Meidani, Pjese E Elites Akademike

[Enri]

Akademia e Shkencave ka shtuar ne radhet e saj dhe 12 personalitete te tjera. Emri me i spikatur ne liste ishte ai i ish-presidentit te Shqiperise, Rexhep Meidani. Deri tani kane qene 27 akademike, ndersa me emrat e rinj numri i tyre arriti ne 40 te tille. Ne kete liste te gjate profesoresh dhe akademikesh, pervec emrit te ish-presidentit Rexhep Meidani, eshte shtuar dhe ai i Kristo Frasherit, Jorgo Bulos dhe shume drejtuesve te tjere neper institucione te rendesishme shqiptare. Sipas te dhenave, ish-presidenti ka konkurruar edhe per postin e kryetarit te Akademise se Shkencave nder 3 kandidaturat e tjera, midis te cilave drejtuesi aktual, Ylli Popa dhe akademiku Alfred Uci. Behet e ditur se kryeakademiku aktual, Ylli Popa mori 67 vota, ndersa kandidati Meidani vetem 4 te tilla. Qe pas dorezimit te mandatit te tij presidencial ne duart e kreut aktual te shtetit, Alfred Moisiu, ish-presidenti Meidani i eshte rikthyer aktivitetit te tij normal. Hapi i pare qe ndoqi ishte rimarrja e teseres se Partise Socialiste, duke u rianetaresuar edhe nje here tjeter. Por Meidani nuk eshte rikthyer vetem ne politike, ku mundesia me e madhe eshte ajo e kandidimit te tij ne postin e kryetarit. Ai eshte radhitur ne 40 akademiket me te mire te Shqiperise, duke vleresuar kontributin e tij ne fushen e shkencave.

[RaPSouL]

Rexhep Meidani, kush është Ish-Presidenti që mban titullin e akademikut


Rikthehet në debatin për Kushtetutën Ish-Presidenti Rexhep Mejdani. Si anëtar i Partisë Socialiste ai këtë herë ka firmosur pro referendumit të Kushtetutës, duke u bashkuar kështu me Lëvizjen Socialistë për Integrim. Si dhe Mejdani, një tjetër ish-president që ka të njëjtën mendim me të, është edhe Alfred Moisiu. Mejdani është një nga figurat më të konsoliduara të elitës Shqiptare. Ai është diplomuar në fakultetin e Shkencave të Natyrës në degën e Fizikës, dhe më pas ka mbaruar Universitetin e Kanës në vitin 1974. Ish-Presidenti mban titullin profesor doktor në shkencën për të cilën ka studiuar. Këtë herë ai është kthyer në qendër të vëmendjes duke ju bashkuar deputetëve të LSI-së së bashku me një ish-president tjetër, Alfred Moisiun.

A. AKADEMIK. Figura e Rexhep Mejdanit ka qenë në radhët e akademikëve. Për këtë ka mbajtur postin e kryetarit të Akademisë së Shkencave.

B. BOTIME. Gjatë viteve si pedagog, por edhe më tej, Rexhep Maidani ka botuar një sërë studimesh librash dhe artikujsh, brenda dhe jashtë vendit.

C. CILËSI. Meidani është një nga intelektualët më të shquar, përveç cilësive profesionale që ai ka për shkak të profesionit, ai është njëkohësisht një politikanë shumë i zoti.

Ç.ÇËSHTJA. Kushtetuta është një nga çështjet më të diskutuara dhe që e ka sjellë në vëmendje figurën e ish-presidentit.

D. DEKAN. Pas mbarimit të shkollës me rezultate të shkëlqyera ai punoi si pedagog, shef katedre dhe më pas emërohet dekan i Shkencave të Natyrës.

DH. DHJTË. Ka mbaruar studimet në të gjitha shkallët me rezultate të shkëlqyera, ku dhjeta nuk ka qenë asnjëherë problem për t’u marrë, por, si pedagog, dhjeta ka qenë vështirë për t’u dhënë.

E. ELBASANI. Është qyteti ku ka lindur Rexhep Mejdani. Aty ka mbaruar dhe shkollën e mesme, si një nga qytetet me më traditë në rrugën e arsimit.

Ë. ËNDJE. Nëse ka diçka për të cilën flet gjithmonë me ëndje është fizika dhe teoritë e saj.

F. FIZIKAN. Është titulli që Rexhep Mejdani mban. Ai është diplomuar për Fizikë dhe ka qenë dekan pranë Fakultetit të Shkencave të Natyrës.

G. GUSHT. 17 gusht i vitit 1944, është muaji kur ka lindur Ish-Presidenti Meidani në qytetin e Elbasanit.

Gj.GJERMANIA. Është skuadra e tij e preferuar në futbollin botëror. Megjithëse nuk është shumë i dhënë pas sportit, lojën e kësaj skuadre nuk e lë asnjëherë pa e parë.

H.HANDIKAPI. Handikapi i vetëm që Mejdani tregoi në presidencën e tij 5-vjeçare ishte thjeshtësia me të cilën ai drejtoi këtë institucion, çka u mor nga media si një nënshtrim ndaj pushtetit ekzekutiv.

I. INTELIGJENT. Për të nuk është problem, arrin të komunikojë si në fushën e tij, që është ajo ekzakte, ashtu edhe në ato shoqërore.

J. JETËSHKRIMI. Është një nga personalitetet me jetëshkrim më të pasur. Pas përfundimit të fakultetit në Shqipëri studimet pasuniversitare i ka mbaruar në Francë.

K. KUSHTETUTA. Vala e ndryshimeve në Kushtetutë është një nga çështjet që e ka kthyer në diskutime Rexhep Mejdanin.

L. LIGJET. Për ish-presidentin nuk janë të rëndësishme vetëm ligjet e fizikës, një rëndësi për mos t’u anashkaluar kanë dhe ato të Kushtetutës.

LL. LLAFE. Për një fizikan është e vështirë të ketë shumë fjalë. Fjalët më të mëdha ai i thotë me anë të formulave.

M. MOISIU. Pasi la postin e Presidentit, ishte Alfred Moisiu ai që e zëvendësoi dhe këto ditë kanë qenë së bashku në mbështetje të referendumit.

N. NISMË. Nismës për referendumin e Kushtetutës i është përfshirë edhe Rexhep Mejdani, që, ndryshe nga socialistët, ka firmosur bashkë me LSI-në.

NJ. NJOHËS I LIGJEVE. Nuk është një njohës shumë i mirë vetëm i ligjeve të fizikës, por dhe i ligjeve të vendit.

O. ORATOR. Fakti që ka mbaruar Universitetin e Shkencave të Natyrës nuk e ka penguar Meidanin të jetë edhe një orator shumë i mirë.

P. PRESIDENT. Rexhep Mejdani ka mbajtur postin e Presidentit për një mandat 5-vjeçar. Ai u zgjodh kreu i shtetit në një vit të vështirë, atë të ‘97-ës.

Q. QEVERIA. Ka qenë në krye të qeverisë për një periudhë 5-vjeçare dhe ka treguar se di të qeverisë dhe të menaxhojë një vend.

R. REFERENDUMI. Referendumi për Kushtetutën, një nga çështjet më të përfolura politike ditët e fundit. Ai ka firmosur pro këtij referendumi

RR. REGULLI. Për të rregulli është i shenjtë. Për shkak të edukimit që ka marrë, një gabim në rregull të kushton shumë.

S. SISTEMI ZGJEDHOR. Ka qenë i përfshirë në disa sisteme zgjedhore, madje ka mbajtur postin e kryetarit të KQZ-së në zgjedhjet e 1991.

SH. SHKOLLA. Për të, të studiuarit ka qenë një nga gjërat më të rëndësishme dhe primare, dhe shkolla ka luajtur një rol të rëndësishëm.

T. TEKNICIEN. Është individ që arrin të manovrojë shumë mirë në politikë, duke arritur të ruajë ekuilibrat.

TH. THJESHTËSIA. Është një nga karakteristikat më të spikatura të Rexhep Mejdanit.

U. UDHËHEQËS. Ka udhëhequr Shqipërinë duke mbajtur postin e Presidentit të Republikës për 5 vjet me radhë.

V. VLERËSIME. Mejdani shquhet për vlerësimin e saktë të nismave ligjore që bëhen në Parlament nga të gjitha krahët e politikës.

X. XUGIT. Është një njeri që nuk i pëlqen replikat, megjithatë me debatet që ka ngritur shpesh në media për sistemin zgjedhor ka ngacmuar jo pak partitë politike.

XH. XHAKETA. Për shkak të profesionit të tij, në të gjitha daljet në publik, xhaketa dhe kravata janë dy elementet kryesore të veshjes.

Y. YLLI i karrierës së tij mund të thuhet se kapi majat pas viteve 1998, kur vendi kishte nevojë për një udhëheqës bashkëkohor.

Z. ZGJEDHJE. Me propozim të Partisë Socialiste, Kuvendi i Shqipërisë e zgjodhi më 23 korrik të vitit 1997 President të Republikës.

ZH. ZHVILLIM. Rexhep Mejdani është një nga personalitetet e shtetit shqiptar që ka dhënë kontributin e tij në zhvillimin e vendit.



Artikulli