Ca nuk degjon mor Zot i modh
Enrik Mehmeti
Zhgënjehet natën e parë të martesës, pasi nuk e gjen nusen e virgjër, e hedh nga kati i katërt i pallatit. Ngjarja tragjike ndodhi një javë më parë në lagjen “Pavarësia” të qytetit të Vlorës. Fitim Imeraj, 30 vjeç, vetëm dy ditë pasi ishte martuar ka vendosur t’i marrë jetën bashkëshortes së tij, pasi ndihej i mashtruar. Gruaja me të cilën kishte lidhur jetën nuk i kishte treguar se kishte pasur një të dashur tjetër, edhe pse një gjë të tillë ia kishte kërkuar me ngulm. Fatmirësisht 19-vjeçarja shpëton nga vdekja, megjithëse është dëmtuar në të gjitha pjesët e trupit. Autori i krimit brenda familjes ka përfunduar në pranga dhe brenda pak orësh ka rrëfyer me detaje gjithçka kishte ndodhur në dhomën e tij të gjumit në dy ditët e para të martesës.
Ngjarja
Fitim Imeraj, i cili kishte punuar për një kohë të gjatë si emigrant në Greqi, ishte kthyer pranë familjes për festat e fundvitit dhe për t’u martuar me vajzën që ishte njohur afro dy vite më parë. Me 9 janar ai vendosi ditën e dasmës, por përpara se të bëhej dhëndër i kërkoi 19-vjeçares M.D, nëse kishte pasur lidhje intime me ndonjë mashkull tjetër. Përgjigja nga ana e saj ishte “jo” e prerë. Por në fakt, natën e parë të martesës Imeraj ka konstatuar se gruaja e tij kishte kryer marrëdhënie seksuale, ndaj është ndjerë tejet i fyer dhe i mashtruar. Që nga ky moment zënkat mes çiftit kanë qenë të shumta. Nuk ka zgjatur shumë, dhe dy ditë më vonë ai e ka hedhur bashkëshorten nga kati i katërt i pallatit ku banonte. Fatmirësisht dy kate poshtë shtëpisë së çiftit të sapomartuar, fqinjët kishin ndërtuar një shtesë pallati, që e shpëtoi të renë nga vdekja. Pasi ka dalë jashtë rreziku për jetën, ajo nuk ka hezituar të denoncojnë bashkëshortin e saj, me të cilin kishte vetëm dy ditë e martuar.
Rrëfimi
Vetëm pak orë pas arrestimit për tentativën e vrasjes së gruas së tij, Fitim Imeraj ka pranuar të rrëfejë motivin që e kishte shtyrë të ndërmerrte një akt të tillë. “Zënkat mes nesh nisën natën e martesës, pasi ndryshe nga çfarë më kishte thënë, gruaja nuk ishte e virgjër”, - ka pohuar 30-vjeçari para oficerëve të policisë. Ai ka mohuar ta ketë hedhur bashkëshorten 19-vjeçare nga ballkoni. “Pas një sherri të madh me gruan, pasi ndihesha i mashtruar, shkova në banjë. Kur hyra në dhomë, ajo po hidhej”, - ka vazhduar më tej rrëfimin dhëndri i ri, i cili edhe pse kishte qëndruar një vit e gjysmë i fejuar, nuk kishte pasur marrëdhënie intime me 19-vjeçaren. Kjo e fundit gjendet në spital në gjendje jo të mirë shëndetësore, pasi ka pësuar fraktura të rënda në të gjithë trupin. Ndërsa Imeraj do të përgjigjet para Drejtësisë për veprën penale të vrasjes së mbetur në tentativë.
http://www.balkanweb.com/gazetav4/index.php?id=28591
Përgjigju Duke Cituar
Postuar më parë nga BARAT
Krijoni Kontakt