Si po e presin Pavaresine e Kosoves shqiptaret e Amerikes......!?!

[CEZARND]

"Dasëma e Madhe" e pavarësisë, ka filluar !!!



NEW YORK CITY : Gati e pa besueshme ! - por ja që dita erdhi! Tani ajo është bërë sa e ndjeshme dhe e prekshme. Pavarësia e Kosovës, nuk është më një ëndërr, ose shpresë, por është një realitet që po troket në zemrën e çdo shqiptari. Ndërsa syt e të gjithë shqiptarve janë drejtuar nga kryeqyteti i Kosovës - Prishtina, ku kan filluar përgatitjet për ta veshur në petkun festiv Kosovën. Që nga Sheshi "Bill Klinton" e deri te Sheshi "Zahir Pajaziti" e për të vazhduar te Përmendorja e Nënës Tereze dhe ai i Skenderbeut, Prishtina, kështu po përgatitet për festën e madhe - shpalljen e pavarësisë. Për pavarësinë e Kosovës, janë të përgatitur edhe shqiptarët e Amerikës, "superfuqia" e çështjes kombëtare jashtë trojeve të tyre.



Gazeta e përditëshme kombëtare Bota Sot, sjell pjesë nga atmosfera festive që ka filluar të ndihet kudo në mes të Shqiptarve të Amerikës. "Dasma e Madhe" e pavarësisë, ka filluar!!! Mbrëmë,si për shembull kishte festë në zyrën e LDD, në New York. Kryetari i saj z Agim Rexhaj dhe rreth 30 anëtarë të kryesisë, festuan deri në orët e vona ardhjen e ditës së Pavarësisë së Kosovës.Më 17 shkurt në restorantin luksoz "Green Tree Country Club" në New Rochelle, New York, Albanian American Media Center, në krye me producentin e mirënjohur për organizimet gala, z. Dervish Jahjaga, organizon Mbremje Artistike për nder të Pavarësisë së Kosovës dhe Shën Valentinit. Per kete mbremje vjen enkas kengetari i famshem shqiptar, Sinan Vllasaliu.
Individ e grupe shqiptarësh janë gati të nisen për në Kosovë. Ndërkaq, me pyetjen "Si po e presni ju Pavarësinë e Kosovës ?", gazeta jonë bisedojë me lider të komunitetit,artistë, biznesmen, shqiptaro amerikan të suksesëshëm, duke filluar kështu edicionine saj festivë nga SHBA-së.



Agim Karagjozi-Kryetar i Organizatës Panshqiptare të Amerikës "VATRA ",

Agim Karagjozi-Kryetar i Organizatës Panshqiptare të Amerikës "VATRA ", i cili me vite të tëra ka ditur të ruajë një raport të mirë mes shqiptarve, pavarësisht, përkatësisë fetare, krahonire apo bindjeve të tyre, ai që ka dhënë një kontribut me vlera historike në çështjen shqiptare në Amerikë, thotë se e pretë këtë ditë së bashku me vatranët, ashtu siç e pritën parardhsit e tij 1912, kur u shpallë pavarësia e Shqipërisë.





Shkrimtari Naum Prifti
















I të njëjtit, opinion ka qënë edhe sekretari i Vatrës, z Naum Prifit, shkrimtari i mirënjohur,i cili na tha se e pret "Si fitoren më të madhe kombëtare, pas Pavarësisë së Shqipërisë më 1912."



Kryetari i degës së LDK-së, z Ramadan Gashi,


Sakaq, kryetari i degës së LDK-së, z Ramadan Gashi, shprehet se po e pret me ankth,me padurim,me ngashërim,me ndjenjën e ezaltimit të thellë,në një ekstaze shpirtërore. Ashtu, si mund të pritet "Një Lindje Vetme njëherë e në 100 vjetë. Unë, tha Gashi, dhe gjenerata e ime kanë fatin e rrallë të përjetojnë këtë mrekulli Biblike.


Luna Bexheti


Unë, do shkoj në Tetovë dhe do gjindem shumë afër festës, kur edhe do të shpallet pavarsia, kjo është mënyra më e mirë për ta pritur, pavarësinë e Kosovës, ka mendimin e tij Luan Bexheti, producenti, aktori i njohur nga Tetova, ne Nju Jork. “Kam një ëndërr, e cila më duket se u relizua. Dua ta shikoj Kosovën e pavarur. Është ëndrra e të gjithë shqiptarëve. Ata që nuk do të jenë aty nuk do të kenë mundësi të thonë se kanë bërë historinë”, - shpjegon ai.


Raif Hyseni e Merita Halili

Sikurse, Raif Hyseni, nga Mitrovica, fiz-harmonikist,kompozitor, muzikant, i mirënjofur në SHBA-së, shprehet se :'Unë Pavarësine e Kosovës, po e pres si gjithë populli i Kosovës, si të gjithë Shqiptarët e tjerë kudo që ata gjinden sot në Botë.Thotë një faljë popullore, kujton mjeshtri i fiz-harminikës "Zoti vonon por kurrë nuk harron", mos të harrojme e mos të vonohemi për Shqiptarët jashtë Kosovës e jashtë Shqiperie., thotë ai duke vijuar "Lavdi të gjithë atyre që dhanë jetën dhe mundin për Pavarësinë e Kosovës.Gezuar Pavaresia Kosove e dashur!.


Kryetari i degës së LDD-së,z Agim Rexhaj,



Për kryetarin e degës së LDD-së,z Agim Rexhaj, thuhet se "Serbia e ka humbur Kosovën në vitin 1999. Nuk ka më kthim prapa. Në një demokraci shumica duhet të vendos. Në Kosovë mbi 95 e popullsisë janë shqiptar dhe hulumtime tregojnë se të gjithë këta e përkrahin pavarësinë. Serbia e ka humbur të drejtën për ta sunduar Kosovën pas asaj që ka bërë ndaj shqiptarëve para qershorit 1999: 10 000 të vdekur, 20 000 femra të dhunuara, 3 000 persona të zhdukur, me shumë se 1 milion te zhvendosur me dhunë, dhe 70 % e infrastrukturës është shkatërruar. Rasti i Kosovës është unik, dhe nuk mund të krahasohet me konfliktet tjera në botë. Nuk do të ketë progres në ekonomi pa pavarësi.












Merita Bajraktari McCormack,

Edhe Merita Bajraktari McCormack, nga Rrjeti i Bashkuar i Grave Shqiptaro Amerikane, thotë se :"Me duket sikur Dita e Madhe eshte shume larg, tani, qe eshte kaq prane!Gdhihemi ne mengjes dhe ne mbremje kur mbyllim diten, se bashku me falenderimet e tjera dhe lutjet, falenderojme Zotin qe jemi gjalle e te deshmojme qe kjo enderr e jona, po behet realitet. Qe kur jemi lindur jemi ushqyer me dashurine per trojet tona,qe kane qene e jane nen sundimin e huaj, dhe kemi shpresuar pikerisht kete ngjarje,Pavaresi!. Eshte nje moment historik per kombin tone dhe le te gezojme kete dite,qe jua kemi borxh trimave te UCK-se, politikaneve e diplomateve te afte shqiptare , Amerikes dhe shteteve Evropiane qe besojne dhe e mbeshtesin ceshtjen shqiptare. Drejtesia mund te vonoje por nuk harron! Ne po perjetojme pikerisht kete, fitimin e se drejtes sone.Gezuar Vellezer e motra te gjakut,gezuar LIRINE!



Uk Lushi- ish luftetar i UCK dhe profesionist investimesh ne Wall Street


Opinoni e tij e jep dhe Uk Lushi- ish luftetar i UCK dhe profesionist investimesh ne Wall Street :"Si ish-luftetare te lirise se Kosoves, thotë ai une dhe pjestaret tjere nga Batalionit Atlantiku i UCK-se e shohim pamvarsine e Kosoves si fillimin e agimit te realizimit te enderres sone shekullore per atdheun e bashkuar. Personalisht independencen e Kosoves e projektoj si fillese te integrimeve dhe zhvillimit kombetar, ekonomik dhe civilizues te hapesires shqiptare nga nje pozicion i ri veprimi. Ky hap eshte nje hap tjeter ne rrugen tone drejt qellimit tone madhor te bashkimit shqiptar. Por, perpos entuziazmit per te ardhmen tone, pamvarsia e Kosoves do te duhej te na sherbente edhe si moment reflektimi per mundimet e te kaluares si dhe sakrificat e deshmoreve pergjate historise dhe mese fundi gjate luftes heroike te Ushtrise Clirimtare te Kosoves. Mvehtesia e Kosoves le te jete nje eviniment te fuqizoje ecjen tone drejt ardhmerise me prosperoze dhe stabile si njerez dhe si shqiptare.











Mimoza Dajçi, Gazetare,


Gazetarja Mimoza Djaçi, thotë se sipas mendimit tim ceshtja e Kosoves ka te beje me nje teme te rendesishme filozofike, ate te te ndjerit te se mires e te se vertetes. Keshtu dhe ceshtja e pavaresise se Kosoves ka te beje me "rikthimin" te e drejta, te e verteta. Kosova tashme per te miren e saj e te gjithe rajonit shikon te ardhmen e saj me nje vizion evropian duke u integruar si pjese e shendoshe ne kontinentin plak. Rigjetja e rruges se te vertetes ne Kosove tregon se pavaresia e saj eshte e bukur e mireberese per te gjithe ne shqiptaret e evropianet se bashku.

Prof. Dr Agron F. Fico - albanolog dhe gjuhëtar

Prof. Dr. Agron F. Fico Nju York, Me emocione të fuqishme dhe reflektime të thella e pres ditën e madhe, ditën e ndritur të Pavarësisë së Kosovës. Këto reflektime më shpien në vitin 1913 kur traktati emerkeq I Londrës e gjakosi tokën e shenjtë shqiptare dhe Kosovën e dashur iu dha Serbise dhe vise të tjera Malit të Zi dhe Greqisë. Shqiptarët kurrën e kurrës nuk e kan njohur, nuk e kanë pranuar këtë coptim barbar të trojeve të veta. Male me sakrifica, lumenj me gjak dhe luftëra të vazhdueshme me pene, diplomaci dhe pushke përballoi populli heroik shqiptar I Kosovës.

Përkushtimi tim për cëshjten e Kosovës është pjesë përbërëse e dashurisë dhe punës së pasionuar për të shkruar, folur dhe diskutuar për historine, kulturen dhe luften e gjatë e plot sakrifica të popullit heroik të Kosovës kundër sundimit gjakatar sllavo-serb. Kam shkruar artikuj, kam mbajtur kumtesa dhe kam marrë pjesë ne diskutimet që kanë pasur si Kryefjalë fatin e Kosovës.



Majlinda Myrto, intelektuale çame në SHBA-së,


Pedagogëja Majlinda Myrto, intelektuale çame në SHBA-së, veprimtare dhe aktiviste e dalluar e çështjes kombëtare, thotë se emi ne prag te dites me te shenuar qe Kombi Shqiptar pret te perjetoje …. Shpalljen e Pavaresise dhe krijimin e shtetit te Kosoves. Ne raste te tilla njeriu nuk gjen fjale te pershkruaj gezimin qe ndjen dhe fjalet nganjehere duken te teperta. E them kete pasi une personalisht nuk di te kete nje tjeter komb, pervecse atije shqiptar, qe gjate historise se tije t'i jete dashur te shpalle dy here pavaresine e tije.


Shpallja e dyte e pavaresise (sic do ta konsideroja une) nuk ka arsye te tremb askend, perkundrazi do te jete nje ogur I mire ne rideminsionimin e mardhenieve me fqinjet, nje faktor stabiliteti ne rajonin e Ballkanit, qe do te ndikoje ne mbrojtjen e interesave kombetare brenda kuadrit te se drejtes nderkombetare. E them kete se pa zgjidhjen e plote te ceshtjes shqiptare (perfshi ketu dhe ceshtjen Came) nuk ka se si te kete harmoni te mardhenieve nderballkanike e me gjere.














Tomë Mrijaj


Shkrimtari i disa librave në Amerikë, publicisti,Tomë Mrijaj - Sekretar i Përgjithshëm i “Lidhjes Shqiptare të Prizrenit” me Qendër në New York, na tha se po e pret me padurim momentin e njohjes së pavarësisë së Kosovës. Them njohjen pasi Kosova, prej 1999 kur Srebia e humbi Kosovë, ka qënë e pavarur. E rëndësishme është që tani ta njohin dhe shtetet e tjera dhe institucionet botërore. Këto janë momente jo të lehta, por duhet durim dhe vullnet, tani pas 17 shkurtit kur të fillojë edhe festa e madhe e Pavarësisë së Kosovës.


Ibrahim Kolari, kryetari i Shoqatës Atdhetare Dibra





Kryetari i Shoqatës Atdhetare Dibra, zoti Ibrahim Kolari,Panvarsin e Kosoves ne e presim me nje gezim te jasht zokonshem me pa Durim .Per shum shkaqe.Qe kane ndodhur ne at vend. Se pari gjaku i Deshmoreve mos shkon kot ,Bashkimi i lire ipopullit te shqipnis Me at te kosoves ,Pranimi i shipnis dhe Kosoves ne familjen Europjane , Dhe shum e shum qelime te mira Qe do te ndodhin ne gjith reonin e Balkanit . Une mendoj se dhe Srbija me pranimin e Panvarsin te Kosoves Do te ket leverdin e vet mbasi dhe ajo te behet pjese e Bashkimit Europjan, Prandaj te jet nje fitore per te gjith keto vende une mendoj ,




Prof. Dr. Skënder Kodra kryetar i Akademisë Shqiptaro Amerikane të Shkencave


Kryetari i Akademisë Shqiptaro-Amerikane e Shkencave dhe Arteve, dr.prof. Skënder Kodra(PHD), vuri në spikamë rolin e popullit shqiptar të Kosovës,ShBA-të, NATO-n dhe UÇK-ën për mbrojtjen e çlirimin e Kosovës në vitin 1999. Pavarësia , thotë ai është dhurata më e çmuar për mbarë kombin tonë, i cili po e pret me gëzim të madh këtë ditë.Pavarësia e Kosovës, është rilindja edhe një herë pas 1912 e kombit shqiptarë.















Jonuz Ndreu kryetar i partisë Bashkimi Kombëtar Demokrat në SHBA-a

Jonuz Ndreu kryetar i partisë Bashkimi Kombëtar Demokrat në SHBA-a, atdhetar e patriot i dëshmuar: Këtë pyetje sot, në mënyrën më profetike do t'ua kisha, të parvë të mi, stërgjyshit, gjyshit e babit tim një nga “ikonat” e patriotizmit, Cen Elezit dhe Elez Isufit(Arushës së Malit). Duke pyetur ata që e lindën mbi traditen patriotike nëpërmjet fisit Ndreu, në vlerat morale dhe frymëzuese që edukuan breza të tërë, me frymën e dashurisë për kombin dhe për lirinë e demokracinë shqiptare. Prej kur edhe fillon qendresa dhe heroizmi i dibranëve me rolin e Elez Isufit si organizator i lufëtrave dibrane për pavarësi kombëtare e për t’u përcjelle brezave si mesazhe mbi vyrtytet e larta morale dhe kombëtare që vijnë nga e kaluara si apel edhe për ditët tona deri në ditën e shpalljes së Pavarësisë së Kosovës.





Dervish Jahjaga, tha se: "Pavarësinë po e presim me shekuj, kjo është festa më e madhe për mbarë shqiptarët anë e mbanë botës. Për pavarësinë e Kosovës u flijuan me mijëra e mijëra shqiptarë, poashtu punuan dhe sakrifikuan për këtë ditë të madhe të gjithë shqiptarët. Pavarësia e Kosovës është meritë e të gjithë shqiptarëve brez pas brezi, të gjithë kanë ndihmuar në mënyra të ndryshme. Njëherit falenderime të veqanta Shteteve te Bashkuara të Amerikës dhe të gjitha atyre shteteve që ndihmuan në realizimin e kësaj ëndrre. Të festojmë në mënyrë të dinjitetëshme këtë ditë. E gëzofshim Pavarësinë të gjithë shqiptarët, kudo që janë!


Kryetari i degës së Partisë Lëvizja e Legalitetit në Amerikë,



Të gjithë shqiptarët, theksoi kryetari i degës së Partisë Lëvizja e Legalitetit në Amerikë, pinjolli i një familje patriote, z Hakik Mena, po e presin pavarsinë e Kosovës me padurim, me kënaqsi , dhe gezim të papërshkruar, për arsye se më në fund do kurorezohen me sukses mundi djersa dhe gjaku i bijve dhe bijave të popullit shqiptarë të Kosovës të rënë në luftë kundër pushtimit sllavo- çetniko-komunistë serb . Fitorja e pavarësisë së Kosovës është mbi të gjitha shpëtimi i kombit shqiptarë ,dhe fillimi i ngadhjimit të shqiptarëve në rajon. Ai bënë thirrje në fund, që le të shpresojmë që çështja shqiptare mos të ndalet vetëm me pavarsinë e Kosovës, por të hap rrugën për një Shqipëri Etnike.

[niktironci]

Une per vehte mezi po pres.
I uroj githe Kosovareve si edhe gjithe Shqipetareve kudo qe ndodhen ne bote GEZUAR PAMEVARESINE E KOSOVES