Sal Berisha ortak me Edvin Ramen

[BARAT]

Marrëveshja e fshehtë Rama-Berisha, ndërtim pa leje politik i palegalizuar nga Shaban Memia


Tuesday, 26 February 2008
Nga Kastriot Myftaraj - Më në fund dje, kryetari i PS, Edi Rama e pranoi se mes tij dhe kryeministrit Berisha ekziston një marrëveshje e fshehtë, të cilën ai u mundua që ta justifikonte me eufemizmin se bëhet fjalë për një marrëveshjeje të madhe në interes të vendit: “Ju siguroj, që jo vetëm nuk më komplekson asnjë situatë dhe asnjë sjellje demagogjike dhe abuzive lidhur me marrëveshjen PS-PD, por përkundrazi ne synojmë një marrëveshje të madhe të të gjitha forcave politike, ku sigurisht PS dhe PD janë boshtet e patjetërsueshme të dy anëve të spektrit politik për të garantuar integrimin e Shqipërisë në NATO përmes kryerjes së dy reformave themelore, për të garantuar zgjedhje të lira dhe të ndershme dhe plotësimin e aspiratave të shqiptareve dhe shqiptarëve, që kërkojnë sot nga politika pikërisht këtë që po bëjmë dhe për këtë arsye konsensusi për politikën tonë të re rritet përditë për të garantuar atë çka për vet natyrën e këtyre reformave dhe për vet natyrën e proceseve integruese nuk mund të garantohet me arsyen e forcës, por vetëm me forcën e arsyes. Sigurisht me forcën e arsyes të sa më shumë pjesëmarrësve në këtë proces”. Rama, sipas stilit tek tij projekton tek kritikët e tij, problemin e vet. Tashmë nuk është demagogji të thuash se ka marrëveshje të fshehtë Rama-Berisha, por të mohosh këtë gjë. Se që ka marrëveshje të fshehtë kjo është bërë e qartë, derisa PD nuk reagon ndaj balonave të provës që lëshon njeriu kryesor i Ramës për reformën zgjedhore, Kastriot Islami për modelin rajonal proporcional spanjoll. PD duhet ta kundërshtojë modelin proporcional rajonal, edhe pse ia ka lënë opozitës të drejtën të zgjedhë modelin, se modeli proporcional rajonal zbatohet në vende që janë federata, ose kërkojnë të bëjnë përfaqësim politik në sens federal për njësitë administrative, duke favorizuar njësitë e vogla. PD hesht edhe pse e di se me zbatimin e modelit rajonal proporcional do të dëmtohet shumë LSI, çka është qëllimi i Ramës. Por shkatërrimi zgjedhor i LSI logjikisht nuk i intereson PD, se koha zgjedhjet e vitit 2005 treguan se LSI e ndarë nga PS, për shkak të moskompromisit të liderit të PS, është kundërbalancues i PS tek e majta. Kështu që PD logjikisht e pranon shkatërrimin zgjedhor të LSI vetëm nëse si pjesë e marrëveshjes së fshehtë Rama-Berisha është PS t’ i humbë zgjedhjet e ardhshme, nuk po them që t’ i fitojë PD, se fitorja e PD do të jetë pasojë e dëshirës së Ramës për t’ i humbur zgjedhjet, duke dashur ta përdorë humbjen për të spastruar të padëshiruarit në PS nga grupi parlamentar, dhe partitë e vogla të së majtës. Si shpërblim tjetër Rama do të marrë bashkëqeverisjen me Berishën, nga e cila realisht po përfiton duke bërë të dy pazare për tenderë, leje ndërtimi, në dobi të njëri-tjetrit, si dhe siç e tregoi rasti i fundit kur Rama i rriti taksat bashkiake dhe me votën e anëtarëve të Këshillit Bashkiak të PD. Marrëveshja e fshehtë Rama-Berisha nuk ka të bëjë me interesat e vendit, as me hyrjen në NATO, por është një marrëveshje abuzive, e cila tashmë është zbuluar të jetë “një ndërtim pa leje” në politikë. Kur Rama kërkon ta justifikojë atë bëhet qesharak, aq më tepër kur Berisha hesht duke ia lënë atij këtë barrë. Tashmë “forca e arsyes”, po të përdor një term të Ramës, e detyron atë të kërkojë legalizim te Shaban Memia për këtë marrëveshje të fshehtë, si ndërtim pa leje politik.

[Duaje Siveten]

Buka e mafiozit
Arben Rrozhani

Kur në gjithë vendin u shtri reja e zezë e bukës 120-lekëshe dhe çifti Berisha-Bode fluturonte për në Japoni, mediat shqiptare e bënë hero një bukëpjekës te Sheshi Wilson në Tiranën e Re. Burri nuk kishte bërë hatanë, por vijonte të shiste bukën masive me çmimin 60 lekë, aq sa ishte në verën e vitit 2007. Doktor Sali Berisha as nuk ia ka idenë se ku ndodhet kjo furrë buke, ku vjen të blejë gjithë njerëzia e rrënuar prej çmimeve të ngritura nga spekulantët që ia bëjnë me sy qeverisë.

Por kjo nuk e pengon Kryeministrin e vendit, ku gjysma e popullit mendon vetëm se si të sigurojë bukën e gojës, që t'ia varë medias fajin si qyrk në qafë. Se ja çfarë xhevahiri nxori dje nga goja: "Dua të përgëzoj të gjithë ata bukëpjekës, të cilët nuk iu nënshtruan agresionit mafioz-mediatik, që në një moment të caktuar nuk ngurroi të bëjë përpjekje realisht çnjerëzore për të manipuluar çmimin e bukës.

Interesat e mafies dhe spekulimit, të bashkuar me mercenarë të fjalës së lirë, ngritën një fushatë të paprecedentë, false. Mediat shkonin dhe i kërcënonin bukëpjekësit të ndryshonin etiketat e çmimeve vetëm sa për t'i filmuar çmimet e larta por ky nuk është profesionalizëm, është anti-profesionalizëm, sepse tregu ka forcën dhe rregullat e tij". (shih www.km.gov.al). "Spiuni" në periudhën janar-shkurt 2008 shkroi aq shumë për bukën, sa iu pre edhe oreksi. Dhe i renditi ato çfarë deklaroi Kryeministri për bukën: Më 3 shkurt, Kryeministri i "skemës së kafshatës", duke u përgjigjur për rritjen e çmimit të bukës, deklaronte në konferencë për shtyp se: "Ka disa faktorë në këtë drejtim, njëri prej të cilëve është realisht shumë problematik dhe ky është shndërrimi i grurit në etanol. Energjia që prodhohet me etanol, blihet me çmim të dyfishtë, pra subvencionohet, gjë që e ka bërë grurin dhe misrin më të leverdishëm për alkool sesa për bukë. Së dyti, ky vit ka qenë një vit i mbrapshtë për prodhimin e të lashtave. Së treti, në këtë çështje ka ndikuar shumë edhe çmimi i naftës... Përsa i përket qëndrimit të qeverisë, ajo do të shqyrtojë problemin, por qeveria nuk ndërhyn dot në kushte tregu. Unë u bëj thirrje prodhuesve të bukës të mbajnë një qëndrim objektiv në këtë drejtim. Është e vërtetë që ka rritje çmimi të grurit dhe ky është realitet, një ton grurë që kushtonte 73 euro në vitin 2006, ka shkuar në vitin 2007 në 340 euro. Gjithsesi, ne po e ndjekim situatën".

[gezim07]

Ore Zotni Sala Ne Radhe Te Pare Eshte Taku Me Xhaxhin,pastaj Tosi Me Xhaxhin,po Si Thoni Ju Mos Te Takohet Sala Me Tosin.

[BARAT]

Marrëveshja Berisha-Rama, pjesë e marrëveshjes Berisha-Nano

Wednesday, 27 February 2008
Nga Kastriot Myftaraj

Edi Rama më së fundi pranoi se ekziston një marrëveshje e fshehtë mes tij dhe Berishës, të cilën ai e eufemizoi si një marrëveshje për hir të interesave të vendit. Por në rast se paska një marrëveshje të tillë, me qëllime të mira, mes Ramës dhe Berishës, siç deklaroi Rama, atëherë përse kjo nuk është bërë publikisht dhe e dokumentuar, ashtu siç janë bërë në të shkuarën marrëveshjet Majko-Berisha në 1998, apo Nano-Berisha në 2002i Në këtë pikë ajo që Rama e quan si “politika e vjetër” ka qenë shumë më transparente, së paku në dukje.Tashmë, kur Rama pohoi ekzistencën e marrëveshjes mes tij dhe Berishës atëherë jemi në situatën kur Berisha ka marrëveshje me dy prej tre poleve të së majtës, Ramën dhe Nanon. Se mbetet ende në fuqi marrëveshja Berisha-Nano e arritur në janar 2007, para zgjedhjeve vendore, e cila u deklarua nga këta të dy, në po të njëjtat terma në të cilat foli Rama, pra si një marrëveshje e gjerë për hir të interesave më të larta të vendit. Edhe marrëveshja Berisha-Nano e janarit 2007 ishte afatgjatë, dhe duket se deri më sot është konsumuar vetëm një pjesë e vogël e saj.
Duket se një nga arsyet që Rama ka hyrë në marrëveshje të fshehtë me Berishën është që të eliminojë Nanon si partner të Berishës tek opozita. Pra, Rama i thotë Berishës: Eja t’ i bëjmë bashkë ato që ke dashur t’ i bësh me Nanon! Për Berishën është një situatë shumë komode që të ketë marrëveshje me dy nga tre polet e së majtës, Nanon dhe Ramën. Kështu Berisha është në gjendje t’ i përdorë Nanon dhe Ramën si kërcënim ndaj njëri-tjetrit dhe të bëjë peshën përcaktuese në balancën e fuqisë, mes Nanos dhe Ramës. Kështu, Rama me marrëveshjen e fshehtë me Berishën, e ka futur veten në linjën më të kompromentuar të asaj që ai e quan “politika e vjetër”. Rama e ka quajtur marrëveshjen Nano-Berisha si episod të politikës së vjetër. Por sot jemi në situatën që Rama pohon se ka një marrëveshje me Berishën, që nuk mund të jetë tjetër përveçse e fshehtë, derisa nuk është lidhur publikisht, dhe pikat e së cilës marrëveshje mbeten shumë të dyshimta, derisa nuk është bërë public asnjë detaj i marrëveshjes.
Derisa për marrëveshjen Nano-Berisha, të cilën e ka denoncuar Rama, ne dijmë një datë fikse, se kur është bërë, ose së paku shpallur publikisht, edhe pse nuk dijmë gjithë detajet e saj, për marrëveshjen Rama-Berisha, të cilën praktikisht e pohoi Rama së fundi, nuk ka së paku një datë dhe një takim publik. Kjo është kuintesenca e politikës së vjetër. Duket se Rama i ka vënë si kusht Berishës që marrëveshja e fshehtë mes tyre, mos të ketë asnjë aparencë publike, në mënyrë që Rama, të mund të bënte lojën e tij të denoncimit të së ashtuquajturës politikë e vjetër, që është mënyra e Ramës për të luftuar Nanon. Kështu, Rama donte që një nga pikat e marrëveshjes së fshehtë Rama-Berisha, të ishte që Berisha t’ i jepte mundësi Ramës që ta përdorte marrëveshjen Nano-Berisha të janarit 2007 si një taktikë në luftën e tij politike.
Por dilema e Ramës në marrëveshjen e fshehtë me Berishën duhet të jetë nëse Berisha vërtet po e zëvendëson Ramën me Nanon si partner tek PS, apo se marrëveshja e fshehtë Rama-Berisha është ideuar si një taktikë në marrëveshjen Berisha-Nano, të janarit 2007. Se, duket se ka qenë pjesë e planit që bënë Berisha dhe Nano në marrëveshjen e fshehtë mes tyre në 2007, që Berisha ta joshte Ramën, dhe ta kompromentonte atë si një “kolaboracionist”, duke i hapur rrugën Nanos. Dhe Berisha e joshi Ramën duke i ofruar të gjitha ato gjëra që Rama, si kryetar bashkie, ua ka kërkuar pa sukses kryeministrave socialistë, që nga policia ndërtimore, tek e drejta e policisë bashkiake për t’ u vënë gjoba automjeteve (Dikur Nano i futi në birucë policët bashkiakë që tentuan ta bëjnë këtë gjë), tek kalimi i shumë taksave pushtetit vendor, dhe hapja e rrugës në Këshillin e Rregullimit të Territorit për aferat e pista të Ramës në ndërtim, pa folur për dhënien e vistos Ramës në reformën zgjedhore, ku berisha është gati të pranojë sistemin proporcional rajonal që kërkon Rama për të përmbushur fiksimin e tij të shkatërrimit electoral edhe të LSI, veç partive të tjera të vogla. Rama e gëlltiti “karremin” e Berishës, dhe sot Rama është në situatën që po bën, në marrëveshje të fshehtë me Berishën, diçka shumë më të keqe se ç’ bëri Nano vitin e kaluar, kur mundësoi zgjedhjen e Topit si President, duke u shmangur kështu zgjedhjet e parakohshme. Rama përçau të majtën dhe vetë PS shumë më keq se ç’ ia atribuoi ai Nanos, dhe kjo kur po afrohet koha e mbajtjes së zgjedhjeve të rregullta parlamentare.
Tashmë tek e majta, nga të tre polet e saj, Rama, Nano dhe Meta, vetëm Ilir Meta është në pozitën-komode ose jo si ta marrësh- që nuk ka një marrëveshje të fshehtë me Berishën. Meta është sigurisht në pozitë komode në raport me të majtët, por është në pozitë të keqe për shkak se do të dëmtohet nga marrëveshjet e fshehta me Berishën të liderëve të së majtës, se ato do të bëhen edhe në dëm të LSI. Në këtë situatë, duket se Berishës i konvenon loja e Ramës për të shkatërruar LSI me anë të sistemit zgjedhor, se kështu del nga loja i vetmi lider i së majtës që nuk ka marrëveshje të fshehtë me të (Berishën). Kështu, Rama ka hyrë deri në fyt “nudo” në moçalin e politikës së vjetër.