Me rastin e shpalljes së Pavarësisë së Kosovës, ne diaspora shqiptare në Baneluks,Urojmë dhe përgëzojmë;
Zotin Fatmir Sejdiu, President i Kosovës,
Zotin Hashim Thaçi, Kryeministër i Kosovës,
Zotin Jakup Krasniqi,Kryetar i Kuvendit të Kosovës,
Deputetët e Kuvendit të Kosovës, dhe gjithë popullin shqiptar në përgjithësi,kudo që gjenden ata, dhe popullin e Kosovës në veçanti, për këtë ditë të madhe,Shpalljen e Pavarësisë së Kosovës.Kjo ditë e shënuar është pritur me dekada të tëra dhe për te janë bërë sakrifica të mëdha. Me këtë rast ne kujtojm të gjithë dëshmorët dhe martirët që ranë për Liri,Pavarësi dhe Bashkim e Çlirim kombtar që nga rilindasit tanë të nderuar e deri tek dëshmorët më të ri të luftës së UÇK-së. Me respekt të madh deri në përkulje ne kujtojm Familjen Jashari dhe Komandantin Lagjendar të UÇK-së Adem Jasharin, që u flijuanë dhe na treguanë ne shqiptarëve se si mbrohet Atdheu dhe si duhet sakrifikuar për Te..
Të nderuar bashkëkombas,
Mërgata shqiptare në Beneluks(Belgjikë, Holandë dhe Luksemburg), sot më e bashkuar se kurrë, u derdh nëpër të gjitha qytetet e Beneluksit dhe kremtojë me dinjitet, krenari, emocione, pietet,por gjithënjë duke e ruajtur kontrollin dhe logjikën në respektimin e ligjeve dhe traditës së vendit ku jetojnë .
Manifestime rasti u organizuanë në mënyrë spontane në të gjitha qytetet e Halandës, Luksenburgut dhe Belgjikës,ku morën pjesë me dhjetra mijëra bashkatdhetarë nga të gjitha viset shqiptare pa dallim krahine, feje apo bindje partiake.
Pjesëmarrja e përgjithëshme në nivel të Beneluksit ishte dikund rreth 100.000 veta. Manifestimi më madhështor dhe më i madh u bë në kryeqytetin e Evropës, në Bruksel ku kishin ardhur bashkatdhetarë nga të tri shtetet e Beneluksit, ku sipas vlerësimit të policisë federale të Belgjikës në Bruksel ishin dyndur rreth 70.000 shqiptarë dhe kishin bllokuar praktikishit gjithë arteriet kryesore të Brukselit..
Manifestimi kryesor filloj në lagjen Schaerbeek të Brukselit,në ora 13.00, në marshim me makina drejt Parlamentit Evropian në Place Schouman ku u bë një takim i manifestuesve, me shoqërimin e lodrave , këngëve e valleve popullore, pastaj marshimi i kollonës së makinave vazhdoi drejt ambasadës së SHBA-ve,afër Port de La Loi, dhe prej aty kollona e automjeteve vazhdoi marshimin drejt selisë së Paktit të Atllantikut Verior NATO-s,në lagjen e quajtur Evere,për ti bërë një nderim për intervenimin kundër forcave kriminale dhe gjenocidale serbe, dhe prej aty manifestuesit në mënyrë të qetë u drejtuanë drejt Parkut Josaphat ku është monumenti i heroit tonë kombëtar Gjergj Kastrioti - Skënderbeu për ti bërë nderime heroit tonë kombtar i cili i vuri themelet e idesë për Bashkimin , Pajtimin, Çlirimin dhe Formimin e kombit dhe shtetit shqiptar.
Duke e patur parasyshë pjesëmarrjen shumë të madhe të bashkatdhetarëve në këtë festim spontan,jemi shumë t¨*e kënaqur që çdo gjë shkoi në mënyrë të rregullt dhe nuk pati asnjë incident.
Manifestuesit vazhduanë festimin nëpër qendër të Brukselit deri në orët e vona të natës, ku shumë prej tyre doi ta gëdhjnë nëpër klube shqiptare dhe vendase.
Në fund ,duke ju dëshiruar suksese të mëtutjeshme në ndërtimin e Shtetit të Kosovës,në ngritjen e nivelit të standardit dhe mirëqenjes sociale,në pakësimin e papunësisë,në ndaljen e emigracionit të rinisë tonë dhe në funksionimin e mirë të Shtetit Ligjor për të gjithë qytetarët e Kosovës njëlloj, pa dallim, përkatësie nacionale,fetare, e partiake, ne jemi dhe do të jemi gjithënjë në mbështetje të institucioneve të Shtetit të ri të Kosovës, derisa Kosova të mos ketë më nevojë për ndihmën tonë.
Kemi qenë, jemi dhe do të jemi gjithëmonë të gatshëm për sakrifica në të mirë të Atdheut tonë të përbashkët.
Me respekt Këshilli Organizativ i mërgatës Shqiptare në Beneluks
Përgjegjës, Gjergj Driloni, E-mail:- zekaj1444@hotmail.com
Tel: +32 473 328 359
Bruksel më 17 shkurt 2008
Përgjigju Duke Cituar
Postuar më parë nga Albo
Krijoni Kontakt