Benazir Bhutto vdes në një atentat kamikazi ne Pakistan

[D@mian]

http://www.peshkupauje.com/benazir-bhutto-vdes-ne-nje-shperthim/2007/12/27/

Ish Kryeministria dhe Kryetarja e Opozitës në Pakistan, Benazir Bhutto humbi sot jetën pas një atentati kamikaz gjatë një mitingu elektoral. Bhutto ishte rivalja kryesore e Presidentit Musharaf për zgjedhjet e 8 janarit. Vdekja e saj mund ta përkeqësojë situatën e nderë politike në kombin prej 165 miljonësh që disa e konsiderojnë një nga pikat më të nxehta të globit.

E rikthyer në Pakistan pas një azili politik Bhutto paraqiste alternativën civile karshi prejardhjes ushtarake të Presidentit Musharaf ndërkohë që Pakistani, me gjithë potencialet luftarake atomike, lëkundet midis një shoqërie demokratike dhe talibanizmit. Pakistani vuan nga korrupsion i theksuar, mungesë e lirisë së shtypit, anarki në rritje, klerikë me axhenda politike, feudalizëm dhe konflikte me Indinë mbi Kashmirin, të gjitha në një vend të pashkolluar. Fondet e shumta që përdoren për ushtrinë vonojnë demokracinë në Pakistan ku realisht vetëm 10% deri 20% e njerëzve dinë shkrim dhe këndim.

..............................................

[Force-Intruder]

Plehrat "talebane" po e katandisin boten ne nje thertore te madhe. Klithma dhe gjak gjithandej. Drejtesia duhet vene ne vend. Vdekje ekstremisteve.

[bili99]

Persistenca dhe "kokefortesia" per te transformuar nje vend islam ne nje shoqeri demokratike i sollen vdekjen kesaj politikanje pakistaneze te shkolluar ne Oxford dhe Harvard, kesaj bije te Pakistanit, bije te Zulfikar Ali Bhuto-s qe u egzekutua nga te ngjajshmit diktatorial-ushtarake si keto sot te Musharafit. ( perpara zgjedhjeve te 8 Janarit)
Paqa mbreteroft mbi njerezimin e cmendur, dhe mendja e shendoshe mbreteroft tek politikanet ne bote qe per te mbetur ne pushtet eliminojne kundershtaret e tyre politik fizikisht duke mos ditur se keshtu ofrojne vehten dhe vendin-popullin e tyre nje hap me afer varrit.
Ndjese past kjo femer politikane e rralle ne ate regjion te prapambetur.

[Nice_Boy]

Eshte ba keq me i than dikujt ''Jam musliman'' qka o ka bahet.. kshtu aman ?? pse vetem tek kto vende ndodhin kto pislliqe ?.. kur do ndalen kta ?? apo duhet cdo 8 vjet.. me hy nga nje W Bush.. ne pushtet ??

[Nice_Boy]

Pakistan: U vra Benazir Buto


Benazir Buto, ish kryeministre e Pakistanit, është vrarë sot gjatë një sulmi vetëvrasës, ka konfirmuar zëdhënësi i ushtrisë së Pakistanit Pos saj, janë të paktën 15 persona të tjerë që kanë pësuar në këtë sulm. Buto ishte rivale kryesore politike e udhëheqësit aktual të Pakistanit, Musharaf.
Benazir Buto gjendej në fushatë elektorale për zgjedhjet që mbahen në janar në Pakistan.

Dëshmitarët okularë dhe reporterët që ishin në vendin e ngjarjes thanë se shpërthimi kishte qenë i fuqishëm dhe se në vendin e ngjarjes shiheshin gjithë andej gjymytyrë trupash pa jetë.

Ky atentant e tronditi Pakistanin në mes të fushatës elektorale. Shabaz Sharifi, vëllai i ish-kryeministrit Navaz Sharif, tha në një reagim për BBC World: "Në Pakstan u vra sot një lidere me famë ndërkombëtare. Kjo është një humbje e madhe. Mendoj se Pakistani gjatë orëve, ditëve dhe javëve të ardhshme Pakistani do të gjendet para problemesh shumë serioze. Zoti e di se si do të jemi në gjendje që t'i kontrrollojmë ato. Unë mendoj se gjëja më e rëndësishme që duhet bërë urgjentish është sqarimi në mënyrë krejtësisht trasparente dhe të pavarur i shkaqeve të vrasjes dhe i autorëve të saj."

SHBA dhe Franca dënojnë atentatin ndaj Butos

Zëdhënësi i MPJ amerikane Tom Casey tha se Uashingtoni e dënon këtë atentant, i cili tregon se si po shkatërrohet ndërtimi i demokracisë në Pakistan.
Duke e dënuar këtë akt të ulët MPJ francez, Bernard Kushner, i shprehu ngushëllimet familjes së Benazir Butos dhe të viktimave të tjera dhe theksoi se ajo ishte një figurë e mirënjohur e jetës politike në Pakistan.

Ish-kryeministri pakistanez Navaz Sharif e quajti vrasjen e Butos një ngjarje tragjike për të gjithë kombin dhe u premtoi pasuesve të Butos të mbledhur në spitalin e Ravalpindit se do ta vazhdojë luftën e saj. Sharif tha se e ndan dhimbjen me të gjithë kombin.

Sipas të dhënave të televizionit shtetëror të Pakistanit pas vrasjes së Benazir Butos presidenti i vendit Pervez Musharraf ka thirrur në presidencë një mbledhje të jashtëzakoshme me zyrtarë të lartë të vendit. (BBC,DW)

[iliria e para]

• Kryeministria dhe Ministria e Jashtme e Shqiperise kane reaguar pak me pare per vrasjen e Bhutos duke e denuar ashper dhe duke e cilesuar si nje akt te shëmtuar terrorist.

Politika shqiptare ka denuar sot pasdite vrasjen e ish-kryeministres se pakistanit Benazir Bhuto. Nje nje njoftim per shtyp te publikuar ne faqen zyrtare te Keshillit te ministrave, Kryeministri Berisha dënon me ashpërsinë më të madhe aktin e shëmtuar terrorist nga i cili humbi jetën një nga personalitetet më të shquara të Pakistanit, por edhe më gjerë, ish Kryeministrja Benazir Buto. “E kthyer në vendin e saj për të ndërtuar demokracinë dhe shtetin ligjor, Benazir Buto ishte një shtetare e madhe, shtyllë kryesore e aspiratave për demokraci të popullit të saj”. Duke ndarë me familjen Buto dhe me të gjithë popullin pakistanez, dhimbjen shokuese të kësaj humbjeje të rëndë, Kryeministri Berisha thekson se ky akt lëshon njëkohësisht apelin për vendosmëri absolute në luftën kundër terrorizmit, këtij armiku kryesor të kombeve të lira sot.

Edhe Ministria e Jashtme e Shqiperise ka denuar vrasjen e Butos eshte denuar “Ministria e Jashtme shpreh tronditje dhe hidhërim të thellë për ngjarjen tragjike të ndodhur më datë 27 dhjetor 2007 në qytetin e Rawalpindit në Pakistan, ku, si pasojë e një akti terrorist, gjetën vdekjen ish-Kryeministrja e Pakistanit, Znj. Benazir Bhuto, së bashku me disa mbështetës të saj. Ministria e Punëve të Jashtme të Shqipërisë dënon me force këtë akt të rëndë dhe të rrezikshëm terrorist dhe i shpreh ngushëllimet më të thella familjarëve të viktimave”.

Ish-kryeministrja fillimisht mbeti e plagosur rende gjate nje atentati qe ndodhi sot ne Raealpindi, ne dyert e Islamabad. Liderja e opozites ishte duke mbajtur nje miting kur ka shperthyer nje bombe dhe ajo ishte ne qender te goditjes. Ka qene i kote shtrimi ne spital per nje operacion emergjence. “Eshte nje gjendje te rende”, ka thene i shoqi i Bruto, duke shtuar se gruaja ishte derguar ne spital e pavetedijshme. Lajmi i vdekjes eshte konfirmuar nga ish-ministri i Brendshem Sherpao dhe nga zedhenesi i ministrise se Brendshme. Policia ka rrethuar spitalin duke i penguar cdokujt hyrjen.
Benezir Bhutto sapo kishte mbaruar te fliste kur ka shperthyer bomba ne Liaquat Bagh ku deshmitaret vazhdojne te tregojne ne ekranet e televizioneve pakistaneze te vdekurt dhe gjakun te shperndare kujdo. Disa zyrtare te larte te Partise se Njerezve te Pakistanit kane mbetur te plagosur rende.
Ne nje moment te pare lajmi u dha nga sky tv britanik dhe me pas eshte konfirmuar nga televizioni pakistanez Geo-tv e Daen Nees. Ky televizioni i fundit ka folur per me shume se 30 trupa te mbetur ne toke pas atentatit, qe eshte bere dhe me arme zjarri. Sipas burimeve te tjera viktimat jane 15 vete dhe 30 te plagosurit.
Ne nje moment te pare u tha se Bernazir Bhutto ka mbetur e plagosur lehte sepse ishte larguar nga vendi i mitingut pak pas shperthimit. Sulmi ka ndodhur vetem 2 jave nga zgjedhjet legjislative.
Bernazir Bhutto kishte lindur ne Karachi ne vitin 1953. Ishte vajza e ish-kryeministrit pakistanez te ekzekutuar Zulfikar Ali Bhutto, qe u ekzekutua nga gjenerali Muhammad Zia-ul-Haq me 1979. 35-vjecare ka qene me e reja dhe gruaja e pare qe u be kreu i nje qeveri ne nje vend mysliman ne kohen moderne me angazhimin per te luftuar per mbrojtjen e te drejtave civile.
Kryeministre e pakistanit nga viti 1988-1990 dhe nga 1993 me 1996, per dy here ka qene e detyruar te jape doreheqjen per shkak te skandaleve te korrupsionit, akuza te cilat gjithmone i ka mohuar. Me 1999 ishte larguar vullnetarisht nga vendi, nje mergim ky qe zgjati per gati 8 vjet.
Ne korrik ish-kryeministrija kishte nisur nje tratative me presidentin aktual pakistanez, gjeneralin Pervez Musharraf, per nje ndarje te pushtetit ne vend. Ne saj te nje amnistie, Bhutto u rikthye ne vend. Masa ishte marre nga Musharraf ne kuader te nje akordi qe i mundesoi ketij te fundit te behet per here te trete presidenti i Pakistanit.

[SKUTHI]

Eshte nje humbje e madhe per Pakistanin, mbase ky eshte nje pretekst i rendesishem per boten e civilizuar qe nuk duhet humbur per te mbyllur nje kapitull shume te hidhur per Pakistanin dhe per te gjithe rajonin... Nuk mund te ecet me keshtu me keta lloj bishash...

[Force-Intruder]

Problemi eshte qe me Pakistanin eshte veshtire ta mbyllesh me presion per lufte... per sa kohe keta kane arme atomike edhe mund te kercenojne me operacione raprezalje vendet fqinje.
Terrori do terror... Musharaf i pari duhet eliminuar direkt pas kesaj.

[Lioness]

Problemi eshte qe me Pakistanin eshte veshtire ta mbyllesh me presion per lufte... per sa kohe keta kane arme atomike edhe mund te kercenojne me operacione raprezalje vendet fqinje.
Terrori do terror... Musharaf i pari duhet eliminuar direkt pas kesaj.

Musharaf per vete ka shpetuar disa here per qime nga atentate te ngjashme. Pastaj ai nuk eshte pas ketij krimi. Te shohim kush do nxjerr video-kaseten apo te shkruajne ne ndonje faqe interneti e te marrin pergjegjesi.

[eri3000]

me te vertet bota humbi pakistanezen e dal nga oksofdi.
ajo shume here ja ka vene dukje Musharafit kete qe ndodhi, por politika aty eshte shume e veshtire.
mos te harrojme kemi te bejme me nje pushtet ushtarak prej 8 vjetesh.
nje gje me ka bere pershtypje. Asnje vend demokratik nuk ka folur per kete pushtet ushtarak qe nga dita e ardhjes ka folur vetem me gjuhen e armes. e mjera Buto edhe diten qe hyri ne pakistan me kete gjuhe e priten.
gjenerali sypatrembur nuk e ka problem te vrase njerezit per tu kthyer presindent sherbetor.