Qëndrimi zyrtar i shteteve të huaja mbi pavarësinë e Kosovës

[Brari]

Islam Lauka, ambasadori i Shqipërisë në Kosovë

Nga Armand Maho

Kryeministri Berisha bëri të ditur dje në një mbledhje jashtë radhe të Këshillit të Ministrave ngritjen e përfaqësimit diplomatik në nivel ambasadori të Republikës së Shqipërisë dhe Republikës së Kosovës.

Duke e cilësuar këtë mbledhje si një nga me të shumëpriturat për shtatëmbëdhjetë vjet me radhë, kryeministri u shpreh se pas konsultimit dhe me Presidentin e Republikës është rënë dakord që zoti Islam Lauka të jetë ambasadori i Shqipërisë në Prishtinë.

“Është diskutuar dhe me Presidentin e Republikës, si dhe është rënë dakord që ambasadori ynë në Prishtinë do të jetë një nga personalitetet më të shquara të Ministrisë së Punëve të Jashtme, një nga diplomatët me eksperiencë të kësaj ministrie, një diplomat që ka vepra të tëra kushtuar Kosovës dhe që e njeh mirë problemin. Ky është Zoti Islam Lauka”, - tha kryeministri Berisha.

Më tej, kryeministri bëri të ditur se i ngarkuari me punë në Zyrën e Shqipërisë në Kosovë, z.Arben Çeku, do të kalojë me një detyrë më të rëndësishme se ajo që mban aktualisht.

Kryeministri Berisha përshëndeti dje gjatë mbledhjes së qeverisë dhe të gjithë qytetarët e Kosovës për festën dhe mënyrën sesi ata festuan pavarësinë e vendit të tyre. “Shoqëria kosovare, - tha ai, - dëshmoi që është një shoqëri e përkushtuar në vlerat e mëdha evropiane.” Kryeministri Berisha përgëzoi autoritetet kosovare për përzgjedhjen e flamurit të tyre kombëtar, si dhe për monumentin e pavarësisë. “Ishte një flamur i bukur ai që ata përzgjodhën. Flamuri i Kosovës evropiane. Harta e Kosovës me kufijtë e saj ndërkombëtarë, me yje të bardhë ashtu si kemi plisin, si kemi zemrën. Nuk është e paktë bardhësia e plisit. Ne e kemi atë. E bardha përfaqëson të gjitha minoritetet. Është një flamur që të bën menjëherë për vete. Një meritë e jashtëzakonshme për atë përzgjedhje aq të bukur, aq të mençur dhe evropiane. Flamuri më i ri në Evropë, një nga flamujt kombëtarë më evropian të saj”, - u shpreh kryeministri Berisha. Duke folur për Monumentin e Pavarësisë kryeministri tha se po pret me padurim të shkojë edhe të lërë nënshkrimin e tij mbi atë monument.

Tema

[Flori]

Konferenca Islamike, 57 vendet e pranojnë në bllok aktin e mëvetësisë

Shtetet e Bashkuara të Amerikës njohën dje zyrtarisht Kosovën si shtet sovran e të pavarur. "Ne përshëndesim popullin e Kosovën në këtë moment historik", thuhej në deklaratën përkatëse. Ndërkaq, Presidenti Bush iu përgjigj pozitivisht kërkesës së Kosovës për të vendosur marrëdhënie diplomatike mes dy vendeve. Vendosja e këtyre marrëdhënieve pritet të konsolidojë lidhjet e veçanta të miqësisë mes popujve të Shteteve të Bashkuara dhe të Kosovës.

Shtetet e Bashkuara "njohin sot (dje - shënim i red.) zyrtarisht Kosovën si shtet sovran dhe i pavarur", njoftoi sot sekretarja amerikane e Shtetit, Kondoleca Rajs, në një komunikatë të botuar në Uashington.

Nëntë vjet më parë, bashkësia ndërkombëtare, udhëhequr nga NATO, veproi për t‘u dhënë fund sulmeve brutale ndaj popullsisë kosovare shqiptare. Kjo ndërhyrje ndërkombëtare në kohë i dha fund dhunës, duke çuar në vendimin e Këshillit të Sigurimit të Kombeve të Bashkuara për të pezulluar qeverisjen e Beogradit dhe për ta vendosur Kosovën nën administrimin e përkohshëm të OKB-së. Qysh nga ajo kohë, Kosova ka ndërtuar institucionet e saj demokratike të veçuara nga kontrolli i Beogradit. Vitin e kaluar, i Dërguari i Posaçëm i OKB-së, Marti Ahtisari, zhvilloi një plan për të ndërtuar një Kosovë demokratike dhe shumë-etnike dhe rekomandoi që Kosova të jetë e pavarur, duke iu nënshtruar një periudhe mbikëqyrjeje ndërkombëtare.

Shtetet e Bashkuara mbështesin planin "Ahtisari" dhe do të punojnë me partnerët e tyre ndërkombëtarë për të ndihmuar vënien e tij në zbatim.

"Mirëpresim angazhimet që Kosova bëri në deklaratën e saj të pavarësisë për të zbatuar planin "Ahtisari", për të përqafuar shumë-etnicitetin si një parim themelor të mirëqeverisjes, dhe për të mirëpritur një periudhë mbikëqyrjeje ndërkombëtare", thuhet në të njëjtën komunikatë shtypi. Kombinimi i pazakontë i faktorëve në situatën e Kosovës - përfshi kontekstin e shpërbërjes së Jugosllavisë, historinë e spastrimit etnik dhe krimeve kundër civilëve në Kosovë, si dhe periudhën e zgjatur të administrimit nga OKB - nuk gjenden tjetërkund dhe, për rrjedhojë, e bëjnë Kosovën një rast të veçantë. Kosova nuk mund të shihet si precedent për asnjë situatë tjetër sot në botë.

Shtetet e Bashkuara thanë se shfrytëzojnë këtë rast për të riafirmuar miqësinë tonë me Serbinë, një aleate gjatë dy luftërave botërore. Ne ftojmë udhëheqësit e Serbisë të punojnë së bashku me Shtetet e Bashkuara dhe partnerët tanë për të përmbushur synime të përbashkëta, të tilla si mbrojtja e të drejtave, sigurisë, kulturës dhe mirëqenien e bashkësisë serbe në Kosovë. Ndërkohë që Kosova fillon jetën e saj si një shtet i pavarur, Shtetet e Bashkuara premtojnë se do të vazhdojnë të jenë mik dhe partner i ngushtë.



Deklaratat


"Shtetet me peshë" njohin Kosovën-shtet


Në mesin e vendeve të BE-së që kanë njohur zyrtarisht pavarësinë e Kosovës janë: Britania, Franca, Gjermania, Italia, Belgjika. "Në emër të Mbretërisë së Bashkuar mund të njoftoj se qeveria britanike ka vendosur të njohë Kosovën", tha sekretari i Jashtëm britanik, David Miliband, menjëherë pas mbledhjes së ministrave të Jashtëm në Bruksel. "Ne do ta bëjmë këtë së bashku me vende të tjera evropiane, të paktën gjysma, do të vlerësoja pas diskutimeve të sotme, do ta njohin Kosovën këtë javë", tha ai. "Ne i kemi shkruar Kryeministrit Thaçi për ta informuar lidhur me këtë", tha Miliband. Ministrat e BE-së thanë në një deklaratë pas mbledhjes në Bruksel se secili nga 27 vendet anëtare do të vendosë vetë për njohjen e Kosovës. "Rreth 17 vende kanë vendosur të reagojnë shpejt për të shmangur krijimin e një vakumi me sjellje të pavendosura", tha ministri i Jashtëm gjerman Frank-Walter Steinmeier, vendi i të cilit e njohu menjëherë pavarësinë e Kosovës. Ministri i Jashtëm italian, Massimo D‘Alema, tha se Italia e njeh Kosovën "si një shtet të pavarur nën vëzhgim ndërkombëtar". Ministrja e Jashtme e Greqisë, Dora Bakojanis, ka deklaruar se vendi i saj do të vendosë në një stad tjetër lidhur me njohjen e pavarësisë së Kosovës. Menjëherë pas përfundimit të takimit të ministrave të Jashtëm, Bakojanis, u është drejtuar me një gjuhë të kujdesshme gazetarëve, duke theksuar se vendimi për njohjen apo jo, do të merret pasi të shqyrtohen të gjitha zhvillimet dhe rrjedhoja e tyre në sigurinë rajonale dhe interesat e Greqisë.

Ndërkaq, tre vendet balltike, Lituania, Letonia dhe Estonia që e fituan pavarësinë e tyre nga BRSS-ja në 1991, po përgatiten të njohin pavarësinë e Kosovës, të shpallur dje, njoftuan zyrtarë të të tria vendeve. "Letonia ka marrë vendimin për të njohur pavarësinë e Kosovës në ditët e ardhshme", i tha AFP-së zëdhënësi i Ministrisë së Punëve të Jashtme letoneze, Ivars Lasis. Ministri estonian i Punëve të Jashtme, Urmas Paet konfirmoi, nga ana e tij, se vendi i tij do ta njihte pavarësinë e Kosovës, në një deklaratë të publikuar nga ministria e tij. "BE-ja konfirmoi sot se ishte e gatshme të mbante rolin e saj dominues për të ruajtur dhe forcuar stabilitetin në Ballkan", tha ai. Ministri shtoi se Estonia do të marrë pjesë në misionin civil prej 2000 trupash policë, juristë dhe doganierë, që BE-ja mendon të dërgojë deri në mes të qershorit për të shoqëruar hapat e parë të shtetit të ri të pavarur dhe të marrë stafetën nga OKB-ja. Në Lituani, Presidenti Valdas Adamkus, që Kushtetuta i jep kompetenca në fushën e politikës së jashtme, i kërkoi qeverisë të fillojë sa më shpejt procedurën e njohjes së Kosovës. Tri vendet balltike u përballën vetë me ngurrimin e komunitetit ndërkombëtar, kur filluan përpjekjet në 1990 drejt pavarësisë nga BRSS-ja.

Në vijim të njoftimeve për njohjen e pavarësisë së Kosovës, Kryeministri kroat, Ivo Sanader, tha dje se vendi i tij do të bashkohej me vendimin e pjesës më të madhe të vendeve anëtare të Bashkimit Evropian për sa i përket njohjes së këtij akti. "Kroacia do të bashkohet me numrin e madh të vendeve anëtare të Bashkimit Evropian për njohjen e pavarësisë së Kosovës, por nuk mund t‘ju them për momentin se kur mund ta bëjmë këtë", i tha Sanader agjencisë së lajmeve HINA.

Po ashtu, edhe Turqia vendosi të njohë pavarësinë e Kosovës, njoftoi ministri turk i Punëve të Jashtme, Ali Babaxhan. Ndërsa Polonia ka njoftuar se do ta njohë pavarësinë e Kosovës. Ministri i Jashtëm polak, Radosllav Sikorski, i ka paraqitur qeverisë në Varshavë një mocion ku i kërkohet njohja e pavarësisë së Kosovës, bëri të ditur dje agjencia polake e lajmeve PAP. "Unë kam paraqitur një mocion për njohjen e pavarësisë së Kosovës, siç ka bërë tashmë pjesa më e madhe e vendeve anëtare të Bashkimit Evropian", u tha Sikorski gazetarëve polakë në Bruksel. "Kam përshtypjen se qeveria është e prirur për njohjen e pavarësisë së Kosovës", shtoi Sikorski.



Pavarësia


Shtetet që e kanë njohur ose që janë gati ta njohin

- SHBA

- Gjermani

- Britani e Madhe

- Francë

- Itali

- Austri

- Belgjikë

- Bullgari

- Danimarkë

- Estoni

- Finlandë

- Hungari

- Irlandë

- Letoni

- Lituani

- Luksemburg

- Poloni

- Slloveni

- Suedi

- Turqi

Shtetet që e rezervojnë qëndrimin e tyre

Greqi

- Holandë

- Portugali

- Republika Çeke

- Sllovaki


Shtetet që refuzojnë njohjen

- Qipro

- Spanjë

- Rumani


Shtetet me qëndrim ende të pashprehur

-Malta

(Informacioni i sipërcituar është deri në orën 20:00 të ditës së djeshme)



BE: Njohja, në dorë të secilit shtet

Çdo vend i Bashkimit Evropian "do të vendosë sipas praktikave kombëtare dhe rregullave juridike" për ta njohur ose jo pavarësinë e Kosovës, ranë dakord dje ministrat evropianë të Punëve të Jashtme në një deklaratë të përbashkët. Kjo deklaratë i hap rrugën njoftimit nga shumë vende, ndër të cilat katër "peshat e rënda" të Evropës, që janë: Franca, Gjermania, Britania e Madhe dhe Italia të qëllimit të tyre për njohjen e pavarësisë së këtij shteti të ri. Deklaratat e tyre do të bëhen pothuaj njëkohësisht me njohjen nga Shtetet e Bashkuara, që pritet shumë shpejt, pas deklaratës së Presidentit Bush se kosovarët janë "tashmë të pavarur". Duke nënvizuar zgjedhjen që i takon çdo shteti anëtar për ta njohur ose jo, BE-ja u lejon gjithashtu gjashtë vendeve që njihen tashmë se janë kundër kësaj pavarësie si: Qiproja, Greqia, Bullgaria, Rumania dhe Sllovakia të mos e miratojnë.

Shqip

[DJAL_PELIVAN]

E parnuan apo se pranuan tashme eshte e pamvarur

[RaPSouL]

Bush: Bashkëpunuam me Rusinë për Kosovën e pavarur

"Mbajta premtimin e dhënë në Tiranë"


Presidenti i Shteteve të Bashkuara të Amerikës Xhorxh W. Bush deklaroi dje se qëndrimi ndaj Kosovës, ishte një mbajtje fjale për atë çka premtoi në kryeqytetin shqiptar. Në një prononcim publik nga Dar es Salam në Tanzani, ku ndodhet në një tur të posaçëm, Bushi kujtoi se në vizitën e tij në Tiranë kishte shprehur qartazi qëndrimin për pavarësinë, ndaj nuk duhet t‘i duket askujt si surprizë. Ai sqaroi se gjatë dy ditëve të fundit është punuar fort me vendet evropiane sipas një strategjie që ishte e planifikuar më së miri. "Dhe shprehja e mbështetjes, meqë ra fjala, nuk u shty deri këtë mëngjes; u deklarua mbrëmë nga Departamenti i Shtetit", saktësoi Bush. Sipas tij, vonesa në deklaratën e njohjes ishte një mënyrë për të krijuar një efekt që tregonte se bota mbështet fort pavarësinë e Kosovës. "Pozicioni ynë ka qenë shumë i qartë gjatë gjithë kohës", konfirmoi Presidenti amerikan. Sakaq, ai vlerësoi se ajo çka mund të ketë interes ka të bëjë me faktin se SHBA-ja ka vijuar
një konsultim të ngushtë me rusët gjatë gjithë kohës. "Kjo nuk ishte një surprizë për Rusinë. Dhe, ta dini, deklarata e sotme thjesht i vendos një pikëçuditëse serisë së deklaratave që janë bërë në 24 orët e fundit", theksoi Bush. Ai përsëriti se Uashingtoni ka punuar ngushtë me rusët, ashtu si edhe me evropianët dhe vende të tjera për pavarësinë e Kosovës, sepse beson se është gjëja e drejtë për t‘u bërë. "Ju e dini, ka mosmarrëveshje, por ne besojmë, ashtu si edhe shumë vende të tjera, dhe se historia do të provojë, se kjo është lëvizja e duhur për të sjellë paqe në Ballkan", u shpreh Bush. Kjo strategji, shtoi ai, ka kohë që zhvillohet. Ndërsa bëri më dije se u punua me aleatët evropianë për të bashkërenduar, për t‘u siguruar se kishte zëra të bashkërenduar dhe konstantë në mbështetje të kësaj lëvizjeje. "Shtetet e Bashkuara mbështesin këtë lëvizje, sepse ajo do të sjellë paqe. Dhe tani na takon të gjithë neve të punojmë së bashku për të ndihmuar kosovarët ta arrijnë këtë paqe", insistoi Bush. Duke i kujtuar Kosovës të përmbushë angazhimet e saj për të përkrahur të drejtat e joshqiptarëve, jokosovarëve brenda vendit. Kreu i shtetit amerikan, nënvizoi se në deklaratën e saj të pavarësisë, Kosova u angazhua për standardet më të larta të demokracisë, përfshi lirinë, tolerancën dhe drejtësinë për qytetarët e të gjitha përkatësive etnike. "Këto janë parime që nderojnë dinjitetin njerëzor, janë vlerat të cilat Amerika kërkon nga një mik dhe shpejt ne do të vendosim marrëdhënie të plota diplomatike me shtetin e ri të Kosovës", u angazhua Bush. Presidenti premtoi se do të punohet me udhëheqësit e Kosovës për të kryer një kalim të butë dhe paqësor drejt pavarësisë. Ndërsa Amerika mirëpret angazhimet e Kosovës për të zbatuar plotësisht Planin e Ahtisarit, të Dërguarit të Posaçëm të Kombeve të Bashkuara, dhe për të pranuar një periudhë mbikëqyrjeje ndërkombëtare.

Shqip

[RaPSouL]

Norvegjia njeh Kosoven si shtet te pavarur

Konfirmimi per njohjen e pavaresise se shtetit me te ri ne bote ka ardhur nga vete ministri I Jashtem Norvegjes Jonas Gahr Stoere permes nje deklarate per shtyp

OSLO– Norvegjia rreshtohet perkrah shteteve qe kane njohur pavaresine e Kosoves. Konfirmimi per njohjen e pavaresise se shtetit me te ri ne bote ka ardhur nga vete ministri I Jashtem Norvegjes Jonas Gahr Stoere. “Mund te deklaroj sot se Norvegjia do te njohe Kosoven si shtet te pavarur” ka bere me dije Stoere ne nje deklarate per shtyp. Mes vendeve nordike Oslo ndjek gjurmet e Finlandes, Suedise dhe Danimarkes, te cilat ne ndryshim nga vete Norvegjia jane te gjitha anetare te BE.

news24

[RaPSouL]

Parlamenti Evropian diskuton sot per Kosoven

Bashkimi Evropian (BE) eshte duke pergatitur nje konference donatoresh te nivelit te larte per Kosoven qe do te mbahet ne qershor te ketij viti.
“Eshte me rendesi qe ndihma financiare per Kosoven te jete ngushte e lidhur me keshillat politike qe BE-ja eshte duke i ofruar zyrtareve te saj”, tha komisioneri i BE-se per Zgjerim, Olli Ren, para debatit per Kosoven qe do te mbahet sot ne Parlamentin Evropian.

Ai arsyetoi se pas premtimit per anetaresim te Kosoves ne BE, BE-ja duhet te fokusohet ne ndihmen Republikes se Kosoves per qellimet dhe perparimin drejt standardeve evropiane, keshtu qe “ne vend te ndertimit te urave, ne do te ndertojme institucionet”.

“Ne kete kurs, ne do te duhet te reflektojme se me ane te cilave rruge BE-ja do t’i zhvilloje marredheniet tregtare, lehtesimin e vizave dhe masave tjera konkrete per Kosoven”, shtoi Ren.

news24

[RaPSouL]

D’Alema: Roma do ta njohe neser zyrtarisht Kosoven Shtet

D'Alema do te flase sot pasdite per pavaresine e Kosoves ne Komisionin e Jashtem te Dhomes se Deputeteve dhe ne Senat, perpara takimit te Keshillit te Ministrave qe do te thirret per te shqyrtuar ne veçanti kete çeshtje te enjten paradite.


“Me Kosoven, Europa ka bere nje zgjedhje kurajoze. Pavaresia e Kosoves eshte "nje perfundim i pashmangshem". Keshtu deklaroi sot ne Radio ministri italian i Puneve te Jashtme, Masimo D'Alema, ndersa sipas tij kjo njohje nga Roma mund te behet zyrtarisht neser.
"Kosova nuk mund te qendroje per gjithmone ne administrimin nderkombetar, ndersa kosovaret nuk duan te jene me nen dominimin e Serbise", deklaroi ministri.
Ai kishte njoftuar te henen ne Bruksel qellimin e Italise per "te proceduar me njohjen e Kosoves".
D'Alema do te flase sot pasdite per pavaresine e Kosoves ne Komisionin e Jashtem te Dhomes se Deputeteve dhe ne Senat, perpara takimit te Keshillit te Ministrave qe do te thirret per te shqyrtuar ne veçanti kete çeshtje te enjten paradite.
Njohja zyrtare pritet te njoftohet ne perfundim te keshillit.
Fuqite "e medha" evropiane, Gjermania, Franca dhe Mbreteria e Bashkuar e kane njohur tashme pavaresine e Kosoves. Nderkohe pritet njohja dhe nga Italia e cila eshte nje nga kontribueset kryesore te misionit civil te BE-se ne Kosove.


news24

[RaPSouL]

Rupel: Sllovenia do njohe Kosoven Republike

Ministri i Jashtem i Sllovenise, Dimitrij Rupel mendon qe Sllovenia do ta njohe Kosoven, por per kete do te vendose Parlamenti slloven.
Ne nje prononcim per televizionin shteteror, Rupel gjithashtu e shfaqi bindjen se perkunder zhvillimeve ne Kosove, Sllovenia dhe Serbia do t'i ruajne marredheniet e mira, sepse, sipas tij, "Sllovenia eshte miku me i mire i Serbise ne Bashkimin Evropian".
"Shpresoj qe keto veshtiresi fillestare te kapercehen dhe me Serbine te bashkepunojme shume mire", ka thene Rupel.


news24

[RaPSouL]

Gjermania: OK Kosoves si Republike. Sot njihet dhe nga Austria

Pas Gjermanise pritet qe dhe Italia e Austria duhet te bejne zyrtare njohjen e shtetit te ri qe u krijua fundjaven qe shkoi


Berlin-Ashtu sic ishte parashikuar, qeveria e Berlinit e ka njohur Kosoven e pavarur. Njohja eshte bere pak minuta me pare ku ne nje vendim qeverie, Gjermania dha pelqimin per njohjen nderkombetare te Republikes se Kosoves dhe te shfaqe gatishmeri per vendosjen e marredhenieve diplomatike me Kosoven. "Gjermania njohu sot pavarësinë e Kosovës", njoftoi një zëdhënës i qeverisë në përfundim të takimit të Këshillit të Ministrave
Agjencia Associated Press, duke iu referuar burimeve anonime, ka transmetuar se kabineti i Qeverise Merkel e ka miratuar njohjen e Kosoves si shtet dhe kjo do te pasohet me letren e Presidentit te Gjermanise, Horst Koehler, derguar Prishtines zyrtare per venien e marredhenieve diplomatike. E dhe Bundestagu gjerman sot do te diskutoje per te ardhmen e Kosoves pas shpalljes se pavaresise ne Prishtine me 17 shkurt. Njohjen e Kosoves e kundershton vetem opozita e majte duke konsideruar se me kete shkilet e drejta nderkombetare dhe rendi boteror i shteteve sovrane.
Gjermania iu bashkohet vendeve si Franca, Britania e Belgjika ndersa te paret qe deklaruan mbeshtetjen e tyre per Kosoven ishin SHBA e menjehere pas tyre edhe vendi yne, por edhe 57 vendet e konferences islamike. Finlanda dhe Kroacia kanë paralajmëruar se shumë shpejtë do të njohin pavarësine, ashtu si tre vendet balltike: Letonia, Lituania dhe Estonia. Ndërkaq Spanja ka deklaruar se ka ndërruar mendjen për ta bërë këtë.
Kurse dje kancelari austriak Alfred Gusenbauer gjithashtu paralajmeroi se Qeveria e Austrise planifikon sot ta njohe pavaresine e Kosoves.

news24

[RaPSouL]

Gjermania sot njeh Kosoven

Berlin-Zgjatet karvani i vendeve qe njohin Kosoven si Republike me vete. Qeveria e Gjermanise pritet ta njohe sot Kosoven si shtet te pavarur. Ne paralajmerimin per mbledhjen e sotme te qeverise thuhet se qeveria do te "jape pelqimin per njohjen nderkombetare te Republikes se Kosoves dhe te shfaqe gatishmeri per vendosjen e marredhenieve diplomatike me Kosoven". Dje kancelari austriak Alfred Gusenbauer gjithashtu paralajmeroi se Qeveria e Austrise planifikon sot ta njohe pavaresine e Kosoves.

Balkan