Të dashuruar brenda zyrës!

[Davius]

1)

Të kesh një lidhje me një koleg të zyrës nuk të tërheq vëmendjen nga puna, madje përmirëson rendimentin e punës. Pasi duke qëndruar pranë partnerit tuaj, kaloni më shumë kohë në tavolinën e punës, duke qëndruar me dëshirë edhe jashtë orarit.

Ai që hedh poshtë paragjykimet kundër flirtimeve në zyrë, është një studim i bërë në Norvegji nga seksologia Elsa Aalmas. Por jo vetëm kaq, ky lloj fenomeni është parë me interes dhe në vende të tjera, ku janë bërë studime për të kuptuar më shumë. Kështu për shembull, një studim tjetër është ai i bërë në Itali nga shoqata "Gra", në të cilin janë përfshirë 480 individë të moshës nga 25-55-vjeç.

Nga kërkimi norvegjez del se 1 i punësuar në 5, ka pranuar që ka pasur të paktën një lidhje me një kolege dhe 1 çift në 10, pranon se janë njohur dhe dashuruar në vendet e punës. Zakonisht, pjesa më e madhe e të pyeturve mbron idenë se të kesh një histori në zyrë të jep më shumë lumturi dhe energji dhe kështu, të bën ta duash më shumë punën që bën. Njerëzit që lidhen me kolegët e tyre i njohin mirë ndjenjat e tyre dhe kjo prodhon më shumë energji dhe kapacitet pune. Ky efekt favorizon dhe një sjellje më profesionale dhe zhduk mundësinë e krijimit të problemeve me shefin, apo me kolegë të tjerë.

Në përfundime analoge doli dhe studimi italian: njerëzit, më shumë femrat, të cilat janë të dashuruar me dikë që është pjesëtar i zyrës, janë më produktive në 65% të rasteve. 1 i intervistuar në 3, pohon se e tejkalon me kënaqësi orarin e punës, vetëm e vetëm që të rrijë pranë partnerit të tij, dhe 1 në 2 persona, pohon se shkon në punë me më shumë kënaqësi. 1 i intervistuar në 7, tregon se ka refuzuar oferta pune me një rrogë më të lartë apo ngritje në detyrë, vetëm e vetëm për të qëndruar pranë njeriut që dashuron.

Shekulli

[Davius]

2)

Studimet theksojnë përqindjen e lartë të grave, 65 për qind, që kanë një lidhje me një burrë në pozicion hierarkik të lartë. Në 20% të rasteve, lidhja është me njerëz të cilët kanë të njëjtat pozicione pune dhe 15% të kampioneve ka një histori dashurie me një burrë që ka një pozicion inferior. Ato gra që kanë një lidhje me burra që janë superiorë në pozicionet e punës, janë të gatshme të pranojnë (1 në tre) se ndër objektivat e tyre është se kanë mundësi të bëjnë karrierë. Megjithatë 15% e grave e përkufizon lidhjen brenda zyrës "instrument" promocioni, pra si një shtysë.

Është domethënës dhe numri i grave që nuk i gjykonin negativisht ato që kanë një lidhje e cila i ndihmon për të përmirësuar pozicionin social. 24% e grave pranon se i kupton, ndërsa 12% nuk i gjykojnë fare. Por ama mbetet një pjesë goxha domethënëse, 43%, e cila i quan "joserioze" këto gra.

33% e të pyeturve pranojnë se e kanë njohur partnerin e tyre në vendin e punës. 43% nuk pendohen që kanë patur një lidhje në vendin e punës. Dhe për një grup optimist, 34% një "zjarr" mes tavolinave të punës përmirëson stilin e jetës. Ndërsa 23% të të pyeturve një lidhje e tillë i bënte më optimistë. Burrat mbi të gjitha, sidomos ata më lart në shkallë hierarkike, mohojnë faktin që seksi në zyrë të jetë një mjet që tregon fuqi. Për 87% të të intervistuarve, gratë u kanë besuar dhe kanë rënë në grackën e dashurisë me burra që janë më lart në shkallë hierarkike, pa u varur fare nga roli social i tyre.

Të dyja kërkimet, nuk marrin në konsideratë një detaj: mundësinë që lidhja të mbarojë në mënyrë të dhimbshme për të paktën një nga partnerët, me pasoja katastrofike në planin personal dhe profesional, duke influencuar negativisht jo vetëm mbi rendimentin, por edhe tek raportet me kolegët e tjerë.

Shekulli

[Davius]

Kërkimi i "Gallup"

Marrëdhëniet me shefin apo me kolegët, janë zakonisht problemet kryesore që hasen në ambientin e punës. Këtë e thotë një kërkim i "Gallup".

Doktor John Gottman, drejtor i Institutit të Marrëdhënieve Njerëzore, studiues dhe terapist i çiftit në më shumë se 30 vjet, pohon se mund të thotë, duke qenë 90% i sigurt, se nëse një lidhje do të zgjasë, zgjat pasi çifti ka parë njëri-tjetrin për një periudhë të konsiderueshme kohe. Në një artikull të dhjetorit 2007, në një revistë biznesi, profesori mbështet idenë se marrëdhëniet në punë janë shumë të ngjashme me ato të jetës private. Për shembull, nëse përfitojmë nga të tjerët, nëse jemi agresivë në punë, ka shumë mundësi që të jemi të tillë edhe në shtëpi. Dhe natyrisht edhe e kundërta.

Gottman thotë që për të shkuar mirë me kolegët, duhet të shohim anën pozitive dhe të sillemi sa më mirë, duke thënë "po" çdo herë që të jetë e mundur. Për t'u ndier mirë me të tjerët në punë nuk mjafton vetëm të kemi një komunikim të mirë, por edhe të kemi dashuri, bashkëpunim, gjëra që kërkojnë një sforco të vogël nga të gjithë. Kur jemi në punë, mos harrojmë që kolegët para së gjithash janë qenie njerëzore. Dhe të vendosësh një marrëdhënie të mirë mes kolegëve, të ndihmon të punosh më mirë.

Shekulli

[xfiles]

Nga pervoja mund te them se ul cilesine e punes. Kodin qe kam shkruajtur ne prani te koleges bashke me kolegen kur e pashe pas nje viti mohova se kisha te beja se ishte per turp .

[INFINITY©]

Ne mjediset ku kam punuar i kam pare te dyja aspektet e ketyre zbulimeve dhe mendoj se qe te dyja jane te verteta. Te kesh lidhje me dike ne pune mund ta bej diten e punes me te kendshme dhe ta kalosh sa me shpejt, por ne te njejten kohe ka nga ata qe edhe e tejkalojne dhe ngelen neper zyrat e njeri-tjetrit dhe nuk bejne asgje gjithe diten.

E dyta, te kesh nje lidhje ne te njejten zyre mund te shkaktoj shume thashetheme qe me pas shnderrohen ne zenka dhe ne mosmareveshje dhe qe arrijne ne ulje te madh te produktivitit ne pune. Te rralle jane ata qe e shprehin faktin qe jane te lidhur te kolege te tjere, prandaj nese ndodh se me ate femer fillon flirton dikush tjeter apo i thote dicka provokuese sepse ai nuk e di qe kolegu i tij mund te jete i lidhur me te, kjo shkakton llafe midis tyre dhe perseri ulje produktiviteti. Po ashtu nqs ndodh qe cifti te zihet para se te vijne ne pune, apo te ndahen nga njeri-tjetri por prape duhet te punojne bashke, ajo shkakton qe ata te krijojne nje ambient shume jo te rehatshem edhe per te tjeret ne zyre.

E treta, nqs lidhja ndodh midis 2 kolegeve ku njeri eshte superior, dhe nqs ata kane mosmarreveshje me vone, femra mund te arrij deri aty sa ta akuzoj per perdorim posti, etj....etj...

Ne nje nga kompanite qe kam punuar, nje nder pikat e kontrates qe duhet te firmosnim ishte se nqs fillojme nje lidhje me nje superior, duhet te largohemi nga kompania. Nqs fillojme nje lidhje me nje koleg ne te njejtin nivel, duhet te nderrojme departamentin. Nqs 2 menaxhere, VP ose me lart do te kishin nje lidhje mes tyre, ata duhet te firmosnin kontrate qe lidhja e tyre nuk do te kishte efekt ne produktivitetin e tyre ne kompani.

Per mendimin tim, eshte me mire mos te kesh nje maredhenie me dike ne vendin e punes, sepse ka me teper mundesi te eci keq se sa mire. A ka raste qe eshte e vertet e kunderta? Patjeter....

[IL__SANTO]

Dashuria ne Gjirin e kolektivit rit Rendimentin?????


Nuk mendoj se eshte keshtu.Duke qene se dy persona jane te lidhur si ne zyre edhe jashte saj humbet sensi kompetitiv qe duhet te kene me njeri-tjetrin.Konkurrenca midis tyre duhet te jete pak e ashper qe te jene gjithmone produktiv.Ketu u referohem punonjesve Privat.

Per punonjesit shteteror duhen pyet ata te kohes se Enverit si njerez me me shume eksperienc.

Gjithsesi mendoj se lidhja e ngadalson produktivitetin.

P.s Po qe se vjen mire se te vij se mbrapa nuk bej.