Mos e fshihni te verteten

[rapsod]

Ihaaa si paska shku tema....

rapsod une dua vetem te verifikoj se ku eshte bazuar Nasirudin Albani qe ka then ato fjale per Ibn tejmijen....jo se nuk e besoje por thjesht e ndjej obligim te ndjek argumentin dhe jo thjesht fjalen e dikujt.
Sikur mos te kisha lexuar se Ibn tejmije tek tefsiri i tij i Kuranit ne disa vende shpreh se Firaoni do te jete pergjithmone ne xhehenem ateher do hecja me fjalen e Albanit.
Sic te thash un ja marr fjalen atij vec per faktin se gjithmon e ka folur ate ca ka menduar dhe pse mund te ket qene kundra interesave te tija dhe besoj se do ket patur argument deri sa e ka shprehur ato fjale.

Kam nje pyetje per ty.... e njef ti nje dijetar Muhamed hariri el habashi ne liban? se nje somalez ma permendi nje dite...te pyes ty sepse ti ke qen andej.

Persa i perket çeshtjes tone ne fjale, pra zhdukjes se xhehenemit tek Ibn Tejmijeh, kjo eshte "meshhur" (e mirenjohur) ne rangjet intelektuale islame.
Dua te them se kjo lloj doktrine e dale perhere te pare nga Ibn Tejmijeh, nuk eshte e panjohur. Dikush qe interesohet per kontinuitetin e dijeve islame nder vite, duhet ta kete hasur se Ibn Tejmijeh ndryshe nga bipolariteti ne mendim, ne format "bardhe e zi", ai ka zhvilluar nje mendim te trete, pra me shfaqien e mendimit Tejminist, vjen edhe tripolariteti. psh: filozofet deklaroheshin per amshueshmerine e botes, ndersa Ehli Sunneti deklarohet per incidentalitetin e botes, ne kete faze hyn ne mes Ibn Tejmije duke deklaruar polin e trete "amshueshmeria e llojit te botes"; per Zjarrin, Xhehmite deklaruan se zhduket, ndersa Ehli Sunneti deklarohet per moszhdukjen, Ibn Tejmijeh deklarohet se zhduket pjeserisht,....kjo lloj filozofie e ka kategorizuar Ibn Tejmijen si nje shkolle e vecante ne filozofine islame (shih rreth kesaj librat e historise se filozofise islame).
Bazuar ne çka thame me larte, Albani, ashtu sikurse edhe shume te tjere qe nuk i perkasin linjes se Albanit, ne epoken qe jetojme sot nuk e kane pasur te veshtire (mendoj une) te arrine te konfirmojne dogmen e Ibn Tejmijes mbi Zjarrin. Autore me potence ne shkencat Islame kane kofirmuar nje gje te tille, jo pak i rendesishem eshte Subkiju, cdo kush qe njeh peshen e Subkijut, ne momentin qe i bie ne dore libri i tij qe kundershton ashper Ibn Tejmijen, pa medyshje do te kishte hedhur interes per te kerkuar rreth kesaj ceshtje dhe te dale ne konkluzione, ketu nuk hyj une sepse une jam nje grimce atomi mes njerezve me peshe, ato qe une deklarohem nuk jane vec mendime te personaliteteve, them mendime sepse rruga ne te cilen shkel, nuk eshte gje tjeter vecse shfaqia e te njejtes menyre e dijetareve, pra une thjesht shfaq ne forum ate qe dijetaret kane thene rreth kesaj çeshtje. Fare mire mund te deklarohesha se Ibn Tejmije deklarohet per zhdukjen e zjarrit por ajo qe une perzgjedh nga çkam hulumtuar eshte ajo se Ibn Tejmijeh anon kah zhdukja, per faktin e elekuences qe perdor Ibn Tejmijeh nuk mund te jem i bindur se ai deklarohet totalisht por thjesh besoj se ai anon kah kjo dogme.
Persa i perket Faraonit, domosdo qe ai do te jete pergjithmone ne xhehenem dhe kjo nuk e rrezon pretendimin e zhukjes se Zjarrit tek Ibn Tejmijeh, per faktin se Ibn Tejmijeh nuk deklarohet per zhdukje teresore por per zhdukje te pjesshme.
Nga ana tjeter, Ibn Tejmijeh asnjehere nuk eshte i percaktuar ne nje stad dmth se Ibn Tejmijeh ne mendimet e tij gjithmone ka levizur dhe nuk ka qene stabil, kete e konfirmojne edhe disa biografe qe flasin se ne fillim Ibn Tejmijeh ishte nje nder njerezit me popullaritet dhe me shume fame ne shkancat islame, por nga fakti se nuk ishte i vetmi solli xhelozine e tij. Kete gje Dhehebiju vete e ka kritikuar ne "Keshillen e arte" drejtuar Ibn Tejmijes.
Persa i perket personit Muhamed hariri el-Habeshi, kete nuk e kam degjuar ai qe kam degjuar per te eshte nje Hafidh (ne hadith) Abdullah El-Hererij El-Habeshij El-Abderij (El-Abderij eshe prejardhje nga ehli Mekkeh qe ka lidhje me Profetin), ben vaki qe ky Muhamed te jete i biri. Nuk e njoh dhe aq mire personalisht, por me çkam degjuar rreth tij ne Liban, disa jane kundra dhe disa jane pro. Ata qe jane kundra, kundershtojne menyren e ashper qe ai perdor per te demaskuar dogmat e Ibn Tejmijes dhe kryesisht te Ibn Abduluehhabit, ndersa ata qe jane pro tij mendojne se nuk do te kishte rruge tjeter per faktin se vehabizmi po perhapet me shpejtesi ne format nga me te ndryshme.
Persa i perket dijes se keti Abdullahut, thone se eshte Hafidh ne Hadith dhe kete e konfirmon edhe Dar El-Fetua ( Myftinia ne Liban) qe eshte kundra medotes se ashper te tij anti-vehabiste.
Libani eshte nje vend qe gjen rryma te ndryshme, aty mund te gjesh nga Liberalet deri tek ekstremistet, nuk kam pasur frike kurre te degjoj prej disa grupimeve se çthone, normalisht tek esktremistet nuk kam shkelur asnjehere per vete natyren time qe i urrej setepermi. Edhe pse disave mund t'ju duket e habitshme nuk mund ta mohoj se dy tre here kam degjuar prej keti Abdullahut ashtu siç kam degjuar edhe nga shiitet, ashtu siç kam degjuar edhe nga disa te lajthitur qe me vinte per te qeshur kur i degjoja. Persa i perket Abdullahut, ai kryesisht ka deshire te referoje rreth Fik'hut dhe urren t'i behen pyetje per ceshtje qe rrezikojne ne kufer. por se deklarohet hapur se kush shan Allahun ben kufer, kush shan profetin ben Kufer e cdo gje qe ka lidhje me simbole islame gjera qe jane te perhapura, per fat te keq mes njerezve. Ajo qe dua te theksoj me kete rast se ka shume prej personave qe i thone vetes habeshi (qe ndjekin mesime tek abdullahu) nga injoranca e tyre kane perhapur nje mendim ne Liban se Abdullahu ben qafir cdo njeri qe nuk eshte habeshi dhe kjo per mua dhe per cdo kend qe e njeh Libanin si natyre, duket normale sepse Libni ka shume grupacione qe "per inat te sime vjerre flej me mullixhiun", ndersa mua te dy tre heret me eshte dukur interesant, ndoshta ndoshta nuk kam hasur te degjoj nga ato bemat qe qarkullojne neper Liban rreth tij, por gjithashtu ndoshta eshte hiperbolizuar nga njera ane dhe mitizuar nga ana tjeter figura e Abdullahut. Mua me eshte dukur nje plak i urte dhe i lezecem, i thjeshte per ta kuptuar dhe me duket se po abuzohet me figuren e tij. Allahu e ruajt prej injoranteve nese ai eshte me te vertete i ditur. Une nuk i referohem atij sepse nuk kam studiuar tek ai.

[rapsod]

Duke respektuar Fisniku_Student per te mos nderhyre ne temen e tij po e kundershtoj ne disa pika ne lidhje me biografine e Ibn Tejmijes te cilen nuk e di se nga e ka cituar.

Fisniku thote:

ai filloi të jepte fetva në çështje ligjore fetare pa ndjekur asnjërën nga shkollat tradicionale - Hanefite, Hanbelite, Shafiite apo Malikije. Ai e mbronte traditën e shëndoshë profetike me argumente, të cilat edhe pse ishin nga Kur’ani dhe sunneti, ishin të panjohura për njerëzit e kohës së tij.

Ne kete pike cdo muxhtehidi i lind e drejta te jape fetva pa pasur ndikim juridik nga asnje prej kater shkollave tradicionale te permendura me larte, duke mos harruar se ato nuk jane te vetmet po te kemi parasysh se ka pasur edhe shkolla te tjera juridike si ajo e Euza'it, Lejthit, Dhahiriut etj. Ajo qe kundershtohet eshte se Muxhtehidi ne pikpamjet e tij jashta shkollave tradicionale nuk vjen te mbroje traditen profetike, pasiqe cdo shkolle e meriton te quhet mbrojtese e tradites, por ai me opinjonin e tij sjell opinjon ndryshe e cila i ploteson kushtet e saj dhe nuk bie ne kontradikte me Librin Sunnetin.

Fisniku thote:

Kjo nuk e ndaloi fare ibn Batutan që në librin e tij të “dëshmojë” se “ishte dëshmitar kur ibn Tejmije kishte thënë se All-llahu çdo natë zbret në qiellin me të ulet sikurse zbritja ime”, “dhe ai bëri një hap poshtë vendit ku qëndronte”. Nga leximi i kësaj akideje, kuptojmë se ibn Tejmije i ka pranuar Cilësitë e All-llahut azze ue xhel-le pa pyetur fare si janë ato (bi-ila kejfe).

Kjo histori ka qene dhe tregohet jo vetem nga Ibn Batutah, Ibn Tejmijeh ka qene ne hutbeh kur i ka zbritur shkallet dhe per kete akt ai eshte goditur me nallane nga xhemati duke mos harruar se koha qe Ibn Tejmije ka jetuar ka pasur nje xhemat mesatarisht te informuar fetarisht qe nuk krahasohet me ditet tona.
Ajo qe te vjen keq nga ky citim eshte se si Ibn Tejmije paska pranuar se atributet e Allahut jane "Bila Kejf" (pa modalitet), kur ai ka demonstruar nje modalitet qe eshte zbritja fizike e nje trupi qe ne rastin konkret eshte Ibn Tejmije, kjo bie ne kundershtim me ate qe Ibn Tejmije ka pretenduar se beson qe eshte (sipas te njejtit citim te Fisnikut) :

Ibn Tejmije thotë në "et-Tadmurijje" (fq.20):

“Është e domosdoshme të konfirmohet ajo që All-llahu e ka konfirmuar për veten e Tij, dhe njëkohësisht për të mohuar ngjashmërinë e Tij me krijesat e Tij… Kushdo që thotë se Dija e Tij është sikurse dija ime, apo Fuqia e Tij sikurse fuqia ime, ose Dashuria e Tij sikur dashuria ime, ose Kënaqësia e Tij sikurse e imja, ose Dora e Tij sikurse dora ime, ose ngritja (isteva) e Tij sikurse ngritja ime, atëherë ai e ka ngjasuar All-llahun me krijesat e Tij.

Pra Ibn Tejmije ka bere krahasimin mes Allahut dhe vetes se tij.

me poshte thote:

Vazhdimisht kishte përplasje polemizuese ndërmjet Esharinjëve dhe Hanbelitëve

Se cfare lidhje ka Esh'arijeh si shkolle akaidi me Hanbelijeh si shkolle juridike, kete le ta thote Fisniku nga e ka cituar.

Duke i kaluar pa dashur te thellohem shume ne kundershti me poshte thote:

Si rezultat i popullaritetit të ibn Tejmijes, disa dijetarë fetarë me ndikim shfaqën xhelozinë e tyre ndaj tij, bile edhe e ngacmonin, sepse ai kishte kurajën të sfidonte gjykatësit në shumë çështje ligjore

Per popullaritetin qe pati Ibn Tejmije shume eshte aluduar edhe me lart ne kete citim te Fisnikut, por cfare ishte kjo mase njerezitsh? Dhehbiju ne "Nesihatu Edh-Dhehbijeh" kur ia drejton Ibn Tejmijes "Keshillen" i tregon se shumica e ndjekesve te tij ishin injorant te paskrupullt.

Kur ibn Tejmije pati arritur në Egjipt, ai u thirr të prezantojë në një takim të dijetarëve, juristëve dhe shefave të shtetit. Gjatë takimit, shumë akuza vërshuan ndaj tij lidhur me konceptet e tij lidhur me natyrën dhe Cilësitë e All-llahut azze ue xhel-le. Atij nuk iu lejua të mbrojë veten e tij dhe menjëherë u burgos për 16 muaj.

Kjo s'eshte aspak e vertete, kur debati i hapur mes Ibn Tejmijes dhe dijetareve ate nuk e akuzuan por i treguan se çkishte shkruar te zeze ne te bardhe, ai duke qene se i pranonte, dijetaret ia refuzonin me argumente gje te cilen Ibn Tejmije nuk mund ta refuzonte dot.

Dijetarët fetarë, të cilëve iu referoheshin të gjitha ankesat, nuk mund të gjenin kurrfarë gabimi të ibn Tejmije.

Gabimet e Ibn Tejmijes jane replikuar dhe kundershtuar nga dijetaret duke mbushur fletet me shkrimet e tyre per ceshtje te ndryshme.

Sidoqoftë, pasi që administrata po lodhej vazhdimisht me akuzat e ngritura ndaj tij, ai u burgos prapë, mirëpo shpejt u lirua më urdhër unanim të dijetarëve fetarë

e gjitha kjo situate nuk ishte sepse Ibn Tejmijen e respektonin si dijetar te madh por sepse Ibn Tejmije kishte bere TEUBEH pas "Keshilles se Arte" te Dhehebijut qe iu dergua ne burg, ai nenshkroi nje dokument para nje komisioni duke deklaruar se hiqte dore nga pretendimet e tij per ceshtjet dhe se besonte te njejtat gjera qe besonin te pranishmit dhe konfirmonte te njejtat gjera qe konfirmonin te pranishmit dhe kjo deklarate u firmos me pas nga gjykatesit perkates te shkollave juridike.

Ibn Tejmije, sikurse paraardhësit e tij, ishte Hanbelijj dhe mendimet legale të tij ishin në pajtim me këtë shkollë, edhe pse jo me çdo kusht. Ai shpesh e refuzonte këndvështrimin hanbelit, mirëpo edhe ne shumë çështje shfaqte mospajtimin e tij me të 4 shkollat juridike. Një shembull i tillë i mospajtimit ishte në lidhje me shkurorëzimin e një gruaje me 3 divorce ne të njëjtën kohë.

Persa i perket pranimit te mendimeve te nje shkolle ajo eshte ne doren e cdo muslimani dhe jo vetem te Ibn Tejmijes, te dalesh jashta mendimeve te shkollave juridike kjo eshte kompetence e muxhtehidit, por çeshtja e 3 divorceve ne nje kohe nuk eshte me çeshtje e kater shkollave siç citohet nga Fisniku, por e Ixhmase qe eshte unanimitet i te gjithe botes islame per te cilen nuk guxon askush ta kundershtoje, nje kundershti e tille te devijon nga Islami sepse Ixhmaja ne sheriat konsiderohet e palevizshme dhe e pagabueshme ne baze te hadithit te Profetit s.a.v.s. : "Ymeti im nuk do te tubohet kurre nen nje çeshtje qe te çon ne humbje", fjala tubim ne arabisht eshte "Jexhma" dhe sirrjedhoje eshte cilesuar unanimiteti Ixhma. (nga libri i Ixhmase se Ibn Hazmit)
Kundershtine e Ixhmase e konfirmon edhe citimi i Fisnikut:

Të gjithë juristët dhe tradicionalistët e mëhershëm, si dhe një numër i madh i sahabëve të të Dërguarit, sal All-llahu alejhi ue sel-lem, ishin të mendimit se një ndarje e tillë, edhe pse ishte e neveritshme jashtë rregullit dhe mëkatare, mund të shikohet si një divorc i aluduar me efekt legal.

Pamvaresisht se si eshte shprehur ne kete fjali duke e paraqitur çeshtjen si çeshtje e "xhumhur" dhe jo si Ixhma e konfirmon fundi i fjalise si "Efekt Legal" qe faktikisht eshte kete efekt e jep Ixhmaja.
Aplikimi i fetvase se 3 divorceve sipas Ibn Tejmijes u pranua pas daljes se Ibn Abdulvehabit qe nje fetva e tille ne sheriat cilesohet Shadh (i pareferueshem)
Duke dashur qe per 3 divorcet ne nje kohe te shkruaj me vone do ta le me kaq por po theksoj se Ibn Tejmije e ka thyer Ixhmane ne me shume se 40 çeshtje.
Persa i perket ceshtjeve prekese dhe me intelektuale do te sjellim edhe mendimin e Ibn Tejmijes ne librin e tij "Te'sijis" i cili hap nje kapitull te ri te mendimit filozofik te tij ne te cilin si filozof ai qe i deshtuar.
Selam

[Kujtim Demiri]

pershendetje te nderuar...

une mendoj se ndarja e qfardo lloji e myslimaneve nuk qendron, por te gjtha keto ndarje qe ju po i permendi eshte si pasoje e keqinterpretimit dhe keqkuptimit te \islamit.

edhe vet ardhja e fese islami tregon se ka pas keqinterpretime dhe keqkuptime ne religjionet e meparshme te cilet kane ndryshuar ndoshta edhe parimet baze te fese se tyre, keshtu qe une mendoj se ndarja e myslimaneve ne ekstremiste - liberal, selefi - hanefi, etj.. jane si pasoje e tendencave te dashakqive te fese Islame dhe njerezimit per ndarjen e shoqerise

shpresojm qe me kete koment timin e mos ju kem ofenduar...