Futbollistet Shqiptare Ne Evrope

[SUPERSTAR_N1]

futbolistet shqiptare ne Evrope.....

[SUPERSTAR_N1]

Myrtaj kërkohet nga Verona
Pas Bolonjës, në gjurmët e vlonjatit të Çezenës, Florian Myrtaj, është vënë edhe Verona e kategorisë së dytë. Sulmuesi i kombëtares sonë, i cili, deri tani, ka shënuar 10 gola në këtë sezon (Serinë C1) është blerë nga Parma dhe më pas është huazuar te Çezena. Një kalim i tillë është arritur falë një marrëveshjeje miqësore të dy presidentëve të skuadrave respektive. Para tri ditësh, gazeta lokale e Veronës, "L'Arena", shkruante se shqiptari Myrtaj, i cili ka shënuar një numër të konsiderueshëm golash me Çezenën, nuk është shumë i ri, por po bie në sy për forcën konkluduese. Gjithsesi, vetë Myrtaj, i pyetur nga media sportive lokale për këto zëra, ka hedhur poshtë çdo mundësi të lëvizjes së tij, deri në janar, në ndonjë skuadër tjeër. Siç thotë vetë ai, presidenti i Parmës e ka lejuar të shkojë e të luajë në Çezenë, pasi ka marrëdhënie shumë të mira miqësore me presidentin e skuadrës së këtij qyteti. Ndërkaq, Çezenën, skuadrën që vazhdon të mbajë vendin e parë në Serinë C1, e pret sot një ndeshje e vështirë. Në fushën e saj, skuadra e Myrtajt do të presë miqtë e Varezes, duke synuar një fitore të radhës. Nga ana tjetër, sulmuesi i saj shqiptar, Myrtaj, dëshiron të shënojë sërish dhe të rrisë kuotën e golave të tij.

[SUPERSTAR_N1]

Fatmir Vata, 90 minuta me Arminian
Mesfushori-sulmues i kombëtares shqiptare, Fatmir Vata, i cili luan në Bundesligë me Arminian Bielefeldin, ka zhvilluar një ndeshje të denjë dje, përballë skuadrës pritëse të Kotbusit. Sikurse bëhet e ditur në sajtet zyrtare të këtij aktiviteti, ndeshja në fjalë është përshkuar nga tensione të shumta, çka e tregojnë edhe 7 kartonët e verdhë dhe një i kuq, të dhënë për futbollistët e të dyja skuadrave. Të parët që kanë kaluar në avantazh kanë qenë vendësit me anë të Kabylanskit në minutën e 8-të të pjesës së parë. Më vonë, në të 66-ën minutë të ndeshjes, skuadra e Energie të Kotbusit ka shënuar edhe golin e dytë, duke ia vështirësuar punën Arminias. Gjithsesi, pas këtij disavantazhi, futbollistët e Mohlmanit kanë ngulmuar me forcë, derisa kanë gjetur golin e vetëm në këtë ndeshje, të cilin e ka shënuar Kauf në minutën e 71-të.

[SUPERSTAR_N1]

Skela, në formacion me Frankfurtin
Mesfushori i kombëtares shqiptare, Ervin Skela, duket se ka përfituar kësaj here nga dënimi i shokut të skuadrës, Monteros, për t'u aktivizuar me Eintrahtin e Frankfurtit që nga minuta e parë. Mesfushori shqiptar i kësaj skuadre të kategorisë së dytë në Gjermani, në ndeshjen ndaj Unionit të Berlinit, ka qenë njëri nga titullarët e atij barazimi të vështirë ndaj vendësve berlinezë, duke bërë një paraqitje dinjitoze. Gjithsesi, në plan të parë gjykohet se vlonjati kuqezi ka përfituar direkt nga dënimi i David Monteros, lojtarit me numrin 6 tek Eintrahti i Frankfurtit. Por me lojën që zhvilloi të premten në Berlin, ai e ka justifikuar më së miri aktivizimin e plotë nga trajneri i tij. Skela thuhet se ka zënë vendin e Monteros në këtë ndeshje, pasi ky i fundit ishte dënuar me 10 mijë euro gjobë, ngaqë kishte shkuar në stërvitje duke drejtuar një makinë në gjendje të dehur. Në këto rrethana, drejtuesit e klubit e pezulluan nga ndeshja e radhës. Pas barazimit 1-1 me Unionin e Berlinit, Skela ka pohuar se ndiente emocione të shumta gjatë gjithë lojës: "Skuadra e Unionit ishte etapa ime e parë e karrierës si futbollist në Gjermani, më 1994. Edhe pse luajta kundër tyre, mund të them se ndihesha si në shtëpinë time. Nuk mund t'i harroj kollaj tifozët e tij, sepse më kanë mbështetur shumë kur isha këtu." Skela, këtë sezon, ka qëndruar më shumë në stol, duke u aktivizar shpesh si lojtar rezervë.

[SUPERSTAR_N1]

Tare, titullar në Bergamo
Igli Tare mendohet të jetë në derbin lombard, i cili do të luhet mes Breshias dhe Atalantës, në Bergamo. Një fakt i tillë bëhet i ditur në gazetat sportive italiane të ditës së djeshme, të cilat njoftojnë praninë e shqiptarit në formacionin e parë të Macones. Tare, gjatë gjithë kësaj jave përgatitore për këtë takim, është stërvitur më vete, pasi ka pasur një dëmtim të lehtë muskular. Mjekët e skuadrës së Breshias e kanë pasur sulmuesin tonë të kombëtares gjatë gjithë kohës nën kontroll, për ta pasur të gatshëm në këtë sfidë të vështirë dhe delikate.

[SUPERSTAR_N1]

Fakaj, sot premiera me Duisburgun
Vlonjati tjetër i kombëtares shqiptare, Ervin Fakaj, i cili nënshkroi një kontratë me skuadrën gjermane të kategorisë së dytë, Duisburgun, pritet të luajë sot ndeshjen e tij të parë me skuadrën e re. Duke parë formacionet paraprake, të deklaruara nga trajnerët e të dyja skuadrave, mbrojtësi kuqezi mund të jetë në prapavijën e Duisburgut që nga minuta e parë e ndeshjes ndaj Manhaimit. Sipas shtypit lokal sportiv, shqiptari ka arritur t'ia mbushë mendjen shumë shpejt trajnerit të tij, prandaj, brenda pak javësh qëndrimi te kjo skuadër, ka siguruar vendin e titullarit.

[SUPERSTAR_N1]

Auron Miloti, golashënuesi i Worlg
Shkodrani Auron Miloti, i cili luan në divizionin e parë të Austrisë, me skuadrën e Worlg, ka shënuar sërish në javën e fundit, duke u kthyer në golashënuesin më të mirë për skuadrën e tij. Futbollisti në fjalë, ka disa sezone që aktivizohet me këtë skuadër, duke mbajtur vendin e titullarit në sulm. Edhe në takimin e djeshëm të Worlgit ndaj ekipit "Austria Lustenaua", Auron Miloti ka shënuar. Majde goli i tij, i shënuar në minutën e 29-të pjesës së parë, u ka hapur rrugën edhe dy golave të tjerë për skuadrën e tij. Në përfundim të ndeshjes, Worlg ka fituar bindshëm, me rezultatin 3-1, duke u renditur në vendet e para të këtij aktiviteti futbollistik austriak. Sikurse dihet, Miloti e ka filluar karrierën e tij si futbollist në qytetin e lindjes, me Vllazninë e Shkodrës për të kaluar më pas te skuadra e Tiranës për një sezon. Pas këtij stacioni të fundit në kampionatin shqiptar Miloti vazhdon të luajë si titullar në divizionin e parë austriak, me Worlg.

[Shijaksi-London]

Në ndeshjen e Vitit të Ri midis yjeve të futbollit botëror që do të luhet në Abu Dabi të Arabisë Saudite më 3 janar do të jetë edhe një futbollist shqiptar.

Ai është Artim Shaqiri, futbollisti shqiptar i ekipit kombëtar të Maqedonisë.


Shaqiri thotë për BBC-në se kjo ndeshje është një ëndërr për çdo futbollist, që ai e realizon përveç me suksesin e tij, mbase edhe me pak fat.



Është një ëndër pak e parealizueshme për të cilën të duhet edhe pak fat.


Artim Shaqiri,
futbollist shqiptar në Maqedoni



"Oferta erdhi në klub dhe e pranova," tha Shaqiri i cili luan tani me klubin bullgar CSKA e Sofies.

"Kjo është një ëndërr të cilën e dëshiron çdo futbollist, ... është një ëndër pak e parealizueshme për të cilën të duhet edhe pak fat," tha ai në një intervistë për BBC në shqip.

Shaqiri, futbollisti që të gjithë e mbajnë mend për golin e tij të shkëlqyer në ndëshjen Angli - Maqedoni, do të luajë me ekipin e seleksionuar botëror ku përfshihen edhe yje si Batistuta, Rui Costa, Baggio, Piere Henry, etj.

Viti 2002 për të shënoi sukses të madh. Vetëm disa ditë më parë ai u zgjodh futbollisti më i mirë nga Maqedonia që luan jashtë vendit.

Shaqiri ndodhet tani në proces bisedimesh për të kaluar me klubin anglez West Brom.

Nëse bisedimet përfundojnë me sukses, në fillim të janarit ai mund të luajë ndeshjen e parë në Premier League kundër Manchester United.

[Blerim London]

ej vella ashtu eshte
ai eshte nje lojtare shum i mire
edhe ate gol qe i beri anglis do embajne mend anglezet sa te jen gjall
ishalla e shikojm me edhe ate kety ne kete kampjonat shum te bukure
te pershendes shum per informacjonin

Me respekt Blerimi

[SUPERSTAR_N1]

Tare merr vlerësime pozitive
Disa gazeta sportive italiane, gjatë javës që u mbyll, kanë dhënë vlerësime pozitive për shqiptarin e Breshias, Igli Tare. Midis tyre, më e njohura është "La Gazzetta dello Sport", e cila i ka vënë një nga notat më të larta, duke e nxjerrë mbi Roberto Baxhion dhe shumicën e skuadrës. Ja vlerësimet përkatëse, të dhëna për sulmuesin e kombëtares sonë dhe të skuadrës së Macones: "Giornale di Brescia" 6, "Gazzetta dello Sport" 6.5, "Sport Stadio" 6.5, "Tuttosport" 5.5. Ndër lojtarët e skuadrës, vetëm Miçilo dhe Matuzalem vlerësohen më të mirë se Igli, ndërsa Apiah dhe Sheriç kanë nota të njëjta. Ndërkaq, tifozë të Breshias kanë shprehur përmes internetit në adresën e klubit të "dallëndyshkave" zemërimin e tyre për 3 humbjet radhazi. Dikush prej ultrasve shkruante: "Të gjithë jemi të hidhëruar. Menduam se skuadra di të luajë, por, edhe kur e bën mirë këtë, i mungon diçka më e rëndësishme, zemra... Dhe pastaj, kur mundemi, të gjithë ne i sulemi Tares. Kjo nuk është aspak e drejtë. Në Bergamo ai luftoi dhe ishte i rrezikshëm...,ndërsa Guana, breshian si ne, luajti pa shpirt, njëlloj si Baxhio, Petruci, Martinezi e të tjerët me radhë".
Myrtaj, golat e vënë në qendër të merkatos
Futbollisti i kombëtares shqiptare, i thirrur me kuqezinjtë për dy ndeshjet e fundit kualifikuese të evropianit 2004, vazhdon të jetë pika referuese e sulmit të Çezenës në Serinë C1. Golat e shënuar rregullisht prej tij në çdo ndeshje, me një rregullsi të përsosur, kanë bërë që vrojtimet dhe gjuetia e klubeve të ndryshme italiane për të jenë të shumta. Që nga 17 shtatori i këtij viti e deri në javën e kaluar, media italiane ka botuar disa artikuj që flasin për interesimin e Veronës, Bolonjës dhe Torinos për vlonjatin kuqezi. Nga ana tjetër, drejtuesit e Parmës, që zotërojnë kartonin prej 750 mijë eurosh të Myrtajt, nuk preferojnë ta lëshojnë këtë futbollist. Ndërkaq, Francesko Paolo Spekia, dekan i trajnerëve në Serinë C, me 25 vjet karrierë, është shprehur për shqiptarin, i cili cilësohet prej tij si "Flo-Gol": "Myrtaj mund të shkojë lart". Më tej ai shtjellon mendimin e tij: "Ku mund të arrijë Myrtaj? Patjetër, shumë lart, nëse vazhdon me këto nivele. Ai shënon me një frekuencë çarmatosëse, jeton për golin dhe e kërkon atë me dinakëri. Për mua kjo është një nga cilësitë e tij kryesore, të cilave u bashkohet edhe aftësia për ta kontrolluar topin. Ai e ka golin në gjak dhe e gjen me shumë mënyra". Gazetarët sportivë lokalë e kanë pyetur profesor Spekian në se Myrtaj ka ndonjë defekt. Nga ana e tij, dekani i trajnerëve gjykon: "Ndoshta në fizik. Është shpërthyes dhe kjo duket qartë, por nuk ka trupin e një Bierhofi. Në kategoritë më të larta mund ta ketë më të vështirë ndaj kundërshtarëve më të fuqishëm". Gjithsesi, në historinë e këtij klubi italian Myrtaj ka hyrë bujshëm dhe menjëherë. Data 9 shtator: tre gola në debutim. Diçka që nuk e kishte bërë askush më parë. Pas dy muajsh, Florian Myrtaj vazhdon të vendosë një tjetër rekord: që nga e diela është i huaji që ka shënuar më shumë gola te Çezena, brenda një sezoni të vetëm.
Zvicër