Akuza dhe sharrje midis deputetit Balla dhe kryeministrit Berisha ne kuvend

[DI_ANA]

Me një mungesë të theksuar etike, kryeministri Sali Berisha përdori dje në Parlament arsenalin e rëndë të fjalorit të tij. Nga tribuna e sallës plenare ai fyeu rëndë dhe kërcënoi hapur deri me heqjen e imunitetit, deputetin socialist, Taulant Balla, të cilin e cilësoi "rrugaç, horr, shpifarak e budalla", e deri tek "njeri kuplarash". Dyshimi i hedhur nga Balla mbi pronësinë e djalit të Berishës, Shkëlzenit tek një kazino në zonën e ish-Bllokut në kryeqytet, ka qenë arsyeja që Kryeministri të shpërthente kaq ashpër, duke përuruar kësisoj i pari nismën për "liberalizimin" e fyerjes dhe shpifjes. "Dëgjo këtu ti, ka një kushtetutë ky vend, dhe Parlament me shpifje nuk sheh ti, a më kupton. Dije mirë, unë kam një durim, por i bindur të jesh ti se unë ta mbyll gojën ty në mënyrën më ekzemplare", - kërcënoi shefi i ekzekutivit. Duke mohuar pronësinë e të birit tek lojërat e fatit në zonën e ish-Bllokut, Berisha i cilësoi të pabaza deklaratat e deputetit socialist. Por nuk u mjaftua me kaq. Ai bëri të ditur se shumë shpejt do ta çojë këtë çështje në gjykatë, duke lënë kështu të kuptohet se do ta padisë Ballën për shpifje. "Do ta mësosh mirë si ta qepësh gojën mor rrugaç. Do ta heq imunitetin mor horr, mbaje mend, do të çoj në gjykatë", - vijoi Berisha. I prekur në sedër nga lakimi në Parlament i familjarëve të tij, Kryeministri mandej preferoi t'i përgjigjej dhëmb për dhëmb Ballës. "Të jesh i bindur ti se ta bëj fytyrën si këpuca po të lakoj emrat e familjarëve të ty. S'të thotë kush ty këtu se në 'iks' bordello janë kapur njerëzit e tu, që në filan bordello janë kapur ato kuplarat e tua. S'ta thotë dot njeri dot këtë, as për lidhjet e tua me kuplarat. Do dalësh nga Parlamenti sa herë të shpifësh, se ti je budalla, ke edukatë kanalesh or horr, or njeri kuplarash", - citojmë nga deklarata e kreut të ekzekutivit. Ndërsa sa u përket pretendimeve të Ballës se jo vetëm në Tiranë, por në të gjithë vendin po lulëzojnë kazino të palicencuara, Berisha sërish i konsideroi këto deklarata si të pavërteta. Brenda të njëjtit kuadër ai reagoi edhe për shkrimet e botuara në media, sipas të cilave zv/ministri i Financave, Sherefedin Shehu luan në kazino. Duke iu drejtuar sërish Ballës, që në fjalën e tij e preku edhe këtë çështje, Berisha tha se "kur të përmendësh Sherefedinin të lash gojën, sepse emrin e tij nuk mund ta ndotësh as ti dhe as ato që shkruajnë këto shpifje, që si moldave goditen me nallane nëpër pub-e", - përfundoi ai.

Tedi Blushi

"Gazeta Shqiptare"

Ps...Ja sa bukur shahen politikanet tane ne Parlament!Nje turp i vertete!

[goldian]

sbesoj se ka kryeminister ne bote qe flet me kete gjuhe
di_ana po me moldavet ckishte qe ishin indinjuar ato?

[DI_ANA]

Reagimi i diplomacisë moldave.

Tedi Blushi

Ministria e Jashtme moldave reagoi dje me një notë proteste pranë qeverisë shqiptare lidhur me deklaratën e Berishës dje në parlament "gazetaret goditen nëpër pub-e si moldave". Në notën e protestës shprehet indinjata e diplomacisë së shtetit moldav për kontekstin në të cilin e përdori Berisha termin përkatës. Sipas notës së protestës, cilësimi i kryeministrit ishte racist dhe fyente ndjenjat e popullit të Moldavisë. Në fakt, dje nuk pati asnjë reagim për deklaratën e Berishës dhe "nota e protestës" është thjesht një trill gazetaresk. E vërteta është dëshpëruese: kreu i qeverisë e përdori termin "moldave" në të njëjtin kontekst në të cilin përdoret termi "shqiptar" në Perëndim.

Gazeta Shqiptare

[DI_ANA]

Replikat,Braçe..Berisha përdor shprehje të fortësh!


Nënkryetari i grupit parlamentar socialist, Erion Braçe gjatë fjalës së tij në Parlament ka akuzuar Kryeministrin Berisha për kërcënim të deputetëve. Braçe i është referuar reagimit të shefit të qeverisë ndaj deklaratës së deputetit të PS-së, Taulant Balla, lidhur me kazinotë në kryeqytet dhe dyshimin mbi pronësinë e djalit të Berishës mbi një prej tyre. "Sjellja juaj nuk është e denjë për një Kryeministër. Nuk gjen sot një Kryeministër në botë që i thotë deputetit "unë ta mbyll gojën në mënyrë ekzemplare", kjo është shprehje të fortësh. Kryeministri ka të drejtën e botës të ketë reagimin e tij brenda etikës parlamentare, por Kryeministri nuk mund të ketë një reagim duke e fyer dhe duke e kërcënuar deri me jetë një deputet", - argumentoi Braçe. Sipas tij, reagimi i ashpër i Berishës ndaj deklaratave të Ballës është i pamoralshëm, përderisa sipas tij ai kohë më parë ka akuzuar për lidhje me krimin dhe përzierje në afera korruptive shumë nga familjarët e deputetëve dhe ish-ministrave socialistë. "Ju vetë jeni paditur për shpifje ndaj të afërmve të deputetëve të opozitës. Ju zoti Kryeministër nuk mund të cenoni lirinë e deputetëve", përfundoi socialisti Braçe.

Gazeta Shqiptare

[DI_ANA]

Pas kazinove fshihet Topi,Bode dhe djali i Berishës.


Tedi Blushi

Deputeti socialist, Taulant Balla akuzoi qeverinë se po favorizon lulëzimin e kazinove të paligjshme në Tiranë, që sipas tij janë në pronësi të Presidentit, djalit të Kryeministrit dhe të ministrit të Financave. Në fjalën e mbajtur në seancën plenare gjatë diskutimeve jashtë rendit të ditës, Balla pretendoi se evazioni fiskal i prodhuar nga hapja e këtyre kazinove pa licencë i kalon 1 miliard lekë në muaj. Kësisoj, ai kërkoi nga ekzekutivi që të ushtrojë kontrolle tek këto lojëra fati nëpërmjet njësive të Policisë Tatimore. "Zoti Kryeministër, po të shkoni në zonën e ish-Bllokut mund të thotë dikush që kjo kazino është e Shkëlzenit. Ju mirëkuptoj që kjo mund të jetë një fjalë "Blloku" dhe e mirëkuptoj që nuk mund të jetë e djalit tuaj, por ju lutem shpjegohuni shqiptarëve se ajo kazino nuk mbrohet nga djali juaj. Një kazino tjetër nëse do pyesni, do thonë që është e Ridvan Bodes, sigurisht zoti ministër nuk është kazinoja juaj, por ajo asnjëherë nuk kontrollohet nga institucionet tatimore dhe si e tillë, shpjegohuni shqiptarëve që ajo nuk është kazinoja juaj. Një njësi tjetër lojërash fati thonë që është e lidhur me Presidentin, e mirëkuptoj, nuk është e lidhur me të, por shkoni kontrollojeni", - pretendoi ligjvënësi socialist, duke saktësuar se ai nuk po akuzon, por thjesht po kërkon nevojën e një kontrolli mbi këto lojëra fati. I fokusuar mandej edhe njëherë tek evazioni fiskal që sipas tij shkaktohet nga këto kazino të palicencuara, ai vuri në dukje se me 1 miliard lek që i mungojnë çdo muaj buxhetit të shtetit mund të ndërtohen mbi 10 ujësjellës çdo muaj. Lidhur me këtë çështje, deputeti socialist, Balla bëri dje të ditur depozitimin edhe të një kërkese për interpelancë me ministrin e Financave, Ridvan Bode. Ndërkohë për akuzat e Ballës për evazioni fiskal, Berisha reagoi menjëherë. "Kam marrë një letër nga pronari i 'Regency Casino', në të cilën renditeshin pretendimet e deputetit shpifarak. Menjëherë kam mbledhur zyrtarët përkatës dhe pas kontrolleve ka rezultuar se të gjithë paguajnë taksat", - ka pohuar kryeministri. Ligji për kazinotë në Shqipëri i miratuar dhe ndryshuar disa herë, parasheh që licenca e kazinosë është monopol dhe me vendim të Këshillit të Ministrave në Shqipëri jepen vetëm 5 licenca për kazino, përkatësisht në Tiranë, Durrës, Shkodër, Sarandë dhe Korçë. Për të marr një licencë kazinoje duhet të paguash dhjete milionë euro në arkën e shtetit dhe pastaj duhet të fitosh të drejtën të kesh lojërat me dorë si, "Black Jack", "Pokeri teksan" dhe rulete me dorë. Përmirësimet e reja ligjore ua kanë ndaluar sallave të lojërave të fatit të përdorin ruleta elektronike dhe të aplikojnë lojërat me dorë që janë monopol i kazinove të licencuara të cilat raportojnë rregullisht taksat në Ministri të Financave. Fenomeni i shpërthimit të lojërave të fatit pa leje, është më i madhi që ka ndodhur në Shqipëri këto 18 vjet.

Gazeta Shqiptare

[Xhuxhumaku]

Normalisht president eshte i nderuari Bamir Topi per te cilin kam respekt dhe kryeminister eshte Sali berisha!

perpara se te shkruash dicka, eshte mire te kesh informacion me te gjere dhe meqe je ne France, ben mire te shfletosh jo vetem gsh-ne.

lexo pak edhe kete linkun ketu
http://www.sot.com.al/index.php?opti...Itemid=1&lang=

ku do te gjesh kete pasazh:

"Balla akuza Berishës për kazinotë
Dje në seancën plenare të parlamentit shqiptar deputeti socialist Taulant Balla hodhi akuza të drejtëpërdrejta mbi kryeministrin shqiptar duke e akuzuar këtë të fundit se i biri tij Shkëlzeni, ministri i Financave Bode dhe Presidenti i Republikës Bamir Topi kanë pronësi mbi kazinotë"

tani, o ti s'e di te verteten, o presidenti Bamir TOPI, s'eshte me i nderuar?

[ajzberg]

Si thoni kane qene shpifje valle ato qe PD thoshte per korrupsionin?Po perse humben socialistet se nuk kishte korrupsion?Gjyqin e nje force politike qe eshte ne pushtet e bejne zgjedhesit kur votojne,apo jo? E keqja e ketij parlamenti eshte se nuk eshte denuar as nje deputet per shpifje e per fyerje,por vetem ne nje rast kur nje deputet i socialisteve qelloi me pistolete Azem Hajdarin.

[Brari]

diana..

taulant balla eshte nje ndyresire e neveritshme ..nje enverist stalinist i qelbur qe dasht zoti nuk merr pushtet kurre ne shqiperi ..
te ishte per taulantballoizmin.. ti diane do ishe sot ne memaliaj si puntore ferme ose shtyrese vagoni dhe bile me keq..e jo vetem ti por gjithe shqiperia perjashto nomenklaturen e larte do ishte ne nivele jetese e dinjiteti me te ulet se te kubanezve e nord koreanve..
kurse prej saliut.. ti sot je ne france e komunikon me ne nga interneti e kuron hallet e tua.. e ne te tregojm solidaritet.. pa te pyetur se..cbiografi ke ..
a i kupton keto gjera..
nuk mund ti kuptoni ca gjera.. prandaj dhe gjejme bishta tek saliu..
mir mir gjeni bishta por pyesni ata qe e kan provuar deri ne rreze hurin.. taulantoballoist..pra enverizmin terbacioto corrushiot.. stalinist te felliqur..

taulant balla eshte nje mi halesh ..kurse doktori sali eshte Krshniku qe solli Lirine atyre qe deshironin Lirine..
taulant balla erion bracja edvin gjinushet..jan shum here me te felliqur se komitet qendrorasit e enverit..

Lavdi Berishes..

[vagabondo_nyc]

Nuk e kuptoj ca krimi beri Di_Ana qe i jeni turr si ujqerrrr(perjashtu Brarin :P). Ajo thjeshte solli nje copez gazete ketu.

Tani nese nuk i pelqen dikujt fjalori banal i shpellarit SAli Ram Berishes kurr mos ti pelqej por ky lloj fjalori i ndryre nuk i shkon per shtat nje kryeministri por vetem nje shpellari.


Sot Shqiperia ka nevoj per lidera humanist qe dijne te percjellin mesazhe paqe dhe bashkimi dhe jo lider percares qe kerkojne koka njerzish neper salla parlamenti apo mitingje.

[DI_ANA]

diana..

taulant balla eshte nje ndyresire e neveritshme ..nje enverist stalinist i qelbur qe dasht zoti nuk merr pushtet kurre ne shqiperi ..
te ishte per taulantballoizmin.. ti diane do ishe sot ne memaliaj si puntore ferme ose shtyrese vagoni dhe bile me keq..e jo vetem ti por gjithe shqiperia perjashto nomenklaturen e larte do ishte ne nivele jetese e dinjiteti me te ulet se te kubanezve e nord koreanve..
kurse prej saliut.. ti sot je ne france e komunikon me ne nga interneti e kuron hallet e tua.. e ne te tregojm solidaritet.. pa te pyetur se..cbiografi ke ..
a i kupton keto gjera..

Brari...

Mos perfito nga dija dhe nga mundesia qe ke per tu marre me politike.Une thjesht thashe ate qe lexova ne gazetat shqiptare,te them te drejten nuk doja ta besoja ,po ja qe eshte e vertete dhe per mua ajo eshte gjuhe rrugaçesh e shkuar rrugaçeve.
Sa per Francen i nderuar,une ndodhem ketu qe ne vitin 1990 dhe kam kaluar midis telave te ambasades dhe gardhit te policeve,edhe pse isha femije!
Dmth rrezikova une dhe ata qe ishin me mua,pasi u ngritem kunder nje rregjimi pa e ditur ku do shkonim se ndejtem gati dy jave duke vuajtur per buke me ankthin se mos futeshim neper burgje.Me kete dua te them qe ne ate kohe ky i mbrojturi yt ishte doktor Sali Berisha dhe i sherbente bllokut!
Dmth ne France nuk me solli ai dhe hallet dhe kurat e jetes nuk mi paguan ai dhe skam marre asnje qindarke nga ai vend.Kam punuar ketu dhe çdo gje e kam me djersen time!Biografia ime si intereson njeriut,ashtu siç nuk me intereson juaja!

Une nuk e njoh personalisht Taulant Ballen,po te njoh ty ketu,njoha gjuhen tende dhe nuk e prisja kete reagim nga ty,duke ma kthyer ne personale.
Sa per ata qe u ngriten per demokraci ishin studentet e dhjetorit qe sot nuk dihet se ku jane me ne krye ish liderin e PD dhe themeluesin e PD,ai qe u ndesh balle per balle me Ramiz Aline,ai per te cilin nuk gezoj asgje nga kjo jete perveç nje lapidari qe mbulohet me ca lule ne diten e vdekjes se tij,deshmori i Demokracise Azem Hajdari.
Me thuaj kujt politikani tjeter i hyri gjembi ne kembe?!
Po i shohim femijet e tyre ne shkollat me te mira te Frances ,Gjermanise,Anglise,Suedise e deri pertej Amerikes,e mos kujto se ne France nuk ka gazeta dhe nuk flitet per ta!
Si mund te shkollohen keta ne nje kohe qe as vete francezet nuk mund te shkollohen ne keto shkolla pa nje burse dhe ndihmen e shtetit?
Ti ke faktin qe populli vuan dhe spo behet asgje...Ku jane premtimet?
Do fakte?Te jap sa te duash...
Ato te mikut tend ti i di,ja une po te tregoj qe kryetare e Parlamentit,vajzen 18 vjeçare me gjithe te dashurin e saj,po i shkollon ne Strasbourg,madje bashkejetojne.Mire vajza,po i dashuri i saj ku e gjeti vizen?Apo e mori te "Ethet e te premtes" ku kendonte?
Po deshe te tjera te them sa te duash...
Persa i perket temes thashe dhe vazhdoj te them qe nje politikan dhe nje njeri i vertete nuk merret me matrapazlliqe qe nga emerimi i ambasadoreve,pa shkolle dhe pa gjuhe te huaj,vetem per faktin se jane tropojane dhe informohu pak meqe merresh me politike dhe mos u mundo te me mbyllesh syte,pasi per mua kjo nuk eshte demokraci.
Dhe kengembul qe ky fjalor eshte i padenje per nje kryeminister edhe sikur ne burg te me fusin,edhe ne Parlamentin Francez jane zene,po keshtu gjuhe nuk eshte perdorur kurre,ka ndodhur nja rast para ca vitesh,kur dikush guxoj te fyente dike tjeter.




Diana