Skandali i KLSH_se,fsheh raportin për Durres_Kukes

[DI_ANA]

25/01/2008 - 06:08
•

Ka konstatuar 99,6 milionë lekë të reja dëm financiar nga abuzimet e kryera me paratë e shtetit në Drejtorinë e Rrugëve Kontrolli i Lartë i Shtetit. Periudha e kaluar në “sitë” përfshihet midis 1 janarit 2005 deri më 31 dhjetor 2006. Por, pjesa më e pritur e këtij raporti, të paktën për publikun e gjerë, po mbahet e fshehtë. Në një konferencë shtypi, u theksua dje nga ana e këtij istitucioni se, meqë Prokuroria e Rrethit Gjyqësor Tiranë që në mars të vitit të kaluar ka sekuestruar të gjithë dokumentacionin e tenderit të ndërtimit të rrugës Rrëshen-Kalimash dhe ka filluar procedimin penal, raporti përfundimtar i kontrollit lidhur me këtë çështje i është përcjellë organit të akuzës. Të pyetur dje në drekë nga Gazeta, pas kësaj deklarate, në se kishte mbrritur apo jo raporti në Prokurori, përfaqësues të akuzës iu përgjigjën në mënyrë negative.
Propozimi
Masa e parë, që ka propozuar KLSH për rregullimin e gjendjes në Drejtorinë e Përgjithshme të Rrugëve, është ajo që ky institucion të kalojë në vartësi direkte të kryeministrit. Si një Ent Kombëtar, jo më në vartësi të Ministrisë së Transportit. Kjo do të parashikonte edhe kompetenca apo përgjegjësi më të gjera, por edhe një kontroll më të ngushtë nga ana e kreut të Ekzekutivit. Ky propozim nuk mund të mos bëjë përshtypje për dy arsye kryesore. Së pari, nuk i takon KLSH-së të ofrojë propozime të tilla, të cilat duket qartë se i janë kërkuar nga dikush në qeveri. Me çështje të tilla merret parlamenti, i cili duhet të ndjekë edhe një praktikë konsultimesh të gjera, deri sa të arrihet në një konkluzion. Së dyti, propozimi, pikërisht në momentin kur po përflitet direkt kryeministri dhe njerëzit më të afërt të tij, familjarë apo të rrethit miqësor të bijve të tij, të paktën të thuash, nuk është në rrugën e duhur. Për më tepër, realizimi i tij të le të kuptosh një kontroll jodemokratik nga numri një i qeverisë, që gjithnjë e më shumë merr pushtete direkte. Gjë, që edhe ministri Olldashi, por jo vetëm ai, zor se do ta pëlqente.
Shkeljet
Institucioni i zotit Çeku është kujdesur ta shtrijë sa më gjatë në të kaluarën kontrollin e tij, duke futur sa më shumë në të muaj të qeverisë së mëparshme. Për periudhën 1 janar 2005-31 dhjetor 2006, konstatohen shkelje në masën gati 100 milionë lekë të reja, dëm për buxhetin e shtetit. Fajtorë kryesorë për këtë janë rreth 10 punonjës, të cilët janë përcjellë në Prokurori. Nuk bëhet e ditur asgjë lidhur me konstatime shkeljesh në Rrëshen-Kalimash.

Marre nga "Gazeta Shqiptare"

[DI_ANA]

PS: Basha abuzoi, doreheqje
Oli Xhilaga
E Enjte, 31 Janar 2008

Qeveria "Berisha" ka deformuar qellimisht procedurat e prokurimit publik per tenderin e rruges Durres-Kukes". Kjo ishte akuza e radhes e ardhur nga Partia Socialiste, e cila ne vijim te zbardhjes se raportit te fundit te Kontrollit te Larte te Shtetit per rrugen Durres-Kukes, eshte perqendruar ne nje tjeter fakt, qe ngarkon serish me pergjegjesi ish-ministrin e Transporteve, Lulzim Basha. Konkretisht, sipas socialisteve, "Ecorys Group" paracaktohet te pergatite dokumentet e tenderit, per ndertimin e segmentit Rreshen-Kalimash, duke konfirmuar se eshte partnere e qeverise. Keshtu, dhe gjate dites se djeshme, Partia Socialiste vijoi linjen e saj akuzuese ndaj ministrit te Jashtem, Basha. Nenkryetari i Grupit socialist, Erion Brace, ne komunikimin e tij me mediat u ndal pikerisht ne pjesen e raportit, qe lidhet me perzgjedhjen e konsulentit per rrugen Durres-Kukes, qe eshte firma "Ecoris Group".

Brace vuri ne dukje se "konkluzioni i raportit te KLSH perputhet me ate te eksperteve te FMN-se qe procedurat e ndjekura nga ministri Basha jane ne kundershtim me ligjin. Rregullat baze te prokurimit duhet te ishin rregullat e Bankes Boterore, te BE-se dhe KE-se. Ky konstatim sjell ne vemendje faktin qe ish-ministri i MPPTT-se qellimisht ka deformuar procedurat permes "Ecoris Group" per te shmangur konkurrencen dhe transparencen ne prokurimin publik te kesaj ceshtjeje. Ajo qe mbetet te deklarojme pas raportit te KLSH-se eshte kerkesa jone permanente qe ministri Basha te jape doreheqjen". Nenkryetari i Grupit parlamentar socialist, Brace, sqaroi me tej duke vene ne dukje faktin se gjithe shkelja behej ne favor te kompanise "Bechtel Enka".

"Ish-ministri i Transporteve, Lulzim Basha, ka dhunuar hapur procedurat e tenderit. Pjese e dhunimit, behet edhe qeveria e kryesuar nga Sali Berisha, duke i hapur rruge "Ecorys Group", te behet pjese e tenderit. "Ecorys Group" paracaktohet te pergatite dokumentet e tenderit, duke konfirmuar se eshte partnere e qeverise", ka deklaruar Brace. Per te, kompania "Ecorys Group", eshte perzgjedhur qellimisht, per te shmangur garen dhe per te percaktuar fituesin e tenderit te ndertimit dhe ne kete kendveshtrim, "Ecorys Group" ka mbrojtur interesat e "Bechtel Enka", vecanerisht per cmimet. Madje, duke ironizuar pretendimin e ministrit Basha, sipas te cilit ai ende nuk eshte njohur me kete raport, Brace u shpreh se "i kam marre masat, qe me ane te postes elektronike, t'i ve ne dispozicion Bashes nje kopje te raportit. Me deklarimin e tij, qe Basha tha se do jete drejtesia qe do jap verdiktin, nenkuptoj se ai kerkon nga prokuroria qe ta coje ceshtjen ne gjykate".

Tenderi

"Qeveria e Republikes se Shqiperise, posacerisht ministri i Transporteve i asaj periudhe, Lulzim Basha, ka ndertuar nje proces te tere korruptiv, per sa i perket procedurave te prokurimit publik te ndertimit te rruges Rreshen-Kalimash, duke shmangur garen, duke shmangur konkurrencen dhe duke paracaktuar fituesin per ndertimin e segmentit shume te rendesishem dhe te kushtueshem"

Abuzimi

"Me daten 15.03.2006, Vendimi i Keshillit te Ministrave, nr. 158, tenderi i hapur sipas procedurave te BB-se per projektin e zbatimit dhe dokumentet e tenderit. Me date 9.6.2006, ne perputhje me rregullat e BB-se, Komisioni i Vleresimit te Ofertave, ka kualifikuar 6 kompani te huaja per te vazhduar fazen e metejshme te ketij tenderi. Natyrisht qe mes ketyre kompanive nuk eshte 'Ecorys Group'"

Partneriteti

"Kompania 'Ecorys Group' paracaktohet te pergatite dokumentet e tenderit, duke konfirmuar se eshte partnere e qeverise. Ne vleresimin tone, kompania 'Ecorys Group', eshte perzgjedhur qellimisht, per te shmangur garen dhe per te percaktuar fituesin e tenderit te ndertimit. 'Ecorys Group' ka mbrojtur interesat e 'Bechtel Enka', vecanerisht per cmimet"

Gazeta "Koha Jone"

[goldian]

po mire abuzoi po denim ska
apo o burra abuzo bej lek jep doreheqje
edhe ne austri dretori i bawag bankes popullore 74 vjec eshte ne proces per abuzim
dhe pse njerezit e tij milioner i kerkojne shtetit te paguajne edhe me shume se c eshte abuzuar vecse mos ta lene ne burg prap se prap shteti thote jo.prtitet denimi ku mund te vdes ne burg
tek ne o burra nje muaj te jesh minister ska nevoje fisi te punoje me