PROTESTË (E shtunë, 09 shkurt 2008, ORA 12:00)

[Manci]

Lëvizja Qytetare ZGJOHU! fton qytetarët, shoqërinë civile, partitë politike, deputetët, këshilltarët në qytetin e Shkupit, etj, t'i bashkangjitën protestës paqësore KUNDËR vendimit të Qeverisë së Republikës së Maqedonisë për të ndërtuar kishë në sheshin qendror të qytetit të Shkupit.

TË SHTUNËN, më 09 shkurt 2008, ORA 12:00, në sheshin qendror të Shkupit (ndërmjet Dal Met Fu dhe Qendrës së Vjetër Tregëtare)

Jemi kundër për arsye se: në atë lokacion vendin e ka vetëm shtëpia memoriale e Shkupjanës Nëna Terezë si objekt me levërdi të jashtëzakontë për vendin tonë, për arsye se Kisha është e ndarë me kushtetutë nga shteti, për arsye se ekzistojnë fusha të tjera të panumërta në nevojë imediate për mjete buxhetore, për arsye se Shkupi është qytet multietnik, multikulturor dhe multifetar, për arsye estetike dhe urbanistike, për arsye të barazisë mes komuniteteve në Republikën e Maqedonisë, për arsye se Kisha do të ndërtohet edhe me para të taksapaguesve të besimeve tjera, për të evituar ofendime ndaj qytetarëve me përkatësi të ndryshme fetare, për arsye se vendimi është sjellur pa debat publik, për arsye se ky vendim është në kundërshtim të plotë me frymën e tolerancës ndëretnike, ndërfetare dhe ndërkulturore, etj.

[Manci]

KOMUNIKATË


BDSH mbështet protestën e organizuar nga Lëvizja Qytetare Zgjohu

Bashkimi Demokratik Shqiptar, përmes komunikatës së 29 janarit 2008 dhe takimeve me përfaqësuesit e institucioneve ndërkombëtare dënoi vendimin e Qeverisë VMRO-PDSH për të ndërtuar një kishë ortodokse mbi vendin e shtëpisë së lindjes së Nënës Terezë.



Strategjia e “pyllëzimit me kryqe ortodokse” është në funksion të humbjes së gjurmëve shqiptare dhe interpretimit ideologjik të së kaluarës.



Të vetëdijshëm për domosdoshmërinë e bashkërenditjes së veprimtarive për të sensibilizuar institucionet ndërkombëtare lidhur me tërësinë e politikës antishqiptare që udhëhiqet në Maqedoni, BDSH mbështet protestën e organizuar nga Lëvizja Qytetare Zgjohu dhe fton anëtarët dhe simpatizantët e vetë, pa marrë parasysh dallimet eventuale, që të marrin pjesë në protestën që mbahet :


TË SHTUNËN, më 09 shkurt 2008, ORA 12:00, në sheshin qendror të Shkupit (ndërmjet Dal Met Fu dhe Qendrës së Vjetër Tregtare)

[Manci]

Lëvizja Qytetare ZGJOHU! të shtunën në sheshin qendror të Shkupit organizon protestë paqësore kundër idesë së Qeverisë së Maqedonisë për të ndërtimin e një kishe në qendër të Shkupit.

ZGJOHU bën të ditur se është kundër ndërtimit të kishes për arsye se sipas kësaj organizate në atë lokacion vendin e ka vetëm shtëpia memoriale e Shkupjanës Nëna Terezë si objekt me levërdi të jashtëzakontë për vendin tonë. Zgjohu thekson edhe arsye të tjera kundër vendimit qeveritar.
"Për arsye se Kisha është e ndarë me kushtetutë nga shteti, për arsye se ekzistojnë fusha të tjera të panumërta në nevojë imediate për mjete buxhetore, për arsye se Shkupi është qytet multietnik, multikulturor dhe multifetar, për arsye estetike dhe urbanistike, për arsye të barazisë mes komuniteteve në Republikën e Maqedonisë, për arsye se vendimi është sjellur pa debat publik, për arsye se ky vendim është në kundërshtim të plotë me frymën e tolerancës ndëretnike, ndërfetare dhe ndërkulturore", thuhet në reagimin e Lëvizjes ZGJOHU. Thirrje për bashkangjitje në këtë protestë kanë bërë edhe partitë shqiptare të opozitës,Bashkimi Demokratik për Integrim, Bashkimi Demokratik Shqiptar,Bashkimi Demokratik Kombëtar dhe shoqata të ndryshme qytetare, të cilat kanë ftuar anëtarët dhe simpatizantët e tyre të marrin pjesë në protestë.