Topi dekreton ndryshimet në Prokurorinë e Përgjithshme

[Antimafia]

Shume dakord Antimafi.

Po kam hall se kjo cuca e re kryeprokurore nuk i njeh as kush jane as ca kane bere kta prokuroret e rinje qe do sjell kjo.

Ata te vjetrit dihet se cfar dhe si ishin. Prandaj duheshin larguar.

Me keta te rinjte, Ina Rama, barazimin e ka ne xhep (luan vetem per fitore).

Sepse keta te rinjte më cope-cope se kaq nuk mund ta gjenin situaten dhe me keq se kaq nuk mund ta bejne edhe sikur te duan.
Pra mbetet qe te bejne dicka me mire.

[AlbaneZ]

Analiza e organit të akuzës: Kriminaliteti është në të njëjtat nivele me vitin e kaluar


Policia nuk është në nivelin e duhur profesional. Akuza për uniformat blu është bërë gjatë analizës njëvjeçare të punës së Prokurorisë së rrethit të Sarandës. Nga Prokuroria e Sarandës është ngritur pretendimi për nivelin e dobët të oficerëve të policisë, që janë pjesë e komisariateve të policisë në Sarandë e Delvinë. Kryeprokurori i Sarandës, Sali Hasa, tha se ata kanë treguar mangësi në formimin e tyre profesional dhe në administrimin e provave, të ardhura këto edhe nga ndryshimet e shpeshta në këtë strukturë.

432 llogaritet të ketë qenë numri i procedimeve të bëra nga organi i akuzës në rrethin gjyqësor të Sarandës për vitin e kaluar. Kjo duket disi e frikshme krahasuar me 275 të tilla që i përkasin vitit 2006. Por kreu i prokurorisë sqaron se pavarësisht kësaj diference në leximin shifror të realitetit, kriminaliteti qëndron në të njëjtat nivele. "Nuk është rritur kriminaliteti, por profesionalizmi i hetuesve në hetimin e veprave dhe kundërvajtjeve penale në rajonin tonë, duke nisur nga Saranda, Delvina, Konispoli dhe 13 komunat e zonave rurale", u shpreh Hasa. Ky ka qenë vlerësimi themelor i organit të Prokurorisë së Sarandës në analizën e punës për vitin e kaluar. Hasa e ka evidentuar si arritje hetimin korrekt dhe në kohë e brenda afateve që përcakton ligji, me gjithë mungesat e ndjeshme organike. Fakti që pjesa më e madhe e procedimeve kanë shkuar për gjykim dhe nga akuzat e ngritura gjatë një viti nuk është dhënë asnjë vendim pafajësie, është paraqitur gjithashtu si tregues i profesionalizmit në rritje në organin e akuzës.

Kreu i prokurorisë lokale, Hasa, është shprehur edhe për përballjen me dukuri që vijnë nga mosnjohja në shkallën e duhur të legjislacionit nga komuniteti. Ndodh rëndom që prokurorisë i bëhen kallëzime të shumta e të shpeshta nga qytetarë, të cilët i drejtohen organit të akuzës pasi kanë mbetur të pakënaqur nga gjykata për përcaktimin e gjyqfituesve nga ana e saj. "Sidomos në procedimet civile paraqiten kallëzime në prokurori për falsitet dokumentesh", tha Hasa. Shqyrtimin e tyre ai e ka quajtur humbje kohe si për organin që drejton, ashtu edhe për qytetarin, duke qenë se këtë ata mund ta kërkojnë nga gjykata në çdo kohë.


© Gazeta Shqip