Astrologjia.

[DI_ANA]

Shigjetari (22 nëntor - 22 dhjetor)

Element: ZJARRI
Planeti dominues: JUPITERI

▪ Përfaqësuesit e kësaj shenje janë sangvinistë, sharmerë, entuziastë, optimistë. Temperamenti i tyre rëndom orientohet kah mënyra dinamike e jetës, që i shqetëson mjaft.

Kanë aftësi që të shkaktojnë befasi dhe që gjallërisht të depërtojnë në çdo situatë.

Mbi ta dominon JUPITERI, që pashterrshmërisht iu fal fuqi e drejtësi, kuptim religjioz, shpirtmadhësi, fisnikëri dhe vlera morale.

Shigjetari ka karakter të butë, si dhe qëllim të hapur e mjaft të çiltër, shumë më të mirë sesa dy shenjat e para të zjarrir (luani dhe dashi). Përndryshe, është mjaft impulsiv, ndonjëherë i rreptë, por rëndom plot arsye dhe plot konsideratë për të tjerët, përherë i gatshëm t'iu ndihmojë të tjerëve; këto veti ia jep JUPITERI, mbret i peshqve.

Shigjetari nuk i frikësohet kurrfarë situate jetësore. Përherë ka dashuri e shpirtmadhësi. Është luftëtar i guximshëm për lirinë e vet. Përparimtar dhe entuziast. Antikonvencionalist, përherë i gatshëm që t'i mbrojë bindjet e veta. I jep shumë rëndësi intelektit, në përpjekje të përhershme ta begatojë shpirtin dhe kulturën e vet. Inteligjenca e tyre është e gjallë dhe spontane, plot kuptim për realitetin. Ka mendim të thellë, di të planifikojë, të parashohë, hyn në hulumtimin e shpirtit të vet të zjarrtë. Ndjenjat i ka humane, kundër dhunës e shtypjes. Moralin dhe etikën i ka mjaft të theksuara, edhe përkundër fluturimeve të lira të mendjes.

Është idealist ekstrem, rëndom filozof, thellësisht religjioz; optimist. E hulumton mirë terrenin para vendimit dhe shkel në të sigurt. Një devotshmëri e jashtme dominon mbi fytyrën e shigjetarit tipik, gjë që nxit besim dhe respekt. Shqetësohet dhe qetësohet me maturi.

Kënaqet shumë me gjërat, situatat dhe me miqësitë e paparashikueshme, befas. Nuk është cikërrimtar, nuk merret me detaje, imtësi. Është optimist i lindur. Shpesh për të jeta është argëtim. Ndonjëherë i ngjan bredhëritësit të shqetësuar që kurrë nuk di se a është ajo që posedon edhe ajo që e dëshiron.
Rëndom nuk martohen gjatë, duke mos dëshiruar përgjegjësi. Martohet kur sheh se edhe "liria" ka përgjegjësinë e vet. Është tip i lumtur njeriu. Shpesh luan, rrezikon, fiton. (Rrini pranë tij - do të jeni mirë të argëtuar).

Kanë rëndom strukturë të fuqishme fizike. Meshkujt rëndom janë sportistë të mirë (si edhe deshtë). Gratë-shigjetare janë VITALE, DINAMIKE; rëndom tërheqëse. Flokun e kanë të zi. Hundën të shprehur, "shqiponjëtare".

Nuk janë vetiakë si luani dhe dashi.

Janë antipode të shkorpionëve. Janë të frymëzuar me jetën, jo me vdekjen.

Kanë afinitet për aksion, vështirë qetësohen në një vend, me gëzim shkojnë "nga lulja në lule". Depërtojnë dhe shkojnë.

Zakonisht dinë të shkojnë përpara, duke udhëhequr suksesshëm me të gjitha aksionet. I duan diskutimet. Secilit ia thonë të vërtetën në sy. Gëzojnë respekt dhe shpejt pasurohen. Në jetë i presin shumë rreziqe e befasi, por shkathtësisht tërhiqen, shpëtojnë. Pra, edhe pse gjithnjë janë në luftë të përhershme, dalin fitimtarë. JUPITERI është fat i madh, prandaj kanë fat, nderim, begati, lumturi.

Kanë shpirt të paqetë, hipnotikisht duke vrapuar pas yjve të vet që befas shfaqen në horizont, përherë duke pranuar aventura të reja, duke dëshiruar të prekin krejt të mundshmet dhe të pamundshmet, para se të mbërrijnë në limanin e tyre të fundit.
Fati i tyre është jeta normale qytetare.

Kanë shumë dëshirë të flasin, edhe pse, si të gjithë idealistët, ndonjëherë janë të vetmuar, të pakuptueshëm nga rrethi.

Besojnë në dashuri dhe miqësi të gjata. Në këtë shenjë, si tek shenjat e ujit, shpesh lindin ëndërrimtarë të mëdhenj.

VIRTYTET dhe VESET: edhe pse Don Zhuan, ka forca të mëdha morale. Vetëmohues dhe luftarak. Tejet i shoqërueshëm. Kualitetet e tij: galantiteti, sharmi, liriadhurueshmëria. Manitë: lavdërimi, snobizmi. Përndryshe: të aftë, të pavarur, mirë i përdoron të hollat, e mban fjalën, e kthen borxhin, human, optimist, entuziast, idealist.

TË LINDUR NË KËTË SHENJË: Betoveni, Hajne, F. Sinatra, P. Elyar, M. Tven, Floberi, A, Zhid, K. Dagllas, V. Çerçill etj.

KOMBINOHEN: Shigjetarët për partnerë më të mirë kanë shenjat e zjarrit: LUANËT dhe DESHTË. Pastaj vijnë "ajrorët": BINJAKËT, PESHORET, UJORËT (deri në 30 vjet: "zjarrtarët"; pas 30 vjetve: "ajrorët"). Pra, SHIGJETARI - LUANI: kombinim i mirë. SHIGJETARI - DASHI: të lumtur së bashku.

ASTROMEDICINA: iu beson metodave natyrore të shërimit: gjimnastikës, masazhës, ujërave termale, sportit në përgjithësi. Dhe vërtet, iu ndihmon shumë dashuria ndaj sporteve dhe udhëtimeve. Sakaq, kur janë të tjerët të sëmurë, ai pothuajse shëron me praninë e tij, respektivisht me kthjelltësinë e shpirti dhe optimizmin e tij. I MUNDON: ishiasi, reumatizmi, hemorroidet.

[DI_ANA]

Bricjapi (23 dhjetor - 21 janar)

Element: TOKA
Planeti dominues: SATURNI (MARSI i ndihmon)
Nënshenjë: UJORI
Bima: Vjollca, zymbyli


▪ Karakteristika të përgjithshme: karrierë, sukses, fitime materiale, kurorëzim përpjekjesh.

Posedon veti të jashtëzakonshme fizike dhe morale: precizitet, metodologji, seriozitet dhe disiplinë të jashtëzakonshme të brendshme.

Që në rini i krijon idetë e veta për veten dhe kërkesat e veta.

Ka karakter të pathyeshëm, shpeshherë i kapluar nga vetmia.

Vështirë e ka t'i shprehë idetë e veta dhe të hyjë në raporte të kthjellta me të tjerët, shkaku se është tepër i rreptë dhe i vetëdijshëm.

Në rrethet me disponim armiqsor - tërhiqet në vetvete, por mjafton vetëm pak vullnet i mirë e respekt dhe ai ndodhet në element të vetin. Posa kupton se është i kuptuar, bëhet i dashur dhe shok i mirë, në të cilin maksimalisht mund të gjeni mbështetje.

Në këtë shenjë toke dominon SATURNI, deridiku edhe MARSI i rrezikshëm. Karakteristikat e kësaj shenje janë: ambicioziteti, qëndrueshmëria, shpirti serioz. Shquhet për aftësitë e të jetuarit tash. Ndonjëherë tregon mungesë diplomacie. Shpesh i ftohtë si guri. Sakaq, me qëndrimin e tij të ftohtë, filozofik, shpesh e fascinon masën dhe imponohet.

Vullnetin e ka të fortë, depërtues, konstruktiv, nuk ikën prej asgjëje, fatalist, fanatik, intelekt dogmatik, i gjindshëm, serioz, ndonjëherë i pashoqërueshëm.

Rëndom - i heshtur. Të tjerëve iu hapet, por pa disponim, duke iu ikur këshillave të të tjerëve. Gjithsesi vetmitar, i i guximshëm, kokëfort. Prakticist i lindur, si në punë ashtu edhe në dashuri.

Rëndom është dembel, i errët dhe i çuditshëm. I rezervuar.

Shpesh i frymëzuar me mendime të errëta, si akrepët ujorë. Por, sido që të jetë: ai përherë është plot pesimizëm, nga i cili nuk mund të lirohet lehtë.

Shtëpia e bricjapit është shtëpia e dhjetë e horoskopit. Bricjapi është shenjë themelore, prandaj ka fuqi dhe aftësi të jashtëzakonshme. Si përfaqësues i tokës është tejet praktik dhe racional.

VETI TË KËQIJA I KA: prirjen për vetmi dhe izolimin.

Janë realistë të përsosur, por edhe materialistët më të mëdhenj të Zodiakut. I hidhëron joserioziteti i të tjerëve. Qëllimi i tyre i vetëm është maja e çdo gjëje. Janë të vetëdijshëm për vlerat e veta. Shumë i duan të hollat dhe pranojnë çfarëdo pune, që iu sjell fitime. Kjo nuk do të thotë se edhe i harxhojnë me mençuri.
Në martesë janë tejet stabilë dhe seriozë.

endojnë se i mjaftojnë vetvetes. Dorështrënguar ndaj vetvetes dhe të tjerëve. Rëndom kanë mendim të lartë për vetveten. Janë të rezervuar dhe të ftohtë. Pesimizmin e kanë veti të lindur. Rëndom vishen sipas modës së vjetër, i dëshirojnë ngjyrat e mbyllta. Martohen arsyeshëm, shpesh nga "llogaria". Pjesa e dytë e jetës më e suksesshme. Nuk brengosen t'iu pëlqejnë të tjerëve shkau i seriozitetit të tyre. Sa mës humë kalojnë vitet, kanë më pak vështirësi. Dhe, derisa të tjerët fitojnë rrudha, ata ndihen gjithnjë e më mirë.

SATURNI, si epror i madh i gjithësisë, bën që përfaqësuesit e kësaj shenje të luftojnë tërë jetën me idetë e errëta, depresionet dhe negativitetet; por jo hapurazi dhe në sytë e botës.

TEMPERAMENTI: melankolik, nostalgjik, flegmatik. Tip epik. Tip shkëmbor-kodrinor. Për nga natyra: tepër serioz dhe kokëfortë, por të drejtë. Shpesh i ftohtë dhe vetiak. Si mik është njeri mbi të cilin mund të mbështetesh. Dinë ta ruajnë sekretin. Ndjenja e detyrimit tek ta është e lartë.

Përndryshe, është njeri familjar, por thellësisht i vetmuar. Gruas s'ia lë duart e lira. Edhe pse ka mjaft para në shtëpi, ajo s'guxon t'i harxhojë vetë. Ai përshkruan sesi duhet harxhuar të hollat. Është tejet konzervativ, shpeshherë me disponim diktatorial. Ndonjëherë edhe tiran.

TIPI I LARTË I BRICJAPIT: është i matur, taktizer, dinak, i prirur për tituj të lartë, diplomat, organizator. Tipi i ulët: ortodoksist, mizantrop; "para dite urren veten, pas dite tërë botën".

TË LINDUR NË KËTË SHENJË: Ticiani, Njutni, Bokaço, Kepleri, Pasteri, Kiplingu, Molieri, H. Mileri, E.A.Po, Rubinshtajni, Marlen Dritërih, E. Prisli, Ava Gardner, Hemfri Bogart, Naseri, Niksoni, Stalini, Mao Ce Duni, Al Kapone etj.

ASTROMEDICINA: është i fortë dhe i qëndrueshëm. Sëmuret kur është nervoz dhe jotolerant, sepse atëherë është frikacak dhe i errët, pret më të keqen. Por të gjitha dhembjet i duron stoikisht. Duhet të kenë kujdes për mëlçinë, si dhe t'i ruhen tendosjes, nervozës, depresionit. Atyre iu duhet shumë më tepër gjumë sesa shenjave tjera. Shpesh i godet reuma dhe artritisi.

NË JETËN SEKSUALE është konvencional: do seks klasik, pa fantazi, pa kombinim pozicionesh. Është vetiak (në seks), pothuajse kurrë pa u përpjekur ta kënaqë partnerin. BRICJEPTË nuk janë magnetikë si SHKORPIONËT, as dinamikë si BINJAKËT, as të butë e të këndshëm si DEMAT. Por ata ia dinë vlerën çdo gjëje dhe kanë para. Përmes të hollave, këta materialistë të pashembullt, arrijnë çdo gjë, madje edhe femrat.

Kombinohen: BRICJAP - GAFORRE: të krijuar për njëri-tjetrinm (sidomos për dashnorë). BRICJAP - PESHK: të krijuar për njëri-tjetrin (edhe për grua edhe për dashnor). BRICJAP - AKREP: të lumtur së bashku. BRICJAP - DEM: kombinim i mirë.

[DI_ANA]

Ujori (22 janar - 20 shkurt)

Element: AJRI
Planeti dominues: URANI


▪ Inteligjentë, intuitivë, të lëvizshëm, deri diku idealistë, jokonformistë, të dashuruar në rrezikun dhe në çdo gjë që është e re dhe e guximshme. S'e donë vetminë. Intuitivë dhe kreativë, por tejet racionalë, origjinalë; rrallë i çmojnë mendimin e huaja.

Shpesh me mendime origjinale shkojnë para kohe. E kanë të metë të madhe se e tërë bota duhet t'iu përshtatet atyre, e jo ata botës.

Rëndom altruista, edhe pse shpesh individualistë dhe racionalistë të mëdhenj. Domethënë, shpesh "hesapxhinj" të mëdhenj. Por, megjithatë janë të këndshëm, të shoqërueshëm, spiriyuozë.
Dinamikë e modernë, i vret monotonia. Çdo ditë duhet t'iu sjellë diçka të re.

Janë epshorë dhe shpesh prepotentë. Dashurisë i japin kuptim të veçantë.

Kanë intelekt të veçantë. Origjinalë. Skeptikë. Me imagjinatë të pasur (si GAFORRET dhe PESHQIT, por jo të errët si GAFORRET dhe SHKORPIONËT). Nën shenjën e ujorit kanë lindur shumë gjeni.

Temperamentin e kanë të ftohtë - qetësi para fortune. Të pafrikë. Por, të pakuptueshëm për rrethin - këtë e kanë fat.

Vetmia për ta është dënimi më i madh. Dëshirojnë ta ndërrojnë tërë botën. Kanë dëshirë të apostrofohen. Janë përplot befasi e reaksione të papritura.

Neve mund të na duken UJORËT si të krisur, por koha e tyre mu tani po shkëlqen. Tek ta ka shkallë të ndryshme: që nga të krisurit e gjer tek gjenitë. Mentalisht janë tepër të fortë, si të gjithë "ajrorët". Janë oratorë të lindur, kudo qofshin. Por, ekscentrikë, e megjithatë origjinalë. Tejet emotivë, e megjithatë tejet të përshtatshëm në çdo mes. Shpesh: individualistë të mëdhenj, gjë që bën që lehtë kalojnë në egoizëm. Por, edhe përkundër faktit se mund të jenë individualistë dhe egoistë të mëdhenj, edhe dinakë, megjithatë: humanizmi dhe altruizmi janë vija të karakterit të tyre. Sipas Nostradamusitit epoka e ujorëve pikërisht ka filluar (sjellja e lirë, e shfrenuar e rinisë, droga, veshja e krisur, seksi grupor).

NË DASHURI: japin shumë prej vetes, pa pritur se do t'iu kthehet. Nuk pritojnë të zdishen edhe 4 herë në ditë (e të bëjnë dashuri).

MASHKULLI-UJOR: bën pjesë në grupin e burrave më të shqetësuar që ka qejf t'i ndërrojë partnerët. Janë dashnorë të zjarrtë, që në krahasim me ta DESHTË dhe LUANËT dalin shegertë të zakonshëm. Përndryshe, janë me manire të bukura, të dashur, të shoqërueshëm. Ka dëshirë të prekë sa më shumë trupa partnerësh të vet, ku secili paraqet mister në vete. Për ta, dashuria dhe seksi janë komponente shumë të rëndësishme, si edhe liria. Edhe në dashuri: imagjinativë dhe origjinalë. Madje, femrave frigjide iu preferohet që "në shërim" të shkojnë tek meshkujt-ujorë.

Për shumicën e ujorëve martesa është mu si tatimi apo vdekja: një e keqe e domosdoshme, e pashmangshme, që duhet pranuar kurdoqoftë. Duan seks të lirë, forma të reja. Në mesin e tyre ka më së shumti konsumues të drogës.

Meshkujt, po edhe femrat-ujorë janë me horizont të gjerë, me disponim eksperimental, të shpërthekuar kur është në pyetje dashuria.

KOMBINIMI: partnerët më të përshtatshëm për ta janë ajrorët: BINJAKËT dhe PESHORET. Por, edhe zjarrtarët: DESHTË, LUANËT dhe SHIGJETARËT.

TË LINDUR NË KËTË SHENJË: Bajroni, Darvini, Dikensi, Mocarti, Ruzvelti, Mendeljevi, Pasternaku, Xh. Dini, K. Gebëll, Travolta etj.

[DI_ANA]

Peshku (22 shkurt - 20 mars)

Element: UJI
Planeti dominues: JUPITERI
Nënsheknjë: BINJAKËT
bima: VJOLLCA

▪ Përfaqësuesit e kësaj shenje janë: origjinalë, ekstravagantë, por mund të jenë edhe ekscentrikë. Janë artistë të lindur, të cilët askush kurrë nuk i ka kuptuar në kohën e duhur.

Simbol i PESHKUT është flijimi dhe altruizmi. Kjo shenjë është nën ndikimin e JUPITERIT fisnik dhe të NEPTUNIT kreativ, të cilët tek këta përfaqësues mxisin konflikte e shqetësime, inspiracione të mistershme dhe ndjeshmëri akute emotive.

Përfaqësuesit e kësaj shenje janë të ndijshëm, të butë, të këndshëm, të sinqertë, fisnikë, por tejemotivë. Jetojnë në botën e tyre romantike, të ndërtuar me elementet më poetike, por ngandonjëherë plotësisht jorelale. Pothuajse janë të predisponuar për ART, dhe me vetë këtë edhe për vuajtje e tragjikë. Ata aq humbasin në fantazinë e tyre të madhe, saqë shpesh e humbasin ndjenjën me realitetin.

Janë të prirur për melankoli e pesimizëm, edhe pse dinë t'i tejkalojnë vështirësitë jetësore, duke iu falënderuar fuqisë së shpirtit të vet dhe prirjes për humor, këtij "izmi" të fatkëqinjve të mëdhenj. Plot imagjinatë, shpeshherë ëndërrojnë syhapur.

Lehtë iu përshtaten situatave, si uji që ndërron formën, edhe pse intimisht përherë i mbesin besnik vetvetes, idealeve të veta të mirësisë, madje edhe në shakullimat më mizore.

Vështirë i sjellin vendimet, duke iu frikësuar përgjegjësisë për nisjativë. Kanë karakter të pasigurt. Por, kur njëherë e gjejnë rrugën, dinë të jenë ambiciozë, madje edhe të pathyeshëm.

I udhëheq shqisa e gjashtë: Intuicioni, instikti, parandjenjat. Natyra e tyre dualiste i çon në dy kahje: t'i përshtaten botës dhe t'i kënaqin të tjerët; dhe në anën tjetër: t'i mbesin besnik zërit të brendshëm.

PESHQIT janë idealistë e fatalistë, vështirë të kuptueshëm nga rrethi. Jeta e tyre është plot ngritje e rënie. Ndonjëherë duken artisitikisht egocentrikë, narcisoidë, të imponueshëm.

Të gjithëve mund t'iu ndihmojnë, për vete duke ruajtur të drejtën të vuajnë, duke deklaruar se janë të pafat.

Arma e tyre përvetësuese janë sytë e lëngësht, shikimit të të cilëve është vështirë t'i iket. I kanë të shprehur sytë, tenin.

Intelektin ua mbulojnë emocionet, pa shumë logjikë e vetëmohim. Shpesh kaotikë, difuzë, krejt në vizione, ngjyra.

PESHQIT janë poetë të lindur e ëndërrimtarë, të shqetësuar e imagjinativë. Mbi të gjitha janë fisnikë e simpatikë, të mëshirshëm. NEPTUNI iu fal aftësi për përceptime të brendshme, shqisën e gjashtë.

Peshqit udhëheqin me botën e fshehtësive dhe mistereve... dhe iluzioneve.

Nuk mendojnë shumë, lehtë i sjellin vendimet, pastaj rëndom qahen.

Duhet kontrolluar botën e tyre mistike, sepse plagët e tyre emocionale vështirë shërohen.

Po u armatosën me doza më të mëdha të realizmit, disiplinës dhe prakticitetit, do ta kenë më lehtë e më bukur. Ata dëshirojnë të jenë të mundur dhe viktima, edhe pse dinë edhe të protestojnë. Peshqit janë rëndom të tërhequr, dëshirojnë të vuajnë e të brengosen. Temperamenti i tyre është si flaka e qiririt: në çast brilant, i hareshëm, spirituozë; shpejt pastaj melankolik dhe letargjik. Por, nuk duhet frikësuar kësaj: të këtillë janë të gjithë njerëzit e mëdhenj. Por, për të pasur sukses, duhet të jenë më të qetë, më të organizuar, më "për vete", andaj edhe më depërtues, duke mos u shërbyer me devizën: "Çdo gjë - të gjithëve"!

Karakterin e kanë plot kundërthënie; për shumicën e njerëzve të pakuptueshëm, të çuditshëm, si të mbuluar me një lloj mjegulle. Fjala e rëndë peshqve iu shkakton dhembje të rëndë.

FEMRAT-PESHK: është perëndeshë e butë nate në mëndafsh.

Sëmuret nga fjala e rëndë. E tejndijshme. Plot vizione, ide të fshehta. Dehet me romantikë. Ajo vendosmërisht e kërkon idealen. Dëshiron të shkruajë poezi dhe letra miqve. Di të gëzohet, të shqetësohet; të qajë dhe çdo gjë ta përjetojë thellësisht. Di të vuajë dhe të falë. Kënaqet e jeton në dëgjimin e muzikës dhe në shkrimin e letrave të gjata. Rëndom është shumë e bukur, sharmante, origjinale. Shikimi i saj çuditërisht i butë - fascinon. Sytë që janë pasqyrëza të shpirtit i ka nga ngjyra e liqenit. Zërin e ka vibrues që depërton në zemër. Ato janë poeteshat e Zodiakut. Nuk ka ëndërrimtare dhe dashnore më të mëdha se ato.

MASHKULLI-PESHK: rëndom dëshiron të ëndërrojë dhe aty rëndom e humb kohën e çmueshme: jeta dhe vlerat rrjedhin përskaj tij, por ai në hutimin e tij - s'i vëren.

TË LINDUR NË KËTË SHENJË: Krishti, Mojsiu, Nostradamusi, Mikelangjelo, Leonardo da Vinçi, Vivaldi, Bahu, Shopeni, Shopenhaueri, E. Kue, Renoari, Bunjueli, Ajnshtajni, D.Kish etj.

KOMBINOHEN: Pajtohen shumë me GAFORREN, edhe me SHKORPIONIN. Por, mund t'iu rekomandohen edhe "tokësorët": DEMAT, VIRGJËRESHAT, BRICJAPI (deri në 30 vjet-ujorët, pas 30 vjetëve - tokësorët).

ASTROMEDICINA: Mund të kenë probleme me këmbë, shputat e rrafshta, depresionet; është i prirur të helmohet. Terapia më e mirë për ta është Muzikoterapia, si dhe aktivitetet tjera artistike, shoqëria e hareshme, lëvizjet, gjumi i mirë.

[DI_ANA]

Mjekësia astrologjike sipas shenjave të horoskopit

Dash

Mjekësia astrologjike e vendosë këtë shenjë të furtunës dhe shtrëngatës duke e paraqitur atë me figurën e kokës që mban sy të mbyllur dhe nofullën e poshtme me dhëmbë paksa të shtrënguar. Gjithashtu edhe me trurin si organ motorik që ruan ndjesinë e baraspeshës. Deshtë janë të ndjeshëm veçmas në regjionin e kokës, kanë më shumë marramendje, zjarrmie të lartë apo ndezje. Mu për këtë, që ata të ruajnë fuqitë dhe shëndetin e mirë, mjekësia astrologjike ju preferon të merren me aktivitete më të "nxehta", respektivisht të ushtrojnë sporte të ashtuquajtura luftarake, në të cilat deshët mund ta tregojnë veten mirë. Gjimnastika, vallëzimi dhe e ashtuquajtura Terapi e Rajshit (thënë shkurt e shqip: seks). Mirëpo, tek njerëzit që i përkasin kësaj shenje, edhe skijimi dhe çiklizmi japin efekte shumë të mira. Deshët edhe përpos nevojës së zbrazjes së energjisë së madhe, megjithatë duhet të pushojnë shpesh dhe relaksohen mirë gjatë ushtrimeve fizike. Në këto momente i rezervoni vetes kohë dhe çaste të mjaftueshme kur mund të merrni në dorë sërish ndonjë libër, apo të dëgjoni muzikë, ndërkaq mendimet që ju sillen çdo ditë në kokë t'i hiqni qafe. Së paku për ca qaste.


Këshilla: Sa më shpesh që keni mundësi bëni masazh të fytyrës. Ky veprim i vë në lëvizje degëzimet limfatike dhe me këtë mënjanon edhe dhimbjet e kokës.

Demi

Shenjës së Demit i përket regjioni i qafës dhe grykës së bashku me gurmazin, bajamet, veshët, hundët, gjuha, buzët dhe zverku (zverku i demit!) si dhe balli, respektivisht sytë e ballit. Sistemi i demit është ndërrimi i oksigjenit, pra përpunimi i ushqimit, me çk, jo vetëm organet e tretjes, por edhe gjëndrat e regjionit të ballit përfshihen në këtë veprim. Demat, për kohë te gjatë janë të pirur të vuajnë nga sëmundje të ndryshme. Sëmundjet tek ta zakonisht shtrihen veçmas në regjionin e organeve dhe të sistemit të frymëmarrjes. Demat janë gjithashtu të pirur që të kenë mbipeshë të theksuar dhe të tejkalojnë paksa me marrjen e ushqimit. Masat e preferuara për ta janë: agjërimi, masazha, puna në kopsht, muzika e mirë dhe qëndrimi në ajër të pastër.

Këshilla: filloni me një regjim të agjërimit (dietës) dhe do të vëreni se sa të ç'lirë do të ndjeheni fizikisht në tërë trupin.

Binjakët

Kjo shenjë figurativisht tregohet me krahët e shtrirë në mënyrë pothuajse të egër dhe me plot gjestikulime. Sistemi i binjakëve është tërësisht sistemi qendror i nervave dhe i kanaleve të ajërt (Bronhet) së bashku me mushkëritë, si dhe sistemi i imunitetit dhe gjëndrës së ashtuquajtur Thymus. Zakonisht binjakët janë të pirur të vuajnë nga mushkëritë (ngase në parim ata pinë duhan së tepërmi!), nga pengesat në sistemin nervor dhe nga ndezjet në brinjë e gjoks. Ndikojnë pozitivisht ushtrimet në të marruarit frymë, bisedat, terapitë për ç'lirim dhe terapitë për nxehje si p.sh. akupunktura. Me rëndësi të veçantë për ju edhe: i ashtuquajturi "tush në oksigjen", ne formë të shëtisë në ajër të pastër.

Gaforrja

Gaforrja shënjon lukthin, tek gratë- gjinjtë si dhe mitrën, gjëndrat e pështymës, pastaj më tej të gjitha vrimat e lëkurës (mbështjellësit) të trurit, bebëzën e syrit, mbështjellësin (lëkurën) e zemrës dhe membranat e nervave. Gaforret janë të pirur të vuajnë nga sëmundjet e lukthit, nga depresionet, hypohondria. Ata duhet të jenë më optimist, gjërat t' i marrin më shtruar. Terapitë e preferuara janë kurat në ujë dhe marrja në mënyrë të veçantë i çajit të malit/barishte (si tip lulelakre, por me stap të gjatë dhe fleta të gjera).
Këshilla: nëse keni mundësi dhe hapësirë bëjeni një kopsht personal me lloj-lloj barishte duke filluar nga çaji i kamomilës, çaj nane etj.. Nëse nuk keni kopsht, atëherë mbusheni një bidon të bukur në terrasë ose diku në dritaren pranë tavolinës së kuzhinës. Angazhimi me këtë lloj aktiviteti do t'ju qetëson.. Ky lloj i "hobit" të ri , juve si tip social që jeni, do t'ua rivendos baraspeshën e humbur dhe do t'ju bëjë të kënaqur.

Luani

Zemra, shpretka, shtylla kurrizore si dhe arteriet shënjojnë shënjuesin e diellorit luan. Luanët kanë tendenca të vuajnë nga sëmundjet e zemrës dhe të qarkullimit të gjakut por edhe nga dhimbjet e shpinës. Ata, mu për këtë, do të duhej që më shpesh të pushojnë e ç'lirohen, të bëjnë shëtitje të gjata dhe të mos e mbivlerësojnë gjithnjë e më shumë vetveten. Për luanët terapitë tipike janë ato të ashtuquajturat terapitë e vallëzimit, banjat në diell dhe qëndrimi në lartësi.

Këshilla: Gjithnjë kur të keni kohë të lirë, shtrijuni në bankë në një cep të kopshtit, dhe nënshtrojuni rrezeve jopërclluese të diellit. Për shënjuesit e zjarrtë si ju, drita është balsam i shpirtit. Për ju, po ashtu, edhe lëvizja është e nevojshme. Luanëve, deshve dhe shigjetarëve ushtrimet fizike të rregullta ju bëjnë shumë mirë. Do të ishte mirë që së bashku me partnerin tuaj të regjistroheni në një shkollë vallëzimit. Lëvizjet ritmike ju bëjnë shumë mirë në mbajtjen e trupit, dhe ju ndihmojnë që të ç'liroheni fizikisht dhe shpirtërisht.

Virgjëresha

Këtë shenjë e përcaktojnë zorra e trashë, gjëndrat e stomakut dhe organet tjera që dërgojnë elemente për tretje ( mëlçia e zezë, vreri). Sistemi i virgjëreshave është sistemi i vlerësimit të ushqimit. Virgjëreshat janë të pirur të vuajnë nga pengesat dhe vështirësitë në sistemin e tretjes në regjionin e zorrëve. Për këtë arsye ata/ato do të duhej t'i kushtojnë rëndësi ushqimit (mos të punojnë shumë, natyrisht jo edhe pak!) dhe para së gjithash: të qeshin shumë. Virgjëreshat e mbajnë shëndetin përmes dietave dhe ushqimeve me origjinë natyrore, me bimë shëruese dhe barishte të ndryshme, që ndikojnë në qetësimin e sistemit tretës, përmes kurave të agjërimit dhe meditimit. Familjet e tyre, miqtë etj. nuk mund ta marrin as me mend se sa vibrime të ndjeshme kanë nervat e kësaj shenje.

Peshorja

Shënjuesit të peshojës i përket pjesa e veshkave si dhe korja e veshkave pranë, mëshikëza dhe regjioni i ijëve. Sistemi i peshores (apo funksionet) krijojnë baraspeshë dhe rregullojnë: p.sh. vlerat e PH-së së gjakut të veshkave, temperaturën përmes "termostatit" në tru. Të lindurit peshore priren të kenë ndezje në veshkë dhe mëshikëz, por edhe gurë në veshkë. Terapia tipike e peshoreve është ajo me muzikë dhe përmes vallëzimit. Ndihmojnë edhe terapitë përmes bisedave që ka mundësi të bëhen edhe me miq.

Këshilla: përdoroni sa më shumë lëngje në formë të çajeve natyrale

Akrepi

Shënjuesit të akrepit i përket zorra e trashë dhe zorra e zgurdhit. Gjithashtu edhe organet e sekretimit, pra edhe gjëndrat embrionale. Sistemi i akrepit ngjallë jetën e re dhe eliminon atë të vdekurën, atë të përfunduarën. Akrepat janë të pirur të vuajnë nga sëmundjet e organeve që prodhojnë sekret dhe atyre gjenitale. Por nganjëherë edhe nga pasojat e jetës së tyre të stilit herë ekscesive e herë tërësisht ekstreme. Akrepat do të duhej t' i adaptohen stilit të jetës "së lehtë, por edhe të vështirë" dhe të mos kërkojnë që të jenë të fundit, duke prodhuar më shumë ndjesi mirëkuptimi për të tjerët - shumë e rëndësishme - sa më shpesh të çlodheni e çliroheni përmes muzikës së lehtë , përmes leximit të librave me tema të lehta ose duke qëndruar në rrethe miqsh të ngushtë.

Këshilla: Mësohuni njëherë e mirë të çliroheni. Sa më shpesh bëni marshe në natyrë, të lirë dhe pa kurrfarë qëllimi dhe trysnie.

Shigjetari

Shigjetarit si tip sportiv, vital i përgjigjen nyejt e këmbëve dhe kofsha e epërme, pastaj vijnë: frymëmarrja dhe nxjerrja e thellë e saj, përshtatja e syve me ambientin etj. Sistemi i shigjetarit është sistem i lëvizjeve të njeriut në nxitim. Shigjetarët vuajnë nga lëndimet e natyrës sportive por të lehta, që vijnë edhe si rezultat i neglizhencës, pastaj nga lëndimet e nyejve të legenit dhe jo rrallë edhe nga lëndimet në fytyrë. Shigjetarët herë pas herë kanë nevojë të ndërrojnë stilin e jetës. Gjithsesi kjo bëhet edhe në shenjë të ruajtjes së optimizmit, si diçka tepër me rëndësi për organizmin e njeriut. Terapitë tipike të shigjetarëve kanë të bëjnë me sport: të ushtruarit e çiklizmit, vrapimi i lehtë, kalërimi, lufta me skermë, noti, fluturimi dhe ngjitja në lartësi. Shigjetarët i lodhë ndeja, rutina dhe struktura e njëjtë e ditës, por edhe disa prej lojërave apo aktiviteteve të njëtrajtshme në kohë të lirë. Që t' i ofrojnë shpirtit të tyre ushqim përherë të freskët, shigjetarët kanë nevojë për ndryshime. Udhëtimet janë balsam për shpirtin e tyre dhe ruajnë freskinë e trupit dhe mendjes.

Bricjapi

Bricjapit të ftohtë dhe konservativ, sipas pikëpamjeve të mjekësisë astronautike, i përkasin eshtrat dhe nyejt, para së gjithash gjuri, gjëndrat tiroide, gjëndrat dhjamore, dhëmbët, qimet e lëkurës dhe thonjtë. Bricjapët në pleqëri vuajnë nga reuma, tendosja e muskujve, të ajurit e nyejve, dëmtimet e gjunjëve etj. Pikërisht për këtë, bricjapët duhet të pinë shumë ujë, ta gëzojnë e shijojnë si të nxehtit ashtu edhe lagështirën e natyrës sa më shumë e sa më shpesh që munden dhe mos ta çajnë kokën edhe aq për rregullat e mirësjelljes të rrethit dhe shoqërisë. Të jesh fare i lirë - kjo është deviza e bricjapëve. Terapitë e bricjapit janë - dieta, që kanë për bazë para se gjithash ato prodhime me origjinë bimore, si rrënjë, zabardhoku i patates, pastaj hudhra, preshi, qepa, rrepa e kuqe etj. Përpos këtyre edhe veprimet lehtë të zbatueshme: agjërimi, ngjitja nëpër lartësi, marshimi etj. Këto veprimet e fundit mund t' i bëni edhe më lehtë në shoqëri, duke iu bashkuar ndonjë grupi alpinistësh a marshuesish të rregullt.

Këshilla: shkarkohuni sa më shumë nga obligimet e brendshme, me të cilat vazhdimisht e ngarkoni veten.

Ujori

Kësaj shenje të jashtëzakonshme dhe shumë mbresëlënëse i përkasin pjesët e shpatullave të poshtme dhe venat e saj, pastaj pulpat (e këmbëve), thembra dhe pjesa e shpinës.

Funksionalitetin e kësaj shenje e karakterizojnë: bartja dhe ushqimi kapilareve me oksigjen, sistemi i përgjithshëm i venave dhe sistemi i pavetëdijshëm nervor - i ashtuquajturi ndryshe edhe sistemi vegjetativ. Ujorët janë të pirur të vuajnë prej shtangimit të pulpave të këmbëve, shtangimit të muskujve, të ftohurit e nyejve të këmbëve. Shpirtërisht ujorët reagojnë rrallë, por nuk do të duhej që të lëndohen në atë shkallë që ata pastaj ta kalojnë çdo kufi të reagimit. Terapitë tipike të suksesshme të shërimit për ujoret janë: terapia përmes fushës magnetike, akupunktura elektronike, dhe bioenergjia (e njohur edhe me emrin Reiki)

Peshku

Shenjës së fundit të rrethit të shtazëve- peshkut, i përshkruhet sistemi i këmbëve, respektivisht lëngu përçues i tij (gjaku dhe limfa). Peshqit ëndërrues vuajnë nga shputat e këmbëve, sëmundjet që vijnë si rezultat i të ftohurit të gjatë e të thellë, por edhe mungesave të lëvizjeve nga pasiviteti i theksuar. Ata do të duhej të lëvizin më shumë (sa shpirtërisht aq edhe fizikisht!), të kenë qëndrim të qartë për jetën dhe mos të rrëshqasin drejtë ujërave të pesimizmit dhe kotësisë. Terapitë me të mira të kësaj kategorie janë: drenazha e limfave, meditimi, jeta në gjallëri, masazh e zonave refleksive të këmbëve, ushtrimet e sensibilitetit, qëndrimi në det, noti dhe nxitja për t' u shkëputur nga të menduarit për gjëra të imta të përditshmërisë.

Këshillaidhuni një çast në krahët e ëndrrave. Aty janë dhuratë e veçantë për ju! Që të jeni të kënaqur në brendi të shpirtit, sikurse akrepave, edhe juve do t' ju bënte mirë ndonjë aktivitet i natyrës sociale. Mendimet se po ju ndihmoni të tjerëve, ndikojnë pozitivisht në vet harmonizimin e mendjes dhe shpirtit tuaj.

Adnan Abrashi-NANDA

[DI_ANA]

Horoskopi dhe paraja

Paraja nuk të bënë vetëm të lumtur - por ajo edhe të qetëson.
Se si, në kuptimin e mirëfilltë të fjalës, mund të veproni drejt e mirë me paratë tuaja, ne do të tentojmë t'ju shpalosim edhe me metodën e astrologjisë, gjegjësisht të raportit tuaj të përgjithshëm ndaj parasë, sipas përkatësisë në shenjën e caktuar të horoskopit

Dashi
(21 mars deri 20 prill)

Mënyra se si i trajtoni paratë
Kur është fjala për të shpenzuar, atëherë, në të shumtën e rasteve, ju jeni person i lëkundshëm - i pavendosur. Një këshillë: Investoni më shpesh në dhurata të vogël për më të dashurit tuaj - ata do të jenë tejet mirënjohës për këtë kujdes të vogël material.

Ana e fuqishme juaj në raport me paratë
Meqë, ju e dini përherë dhe atë fare saktë, se çfarë sasie të hollash keni në dispozicion, nuk ndodheni asnjëherë në gjendje të vështirë financiare. Më me dëshirë hiqni dorë nga diçka tjetër, se sa nga kontoja juaj - qoftë edhe, nëse rrezikohet, që ajo, për një aftë fare të shkurtër, t'ju mbetet e zbraztë.

Ana e dobët e juaja në raport me paratë
Tashti po e bëni, si të thuash, bilancin e të mirës dhe anës së dobët të vjelave tua, që d.m.th., të shpenzimeve dhe kursimeve që keni pasur. Sidoqoftë, gjatë kësaj periode, patjetër do t'ju duhej të keni mbështetje financiare, sepse, që në korrik, do të keni shpenzime të paparashikuara, të cilat, do t'i mbuloni me një fitim nga një burim tjetër, nga i cili, ju si kursimtar i mirë, fare nuk keni llogaritur më parë.

Demi
(21 prill deri 20 maj)

Mënyra se si i trajtoni paratë
Demi dhe të dashurat para - këtu godasin shpesh, si të thuash, dy shpirtra në një gjoks. Gjithnjë bujar, ashtu siç janë në përgjithësi njerëzit e përkatësisë së kësaj shenje, jeni të pirur që gjithnjë mos t' i keni në dorë të gjitha paratë e parapara për shpenzime. D.m.th. keni afinitet të shpenzoni edhe kur në konton e juaj nuk ka para të mjaftueshme.

Ana e fuqishme juaj në raport me paratë
Bujaria juaj në rrethin shoqëror dhe kolegjial ju bënë natyrisht të jeni shumë e/i dashur. Njëra nga cilësitë tuaja më të bukura është që, gjërat materiale nuk i merrni si të rëndësisë së veçantë (të dorës së parë), andaj, edhe materialja në personalitetit tuaj, nuk zënë vendin e parë të prioritetit jetësor.

Ana e dobët e juaja në raport me paratë
Përparësia juaj karakteristike, fatkeqësisht është edhe ana më e dobët që keni.. Pavarësisht se kontoja juaj është e zbraztë, gatishmëria për t'i ftuar të tjerët për kafe nuk ju mungon, kështu që, minusi llogaritar është përherë më i shprehur se sa tek të tjerët.


Binjakët
(21 maj deri 21 qershor)

Mënyra se si i trajtoni paratë
A keni menduar ndonjëherë se, për rrethanat tuaja të tanishme reale, ju në fakt bëni jetë prej luksi? Paratë për ju, duket se nuk janë edhe aq të rëndësishme, - kryesore ato janë këtu. Këshilla jonë: Do të vije koha kur do të duhej të mendoni për të ardhmen dhe të filloni të kurseni.

Ana e fuqishme juaj në raport me paratë
Me gjithë bujarinë tuaj dhe të tjerëve kundruall teje, rrallë e humbisni pasqyrën që keni mbi pasurinë tuaj. Dhe të shumtën e rasteve, e dini saktë, në kohën dhe çastin e duhur, se si sërish mund t' i barazoni deficitet

Ana e dobët e juaja në raport me paratë
Që t' i arrini qëllimet tuaja, për ju çdo mjet është i arsyeshëm. Meqë ju e dini fare saktë se, kursimi nuk është me çdo kusht puna që ju flenë në zemër, kërkoni përherë mundësi dhe rrugë, që të gjeni shteg për fitim - fatkeqësisht ndonjëherë edhe në kurriz të të tjerëve.

Gaforrja
(22 qershor deri 22 korrik)

Mënyra se si i trajtoni paratë
Dy hapa para, një hap prapa - kjo mënyrë tipike e të ecurit të gaforres ju tregon edhe mënyrën se si i trajtoni dhe si veproni ju me paratë. Ende pa filluar një veprim (qoftë edhe tregti), ju keni investuar tashmë pothuajse gjysmën e parave. Këshillë: diçka më shumë guxim me arsye, mundet ju sjell fitim të madh.

Ana e fuqishme juaj në raport me paratë
Sërish keni dëshmuar zgjuarsi në veprimet me paratë, sidomos nëse fjala është për investime. Përmes pikëpamjeve tuaja lidhur me paratë jeni përherë në anën e sigurt.

Ana e dobët e juaja në raport me paratë
Të lindurit nën shenjën e gaforres janë fëmijë përgjithësisht me fat, dhe kjo shprehet edhe në raport me të dashurat para. Megjithëkëtë, falë faktit që ju i shmangeni rrezikut, herë-herë mundësitë për të fituar ju kanë shkuar si nëpër buzë.

Luani
(23 prill deri 23 gusht)

Mënyra se si i trajtoni paratë
Luani në perandorin e tij bënë gjueti të zgjedhur dhe të majme - e tillë është edhe jeta financiare e të lindurve në këtë shenjë. Që të keni mundësi t' i shijoni gjërat e mira në jetë Papritmas ndoll që ju lëshoni ndonjë rast nga dora,. Të shumtën me sukses. Këshilla jonë për luanët: Jeni pak më kursimtar dhe kështu mund të jeni më I qetë në mbretërinë tuaj.

Ana e fuqishme juaj në raport me paratë
Për një ide të re, lidhur me atë se si ta shtoni pasurinë tuaj, jeni shumë i predisponuar. Ju nuk bini në gjendje të vështirë financiare kurrë.

Ana e dobët e juaja në raport me paratë
Ashtu si i fitoni, ashtu edhe i shpenzoni paratë - i merrni ato me njërën dorë dhe i jepni me dorën tjetër. Deri tashti përmes kësaj metode keni vajtur mirë dhe nuk keni pas farë ndeshtrashe. Por ndonjëherë mund t' ju ndodhë ndryshe.



Virgjëresha
(24 gusht deri 23 shtator)

Mënyra se si i trajtoni paratë
Ju keni kujdes që gjithnjë e më shumë ta ruani pavarësinë tuaj. Kjo ka të bëjë natyrisht edhe me pavarësinë financiare. Edhe pse ndërkohë nuk keni shpenzime të veçanta, ju do të vini në gjendje kritike. Pavarësisht kësaj, keni kujdesin e duhur për shpenzime me masë. Këshillë për virgjëreshat: lëshojeni zemrën njëherë, këtë e keni merituar.

Ana e fuqishme juaj në raport me paratë
Ju e dini saktësisht se si të qeverisni me parat tuaja. Kjo ju sjell përparësi dhe gjendje të lakmueshme kundruall të tjerëve, duke ju bërë që kurrë t' mos jeni i varur nga askush.

Ana e dobët e juaja në raport me paratë
Shpesh nga frika se mos e hurbasni kontrollin për gjendjen tuaj financiare, hiqni dorë nga diçka e thjeshtë. Madje edhe në raste kur nuk duhet peshuar punët shumë për të bërë ndonjë shpenzim. Këtë e bëni, ngase, për së tepërmi hidhni syrin në ardhmëri.


Peshoja
(24 shtator deri 23 tetor)

Mënyra se si i trajtoni paratë
Hap një vrimë duke mbyllur një tjetër dhe kështu "luani lojën e hiles" bukur shpesh në jetë. Si njeri që e jeton jetën, të lindurit në këtë shenjë, shpesh nuk janë në gjendje të dinë se ku i vejnë paratë. Një këshillë: Mbani shënime rreth shpenzimeve.
Ana e fuqishme juaj në raport me paratë
Meqë ju përherë doni të jeni të pavarur në rrafshin financiar, keni frikë nga kreditit dhe format tjera të huamarrjes që bartin me vete edhe obligime afatgjata. Përmes kësaj, ju, në një farë mënyre, në raport nga sa ju realisht kërkoni, e shtrëngoni vetveten që të jeni më kursimtar. Mirëpo, si një reflektim pozitiv, kështu i shmangeni humbjeve të mëdha.

Ana e dobët e juaja në raport me paratë
Të jetuarit e jetës tashti dhe këtu, është për ju më me rëndësi se sa kursimi. Për një darkë me elemente të romantizmit dhe vet i dyti, apo, për blerjen e ndonjë vepre artistike, edhe përpos rrezikut që kontoja e juaj të mbetet e zbrazët, ju nuk hezitoni aspak të shpenzoni para.

AKREPI
(24 tetor deri 22 nëntor)

Mënyra se si i trajtoni paratë
Ju keni shumë dëshirë që ta ndiqni rritjen, qoftë edhe të ngadalshme, të pasurisë suaj. Për ju është me rëndësi që në konton tuaj të keni diçka më shumë nga sa ju duhen në jetën e përditshme, sesa të rrethoheni me luks. Këshilla për akrepin: nganjëherë të bënë mirë, t' I lini të tjerët të shohin se sa ke.

Ana e fuqishme juaj në raport me paratë
Planet tuaja afatgjate në sektorin financiar dhe në përgjithësi që kanë të bëjnë me paratë, ju mundësojnë që të hartoni plane gjithashtu të gjata për perspektivë. Në jetën tuaj, pothuajse, nuk keni fare shpenzime të paparashikueshme. Ju kujdeseni me pedanteri që, gjithmonë ta ruani mirëqenien që keni.

Ana e dobët e juaja në raport me paratë
Nganjëherë keni prirje që të mateni me të tjerët se sa ata kanë para. Këshilla: mos i merrni për bas si krahasim të tjerët, sepse çdo njeri si tërësi është unikët në këto raporte. E posaçërisht kur është në pyetje paraja.


Shigjetari
(23 nëntor deri 21 dhjetor)

Mënyra se si i trajtoni paratë
Nganjëherë prireni të bëni ndonjë blerje fare spontane. Sidoqoftë, shikuar në plan të gjerë, paranë e keni nën kontroll dhe të kujdesshëm rreth mënyrave së shpenzimeve.
Këshilla për të lindurit në shenjën e shigjetarit: Keni kujdes, që së paku të filloni të kurseni një çikëz. Ia vlen gjithsesi!

Ana e fuqishme juaj në raport me paratë
Edhe sërish mund të mos e dini se ku e keni kokën (nga vështirësitë me të cilat përballeni), ju relativisht shpejt e gjeni frenin për rastet e urgjencës, që ndërlidhet me shpenzimet e panevojshme. Përmes kësaj, ju sërish ktheheni në gjendjen e mëparshme.

Ana e dobët e juaja në raport me paratë
Ose fitoni shumë pak, ose muaji është thjeshtë shumë i gjatë. Ju të shumtën shpenzoni pa kufij, krahasuar me të ardhurat që keni. Një lojë e rrezikshme me zjarrin…


Bricjapi
(22 dhjetor deri 20 janar)

Mënyra se si i trajtoni paratë
Spekulimi nuk është me çdo kusht çështje që i përket natyrës tuaj. Ju jeni një njeri, që më me dëshirë rrini me të dy këmbët në tokë dhe gjithnjë dini dhe veproni me aq sa keni.
Këshilla: Jo çdo fondacion është i lirë nga rreziqet e mundshme. Me disa madje ka mundësi ta shtojnë pasurinë tuaj.

Ana e fuqishme juaj në raport me paratë
Ju jeni një shembull. Model lidhur me punën e kursimeve. Edhe nëse fjala është për veprime të arsyeshme financiare, duhet të keni kujdes gjatë konsumit me çmimet. Shpeshherë në praktikë dështoni në këtë drejtim. Karakteristika e juaj themelore është se, i mbani paratë tok dhe i gëzoheni faktit që nuk rrezikoheni.

Ana e dobët e juaja në raport me paratë
Shumë energji mund të shpenzoni duke vrapuar pa cak pas parasë. Ndjesia për kursim që ju ndjek kudo pas, nuk ju lë ta gëzoni paranë që dispononi.


Ujori
(21 janar deri 19 shkurt)

Mënyra se si i trajtoni paratë
Në raport me shpenzimin e parasë në parim ndjeheni shume komod dhe i siguritë, por edhe sovran. Keni nuhatje të mirë për fondacione me prosperitet dhe e dini saktë se ku ju pret fitimi, por edhe kur blen diçka, si duhet ulur çmimin në dobinë tuaj. Këshillë: Besoni më shpesh aftësive tuaja për veprim.

Ana e fuqishme juaj në raport me paratë
Ju mund të keni besim të mirë për vetveten në raport me paranë. Dhe, meqë kështu edhe mbetet, shtoni kujdes që të arrini të kurseni paratë që do ju duhen më vonë.

Ana e dobët e juaja në raport me paratë
Nganjëherë fitohet përshtypja se, ju kurseni së tepërmi. Më mirë do të ishte të hiqnit dorë nga blerja e një kostumi, se sat ë jepni një Evro më shumë për të më pas.


Peshqit
(20 shkurt deri 20 mars)

Mënyra se si i trajtoni paratë
Mund të mendohet se nga natyra jeni një njeri lojës. Paraja për ju, ndonjëherë më shumë, e ndonjëherë më pak, është mjet për ta arritur qëllimin. Për aq kohë sa keni mjaft, që do t' ju mjaftojnë ta shijoni anën e mirë të jetës, jeni i lumtur. Këshillë për peshqit: Kurseni për të ardhmen.

Ana e fuqishme juaj në raport me paratë
Meqë ju jeni I gatshëm, që herë -herë t' i futeni rrezikut, shpesh keni Fitim dhe jeni krenar për atë. Dhe, ndonjëherë, edhe pse nuk keni shumë para në dispozicion, ju nuk brengoseni edhe aq shumë. Ju e dini se përherë do të keni sërish ditë të re, mëngjes të ri.

Ana e dobët e juaja në raport me paratë
Shpesh edhe vet e konstatoni se, me paratë silleni pa ndonjë përkujdesje të theksuar. Kjo është arsyeja pse nganjëherë ju ndodhë që, tek ju ë ketë lëvizje kontoja juaj.


Përgatitur nga: A. A.-NANDA

[DI_ANA]

Zbuloni se kush jeni përmes ditës së lindjes

Secila ditë e muajit ka vibrimin e vet të veçantë numerik, nga i cili varet disponimi ynë i gjithëmbarshëm, ritmi jetësor e madje edhe vetë jeta. Se a do të jemi në ditën e caktuar të kthjellët apo të vranët, do të ngrihemi apo do të bijmë shpirtërisht, do ta duam vetveten dhe çdo gjë që na rrethon apo do ta urrejmë tërë botën, krejt kjo varet nga vibrimet astrale, kozmike në momentin e dhënë. Vibrimi numerik ka ndikim të veçantë në ditën e lindjes të secilit prej nesh veçanërisht.

Po qe se jeni të lindur të parin, të dytin apo cilëndo qoftë ditë të muajit, karakteri juaj është i kushtëzuar, në një mënyrë i parapërcaktuar, me numrin e asaj date. Ku dallon numri i ditëlindjes suaj nga numri i ciklit tuaj jetësor? Numri i ciklit të jetës është themelor, numri qenësor i personalitetit tuaj. Numri i ditëlindjes suaj ju paraqet të atillë siç të tjerët ju shohin. Ky numri i fundit është ekuivalenti numerik i ndikimit astrologjik.
Të kuptuarit e vetvetes është çelësi për forcën kozmike e cila është në ne, forcë e cila gjithnjë rishtas na kthen në jetë, forca jetësore e cila vërtet është esenca e jetës në ne si edhe i jetës jashtë nesh. Sepse, të tjerët mund t'i njohë vetëm ai i cili paraprakisht e ka njohur vetveten, por ndodh edhe e kundërta: duke njohur të tjerët, ne në të njëjtën masë e njohim edhe vetveten. Vështrojeni qenien tuaj me sytë e të tjerëve, që të mund t'i zhvilloni potencialet tuaja më të mëdha intelektuale dhe shpirtërore. Kijeni, me këtë rast, parasysh se dita e lindjes suaj është e pavarur nga muaji dhe viti në të cilin jeni të lindur.


Për të lindurit në 1

të cilido muaj

Ju i keni të gjitha vetitë e një prisi; karakterizoheni me guxim, nisjativë dhe me aftësitë organizative. Keni shpirt aktiv dhe të ndritur, si dhe mendje tejet kreative. Nënshtrimi ndaj urdhrave, apo vetëm zbatimi i urdhrave, për ju është e neveritshme dhe e huaj për karakterin tuaj. Jeni kurajozë, të vetëdijshëm për aftësitë tuaja, dhe kurrë nuk lëkundeni për t'u ballafaquar edhe me problemet më të rënda jetësore.

Duke qenë se jeni "kokë në vete", gjë që këtu ka kuptim pozitiv, për ju problemi më i madh është si të bashkëpunoni me të tjerët, sepse çdo gjë e dëshironi me tuajën, sipas ideve tuaja. I mjaftoni vetvetes, kurse në shoqëri dilni vetëm nga nevoja. Nuk mund ta duroni askend, edhe pse, shikuar nga jashtë, jeni të qetë dhe të heshtur e, me këtë, edhe plot dashuri e ngrohtësi për të tjerët.

Për të lindurit në ditën 2
të cilitdo muaj

Ja, bashkëpunëtori i përsosur, partner të cilin vetëm mund ta dëshironi! Roli juaj në jetë është që t'i zbatoni në jetë idetë dhe projektet e të tjerëve, gjë që nuk do të thotë se ju mungon krijimtaria origjinale, por se origjinaliteti juaj qëndron në atë që t'i gjeni rrugët dhe mënyrat më të mira për jetësimin e ideve të njerëzve me të cilët bashkëpunoni.

Për nga natyra jeni të butë dhe të ndijshëm dhe kurrë nuk nguroni që t'i tregoni ndjenjat tuaja. Gjithmonë jeni të matur, të kujdesshëm, jovetiakë dhe, në çdo moment, plot mirëkuptim për të afërmit. Edhe pse nuk jeni karrieristë, njerëzit mund të krijojnë përshtypje të tillë, sepse gabimisht mund ta interpretojnë gatishmërinë tuaj për t'iu ndihmuar të tjerëve.
Nuk guxoni t'iu lejoni të afërmve që t'i shfrytëzojnë, duke i keqpërdorur, ndjenjat tuaja fisnike, natyrën tuaj joegoiste!

Për të lindurit në ditën 3
të cilitdo muaj

Popullariteti dhe kontaktet me shumë njerëz jua marrin kohën e çmueshme. Spirituoziteti dhe sharmi natyror ju ndihmojnë të zini shumë miq, dhe që në çdo shoqëri të jeni në qendër të vëmendjes. E doni shoqërinë tepër, dhe gjithnjë përpiqeni që të jeni sa më zbavitës në secilin rast. Jeni të talentuar gjithanshmërisht, keni talent për shumë arte, por asnjërin talent nuk e zhvilloni deri në fund, pasi që ngapak jeni hutaq. Ashtu e derdhni energjinë tuaj kreative në banalitete, harxhoheni në jetën e lehtë. Por, jo: njerëzit ju duan, dhe gjithkund jeni mysafirë të dashur.

Për të lindurit në ditën 4
të cilitdo muaj

Keni zë të mirë, jeni të besueshëm dhe të sigurt. Thënë simbolikisht, ju jeni si Pjetri - gur këndi. Supozohet se jeni mjeshtër kozmik i cili gjithkund vë themele. Jetën e keni aktive dhe kreative, pasi që pandalim punoni për të mirën e njerëzimit. Jeni shumë praktikë, ndaj keni shumë sukses në punët e natyrës materiale dhe praktike.
Kurrë nuk iu ikni detyrimeve, dhe gjithmonë e bëni atë që ka qenë dashur bërë. Kijeni në mendje se kuadrati është simboli i numrit katër: dhe ju më së lehti do të ngriheni shpirtërisht brenda kuadratit, po qe se në atë rast nuk jeni të lidhur me botën fizike.

Për të lindurit në ditën 5
të cilitdo muaj

Për nga natyra jeni shpirt i trazuar, i doni ndryshimet dhe llojllojshmëritë, kurse gjithanshmëria juaj rrallë haset tek njerëzit tjerë. Jeni orator tepër i shkathtë, dhe këtu gati se jeni të pashembullt. Çdo gjë që bëni, karakterizohet me shpejtësi, efikasitet dhe qartësi. Keni shpirt të paqetë, bredhëritës; jeni temperamentë dhe sensualë. Jeni të lindur artistë, ëndërrimtarë dhe poetë të jetës, por vetë jeta për ju është art mbi arte. Pesë është numri i mistikëve, që do të thotë se ju jeni magjistar të lindur, alkimistë, mistikë.
Jeni të prirur për ezoteri, magji, mësimet okulte; jetoni për dashuri dhe nga dashuria. Jeni joekzistus si pakgjë në natyrë dhe, nguteni nga njëra përvojë në tjetrën, duke mbledhur bukurinë dhe lëngun e çdo gjëje dhe të të gjitha krijesave, që tërë këtë në fund t'ia shtoni urtisë suaj, me të cilën natyra ju ka pajisur. Asgjë nuk mund të ju lidhë gjatë për një gjë, për një vend; sepse gjithmonë rishtas synoni kah takimet e reja, kah njohjet e reja, udhëtimet e reja. Jeni mendjemprehtë e jo rrallë edhe kritikë mjaft të ashpër, por për nga shpirti jeni të ngrohtë, të butë dhe sensitivë.


Për të lindurit në ditën 6

të cilitdo muaj

E tërë jeta juaj është vargan hapash progresivë, meqë nga çdo përvojë nxirrni mësime të dobishme. Ju mësoni në çdo hap dhe me secilin hap arrini kokërr të re urtie, duke përforcuar karakterin tuaj e duke fuqizuar individualitin tuaj. Jeni shumë të dhënë pas familjes dhe shtëpisë, dhe njëra nga ëndrrat tuaja më të dashura është që t'i lumturoni ata që i doni.
Keni dëshirë t'i pranoni detyrimet që priten nga ju, të cilat vërtet janë të shumta. Puna dhe harmonia në jetë për ju janë shumë të rëndësishme, dhe ju e gjakoni rivënien dhe mbajtjen e tyre.
Besoni se dashuria mund të dominojë mbi të gjitha, se me dashuri ngadhënjehet mbi të gjitha, dhe ky besim tërësisht ju shpërblen dhe ju udhëheqë në jetë.


Për të lindurit në ditën 7

të cilitdo muaj

Keni natyrë të qetë dhe jo të imponueshme, përgjithmonë të interesuar për përmbajtje më të thella dhe më të fshehta të jetës sesa për manifestimet e saj sipërfaqësore. Me të gjitha, lini përshtypjen e personalitetit kreativ serioz dhe studimor. Pak njerëz ju njohin në të vërtetë, se ju nuk e tregoni zemrën tuaj dhe ndjenjat. Jeni të prirur ndaj misticizmit dhe ndaj mësimeve të Lindjes, si dhe ndaj arteve të bukura.
E injoroni botën materiale, fizike, dhe besoni se shpirti dhe shpirtërorja janë mbi të gjitha. Jeni ëndërrimtar të mëdhenj dhe poetë të jetës. Shtatë është numër i mistikëve dhe okultistëve.

Për të lindurit në ditën 8
të cilitdo muaj

Ju jeni mishërim i njeriut i cili i zbaton në vepër ligjet e jetës. Tregoni aftësi për shumë trajta organizimi, si në familje ashtu edhe në shoqëri. Me lehtësi të madhe i bëni të gjitha punët e natyrës materiale, sidomos ato që lidhen me fitimin e parasë. Kur miqtë tuaj janë në vështirësi, ata ju drejtohen për ndihmë, sepse e dinë se ju keni mirëkuptim për problemet e të afërmve dhe askujt nuk ia mohoni përkrahjen e gjithëmbarshme. E ndieni nevojën që të flijoheni për të tjerët, në radhë të parë për farefisin dhe miqtë tuaj.

Për të lindurit në ditën 9
të cilitdo muaj

Ju ju karakterizon ndjeshmëria dhe zemërgjerësia, ngrohtësia dhe toleranca. Keni përvojë jetësore tejet të begatë dhe horizonte të gjera. Jeni të prirur kah mësimet okulte, magjia, alkimia, spiritualizmi. Mbi të gjitha e çmoni muzikën dhe letërsinë e bukur, në radhë të parë poezinë. Keni për të udhëtuar shumë, keni për të vizituar shumë vende dhe qytete e në njërin nga ato udhëtime do ta takoni edhe personin e ëndrrave tuaja. Me atë person do të jeni të lumtur, si edhe ajo me ju; do ta vazhdoni rrugëtimin në dysh, sepse me të jeni shumë të lidhur në planin kërkimor dhe shpirtëror. Nëntë po ashtu është numër magjik, e kjo don të thotë dashuri, harmoni, mirëkuptim, mësim të fshehtë.

Për të lindurit në ditën 10
të cilitdo muaj

Ju jeni qenie e ndryshimeve, alkimist i jetës. Si rrallë kush ia dilni që të keqen ta shndërroni në të mirë, urrejtjen në dashuri, shëmtinë në bukuri. Gjithmonë jeni të kthjellët dhe përplot optimizëm. Besoni edhe në të pamundurën; dhe jo vetëm se besoni, ju edhe në vepër jeni të atillë. Njerëzit thjesht jua kanë lakminë, madje ngapak edhe zilinë për fuqinë shpirtërore. Dini t'i udhëhiqni gjërat, që të gjithë penjtë e fatit t'i mbani në duart tuaja.

Për të lindurit në ditën 11
të cilitdo muaj

Ju e keni një tërheqshmëri magnetike jo të zakonshme; pasi që numri 11 merret edhe si zotërues i fuqisë. Ju ju karakterizon intuita tejet e zhvilluar dhe gjakimi kah idealet e larta. Nga veçantitë e magnetizmit tuaj gati se shpërthen elektriciteti, energjia çudibërëse e cila ju ngritë mbi të gjitha problemet jetësore.
Ëndrrat tuaja nuk janë ëndërrim i kotë, meqë ju edhe idetë më të mëdha i zbatoni në jetë. Shpesh dashuroheni, por vetëm në fund e gjeni personin me të cilin do të jetoni jetë të gjatë dhe frytdhënëse.

Për të lindurit në ditën 12
të cilitdo muaj

Ju në njerëz lini përshtypje mahnitëse. Jeni tejet atraktivë, si në dukjen fizike ashtu edhe në aspektin shpirtëror. Jeni të drejtë dhe të matur; aksionet tuaja të motivuara janë nga parimet më të larta morale. Jeta shoqërore ka rëndësi shumë të madhe për ju, e edhe vetë jeni tejet aktivë në krijimin e asaj jete.


Për të lindurit në ditën 13

të cilitdo muaj

Ju posedoni aftësi të pakufizuara për punë, edhe pse në fëmijëri jeni dukur si të painteresuar për çfarëdolloj pune. Në bazë të kësaj shihet se jeni adeptë të lindur, meqë dobësitë tuaja ia keni dalur që t'i shndërroni në mbifuqi, dembelinë në aktivitet, shëmtinë në bukuri. Nëse jeni të qëndrueshëm, do të bëheni shembull dhe prijës, si i të dedikuarve ashtu edhe i masave të gjera. Njerëzit kanë për të ju festuar, thjesht do të ju adhurojnë. Keni shumë talente; jeni të prirur për pikturë, muzikë, si dhe për artet aplikative. Trembëdhjetë është po ashtu shenjë e fortë, numër okult.

Për të lindurit në ditën 14
të cilitdo muaj

Ju jeni lajmëtari i së vërtetës. Gënjeshtra, madje edhe kur ka qëllim të mirë në vetvete, është e huaj për qenien tuaj. Në ju shfaqet nevoja që në botë ta përhapni mendimin tuaj, bindjet dhe idetë tuaja. Jeni kritikë të jashtëzakonshëm. Shija juaj e rafinuar dhe profesionaliteti ju sigurojnë autoritet të lartë tek të gjithë që ju njohin. Ju karakterizon shpirti i fuqishëm dhe kreativ. Imagjinatën e keni shumë të zhvilluar dhe pjellore, i doni ndryshimet dhe llojllojshmërinë. Dobësia juaj e vetme është "jeta e ëmbël". Prirja kah udhëtimet dhe ndryshimet mund ta pengojë zhvillimin tuaj; për ju është më së miri që të mbeteni në shtegun tuaj.

Për të lindurit në ditën 15
të cilitdo muaj

Shtëpia, familja, miqtë nga rrethi i atyre që i doni, ju pengojnë në njëfarë mënyre, por në instancën e fundit kjo nuk ju pengon. Problemet e natyrës juridike dhe të arsimimit ju interesojnë posaçërisht. Mund të jeni orator i shkëlqyeshëm, ligjërues, shkrimtar apo spiker. Idetë tuaja origjinale mund të ju sjellin sukses në punë, sepse jeni si rrallë kush të durimshëm, rezistentë, të qëndrueshëm. Bukuria në trajta të ndryshme është shumë e rëndësishme në jetën tuaj, prandaj edhe keni vënë ekuilibrin në mes të shqisores dhe shpirtërores, konkretes dhe abstraktes.
Ndjenja fort e shprehur e detyrimit mund të ju pengojë në gjetjen e lumturisë suaj personale. Ju më me dëshirë iu ndihmoni të tjerëve, por ruajuni që joegoizmi juaj të mos e kufizojë dhe pengojë zhvillimin e potencialeve tuaja intelektuale dhe shpirtërore. Jini të dashur dhe joegoistë, por jo përtej kufijve të cilët mund t'i përballoni.

Për të lindurit në ditën 16
të cilitdo muaj

Ju jeni spirituozë, të shkathtë, të kujdesshëm dhe intelektualë. Shkaku i fuqisë kolosale të cilën e posedoni e me të cilën jeni në gjendje të rrënoni muret e paditurisë e të problemeve të rënda, shpesh nuk keni kohë që të merreni me marrëzinë. Pa vështirësi i zotëroni situatat, por këtë askujt nuk ia thoni, sepse jeni të thjeshtë dhe të qetë për nga natyra. Në jetë ju interesojnë gjërat më të thella dhe më të subtile, si edhe çdo gjë që është mistike. Keni ndikim të madh magnetik në njerëz, por nuk jeni mjaft të fortë që të distancoheni nga adhuruesit tuaj. Prandaj, në disa momente jeni tejet të tendosur, dhe çdo nerv e keni të tendosur si teli në violinë. Atëherë ju nevojitet relaksimi, si në planin shpirtëror po ashtu edhe në atë fizik. Tendosja e tepruar mund të ju sjell në depresion të cilës duhet t'ia preni hovin me kohë.


Për të lindurit në ditën 17

të cilitdo muaj

Ju ju karakterizon ambicioziteti, guximi dhe vitaliteti. Kur me të vërtetë aktivizoheni, dhe kur jepni çdo gjë prej vetes, çdo gjë mund të arrini. Suksesin jua sjellin idetë tuaja origjinale dhe prezentimi i tyre i urtë para të tjerëve. Gjërat i kuptoni më thellësisht se të tjerët, prandaj ngandonjëherë jeni të vetmuar; por kjo aspak nuk ju pengon, pasi që ju lumturinë tuaj e gjeni në botën tuaj personale.
Shpeshherë tërhiqeni në vetmi, nga arsyeja se keni frikë nga njerëzit, edhe pse keni natyrë të shoqërueshme. Droja juaj jo rrallë mund të ju shokojë, sepse jeni mësuar që të jeni prijës, që të gjitha gjërat vetë t'i sinkronizoni. Në ato momente zbuloni se thellë në ju është një qenie më subtile, e cila iu kundërvihet aktiviteteve tuaja shoqërore. Natyra juaj është lirike, e ndijshme dhe ju, në të vërtetë, nuk jeni ashtu siç të tjerët ju shohin.


Për të lindurit në ditën 18

të cilitdo muaj

Ju jeni njeri i virtyteve dhe thjeshtësisë. Nuk dëshironi që të imponoheni shumë në shoqëri; jeni të qetë dhe të vetmuar. Juve më së tepërmi ju tërheqë natyra sepse ju jeni fëmijë i Nënës Natyrë. Po qe se jeni të qëndrueshëm në rrugën tuaj, mund të bëheni biolog apo botanist i shkëlqyer/shëm/, edhe pse edhe poezinë nuk e keni për të huaj.
E doni jetën, dini t'iu gëzoheni gjërave të vogëla, të zakonshme; besoni se përmbajtjen e jetës e përbëjnë pikërisht ato gjëra të thjeshta, të zakonshme.
Njerëzit nuk ju njohin mirë, shkaku se ju vetë nuk iu tregoheni, së andejmi shpesh jeni enigmatikë, misteriozë për rrethin tuaj. Të jesh në shoqëri me ju - ajo është kënaqësi e vërtetë! Ju jeni person tejet të ngrohtë, spirituozë, joimponues. \
Keni kuptim të gjithanshëm për botën, për të afërmit tuaj, për miqtë tuaj, por të afërmit shpesh nuk ju kuptojnë, prandaj, së andejmi, në disa momente, jeni tepër të palumtur. Vuani shkaku i të tjerëve, e kjo nuk do të duhej të ndodhte, sepse bota thjesht është e atillë/ashtu/ siç është, dhe ju si të tillë duhet ta pranoni.

Për të lindurit në ditën 19
të cilitdo muaj

Ju ju karakterizojnë durimi dhe qëndrueshmëria. Para se të sillni çfarëdo vendimi, mendoni gjatë për çdo gjë, e vështroni nga të gjitha këndvështrimet, e peshoni secilën 'për' dhe 'kundër'. Por, kur veçse e pranoni një gjë, atëherë shkoni deri në fund, pavarësisht nga sakrifica dhe pasojat.
Për nga natyra jeni të butë, të qetë dhe emotivë; i ruheni çdo banaliteti. Në secilin njeri e kërkoni dhe e gjeni atë më sublimen, më fisniken; askë për asgjë nuk e gjykoni; jeni tolerantë dhe, në çdo situatë, tregoni mirëkuptim maksimal për veprimin e të gjithëve.
Keni prirje ndaj muzikës, poezisë dhe pikturës, por mbi të gjitha ju magjepsin pikturat e artistëve të hershëm. Ju tërheqin edhe mësimet okulte, ku e shihni çelësin për të gjitha problemet njerëzore.

Për të lindurit në ditën 20
të cilitdo muaj

Ju jeni personi të cilin me kënaqësi e pranon rrethi, edhe pse për nga natyra nuk jeni imponues. Jeni të kthjellët, të qeshur dhe në çdo situatë rrezatoni ngrohtësi dhe dashuri. Nuk i dëshironi spekulimet, nuk teorizoni shumë, pasi që jeni qenie aksioni, që do të thotë: njeri që të gjitha idetë menjëherë i shndërroni në vepër.
Ata të cilët nuk ju njohin mirë, ju marrin si qejfli të mëdhenj, edhe pse ju në esencë jeni diçka krejt tjetër. Ju thjesht i gëzoheni jetës dhe mendoni se jeta është shenjtëria më e madhe. Për ju sikur nuk ka probleme të pazgjidhshme dhe me këtë më së tepërmi i tërhiqni njerëzit. Gati se magjikisht ndikoni në personat e polit të kundërt, e kjo rrjedh shkaku se besoni në vetvete, se jeni, si pak-kush, entuziatë, përplot optimizëm.

Për të lindurit në ditën 21
të cilitdo muaj

Edhe numri 21 merret si numër magjik, pasi që në vete mban dy numra të fuqishëm: 2 dhe 1. Numri 2 është principi material, kurse 1 është simbol i kozmosit, Zotit, energjisë hyjnore. Kështu që ju, me vetë lindjen, jeni të prirur kah magjia, mësimet e fshehta, mistika, okultizmi. Për ju me shumë rëndësi është ekuilibri në mes të materiales dhe shpirtërores, të dukshmes e të padukshmes, së poshtmes dhe së lartmes.
Në jetë do t'i keni shumë mësues, do t'i pranoni shumë mësime, por në fund do ta gjeni rrugën tuaj dhe do të sillni diçka të re në nivelin okult. Në vitet tridhjetë të jetës do ta kuptoni se jeta, vetvetiu, në qoftë se në mënyrë adekuate e kuptoni, është më e madhe se të gjitha artet.
I besoni dashurisë dhe ai besim ka për t'ju mbajtur, madje edhe në krizat më të mëdha, deri në fund të jetës së gjatë dhe të frytshme.

Për të lindurit në ditën 22
të cilitdo muaj

Ju keni frikë nga ndryshimi i papritur. Jeni të pavendosur në sjelljen e vendimit. Shumëçka ju lidhë me botën materiale, prandaj edhe ndiheni të pasigurt në sferat intelektuale dhe shpirtërore.
Ndryshimet e mëdha kah e mira ju presin para fundit të decenies së katërt të jetës. Do të keni sukses në punët që lidhen me shkencat natyrore, pasi që ju jeni dy herë botë tokësore (numri 2 është dy herë shenja juaj).
Nuk besoni shumë në gjërat e padukshme; i përmbaheni besnikërisht asaj që ju sjell begati materiale.
Jeni të lidhur për shtëpinë dhe familjen; në rrethin e të afërmve tuaj e gjeni gëzimin dhe ngrohtësinë e gjithëmbarshme.


Për të lindurit në ditën 23

të cilitdo muaj

Që me lindje jeni të parapërcaktuar për gjëra të mëdha, për ndërmarrje të mëdha në jetë; por, jo: duhet të investoni mjaft angazhim edhe për t'i realizuar idetë tuaja. Jetën nuk do ta keni të lehtë - do të keni mjaft probleme materiale - por në fund të gjitha vështirësitë do t'i tejkaloni. Fama ju pret në mes viteve tridhjetë dhe katërdhjetë të jetës. Në këtë periudhë do të keni më tepër dashuri, por, njëra, megjithatë, ka për të qenë më e madhe nga të gjitha.
Njerëzit kanë për të gjykuar gabimisht për ju, sepse të gjithë do ta shikojnë vetëm atë të jashtmen, e askush nuk do ta ndjejë natyrën tuaj subtile. Keni shpirt të mrekullueshëm; ju tërheqin të gjitha gjërat e bukura e të lartësuara, derisa për gjërat e shëmtuara i ikni çdo bisede.
Për të lindurit në ditën 24
të cilitdo muaj

Bota e argëtimit ju tërheqë shumë, pasi që mendoni se vetëm në një botë të tillë shprehet natyra juaj e vërtetë. E doni jetën e lehtë dhe të këndshme, por rrethanat materiale nuk ju lënë që të notoni në ujërat e hedonizmit. Por, jo; ju edhe më tej besoni se nuk ka për të zgjatur shumë kur edhe ylli juaj i fatit do të vezullojë në qiellin e të privilegjuarve.
Në të gjitha rastet, do të kishit mundur ta shijonit lumturinë në estradë apo skenë, si këngëtarë, gjegjësisht si artistë, duke qenë se keni mjaft dhanti dhe prirje kah këto arte, edhe pse edhe artet tjera - si poezia dhe piktura - nuk ju janë të huaja.
Shpesh jeni të shqetësuar e të trazuar, e që edhe vetë të mos e dini se përse. Kjo vjen nga ajo se ju do të dëshironit shumë më tepër sesa që rrethanat ju lejojnë. Mos fluturoni aq lart, lëshohuni për toke, dhe lumturinë kërkojeni në gjëart e vogëla, në mesin e botës së zakonshme.

Për të lindurit në ditën 25
të cilitdo muaj

Jeta juaj është kërkim i përjetshëm kah e vërteta, pastërtia dhe gjërat e bukura. Për nga natyra jeni mjaft emotivë dhe spirituozë. Lëshoheni në thellësinë e qenies suaj dhe gjeni vendstrehim në vetvete. Më të sigurtit jeni kur të ndodheni në botën tuaj personale, ku asgjë plotësisht nuk mund të ju lëkundë. Keni imagjinatë të bujshme dhe prirje kah artet. Jeni të qetë, të heshtur, të tërhequr në vetvete, enigmatikë për të afërmit tuaj, enigmë e madhe madje edhe për ata me të cilët rrini për çdo ditë.
Rruga të cilën e keni zgjedhur nuk është aspak e lehtë; por, jo: ju jeni rezistentë dhe qëndroni deri në fund. Keni përjetuar shumë zhgënjime në jetë, por edhe më tej besoni në dashuri dhe miqësi. Kurrë, as për një moment, nuk ju humbin nga përceptimi idealet tuaja të larta.
Jeni të kthyer kah mistika, magjia dhe mësimet okulte. Besoni në atë se bota do të jetë gjithnjë e më e mirë; se dashuria është më e fuqishme se urrejtja; se e mira është më e qëndrueshme se e keqja. Shpirti juaj i kthjellët është burim i shëndetit tuaj dhe i energjisë suaj jetësore.


Për të lindurit në ditën 26

të cilitdo muaj

Ju jeni person energjik dhe vital. Me atë energji tuajën në zgjedhë është edhe dëshira juaj për bashkëpunim me të tjerët të cilëve dëshironi t'ua transmetoni/bartni diturinë tuaj të gjithëmbarshme. Veçanërisht jeni të brengosur për lumturinë dhe mirëqenien e familjes suaj dhe të atyre që i doni. Jeni të entuziamuar me punët e mëdha, me ndërmarrjet e rëndësishme dhe ndiheni të lumtur kur mund të merrni pjesë në diçka të madhe. Jeni të dashur, të kujdesshëm; të arsyeshëm; kurrë askë nuk e shfrytëzoni; ndini gëzim të madh kur iu ndihmoni të tjerëve, miqve dhe farefisit. E merrni se pasuria është në dhënie e jo në marrje.
I dëshironi shkencat natyrore, por asnjë trohë më pak nuk ju tërheqin edhe mësimet e fshehta ku e gjeni kuptimin e gjithëmbarshëm të jetës dhe botës.
Për të lindurit në ditën 27
të cilitdo muaj

Jeta, të cilën e bëni ju, përfshin përvoja jetësore të shumta dhe të ndryshme. Jeni person intelektual, emotiv, mendimtar dhe simpatik. Posedoni forcë të madhe të imagjinimit dhe vizuelizimit, prandaj do të kishit mundur të merreshit me arte. Punët lidhur me udhëtimet, anijet, telegrafinë dhe televizionin do të mund të ju sillnin suksese. Ju tërheqin okultizmi dhe misticizmi, dhe mund të bëheni njohës të mëdhenj të këtyre fushave. Hiqjuni jetës dhe të jetuarit asketik, vetmitar; hyni në shoqërinë e njerëzve të zakonshëm, të atyre që ndodhen në vetë burimin /amën/ e jetës.
Në mesin e viteve të tridhjetave e të katërdhjetave të jetës, po qe se i orientoni forcat tuaja si duhet, do t'i zgjidhni problemet e natyrës materiale; mund të bëheni madje edhe biznesmen i suksesshëm me ndihmën e artit.

Për të lindurit në ditën 28
të cilitdo muaj

Jeni me vetënisjativë, sipërmarrës dhe energjikë. I posedoni të gjitha kualitetet e një prijësi, të një personaliteti të jashtëzakonshëm spirituoz. Forcat kozmike janë thellë të mbjella në ju, dhe ju ato i shprehni në punët e natyrës organizative. Jeni kreativë dhe origjinalë, por punët ju shkojnë më mirë kur bashkëpunoni me dikë, sesa kur punoni vetëm, kokë më vete. Jeni tepër të shkathtë që gjërat t'i ktheni kah e mira, kështu që do të kishit mundur të keni sukses në kimi, fizikë dhe në shkencat natyrore.
Mos u bëni së tepërmi të pavarur në aksionet dhe idetë tuaja. Po qe se vetveten e merrni si të mjaftueshëm, për nga natyra, diç më i madh se të tjerët, mund ta humbisni afërsinë kah miqtë dhe të afërmit në familje.

Për të lindurit në ditën 29
të cilitdo muaj

Forca magnetike me të cilën ndikoni mbi njerëzit tjerë, është esenca e veçantisë suaj, e si pasojë e kësaj janë miqtë dhe adhuruesit e shumtë, të cilët i mblidhni rreth vetvetes. Ju, këtë, natyrisht, në mënyrë spontane, e arrini, gjë që shprehet në pozicionin tuaj në familje dhe në shoqëri. Me kënaqësi e pranoni bashkëpunimin, por ai impuls më parë vjen nga koka sesa nga zemra. Keni instikt të lindur për njohjen dhe njohjen dhe mirëkuptimin e njerëzve të tjerë. Fuqia juaj e madhe e përceptimit ju bën qytetarë të botës. Mund të jeni pavetëdijshmërisht të prirur të reflektoni vetitë e të njohurve tuaj. Mos jini tepër të përshtatshëm, por as tepër të vrazhdë. Maturia është mënyra më e mirë e të shprehurit tuaj, nëna e urtisë suaj jetësore.


Për të lindurit në ditën 30

të cilitdo muaj

Për nga natyra jeni të butë, emotivë dhe përplot dashuri për të afërmit. I doni artet - poezinë, pikturën, muzikën. Jeni të lidhur për familjen dhe natyra juaj e vërtetë vjen në shprehje vetëm në familje. Ata të cilët nuk ju njohin mirë, kanë për të gjykuar për ju gabimisht, pasi që nuk do t'i kuptojnë disa veprime tuajat, pasi qqë ju jeni personi i cili më shpesh mendon me zemër sesa me kokë.
Posedoni forcë të madhe magnetike dhe kurrë nuk kanë për të ju munguar miqtë, por për ju kjo sikur nuk çon shumë në peshë. Për ju gjëja më e rëndësishme është qetësia në shtëpi dhe mirëqenia në familje. Jeni bashkudhëtar i mrekullueshëm në jetë dhe prind i këndshëm; keni shumë mirëkuptim për të gjitha, por shpesh, shkaku i kësaj, e pësoni, sepse hasni në moskuptim. Mos i dëgjoni këshillat dhe komentet e të tjerëve, veçse kthehuni kah vetvetja dhe të afërmit tuaj; mos e harxhoni kot energjinë tuaj kreative; kini kujdes për shëndetin tuaj personal.


Për të lindurit në ditën 31

të cilitdo muaj

Ju keni ide kreative dhe njohësi me njerëzit adekuatë të cilët mund t'i realizojnë ato. Mund të keni sukses të madh në jetën shoqërore, po qe se asaj i përkushtoheni si duhet. Posedoni forcë të gjykimit të drejtë, forcë për dallimin e të rëndësishmes nga e parëndësishmja. Ndërgjegjshmëria juaj kurrë nuk mbetet e pashpërblyer. Kini pak më tepër kujdes për interesat tuaj personalë. Jo egoizmi juaj mund të ju dërgojë aq larg saqë thjesht ta harroni vetveten. Bashkëpunimi me njerëzit e profesionit ka për të ju sjellë sukses dhe ka për të ju ndihmuar që t'i zgjidhni problemet materiale.



Adnan Abrashi-NANDA

[DI_ANA]

Njohja e vetës përmes shkronjës së parë të emrit

Lexojeni tekstin në vazhdim, nën shkronjën përkatëse me të cilën fillon emri juaj dhe do të zbuloni se kush jeni në bazë të shkronjës së parë të emrit tuaj:



A


Jeni origjinalë dhe nuk ndikoheni lehtë nga rrethi. Jeni mjaft të pavarur. Edhe të guximshëm. Nuk mund të thuhet se nuk i doni ndryshimet, jeni për to. Do të ishte e mirëseardhur të jeni më të hapur në bashkëpunim me të tjerët, dhe të jeni të gatshëm t'i merrni parasysh edhe sugjerimet e të tjerëve.


B

Jeni tipa me ndjeshmëri të theksuar, të begatë me emocione dhe të pranueshëm në aspektin shoqëror. Harmonia e marrëdhënieve është diçka esenciale për lumturinë tuaj. Duhet të insistoni t'i përshtateni kohës, gjegjësisht ndryshimeve që ndodhin me kohën, dhe të arrini një pavarësi më të madhe në të menduar dhe në sjelljen e gjykimeve për çështje të ndryshme.


C

Keni intuitë të zhvilluar, që është veti e admirueshme për secilin njeri. Lirshëm i shfaqni ndjenjat tuaja. Shprehjet i keni të lira dhe të qarta. Ju përcjell edhe sensi për humor. U takoni tipave të njerëzve spontan, por me një optimizëm që ju përshkon vazhdimisht. Keni ekstravagancë sjelljesh dhe qëndrimi.


D

Jeni tipa me autoritet të lindur. Për bga natyra jeni tipa të vendosur dhe rezistentë, të aftë për të anashkaluar pengesat e ndryshme të mundshme. Keni të zhvilluar sensin praktik. Jeni konkret, të prajshëm, të rregullt dhe sistematik.


E

Jeni tipa tejet origjinalë, dhe çdo person dhe çdo situatë jeni të pirur ta vështroni nga këndvështrime të ndryshme. Mbi të gjitha e doni lirinë personale, edhe pse jeni të përshtatshëm edhe në aspektin shoqëror. Nuk inatoseni lehtë. E justifikoni mundësinë që të martoheni më shumë se një herë.


F

Mund të jeni të sulmuar nga melankolia dhe depresioni, dhe ato të jua sjellin të zitë e ullirit. Jeni tipa shoqëror dhe të dhembshëm, me prirje të theksuar që t'iu ndihmoni të tjerëve në çdo situatë; por kujdes: mos ia lejoni vetvetes luksin që t'iu përziheni në punët e brendshme, se nuk ju bën nder. Jeni mikpritës, të dashur, të përgjegjshëm,


G

Keni prirje për t'u marrë me spiritualizëm dhe telepati. Jeni metodist i mirë, të prirur për disiplinë dhe rregull, por di të veprosh edhe shpejt kur është nevoja. Vendosmëria që keni dhe zgjuarsia e imagjinata juaj ju bëjnë që në çdo situatë të ndiheni mirë.


H

Ruajeni mirë drejtimin, pasi që të duhet kohë ta ruani atë pasi ta keni humbur njëherë. Jeni të pavarur. I besoni vetvetes, gjykimit tuaj. Ndaj, skepticizmi dhe dyshimi janë armiqtë tuaj më të mëdhenj, kurdo që të shfaqen ata, ju jeni më të vegjël. Paratë i fitoni dhe i humbni shpejt, por, megjithatë, rezultati përfundimtar në instancën e fundit fo të jetë pozitiv. Jeni krijimtar origjinal.


I

Jeni njeri i ekstremeve, por, megjithatë mundohu që të mos kalosh nga njëri ekstrem në tjetrin. Ekujlibi është gjëja më e domosdoshme. Pa një ekuilibrim të mirë, mund të përballeni me tensionet e mundshme nervore. Ke botë të pasur emotive, prirje artistike dhe shije të hollë.


J

Puno që talentet tuaja të dalin në dritë, sepse jeni të zgjuar dhe të talentuar. Përpiqu të ndikosh që edhe jetët e të tjerëve të jenë më të mira. Megjithatë, jeni të sinqertë dhe të ndershëm.


K

Jeni me tensione nervore, frikë dhe hezitim kur përballeni me ndëermarrje të mëdha. Megjithatë, jeni të shumanshëm dhe: të përndriturit, intuita e begatë, derdhaza e emocioneve janë karakteristikë e personave, emri i të cilëve fillon me këtë shkronjë.


L

Ka shumë rëndësi që ta mbani ekuilibrin në të gjitha aspektet e jetës. Me rastin e streseve emocionale, keni prirje t'i minimizoni incidentet. Megjithatë, jeni të ndershëm dhe të sinqertë; të prirur për lëvizje dhe udhëtime të shpeshta. Përvoja juaj është përvojë intelektuale, gjë që mund të ju bëjë të ngadaltë në marrje dhe zbatimin e vendimeve.




M

Jeni mjaft tolerantë, por duhet të keni durim edhe më të madh në raport me të tjerët. Jeni shtëpiakë dhe ju pëlqen siguria financiare. Jeni punëtor i madh dhe keni energji të madhe; por mbi të gjitha që duhet çmuar te ju është qëndrueshmëria: angazhimet tuaja japin rezultate vetëm pasi që ju nuk tërhiqeni lehtë.


N

Keni shumë dëshirë t'i leni gjurmët tuaja në jetë. Jeni sensualë, mund të jeni të përfshirë në disa histori dashurie gjatë jetës suaj. Por, nuk jeni shumë të vendosur dhe lehtë e ndryshoni mendjen, vetëm pasi ta keni diskutuar një gjë me dikë. Keni intuitë të zhvilluar, jeni kreativë dhe origjinalë.



O


I respekton rregullat. Ke një botë ndjenjash të begata; pra, jeni tejet emocionalë, por duhet të keni kujdes nga ndjenja e xhelozisë. Ke standarde morale të përcaktuar mirëfilli dhe jeni religjiozë. Jeni të matur dhe të qëndrueshëm kur vendosni për të ndërmarrë një gjë të re.


P

Jeni të rezervuar dhe mbani distancë nga njerëzit. Jeni inteligjentë dhe keni njohuri nga shumë fusha. Shpeshherë të mungon durimi, ndaj përpiqesh ta shfrytëzosh mirë kohën tënde. Në takimin e parë lë përshtypjen sikur je mendjemadh, imponues dhe ke dëshirë të dominosh, por kjo është përshtypje vetëm në shikim të parë.


Q

Dukesh i mistershëm, edhe pse ke një talent të lindur për oratori. Por, ngandonjëherë flet më shumë ngaqë duhet dhe bëheni të bezdisshëm. Keni një autoritet të natyrshëm dhe keni fuqi të ndikoni mbi të tjerët. Edhe pse rëndom të tjerët nuk ju kuptojnë mjaft. Jeni të dhënë pas parasë, por si tip nuk jeni të qëndrueshëm. Kjo shpeshherë ju shkakton humbje.


R

Keni prirje të jeni të sjellshëm, dhe iu ndihmoni të tjerëve. Jeni të gatshëm të sakrifikoni kohë dhe energji për të mirën e përgjithshme. Jeni emocionalë dhe keni fuqi të brendshme kolosale. Por, duhet të përpiqeni të jeni të ekuilibruar e të mos i lejoni vetvetes të jeni shumë kritikë, por më tepër tolerantë. Keni prirje t'i humbni sendet, meqë keni vështirësi me kujtesën.


S

Kujdes, mos reago shpejt dhe menjëherë, por gjyko më urtësisht para se të marrësh një vendim që ka një rëndësi për ty. Shamngëju emocioneve. Se je i pasionuar dhe kjo bën që nga emocionet të përjetosh shumë rënie e ngritje. Megjithatë, jeni persona karizmatikë, të ngrohtë dhe të përkushtuar. E meta juaj më e madhe që duhet korrigjuar domosdoshmërish është se reagoni shpejt dhe në mënyrë ekstreme. Provojeni të kundërtën e kësaj.


T

Dëshiron ta shtrish ndikimin tënd vazhdimisht kah të tjerët. Por, jeni tipa shumë dinamikë dhe duhet ta mësoni vetveten të jeni më të qetë. Kontrollojini emocionet, se ato mund të ju bëjnë të prekeni aq shumë, saqë ta humbni toruan, ta humbni gjykimin e drejtë. Madje, ngandonjëherë, ndoshta shpesh, dini të bëheni edhe nervozë e agresivë në marrëdhënie me të tjerët. Kujdesuni të mos ju ndodh kjo. Jini më të butë, më tolerantë.


U

Mësoni të reagoni më mirë dhe më shpejt. Është në nderin tënd të mësosh t'i vlerësosh më shpejt situatat. Mund të jeni kreativë, pasi që veç keni intuitë mjaft të zhvilluar. Jeni të përpiktë në takime. Jeni tipa tërheqës dhe gazmorë. Por, jini ca të pavendosur, të luhatshëm, ky është problemi juaji. Siç e grumbulloni një gjë, ashtu ju ikën nga dora, sidomos paraja.


V

Jeni të sinqertë, të butë, të këndshëm; por, duhet të jeni paksa më të vendosur në raport me njerëzit, sidomos me përfaqësuesit e polit të kundërt. Keni intuitë, jeni gjithnjë të frymëzuar, si profetët. Keni plane dhe ide të mëdha, edhe aftësi për t'i paraqitur ato. Por, ngandonjëherë imagjinata juaj shkon përtej realitetit të mundshëm, domethënë është më e fortë se realiteti. Andaj, në sy të botës mund të dilni ekscentrikë dhe fluturonjës.


X

Keni temperament dhe personalitet të zhvilluar. Ju pëlqejnë qejfet, ju joshin ato dhe s'përmbaheni dot para tyre. Por, nuk do të ishte në favorin tuaj të zhyteni së tepërmi në veprimet seksuale. Jeni tipa të ndjeshëm me prirje të theksuara artistike. Jeni të përgjegjshëm, gjërat i përvetësoni me lehtësi.


Y

Jeni tipa ambiciozë, të guximshëm, të pavarur. Liria ka vlerë mbi të gjitha në sytë tuaj. Nuk i duroni dot përkufizimet dhe shtrëngesat. Por, e meta juaj më e madhe është se jeni paksa të ngadalshëm në marrjen e vendimeve. Keni intuitë të zhvilluar dhe perceptim të mirë të gjërave.


Z

Jeni të sjellshëm dhe i kuptoni mirë të tjerët. Jeni optimistë dhe dinamikë. Iu përgjigjeni shpejt situatave të caktuara. Keni aftësinë që të jeni ndërmjetës në mes palësh. Por, e keni të metë të vuani nga padurimi. Reflekset tuaja funksionojnë në mënyrë të përsosur.


Adnan Abrashi

[DI_ANA]

Kalendari i përhershëm dhjetë shekullor

Karakteri juaj dashuror reflekton në numrin tuaj përfaqësues. Gjetja e numrit bëhet, siç është thënë edhe më parë, duke mbledhur numrat e ditëlindjes dhe të muajit tuaj të lindjes dhe shndërrimi i tyre në numër njëshifror në mes të 1 dhe 9. Për shembull: Jam i lindur më 21 mars (21 + 3 = 24 dhe 2 + 4 = 6) domethënë, numri im është 6.

Përmes këtij kalendari, në çdo kohë mund të dini dhe të caktoni shpejt dhe saktë cila ditë ka qenë ( në të kaluarën) dhe cila ditë do të jetë (në të ardhmen) për dhjetë shekuj.
Mjafton të përcillni sistemin i cili vijon:
VLERAT E DITËVE TË JAVËS
E Diel = 1
E Hëne = 2
E Martë = 3
E Mërkurë = 4
E Enjte = 5
E Premte = 6
E Shtunë = 0

VLERAT E MUAJVE TË VITIT
Janar = 1
Shkurt = 4
Mars = 3
Prill = 6
Maj = 1
Qershor = 4
Korrik = 6
Gusht = 2
Shtator = 5
Tetor = 0
Nëntor = 3
Dhjetor = 5

VLERAT PËR DY SHIFRAT E PARA TË VITIT

15 = 1
16 = 0
17 = 5
18 = 3
19 = 1
20 = 0
21 = 5
22 = 3
23 = 1
24 = 0
25 = 5


VLERAT PËR DY SHIFRAT E FUNDIT TË VITIT

00 - 28 - 36 - 84 = 0 14 - 42 - 70 - 98 = 3
01 - 29 - 57 - 85 = 1 15 - 43 - 71 - 98 = 4
02 - 30 - 58 - 86 = 2 16 - 44 - 72 = 6
03 - 31 - 59 - 87 = 3 17 - 45 - 73 = 0
04 - 32 - 60 - 88 = 5 18 - 46 - 74 = 1
05 - 33 - 61 - 89 = 6 19 - 47 - 75 = 2
06 - 34 - 62 - 90 = 0 20 - 48 - 76 = 4
07 - 35 - 63 - 91 = 1 21 - 49 - 77 = 5
08 - 36 - 64 - 92 = 3 22 - 50 - 78 = 6
09 - 37 - 65 - 93 = 4 23 - 51 - 79 = 0
10 - 38 - 66 - 94 = 5 24 - 52 - 80 = 2
11 - 39 - 67 - 95 = 6 25 - 53 - 81 = 3
12 - 40 - 68 - 96 = 1 26 - 54 - 82 = 4
13 - 41 - 69 - 97 = 2 27 - 55 - 83 = 5

SH E M B U LL:

CILA DITË KA QENË MË 10.06.1878? ( Lidhja Shqiptare e Prizrenit)

1. Dita 10 ( plotpjesëtohet me 7 dhe gjithmonë merret mbetja) 3
2. Muaji QERSHOR ( shiko vlerat për muajt në tabelë) 4
3. Dy shifrat e para t[ vitit -18 ( shiko vlerat në tabelë) 3
4. Dy shifrat e fundit të vitit -78 ( shiko vlerat në tabelë) 6
SHUMA 16

Shuma 16 plotëpjestohet me 7 dhe gjithmonë merret numri i mbetjes, që në rastin ton[ është 2 ( shiko tabelën e vlerave për ditë)

PRA LIDHJA SHQIPTARE E PRIZRENIT ËSHTË MBAJTUR TË HËNËN
Vërejtje

Gjithmonë nëse kërkohet dita për datën ku muaji është JANAR ose SHKURT, vlera e cifrave të fundit nga tabela merret minus (-) 1

SHEMBULL: Cila ditë ka qenë më 23 janar 1682?
1. 23 : 7 mbetja .................................................. 2
2. Janari .................................................. ............1
3. 16 .................................................. .................0
4. 82 ( në vend të 82 gjithmonë nga tabela lexohet viti për një vit prapa. Në rastin tonë do ta marrim vlerën 81) .................::.....3
-__________________________________________________ ____________________
SHUMA 6 ( E PREMTE)

Syri3

[Jetmiraaa]

Gaforrja ime e bukur
Sidomos gaforret e korrikut🤗🤗😍