Misteret e "incestit", dëshmitë rrëzojnë akuzën

[Flori]

Shtohen enigmat, bien dyshimet. Hetuesit: Mund të jetë një histori e sajuar

Një histori incesti e sajuar apo reale!? Kjo është enigma që policia, prokuroria dhe mjekësia ligjore në Tiranë, po mundohen t‘i japin një përgjigje familjes Isufaj në fshatin Laknas në kryeqytet. Megjithëse Policia e Shtetit ka dokumentuar dy kallëzime nga dy pjesëtarë të familjes, sipas së cilës gjithçka është e vërtetë, prokuroria ka hedhur në dyshim pretendimet, duke deklaruar se ngjarja është sajesë. Megjithatë, mjekësia ligjore, e cila mund të ndihmonte hetuesit për të verifikuar dyshimet e ngritura, ka nxjerrë një ekspertizë, sipas të cilës vajza është defloruar kohë më parë, por nuk përcaktohet nëse 58-vjeçari Ramadan Isufaj ka kryer marrëdhënie seksuale me vajzën e tij me dhunë. Një kopje e ekspertizës nga mjekësia ligjore i është servirur dje Prokurorisë së Tiranës, e cila po vijon hetimet për këtë rast. Nga burimet pranë akuzës bëhet e ditur se pas denoncimit të vajzës dhe nënës së saj në komisariat, oficerët e policisë gjyqësore kanë shoqëruar 24-vjeçaren për ekspertizë në mjekësinë ligjore. Vajza i është nënshtruar sërish një ekspertimi të dytë, i cili i është dorëzuar akuzës së kryeqytetit, ku bëhen të ditura edhe detajet e analizave. Burimet thanë se materialet e ardhura janë bashkuar në dosje dhe po verifikohen nga hetuesit e çështjes mbi bazën e incestit të 58-vjeçarit. Por një tjetër dyshim i organit hetimor është se gjithçka ka qenë një sajesë dhe në ditët në vazhdim pritet që në prokurori të pyeten edhe "protagonistet" e denoncimeve. Sipas burimeve, nëse konstatohet dyshimi i mësipërm, atëherë do t‘i kërkohet gjykatës lirimi i Ramadan Isufajt.

Hetuesit e çështjes thanë se gjithçka varet nga deklarata e vajzës dhe nënës së saj, të cilat disa ditë më parë, në Komisariatin e Policisë Nr.4 në Tiranë, akuzonin 58-vjeçarin se kishte kryer veprimet e turpshme me vajzën, duke e kërcënuar atë të mos tregonte, si dhe duke përkeqësuar në këtë mënyrë gjendjen mendore të saj, deri në tentativë vetëvrasjeje. E pyetur përse nuk kishte denoncuar më parë këtë ngjarje, Shpresa Isufaj tha se ishte në dijeni të këtij veprimi, por kishte frikë dhe turp nga banorët e tjerë të fshatit. Ndërkaq, veprimi i dyshuar i Isufajt konfirmohet edhe nga vetë vajza e mitur, teksa deklaronte se kishte turp të tregonte. Ndërsa në masën e arrestit me burg, Ramadan Isufaj tha se "nuk e kam përdhunuar kurrë vajzën time". Ai ka pretenduar se gjithçka ishte një sajesë e gruas së tij, të cilën i pandehuri pretendoi se e kishte zënë në flagrancë me të dashurin e saj. "Pasi e kapa me një burrë në shtëpinë tonë, ajo më akuzoi mua se kisha shkuar me vajzën tonë, por kjo nuk është e vërtetë", mësohet të ketë thënë Isufaj përpara trupit gjykues.

Grupi hetimor tha dje se çështja është kthyer në "luftë dëshmish". Mësohet se janë administruar me dhjetëra dëshmi nga familjarët, të cilët konfirmojnë dhe hedhin poshtë incestin në familje. Megjithatë, 58-vjeçari rrezikon një dënim të rëndë, pasi ekspertiza mjeko-ligjore ka rikonfirmuar dyshimet e ngritura.

[cufi british]

Inskenimi i një incesti, vajza tërheq denoncimin




58-vjecari i arrestuar per incest



Tronditje në polici për trillimin e një historie të tmerrshme incesti. Hetuesit: Për statusin e vajzës të vendosë prokurori. Një fantazi e shfrenuar, pa marrë parasysh pasojat, një inskenim apo një histori e vërtetë incesti që zgjaste prej një dekade? Inspektorët e policisë që u përballën të parët me dëshminë e 23-vjeçaresnga Laknasi i Tiranës janë në dilemë, për historinë e çuditshme që e besuan për të vërtetë, pak ditë më parë. Paraditen e djeshme, vajza e cila denoncoi të atin për dhunë seksuale është sorollatur sa në polici, në prokurori, për të tërhequr denoncimin e saj. Nuk ka qenë aq e lehtë për të, të dilte nga kjo histori, me të njëjtin naivitet që i hyri. Burime nga policia e Tiranës pohuan dje se çështja i ka kaluar prokurorisë dhe i takon prokurorëve të marrin vendimin. "Nëse vajza e ka sajuar gjithë historinë, meriton burgun, në të kundërt i ati meriton të mbyllet për vite të tëra në qeli",-pohon për "Shekullin" një inspektor policie që është marrë me çështjen.Megjithatë, pikëpyetjet e shumta e kanë bërë grupin hetimor më të përgjegjshëm, për t'ia lënë zbardhjen e kësaj çështjeje mjekësisë ligjore.

" Vajza me iniciale E.I. ka humbur virgjërinë, por nuk është përdhunuar ndonjëherë para dhe pas arritjes së pjekurisë seksuale". Në këtë përfundim kanë arritur ekspertët e mjekësisë ligjore, të kryesuar nga gjinekologo-obstetrikë, të cilët kanë ekzaminuar vajzën, duke përpiluar më pas raportin të cilin tashmë e kanë dorëzuar pranë Prokurorisë së Tiranës. Burimet zyrtare pranë organit të akuzës konfirmojnë për "Shekullin" se gjatë ekzaminimit të shtetases 23 -vjeçare është arritur në përfundimin se vajza është e defloruar (ka kryer seks) por nuk mund të përcaktohet koha apo personi me të cilin mund të ketë kryer marrëdhënie seksuale. Gjithashtu, është konstatuar se ndaj saj nuk ka pasur ndonjë marrëdhënie seksuale me dhunë, që mund të sjellë dëmtime në pjesën e vaginës"-thuhet nga burimet e prokurorisë. Ndërkohë, po në këtë akt-ekspertimin e depozituar në zyrën e prokurorit të çështjes, thuhet se "gjatë kryerjes së akt-ekspertimit nuk mund të përcaktohet kur dhe me cilin person ka kryer marrëdhënie seksuale". Mësohet gjithashtu, se vajza me inicialet E.I. ka kërkuar të tërheqë denoncimin në polici, por zyrtarisht njoftohet se pranë prokurorisë së Tiranës, ku dosja ndodhet për hetime të mëtejshme, nuk ka pasur asnjë kërkesë të tillë për tërheqje denoncimi. "Kemi lexuar në media një prononcim të vajzës që thotë se ka sajuar të gjithë historinë për ta arrestuar babanë për shkak se ushtronte dhunë mbi ta. Për organin e akuzës, nëse rezulton se kjo është e vërtetë do të ndiqen penalisht vajza me inicialet E.I. dhe nëna e saj me inicialet Sh.I. për kallëzim të rremë ndaj bashkëshortit",-thuhet nga burimet e akuzës.

Ndërkohë, vetëm dy ditë më parë gjatë seancës gjyqësore të vleftësimit të arrestit, 58- vjeçari R.I. i akuzuar nga e shoqja dhe vajza për "përdhunim" ka mohuar gjithçka duke akuzuar bashkëshorten se ka sajuar gjithë historinë për të qenë e lirë nga bashkëshorti i ligjshëm. "Nuk kam kryer asnjë nga ato akuza që m'i ka bërë gruaja dhe vajza ime. Të gjithë këtë histori e ka sajuar gruaja për shkak se do të më largojë nga shtëpia, pasi ka një lidhje tjetër dhe kur jam unë në shtëpi, nuk e takon dot. Ajo e ka nxitur vajzën time të mashtrojë kundër meje, për të më izoluar në burg",-ka thënë 58- vjeçari para gjyqtares së gatshme të masave dy ditë më parë. Kjo e fundit, me kërkesë të akuzës vendosi të lërë në qeli 58- vjeçarin nën masën e sigurisë "arrest me burg" për akuzën e dhunës së ushtruar ndaj bashkëshortes.

Ndërkohë, edhe prokurori i çështjes në seancën gjyqësore ka pranuar se nuk ka asnjë provë tjetër përveç dëshmisë së vajzës E.I. dhe nënës së saj Sh.I. për të vërtetuar pretendimet e tyre në lidhje me akuzat për "përdhunimin" e vajzës për 11 vjet rresht, siç kanë denoncuar dy kallëzueset. Sipas prokurorisë, vetëm katër ditë më parë, efektivët e komisariatit nr.5 të Kamzës pas marrjes së denoncimit për dhunë në familje arrestuan 58- vjeçarin me inicialet R.I. Por, me t'i vendosur prangat 58- vjeçarit, e shoqja dhe vajza e tij, i janë drejtuar zyrës së hetimeve pranë këtij komisariati, duke denoncuar historinë e incestit 11- vjeçar. Vetë vajza, në prani të nënës së saj ka rrëfyer në polici se babai e ka përdhunuar që në moshën 13- vjeçare dhe më pas kryente marrëdhënie seksuale të vazhdueshme me të, duke e kërcënuar që mos të tregonte për veprimet që kryente.

Gjithashtu, kësaj dëshmie i është shtuar edhe kallëzimi se 4 vjet më parë, kur vajza ishte 19 vjeçe ka abortuar një fëmijë, si fryt i lidhjes së tyre të fshehtë. Sipas prokurorisë, gjatë hetimeve të mëtejshme pritet që të vërtetohen këto dëshmi të vajzës dhe bashkëshortes së tij, por pak gjasa ka që kjo histori të rezultojë e vërtetë, porsa kohë vajza 23-vjeçare ka kërkuar të tërheqë denoncimin.

[Blue_sky]

Po keto paskan qene familje e çthurur totalisht. Se merr vesh i pari te fundit.
I ati qe supozohet te kete perdhunuar te bijen.
E bija seks me te dashurin qe adoleshente.
E ema ne krevat me dashnorit...

Booo

[Xhuxhumaku]

Po keto paskan qene familje e çthurur totalisht. Se merr vesh i pari te fundit.
I ati qe supozohet te kete perdhunuar te bijen.
E bija seks me te dashurin qe adoleshente.
E ema ne krevat me dashnorit...

Booo

familje telenovelash, si n'Evrope dhe BRAZIL, chuchushe

ka noj psikolloge ktu, te na bej ndonje shpjegim?