Plagoset i mituri, po luante me granatë.

[DI_ANA]

SHKODËR - Një i mitur nga rrethi i Shkodrës mbeti i plagosur rëndë nga shpërthimi i një granate, me të cilën po luante së bashku me disa bashkëmoshatarë. Burimet zyrtare të Policisë së Qarkut të Shkodrës bëjnë të ditur se “Nisat Dashi, 11 vjeç, banues në fshatin Barbullush, ndodhet në gjendje të rëndë në Spitalin Rajonal të Shkodrës, për shkak të dëmtimeve që ka marrë në duar dhe në sy”. Sipas këtyre burimeve, ngjarja ndodhi mesditën e djeshme, në fshatin Barbullush të Komunës Bushat, në rrethin e Shkodrës. Nuk raportohet për fëmijë të tjerë të plagosur, pasi në momentin e shpërthimit ka patur edhe persona të tjerë në vendngjarje. I lënduari i është nënshtruar një ndërhyrjeje kirugjikale në Spitalin Rajonal të Shkodrës dhe sipas burimeve spitalore i mituri tashmë e ka kaluar rrezikun për jetën. 11-vjeçari ndodhet nën kujdesin e mjekëve Shpëtim Ymeri, kirurg, Mefit Gjinushi, ortoped dhe Astrit Beci, okulist, të cilët bënë të pamundurën për t’i shpëtuar jetën fëmijës. Megjithë përmirësimin e gjendjes shëndetësore, 11-vjeçari pritet të dërgohet në Tiranë për një shërbim më të specializuar, kryesisht në profilin e okulistit. Sipas mjekëve, djali i mitur ka pësuar dëmtime në duar, kokë, qafë, etj.
Mësohet se forcat e Komisariatit të Shkodrës dhe ekspertë të ushtrisë ndodhen në fshatin Barbullush ku po kryejnë verifikimet lidhur me këtë ngjarje.


2 Shkurt 2008 Gazeta Albania

I uroj ketij vogelushi sherim sa me te shpejte dhe me shpresen qe policia me qeverine dhe vete populli te marrin masa per armet,qe te mos ndodhin fatkeqesi te tilla te cilat sjellin dhe vdekjen.

Respekte