahen protestat mund të ndryshojnë, Departamenti i Shtetit thotë se shtetasit amerikanë duhet të ndjekin burimet e medias lokale për zhvillime të reja.


VOA