Njoftim per pasaportat.

[Brari]

Njoftim per pasaportat



TIRANE (3 Djetor)

- Emigrantët në Greqi dhe Itali do të marrin pasaportat e reja në vendet ku ata banojnë. Zëvendëskryeministri Meta dhe ministri i Rendit, Luan Rama, vendosën dje që ambasadat dhe konsullatat shqiptare të bëjnë edhe shpërndarjen e pasaportave. Për tre ditë në Athinë, Selanik, Romë, Milano dhe Bari do shpërndahen 500 mijë formularë dhe pas dy ose tre javë nga aplikimi emigrantët do marrin pasaportat e reja. Në ndihmë të këtij operacioni të përbashkët të Ministrisë së Jashtme dhe Ministrisë së Rendit do të jetë edhe vendimi i Ramës për të zgjatur edhe me një vit afatin e përdorimit të pasaportave të vjetra. Emigrantët gjatë kohës që do të përdorin pasaportat e vjetra do të nisin që të plotësojnë formularët dhe dokumentacionin tjetër pranë përfaqësive diplomatike shqiptare. Në këto përfaqësi pritet që të dërgohen policë shqiptarë që do të merren me procedurat e pajisjeve me pasaporta. Emigrantët nuk do të jenë më të detyruar tani që të vijnë në Shqipëri për të marrë pasaportat e reja. Ligji kërkonte që ata të ishin të pranishëm dhe të verifikoheshin nga ana e policisë disa herë. Kjo procedurë kërkonte, të paktën, një muaj kohë të dety-rueshme qëndrimi në Tiranë. Pas aplikimit punonjësit e policisë të zonave të ndryshme bënin verifikimin fizik pranë banesave të shtetasve dhe më pas duhet të ishin vetë ata që të tërhiqnin pasaportën pranë drejtorive të policisë në rrethe. Kjo procedurë do të ndryshojë tashmë. Emigrantët do të aplikojnë dhe tërheqin pasaportat pranë dy ambasadave dhe konsullatave. Në takimin mes zëvendëskryeministrit Meta dhe ministrit të Rendit, Rama, është vendosur që pasaportat e emigrantëve të tërhiqen dhe në drejtoritë e policisë në rrethe edhe nga të afërmit e emigrantëve të cilët kanë prokurë për të bërë këtë veprim. Këto ndryshime të ndërmarra nga Meta dhe Rama u bënë për shkak se prej kohësh kishte ankesa nga emigrantët të cilët rrezikonin të humbisnin punët e tyre jashtë vendit për tu pajisur me pasaportat e reja. Ministri Rama pak javë më parë kishte kërkuar që të bashkëpunohej me Ministrinë e Jashtme për të gjetur një zgjidhje.

ro/mr (GazetaShqiptare/BalkanWeb)

[Prototype]

epo shyqyr me ne fund lol

hallall ari e shikon se cbehet zemra

[KaMeLaaa]

Brari c'ishte ky artikull gazete pershendetje apo urim nejse... i uroj gjithe shqiptareve qe ti marrin dokumentat dhe pasaportat gjithashtu sa me shpejt ( po ja kthejme njoftimin brarit ne urim)

[Prototype]

ai bir selmani nenes ke te qaj em pare