Gota e fundit!

[DI_ANA]

Fillojnë në muzg e vazhdojnë deri natën vonë. Të reja, të diplomuara, me një stil jete stresant, pinë (në shoqëri) për t’u ndier më mirë dhe për të zhdukur ankthin. Pa e kuptuar se ku po i çon alkooli...


I njeh sepse kanë gjithmonë gotën në dorë. E në vend që të hanë, pinë. Preferojnë cocktail të ëmbël, mojito, por edhe gin tonic, Negroni, Bellini, verë të bardhë ose birrë. Janë alkoolistet e happy hour, ato që nisin të pinë kur dalin nga puna e vazhdojnë deri në netët e vona e s’kënaqen me një.

Alkooliste happy hour

Janë gjithmonë e më shumë në numër. Dhe të reja. Aq e vërtetë sa studimet në Evropë thonë: “Numri i vajzave që konsumojnë rregullisht alkool, është rritur 113 për qind vitet e fundit. Dhe femrat përbëjnë gjysmën e pacientëve”.

Shpesh të diplomuara (sipas të dhënave të studimeve, konsumi i alkoolit ndërmjet femrave është përpjesëtimor me statusin profesional të tyre) dhe me një stil jete stresant, “e përdorin pijen si vetëmjekim”, thonë psikologët. “Në kuptimin që përpiqen të mbushin boshllëkun, vetminë. Zakonisht fillojnë të pinë në perëndim të diellit, kur shkëputen nga angazhimet profesionale e duhet të përballen me jetën personale. Në atë kohë, ankthi nis të rritet e të kërkojë të zhduket nga cocktail-et, vera, alkooliket e forta”. Një etilizëm i lidhur me depresionin që, në vend që ta kurojë, e rëndon: ndërkohë që alkooli është helm për sistemin qendror nervor, shkakton depresion dhe krijon ankth, duke rigjeneruar një rreth vicioz, që të bën të pish më shumë”, shpjegojnë psikologët. Përveç kësaj, femrave iu duhet më pak se meshkujve për t’u dehur, sepse “kanë një sasi më vogël alkooldehidrogjeni (një enzimë tretëse). Prandaj filtri i parë për në stomak është më pak i efektshëm dhe alkooli hyn në procesin e tretjes thuajse i plotë”.


Gra gjithmonë e më “mashkullore”

Sipas psikologëve, “pija modifikon ekuilibrat hormonalë femërorë, ndikon mbi ciklin e të bën më mashkullore. Gjatë shtatzënisë, shkakton keqformime të frikshme të fetusit, ndërsa gjatë ushqyerjes me gji mund të shkaktojë vonesë në zhvillimin mendor të foshnjës”. Asnjë pikë alkool pra, nëse jeni shtatzënë. Ndërsa normalisht, nevojitet të kufizohesh në “një gotë e gjysmë verë në ditë ose një krikëll birrë apo një cocktail alkoolik, duke ndjekur këshillat e Organizatës Botërore të Shëndetit”, thonë specialistët. “Shumë femra i kalojnë dozat që organizmi mund t’i metabolizojë. Kanë një problem abuzimi, që mund të dëmtojë shëndetin e tyre, pa e vënë re fare. Sepse pinë në orare dhe situata shoqërisht të pranueshme, pa u ndjerë skllave të alkoolit. Varësia që shkakton sindromën e abstinencës ngulitet pas disa vitesh. Por është konsumi i tepërt që shkakton simptoma psikofizike, për llogari të vetën. Femra që pi shumë, nuk ndihet në formë, mund të vuajë nga gastriti, irritohet lehtë, është agresive, e depresionuar, me ankth. I duhet shumë të përqendrohet në punën e saj ”, shpjegojnë psikologët. Hapi i parë është “të pranojnë problemin. Nëse nuk ia dalin vetë, duhet të konsultohen me mjekun. T’i drejtohen pastaj një psikologu/psikiatri, ose deri një alkoologu, për të përshtatur një trajtim dizintoksikimi e mbështetje psikoterapeutike”.

Rrugë për të shpëtuar nga varësia

Le të flasim qartë: askush nuk bëhet e varur nga zbardhuesi i rrobave, por pija nuk krahasohet, ajo të pëlqen. Alkooli modifikon mendimet, ndjenjat, heq emocionet, të qetëson. Nis të pihet për këto qëllime. Pastaj, marrja e alkoolit vlerësohet në rrafshin e trurit nga lëshimi i dopaminës. Në disa njerëz barra bie te sistemet e kontrollit dhe nis varësia. Rreziku është më i madh për ata që kanë një prirje gjenetike: pra një variant të kromozomit 11 e në veçanti të gjenit që kodifikon receptorët e dopaminës”, shpjegojnë mjekët. Kush do të shpëtojë nga kjo, ka më shumë zgjidhje: Të kontaktojnë me qendrat e specializuara, të cilat nuk janë aq të frikshme sa duken. Shumë specialistë dinë të japin zgjidhjet e duhura. Një zë esëll specialisti vjen në ndihmë, jo gotat.

Revista "Jeta"

Cili është mendimi juaj për vartësit e alkoolit?!

[simirjo]

them se profilet e vartëseve te alkolit janë të ndryshem: ata që nuk mund të rrine pa pirë asnjë ditë dhe që janë ne gradën e fundit e alkolizimit duke pasur ndjeshmeri fisike sapo zgjohen ne mëngjes, deri tek ata që shënon ti, dmth "alkolikët" e mbrëmbjeve që ja "hethin" të tjerëve the sidomos vetes ngaqë conteksti festiv i mbrëmjeve "justifikon" në një fare menyre pijen. Përsa i përket numrit të vajzave që pinë alkol rregullisht them se ne rrallë të parë është një fenomen social që mund të kuptohet si konsekuence e ndryshimit te statusit te gruas ne oksident.
Duke filluar nga vitet 70 por sidomos ne kohet e sotme ku gruaja punon dhe ka nje jete te pamvarur, dmth që nuk eshte më e "mbrojtur" nga mashkulli (babai ose i burri), ankthi i problemeve te jetes se bashku me vetmine e konsiderueshme ne shoqerine oksidentale bejne qe femra te kete nje raport ma alkolin siç e kanê pasur dhe e kanë burrat.
Ne pergjithsi, problemi eshte që alkoli ndryshe nga drogat e tjera ka nje funksion "shoqeror" (përveç faktit që është simbol feste dhe shoqerije ai i heq ngurrjet dhe timiditetet) dhe kjo mund te jete nje nga arsyet e para që ne vendet ku individualismi dhe vetmia eksiston ne nje menyrë te theksuar, statistikat tregojne nje ngritje te alkolizmit.

Po ashtu, alkoli eshte i pranuar ne mentalitet e njerezve keshtuqë njerezit që "zgjedhin" alkolin si "droge" mendoj se e kanë me të veshtirë se të tjerët të vënë kufirin midis pirjes tradicionale dhe shoqerore dhe asaj "adictive". Sidomos pershembull ne France dhe tradicionit te verës ose ne Angli me birrën e tyre.

A propos per titullin "gota e fundit!" eshte nje shkrimtar frances (por se mbaj mend emrin) që ka shkruar pak a shume kete :

"Ceux qui boivent sont toujours en attente du dernier verre. Ils le subliment mais malheureusement pour eux, ne se souviennent jamais!"