Nexhmije Pagarusha

[daniel00]

http://www.balkanweb.com/kultur%EB/2...-im-78827.html

Nexhmije Pagarusha: Çfarë s'më pëlqen nga klipi im



TIRANE - Ajo është ikona e muzikës shqiptare, ndërsa hiti i saj "Baresha" ende mbetet simbol i këngës, që i ka rezistuar dhe e ka tejkaluar kohën. Kjo e fundit, pas më shumë se 40 vitesh pritjeje, u bë së fundmi edhe me një videoklip, të cilin e ndihmoi Ministria e Kulturës, Rinisë dhe Sporteve dhe Muzeu i Kosovës.

Kënga në interpretim të ikonës së muzikës kosovare Nexhmije Pagarusha, së fundmi u plotësua edhe me një videoklip, dëshirë kjo që Bilbili i Kosovës e kishte prej disa dekadash. Kënga është e realizuar me muzikë të Rexho Mulliqit dhe tekst të Rifat Kukajt, dhe me orkestrën popullore të Radio Prishtinës, nën drejtimin e Isak Muçollit në vitin 1966.

"Kam pritur kaq gjatë që këngën ta sjellim si videoklip, jo pse i nevojitet, por gjithmonë kam pasur dëshirë që publikut t'i sjell edhe një kënaqësi tjetër me 'Bareshën'. Gjithçka është e krijuar vetëm për adhuruesit e mi dhe ka 50 vite që po kërkoj një realizim vizual të saj", - shton Pagarusha, pak ditë pasi videoklipi ka gjetur vend në televizionet tona.

Mirëpo, nëse e shikojmë videoklipin "Baresha" prej 8 minutash, vërejmë se vetë artistja shfaqet pak, gjatë tetë minutave të këngës, në shumicën e kohës aty shfaqen balerinat nga trupa e Baletit të Kosovës, e realizuar në pjesë të ndryshme malore, gjë e cila përkon me vetë mesazhin dhe fabulën brenda këngës. Videoklipi, me t'u plasuar edhe në portalet e internetit, duket se ka zgjuar një debat midis komentuesish.

Disa prej tyre thonë se videoklipi do të duhej të përmbante më shumë figurën e zonjës së këngës, sepse është ajo të cilën ata kanë pritur ta shohin, dhe jo fëmijët e vegjël e balerinat, sado që ato i japin hijeshi dhe rrëfejnë me anë të vallëzimit tregimin e këngës.

"Nuk e di pse tërë kohën dalin këto kinse baresha. Ne e duam Nexhmijën tonë. Do të ishte më mirë të kishim më shumë skena të saj", - thoshte njëri prej komentuesve. Rreth kësaj, edhe vetë Pagarusha thotë se do të donte të kishte më shumë hapësirë në videoklip, duke kërkuar të mos flitet shumë rreth kësaj pune.

"Ndonjëherë nuk e kuptoj artin e pasluftës. Ajo çka ka përfunduar nuk vlen të komentohet. Unë dua që sa më pak të flitet për këtë punë, por kam pritur edhe vetë që të jem më e pranishme në videoklip, jo pse dëshiroj, por e di që adhuruesit duan ta shohin Nexhminë që s'e kanë parë një kohë të gjatë në televizion.

Jam e lumtur që videoklipi ka dalë, e shpresoj t'i pëlqejë edhe publikut",- shton Pagarusha, duke thënë se nuk ka qenë asnjëherë natyrë e ankuar, por e kënaqur që ëndrra e kahmotshme u finalizua.

"Gati 50 vite publiku e ka dëgjuar këngën, dhe me mua ose pa mua në videoklip, e di që prapë ata do vazhdojnë ta duan e dëgjojnë atë", - thotë në fund zonja Nexhmije Pagarusha.

(er.nu/Gazeta Shqiptare/BalkanWeb)

[Ilirana]

Lum si ne qe kemi nje Kanarin!
Bylbyli i Kenges Shqipe, qe ne mbare ish ex Jugsllavin nuk dul femer me kenduar me mire se ajo deri me sot!

[sirena_adria]

Dren Abazi dhe Elina Duni, koncert homazh NEXHMIJE PAGARUSHES në Paris

Nderimi në 80-vjetorin e lindjes së këngëtares

23 tetor 2013

80-vjetori i këngëtares Nexhmije Pagarusha është përshëndetur prej disa muajsh, por së fundi dy këngëtarë shqiptarë i bëjnë asaj homazh me një koncert në Paris. Elina Duni nga Zvicra dhe Zig-Zag Orchestra e Dren Abazit nga Kosova janë të dy të frymëzuar drejtpërdrejt nga këngët e Pagarushës

6 tetor, Théâtre Le Palace në Paris, Elina Duni nga Zvicra dhe Zig-Zag Orchestra e Dren Abazit nga Kosova nderojnë Nexhmije Pagarushën për 80-vjetorin e lindjes. Në praninë e saj një version i këngës “E dehur jam” që Pagarusha e ka kënduar në vitet gjashtëdhjetë kur karriera e saj po hapej në muzikën tradicionale, klasike dhe aktrim.

Kompozitorë dhe poetë shkruan për zërin e saj dhe për mënyrën e saj skenike. Baresha është njëra nga këto krijime që këngëtarët e dy brezave pas Pagarushësh e kanë rimarrë pafundësisht. Elina Duni pagëzoi një album me jazz-in e saj ballkanik.

Koncerti i realizuar nga Rezat Jasa Events është një bashkim rrymash që kërkojnë në muzikën etnike. Është një vazhdimësi në gjurmët e dikurshme në vitet 60-70 kur pranë Radio Kosovës muzikantë të formuar në Akademitë Muzikore të ish-Jugosllavisë kërkonin burime të folkut etnik nga brenda dhe përtej kufijve të Shqipërisë zyrtare.
Kështu ndodhi që edhe një këngë shkodrane si “Kur të jemi bashkë ne të dy” të kalojë nga Pagarusha tek Zig-Zag Orchestra.


VIDEO nga Koncerti ne likun ne vijim :

http://www.abcnews.al/lajme/kulture/4/35462

[sirena_adria]

Nje Intervise shume e bukur e te Madhes PAGARUSHE !

[sirena_adria]

Dancing With The Stars Albania - E ftuar speciale, Nderi i Kombit Nexhmije Pagarusha

[sirena_adria]

Nexhmije Pagarusha feston 83-vjetorin në skenë

Legjenda e muzikës shqiptare, Nexhmije Pagarusha, është ngjitur në skenë për të kënduar për publikun në ditëlindjen e saj të 83-të. Në teatrin Dodona, kori “Zerina” organizoi një event me rastin e 83-vjetorit të lindjes së “bilbilit të Kosovës”.

Edhe pse është larguar shumë e re nga kënga, 51 vjeçe, për shkak të problemeve të kordave vokale, ajo dëshmoi dje në skenë se ende mbetet një këngëtare e madhe. Ngjitja në skenë për të kënduar dy këngë të saj ishte një mënyrë për t’i falënderuar të pranishmit.

Ajo shprehet se nuk është e pasur, por në Radio Prishtina numërohen rreth 150 incizime të këngëve të saj, që janë një pasuri e madhe për të gjthë shqiptarët. Pagarusha jeton në një apartament të vogël në Prishtinë që nuk i kalon të 40 metër katrorët. Prej kohësh ajo është anëtare e shoqatës së Handikapëve në Kosovë ku jep një kontribut tejet aktiv.

Vazhdon të jetë një grua shumë e dashur, mikpritëse dhe e mbushur me emocione shpërthyese. Është një nga këngëtaret më të njohura të Kosovës, e vlerësuar me çmime shumë domethënëse ndër të cilët mund të theksohen ”Bylbyli i Kosovës”, “Këngëtarja e Shekullit”./E.H/

http://www.shekulli.com.al/p.php?id=426504

[sirena_adria]

[sirena_adria]

Mbresa te pashlyeshme nga memoria koncerti I saj ne Tirane ! Thjeshtesisht MAGJI !




U BEFSHI EDHE 100 PRIMADONA E MUZIKES SHQIPTARE !

[sirena_adria]

Nexhmije Pagarusha po i rikthehet muzikës

Data e publikimit të këtij projekti, që me shumë gjasë do të mbajë titullin “Nënë” është 4 mars 2017, në kuadër të festës së gruas e cila është për pak ditë.

Numëron vite mbi supe, shumë prej tyre të suksesshme në karrierë, është kjo Nexhmije Pagarusha e cila vazhdon të mbetet zë i mrekullueshëm.
Artistja e emëruar tashmë me epitetin “Bilbili i Kosovës” nuk e ka përfunduar rrugën e saj të përjetshme me muzikën, kjo pasi shumë shpejt ajo do të rikthehet me një projekt të ri shumë të veçantë dhe shpirtëror.

Telegrafi mëson se Nexhmije Pagarusha kësaj radhe do të vijë me një bashkëpunim me këngëtaren Yllka Kuqi, me një këngë tepër të veçantë dedikuar nënave. Në një prononcim ekskluziv për Telegrafin, këngëtarja Pagarusha rrëfehet për këtë rikthim të veçantë pas kaq vitesh në skenë.
“Nuk e di a ka ndonjë njeri të paprekur nga ata që e kanë përjetuar vdekjen e prindit, e në veçanti të nënës, ideja për këtë këngë më ka mahnitur shumë, ndaj dhe ftesën e Yllkës e kam mirëpritur me kënaqësi”, tha ajo për Telegrafin.

Teksti i këngës është bazuar në një ngjarje të vërtetë, dhe është shkruar nga një vajzë e cila e ka humbur nënën, e ndjera e cila ishte njëkohësisht edhe mikeshë e ngushtë e këngëtares Pagarusha, një arsye më shumë për të marrë pjesë në këtë projekt.
“Tekstin e këngës e ka shkruar vajza e një shoqes sime të ndjerë, me të cilën kam pasur një miqësi shumë të mirë, ndërsa Yllka e ka kënduar në mënyrën më të mirë të mundshme”, shtoi më tej ajo.

Yllka dhe Nexhmija nuk janë të vetmet këngëtare të cilat do të marrin pjesë në këtë këngë, pasi në zërat përcjellës do të jenë Leonora Jakupi e Genc Prelvukaj, gjersa protagonistë në klip janë aktorët e njohur të skenës sonë: Ylber Bardhi, Fatos Kryeziu dhe Adriana Matoshi.

“Klipi ka përfunduar xhirimet para pak ditësh, jemi ndarë të kënaqur me realizimin. Unë vazhdoj t’u përgjigjem projekteve të veçanta në muzikë përderisa ende kam forcë, atëherë kur unë të të mos mundem, do të them mjaft”, ka përfunduar Nexhmije Pagarusha në rrëfimin e saj për Telegrafin. / KultPlus.com 

http://www.kultplus.com/?id=6&l=19716

[sirena_adria]

Kenaqesi e madhe ta shikosh ende aktive ...... edhe pse ne forme tjeter.