Aldon Lipe - Djali Enigmatik i Mengjesit

[Shijaksi-London]

O Aldo kur do ta hapim ate agjecine e martesave?
Po ja merr dorem me bashkimin e cifteve, si ne rastin e vajzes nga Lushnja. Te tila gjera e bejne programin me interesant.

[smokkie]

Ne disa pube/disko, ku nuk paguhet per te hyre, ne tjerat ku paguhet, nuk gjend vend per tu ulur.
E njejta gje me emisjonin e mengjezit, aty ku tallen lendet me femrat shqiptare(djemte ose nuk telefonojne ose nuk u lejohet te flasin live ne klte emisjon se une nuk kam degjuar ndonje djal aty), radha eshte e madhe, edhe na fillon aldoja (te pakten keshtu ishte derio para nja 4 muajsh, nuk besoj te kete ndryshuar gje): ckemi? ca ke bere me jeten tende? pse e ke lene shkollen? cfare te kujtohet nga vitet e shkolles? pse je martuar?
edhe vazhdon nje tallje e perditshme, qe mesa duket, i pelqeka femrave!!!
kulmi!!
na del edhe paloma me 1/2 inteligjence artificiale edhe kerkon te flase, edhe me kte tall lendet aldoja, mbase kjo ishte ideja e emisjonit qe ne fillim, por ju lutem femra, cfare ndjeni kur talleni live??
absurde, per mos te thene paradox!!!
mendimi im i sinqerte

[strasburg94]

Na thoni ndonje llaf per Goormorning Albania se s'u be qameti

Goodmorning Albania-s i mungon dicka, per mendimin tim. Thjesht boshti kryesor i mungon. Sinqerisht aspak me keqdashje, thjesht mendim i lire.
Niveli i telefonatave eshte shume i ulet. S'eshte faji juaj sigurisht, por mund te jete ndonje lloj testi qe mund ti veje ne levizje trurin e njerezve qe marrin. Pyetje zbavitese, mikluese, qe te prekin aty ku fillon e flet, tema te thjeshta por te paprekura.
Pastaj vizitat ne shkolla mund te jene ne kerkim te talenteve te ndryshme, jo vetem miss, apo kercim.Ka qene e kendshme kur edhe recitonin, kendonin.
Vizitat neper shtepija jane pak te merzitshme, pasi si popull jemi akoma te ndrydhur shume para kameras.
Me shume bonsens
Gjithe te mirat

[Puhiza]

Sinqerisht mua me pelqen si emision dhe e degjoj vazhdimisht. Nuk dua ta filloj diten me emisione serioze, te rri e te vras mendjen per "*ordhet" apo per persosmerite e papersosmerise. Paloma eshte interesante ngaqe nuk eshte perfekete dhe ketu qendron bukuria e saj. Eshte tip domethene. Misioni i saj nuk eshte te tregoje se sa di e se eshte yll e bukur!!! Ajo thjesht duhet te na beje te merremi dhe me vogelsira qofshin ato dhe vulgaritete.

Arti yt si prezantues duhet te tregohet ne hapjen e temave te reja dhe pak me i permbajtur ne ironine qe tregon.

Ndoshta dhe mund te ftosh njerez ne studio. Ndonje kengetar shqiptar, ose ndonje personazh psh. nje stiliste qe mund te thote tendencat e veres... apo ndonje artist, drejtor galerie, qe edhe te informoje deri diku publikun per ekspozitat etj etj

Personalisht mendoj se jeni mire dhe ju lutem vetem per dicka : Mos u beni serioze !

[Xhuxhumaku]

Goodmorning Aldo!

Meqenëse na e thua çdo mëngjes, më thuaj si të erdhi ideja për këtë titull emisioni?

Ishte një titull që në fakt e kam gjetur që para 23 Nëntorit të vitit 2000. Tashmë Top Albania Radio i kish konsoliduar strukturat e veta dhe emisionin Good Morning Albania deri atëherë e realizonin të rinj të ndryshëm, por me një strukturë thuajse fikse; me informacione nga interneti, lexim gazetash dhe sigurisht muzikë.
Edhe unë vetë po kështu e kam filluar këtë emision, i cili, në fakt startonte në 6 të mëngjesit deri në 9.00. Ishte shumë e veshtirë për mua atëherë të ambientohesha jo vetëm me orarin, por me tëpër sesa kjo, me hijen e rëndë që kish Top Albania Radio në veshët dhe mendjen e publikut. Kam hyrë në transmetim me jashtëzakonisht frikë dhe pasiguri dhe më një tekst strikt dhe të shkruar tre ditë më parë. Kisha realisht frikë dhe ndihesha tmerrsisht i frikësuar. E kisha marrë shumë seriozisht këtë emision, por, për të qenë realist, pa menduar aspak që do ta vazhdoja kaq gjatë. Teksa Goodmorning Albania ishte duke u ndërtuar me formatin që ka edhe sot në radio, një kat më lart ishte duke u formuar qeliza e parë e televizionit. Në atë kohë (flasim për më shumë se 5 vjet më parë) as që më shkonte mendja që ky program do të shfaqej në TV. Në atë moment unë u emërova njëkohësisht edhe si Drejtor Informacioni i Top Channel dhe shumicën e kohës ma “hante” ndërtimi i redaksisë së re dhe edicioneve të lajmeve. Që prej këtij momenti Goodmorning Albania, brenda meje, kaloi në plan të dytë. Çuditërisht, ky lloj dyzimi më bëri të ndihesha më i lirshëm dhe më pa komplekse në radio, sepse tashmë mendja ime punonte 90% për lajmet e Top Channel, gjithnjë sipas adaptimit të modeleve dhe formateve që kisha parë jashtë dhe në kanalet satelitore. Të qenit në plan të dytë emisionit të radios, mesa duket, i bëri shumë mirë, sepse unë fillova ta konsideroja atë si një orar shlodhjeje. Prej kohësh unë kisha filluar të ruaja në memorjen time mjaft batuta dhe shprehi nga jeta e përditshme prej miqve të mi me të cilët unë shpenzoja orë të tëra në tavolinat e Bar West. E di çfarë, unë nuk jam shquar kurrë nëpër tavolina si një tip që mban bisedën gjallë. Më tepër më pëlqen të dëgjoj dhe në një farë mënyre të “blej” nga temat e hapura të çfarëdolloj tryeze apo gjithkënd që më shoqëron. Tani vonë e kam kuptuar këtë. Pra, nuk më është dashur shumë sforcim për ta adaptuar emisionin tim nga një tavolinë, në mikrofonin më të ndjekur të Shqipërisë, në Top Albania Radio.
“Aldo” është emër apo nickname? Të pyes sepse për vite me rradhë e fsheh me shumë fanatizëm portretin. Pse ndodh kështu?

Jo çne. Emri im është Aldon Lipe, por Aldo më thërrasin të gjithë, përveç prindërve dhe kushërinjve. Nuk kanë qenë të rralla rastet kur më ngatërronin me Aldo DJ, por u bënë mjaft vite që më thonë Aldo i mëngjesit, apo (për të mos harruar) Aldo i Fiksit. Por kjo nuk ka shumë rëndësi. Gjithnjë do gjendet një “mbiemër”. Përsa i përket fshehjes së portretit, ....nuk e di.... por kam përshtypjen që është pakëz e ngatërruar çështja si dhe pse. E para është se “misteri” i fytyrës sime, është pjesë e formatit të këtij programi të përditshëm. Kam menduar dhe mendoj që sa më pak të shfaqet tyryra ime në ekran e gazeta, aq më jetëgjatë do të jetë ky program. Deri tani, pavarësisht se Tirana është shumë e vogël, më ka vajtur mbarë ky lloj plani. E dyta është që unë jam i parimit se një “surrat” i parë në mëngjes nuk mund të jetë kurrë më simpatik se një fytyrë në një orë tjetër të ditës. E treta, ndoshta më pak e besuar, por që është e vërtetë, është arsyeja që unë ndihem rehat dhe aspak nën sytë zhbirues të njerëzve, kudo që shkoj dhe për çfarëdolloj gjëje që bëj, mjafton vetëm të mos hap gojën.
Unë e di se nga brezi i ri i gazetarëve radiofonikë ti je ndër veteranët. Si ndodhi që hyre dhe ngece këtu?

Kjo mendoj që është normale për çdo karrierë, jo vetëm në media. Unë kam filluar të punoj në Radio Tirana, në kanalin e dytë të saj, në vitin 1990, sigurisht jo i punësuar. Ishte shansi ynë që ne u pranuam në atë vit, sepse në një “bunker” të tillë si zor të afroheshe deri para atij viti. Fakti ishte që, të gjithë punonjësit e këtij institucioni në atë kohë, ishin të përfshirë në lëvizjet e ndryshimit të sistemeve, dhe pakkush e kish mendjen tek ne, të vegjlit. Kjo lloj lënie mënjanë dhe njëfarë anarkie që mbizotëronte atë vit na la terren të lirë për eksperimentime të ndryshme. Unë fillova në Redaksinë e Fëmijëve dhe ishte një punë që e beja me qejf. Falë “mospërgjegjësisë” time, apo më saktë guximit pa krye, unë për herë të parë në historinë e kësaj radioje fillova transmetimet e para direkte të emisioneve për fëmijë. Të fusje fëmijë direkt në mikrofon në të vetmen radio që ekzistonte në atë kohë, ishte një lloj budallallëku që vetëm vite më vonë arrita ta kuptoj. E megjithatë, si çdo “guxim i marrë”, edhe kjo lloj “shkolle e jona” dha frytet e veta. Ne (unë dhe brezi që hymë në RadioTirana në 1990) pasi përvetësuam logjikën e të punuarit në median audiovizive, u bëmë më të sigurt dhe filluam t’i rrallonim gabimet tona të përditshme. Shumë kohë më pas, unë e kuptova që ky mund të ishte profesioni im.
Le të kthehemi tek “goodmorning...” Një orë e gjysëm përditë do goxha frymë apo jo?

Jo frymë më tepër sesa një regjim i rreptë i përditshëm. 1 orë e gjysëm nuk është se është edhe aq gjatë. Janë mjaft kolegë të mi që shpenzojnë orë edhe më shumë në radio apo televizion. E rëndësishme për mua është që unë të tregoj që jam zgjuar më herët sesa dëgjuesit apo shikuesit e mi. Dhe kjo, e përsëris, vjen pas një regjimi thuajse të rreptë. Unë vij në punë pak a shumë rreth 1 orë para transmetimit. Llogarit me mend se kur zgjohem. Llogarit gjithashtu se unë kurrë nuk dal nga shtëpia pa ngrënë mëngjes. Nejse. Pasi marr kafenë e mëngjesit (të cilën nuk e ndërroj me asgjë) ndjek Bashkim Hoxhën e TV Teutës për të marrë vesh titujt e gazetave. Kështu, i zgjuar plotësisht unë futem në mikrofon. Lodhja është realisht e madhe, pasi më duhet të impostohem goxha për të krijuar atmosferën që duhet për emisionin. Lodhjen e ndjej kur mbaron Goodmorning Albania në momentin që unë pi kafenë e tretë. Me pas nuk pi më kafe.
Sa punon për ndërtimin ?

Tani është pak më ndryshe. Berti, regjisori i programit, është bërë tashmë njësh me mua, dhe është pikërisht ai që shpenzon kohën më të madhe për t’u marrë me programin. Sigurisht që unë komunikoj me të për çfarëdolloj gjëje që ka lidhje me emisionin tim, megjithatë, ndoshta edhe për shkak të angazhimeve të mia edhe më të mëdha se Goodmorning Albania, është regjisori Malltezi ai që më ndihmon përditë dhe në mënyrë sistematike duke mbajtur barrën e menaxhimit të stafit të vogël që ka ky program.
Po Palomën si e peshkove?

I dëgjova zërin në një taksi dhe i thashë Drejtorit Artistik të Radios që të mundohej ta gjente, sepse, për mua, Paloma është vajza me zërin më radiofonik nga të gjitha ato që aktualisht punojnë në TAR. Në të njëjtën kohë edhe shefi i madh kish dhënë të njëjtën porosi për gjetjen e këtij zëri, dhe rastësisht në këtë rast unë nuk isha i vetëm në këtë zbulim.
Nganjëherë marrëdhëniet Aldo- Paloma duken torturuese. Kështu ndodh vërtetë apo “kjo është loja”?

Sigurisht është loja e tillë. Në ndërtimin e figurës së saj kam patur parasysh një brez të tërë të kësaj moshe dhe në një farë mënyre Paloma përfaqëson pak a shumë të gjithë brezin e 20 vjeçarëve të sotshëm. Pa dyshim që fjalori, batutat dhe shprehitë e ndërtuara në emision janë deri diku ca të ekzagjeruara, kjo për hir të atmosferës së programit, thënë ndryshe gallatës.
Jo përshëndetje, jo komplimenta...vetëm hallet e vogla e thashetheme çupash e grash në emisionin tënd. Pse ke zgjedhur këtë formulë?

Mesa duket funksionin mire. Kam mendimin që njerëzit kur sapo zgjohen më mirë të dëgjojnë “budallallëqet sociale” tonat, sesa lajmet e stëritransmetuara nga Iraku apo gjakderdhjet në Palestinë.
Emrin Aldon Lipe e shohim edhe në emisione të tjera televizive. Si spjegohet që gjithnjë të përlqen të organizosh, të drejtosh dhe asnjëherë të mos dalësh në ekran vetë?

Kam konkurruar që pas gjimnazit për regji, dhe fatmirësisht (këtë e them tani) nuk fitova sepse do të isha bërë për teatër dhe rrjedhimisht gati i papunë sot. Kam provuar të jem përpara kameras dhe thuajse gjithnjë nuk kam qenë i qetë, sepse në çdo çast më mundonte ideja se cfarë po ndodhte në pult dhe a i kanë bërë gati gjërat, po sikur të mos jenë gati, çfarë do të them, etj, etj, etj. Më pëlqen realisht organizimi sepse dua dhe kam shumë dëshirë të punoj në skuadër. Këtë e kam provuar te ndërtimi i redaksisë së re të lajmeve, te mundi dhe përpjekjet për të ndërtuar Fiks Fare, tek strapacimi i jashtëzakonshëm që letrën e bardhë ta shndërroje në strukturën e Top Fest, i cili vazhdon suksesshëm sot si edhe ca punëra të tjera që për momentin nuk po më vijnë ndërmend. Mesa duket, gjëja më e vështirë në media është ndërtimi dhe struktura funksionaleve e stafeve dhe ekipeve të punës.
Mos është një lloj fobie kjo nga kamerat?

Edhe kjo është, pse ta mohoj. Në Top Show, me rastin e 4 vjetorit të fillimeve të transmetimit të edicionit të lajmeve në Top Channel dhe 3 vjetorit të Fiks Fare, unë jam ndjerë më në siklet se kurrë dhe mezi kam arritur të flas 2 apo 3 herë aty.
Besoj se nuk e ke sekret pjesën e mbetur të ditës pas “Goodmorning Albania”. Çfarë bën pas emisionit?

Aktualisht i jam rikthyer përsëri lajmeve, por tashmë në rolin e Producentit Ekzekutiv. Është një detyrë jo e panjohur për mua, por megjithatë është e vështirë për vetë faktin se duhet të organizosh gjithçka çdo dy orë, sidomos në edicionet kryesore. Jo vetëm kaq, po kjo lloj pune të mban të lidhur pas vetes thuajse gjithë ditën.
Nëse do të të bënin një ofertë diku tjetër, për çfarë do t`a lije Top-in?

Nuk e di se si do të ishte kjo ofertë. Në rradhë të parë do të bëja balancën mes ofertës dhe punës që kam. Më pas do të informohesha nëse kjo ofertë është realish sepse më vlerësojnë mua, apo sepse duan t’i prishin punë Top-it dh së treti do të vendosja për ta pranuar apo jo.
Pse?

Po sepse tregu i medias vizive në Shqipëri ka kohë që është “çmendur”. Flitet për shifra marramendëse për X apo Y person, që faktikisht janë të rreme dhe janë fjalë që përhapen kryesisht për t’i rritur çmimin vetes. Nga ana tjetër, nuk besoj se pronarët janë aq budallenj sa të bëjnë të tilla oferta.

Të kam parë një mbrëmje me një bebe në krahë.....apo më kanë bërë sytë?

Nuk e dija që puna jote vazhdokërka edhe në darke.... Bebja në krahë, pa asnjë lloj diskutimi, duhet të ketë qenë patjetër im bir, Martin, i cili, është 9 muajsh dhe mendoj që është tepër herët për të mos e mbajtur në krahë.
Mos vallë ke qejf që edhe djalin ta bësh si veten?

Nuk besoj,...megjithëse s’i dihet. Martin do rritet dhe do kuptojë, do shohë e do të vendosë vetë se ç’rrugë do të zgjedhë. Mbase kjo rrugë, ku ne punojmë tani, deri sa të rritet im bir do të jetë rregulluar.

Ekspress.

[Julius]

Fans Fanatik i Aldos qenke ti Xhuxho. Eshte person interesant vertet dreqi, ka batuta shume te goditura. Ajo qe me ka pelqyer me shume nga te gjitha eshte kur i tha nje here njeres: "puthe nje here burrin ne sqetull nga mua"
Suksese te metejshme Aldos!

[Xhuxhumaku]

Fans Fanatik i Aldos qenke ti Xhuxho. Eshte person interesant vertet dreqi, ka batuta shume te goditura. Ajo qe me ka pelqyer me shume nga te gjitha eshte kur i tha nje here njeres: "puthe nje here burrin ne sqetull nga mua"
Suksese te metejshme Aldos!

Nuk jam fans i Aldos, jo

por eshte personi qe tall menderen me teper me femrat ne ate emision...

Ne fakt emisioni eshte emision per femrat, pasi nuk kam degjuar ndonjehere te marre mashkull aty...

[marsela]

Xhuxhu e gjate ca, po interesante..
Jam fanse e ktij "surrat fshehurit"..lol.. si e pak personave publike ne Shqiperi.
Emisionin "Goodmorning Albania" e ndjek sa here jam ne Shqiperi,,me pelqen te zgjohem me zerin e Aldos, qe me kujton zerin e dikujt ktu e me nxjerr ca mall :-) Me duket terheqes e shum inteligjent, saqe me vjen keq nojher per Rudinen qe duhet te lodhet ca.
Nuk e dija qe ishte bere edhe baba:-)..Te na rrojne sa malet Aldo dhe i riu

[Xhuxhumaku]

[I]Xhuxhu e gjate ca, po interesante..
Jam fanse e ktij "surrat fshehurit"..lol.. si e pak personave publike ne Shqiperi.

Po te pyesesh pjesen me te madhe te femrave shqiptare do te te thone te njejten gje si ty...lol

Anyway, eshte shume sarkastik dhe Paloma eshte nje kopje komike e Ambra Agnolinit, te Boncompagnit te Italia Unos te viteve 90(kjo per ne te XIX-sit)...

P.s Postimin e bera per Mamane e Brandonit, qe eshte fanse e Top-Chanelit...

[marsela]

Hmmm Ambren e ndiqja dhe pelqeja dikur ( avash me ate XiX se s'kemi aq diference) Ka qene prezantuese e "Non e la rai" apo jo, e ka pas ca kenge qe i kendonim gjith dites me dure e me kembe( Batte forte il cuore pastaj sesi mbaronte me asencore,,na falni per spell-in e italishtes:-))..lol
Per te mos dale nga tema, Aldo e meriton te jete aq i pelqyer..mir gocat si una, po grate pse e pelqejn kaq shume..cahen telefonat nga shtepiaket e pensionistet lol..apo orari thuaj..