Normat e interesit per kredine ne leke dhe ate ne euro jane rritur. Konstatimin e ka bere Banka e Shqiperise ne analizen e fundit per zhvillimet monetare ne vend. Sipas saj, ndikimin me te madh ne rritjen e normes se interesit per huat duket se e ka dhene rritja e kerkeses per kredi. Si rezultat i kesaj situate, norma mesatare e kredise ne monedhen vendase, lek, arriti 14.1 per qind, nga 13.1 per qind qe ishte ne fillim te gjashtemujorit te dyte te vitit 2007. Gjithashtu, normat e interesit jane rritur edhe per kredine ne euro gjate vitit 2007 ne perputhje me ecurine e interesave ne tregun nderkombetar. Por, nga ana tjeter, rritja e normave te interesit nuk ka ndikuar ne uljen e ritmeve te dhenies se kredise, duke ndikuar keshtu ne zgjerimin e parase jashte kanaleve bankare. Ky fenomen mbetet nje potencial per presione inflacioniste ne nje periudhe afatmesme dhe afatgjate, sqaron Banka Qendrore. Kontributin kryesor ne rritjen e kredise e japin bizneset, por gjate vitit 2007 kreditimi i individeve ka ruajtur norma te larta rritjeje, duke kontribuar gjithmone e me shume ne zgjerimin e portofolit te kredise.

Dhenia e huas ka vijuar me ritmet 50.3%. Zgjerimi i portofolit te kredise gjate muajve tetor-dhjetor 2007 ne vlere absolute arriti nivelin rekord prej 32.8 miliarde lekesh, mbi 50% e te ciles u akordua vetem gjate muajit dhjetor. Gjate vitit 2007, raporti i kredise per ekonomine ndaj PBB ka njohur zgjerim te ndjeshem me 8.8 pike perqindje, duke arritur ne 30% ne muajin dhjetor. "Me gjithe rreziqet qe mbartin zhvillimet e shpejta ne portofolin e kredise, niveli i kreditimit te ekonomise nga sistemi bankar eshte akoma i ulet dhe ritmi i larte i zgjerimit te portofolit te kredise perfaqeson nje proces normal per nje ekonomi ne zhvillim", thuhet ne deklaraten e Bankes Qendrore. Sipas saj, e rendesishme ne kete proces eshte qe kjo rritje te jete e kontrolluar dhe e shendetshme, ne menyre qe te shmangen nderlikime te padeshiruara per stabilitetin makroekonomik dhe financiar ne vend. Struktura e kredise sipas monedhave nuk ka pesuar ndryshime te ndjeshme gjate 2007, por kredia ne valute dominon kredine per ekonomine.

Pervec huave, interesat jane rritur edhe per depozitat ne banka. Interesi mesatar i depozitave 12-mujore arriti ne 6.33 per qind ne muajin dhjetor 2007 ose, 0.63 pike perqindjeje me lart se, ne muajin shtator. Sipas burimeve ne BSH-se interesi i kursimeve ne banka eshte rritur me shume se parashikimet e sinjalizuara nga politika monetare. Interesat per depozitat u rriten ne fund te vitit, per shkak se u reklamuan norma te larta interesash per efekt te terheqjes se te ardhurave qe hyjne nga emigrantet. Diferenca me normat e interesit te depozitave ne euro eshte zgjeruar qe prej gjysmes se dyte te vitit, gje qe mendohet te kete mbeshtetur vleresimin e monedhes vendase.

Biznesi merr kredi per shlyerje borxhi

Kredia qe ka marre biznesi per te shlyer detyrimet ndaj te treteve gjate vitit qe shkoi eshte rritur, ne krahasim me huan per investime. Lajmin e ka dhene Banka e Shqiperise ne nje analize te fundit per zhvillimet ne sektorin e kredidhenies. Specialistet ne bankat tregtare, kane pohuar se, kredia qe kane marre kompanite private per likuiditete ka qene me e larte krahasuar me ate per investime.

Vete komuniteti i biznesit e ka pohuar mungesen e parase kesh. Kryetari i Shoqates se Ndertuesve pat pohuar se, biznesi po u drejtohet bankave per te shlyer pagat.

Gjithashtu gatishmeria e bankave per te dhene kredi mbetet e larte edhe pse Banka e Shqiperise ndermori ne fillim te vitit disa masa per frenimin e rritjes se kredise. Arsyeja kryesore, sipas eksperteve ne bankat e nivelit te dyte, mbetet kerkesa e madhe per kredi qe ka shfaqur sektori privat. Normat me te larta te rritjes se kredise u dedikohen individeve. Sipas autoritetit qendror bankar, rritja me e ulet e kredise per biznesin ka ardhur si pasoje e ngadalesimit te normave te rritjes se kredise per investime, si dhe rritjes me te shpejte te kredise per kapital qarkullues. Nga vrojtimi me specialiste te kredise vihet re qe, pavaresisht se kerkesa per kredi konsumatore ka qendruar e larte, bankat po reflektojne prirje per te shtrenguar standardet per dhenien e kesaj lloj kredie. Gjithsesi, ne tremujorin e katert te vitit 2007 rritja e portofolit te individeve, rezultoi me e ulet sesa ajo e tremujoreve paraardhes. Ky reduktim ka ardhur si rezultat i nje kontributi me te ulet qe ka dhene kredia per konsum.



58.0 per qind ishte kredia qe biznesi more per shlyerjen e borxheve dhe dhenien e pagave

33.2 per qind ishte kredia qe mori biznesi per te kryer investime te reja


Koha.