Avni Elmazi

[biligoa]

ZAIM BEQIRI :


VARGJE KUSHTUAR AVNIUT

(Qëndrimi i matur dhe burrëror i Avniut
e kishte merituar edhe një emër.
Ne të burgosurit në burg e thirrnim :
G J Y S H I )


Linde në ditët e stuhishme
Jeta t'u bë plot stuhi
Ti do të rritesh edhe më,
O i dashuri Avni !

[biligoa]

NË "SHLLAJFERNO" TË IDRIZOVËS

( Avni Elmazit )

Qysh si fëmijë -
e dëgjova këngën për Ty
Në odë të burrave -
jehonte kushtrimi .
Atje në male - në vetmi
në log -
fitonte Avni trimi.

Avni !
Tek makina ta lexova emrin
atje ku punuam ne të dy !
Në "Shllajferno " që ata e quanin
dhe vriteshi të ri !

Pas burgut sërish u takuam,
Sërish mu duke shumë i ri
pluhuri s'të dëmtoi , Avni,
se më i fortë ishe ti !

Sytë liqej malesh të mbetën
ferri s'ti lodhi assesi,
n' Itali të dy i mbylle
se hasmi -
të përcolli ty !

Legjendë u shndërrove
ndër brezëri
Avni ! Martir i qëndresës !
Kushtrim urtësie për liri
për ditët tona të shpresës...!
__________________

[biligoa]

Hamdi ISLAMI :


LAJMI PËR NJË METEOR

( Martirit Avni Elmazi )


Nuk deshëm kështu të të njohim Avni Elmazi
me ftesat që na i prunë në këtë përvjetor
se s'ishte kjo thirrje të të mbështjellë gazi
por ishte lajmi për një meteor.

Ne morëm udhën e largët të vijmë,
të kalojmë fusha, gryka e male
për disa çaste me ty të rrijmë
siç rrijnë njerëzit që kanë shumë halle.

Dhe do të rrijmë me ty, me kujtimin tënd
këtu ku kokën përgjithmonë ke vënë
bashkë me nderimin , aty në një kënd
lule, zemër e vargje do të vëmë !

Do të lëmë për ty martiri Avni
se dhe ti ke lënë këtu për t'na mbledhë
t'i biem mu në kokë gjarpërit të zi
që helmin midis nesh mos e derdhë !__________________

[biligoa]

Arianit RAMADANI :


KËNGA E QËNDRESËS

( Poetit Avni Elmazi )

Ti kënga e jonë e qëndrimit,
vigani i shtigjeve - rrëfimit !

N' Idrizovë jehonë lirie
varg i lirë i një brezërie !

Në vargje ngritur - Shtëpi e Ferrit
nga bijtë e shqipes, trim i Skenderit !

Rrethuar në pranga e n'robëri
të pathyer për Arbëri !

Shkamb më shkamb e mal më mal
kënga jote - ideal !

Na jep shpresë ta ruajmë Sërmnovën
ta kthejmë n'zemër si Libohovën !

Që Lindi e rriti Avni Rrustemin
Për ta mposht Esat veremin !

E ti vëlla Avni Elmazi
këngë qëndrese për shtypësa Kaukazi !
__________________

[biligoa]

Isa S A D I K U :


VARGJE PËR AVNI ELMAZIN


I heshtur dole si gjithmonë
por u ktheve në jehonë

Avni vëlla sot - tribun rrite
kënga jote rreze drite

Vepra jote flamur qëndrese
vigan madhi i një shprese

Dole nga ferri i Idrizovës
Avni Rrustem i Sërmnovës

Se çdoherë - mposhte tradhëtinë
që ne ta gëzojmë Pavarësinë !

[biligoa]

Poezia është marrë nga përmbledhja Shpirt i shqetësuar e poetit Shaban Xheladini, i cili, kaloj shumë vite në burg me Avniun.

IDRIZOVË SHTËPI E FERRIT

Me mijëra korba, krra-krra bëjnë
Mbulesën e kuqe, të zezë e bëjnë
Në katin e fundit, atje lart
Korbat e zinj po pinin gjak

Po pinin gjak, gjak shqiptari
Kështu ka urdhëruar komandari
Komandar, ore Kërstja i zi
Me gjak shqiptarësh nuk je ngi.

Kështu thoshte Avniu i ri
Hiç pa frikë, plot krenari
Kjo ishte devizë e çdo shqiptari
Në përjashtim të ndonjë tradhtari

Kërste bisha, komandiri
Valentija e Tomë topalli
Shumë egërsira, shkije milica
Mbytën djem shqiptarë, si Fatmir Reçica

Qëndroni o burra, thoshte , Avniu i ri
Se i vjen fundi edhe këtij ferri
Bashkohuni o burra, thoshte Xhaferri
Se pa bashkim nuk ka liri

[feneri]

Në përvjetorin e vdekjes së Avni Elamazit, pas kthimit nga Bari , Në Sërmnovë të Gostivarit, në prani të shumë qytetarëve të mbledhur nga Gostivari, Kërçova, Dibra, Tetova, Kumanova, morën pjesë edhe nga shoqata e shkrimtarëve të Kosovës, dhe nga Televizioni Shqiptar i Shqipërisë !

Në Vitpërkujtimin e vdekjes së Avni ELMAZIT, shoku i burgut Shaban XHELADINI,( i ndjerë ), tha :

AVNIU ISHTE I GUXIMSHËM DHE DINAMIK...

[feneri]

Shaban XHELADINI :

AVNIU ISHTE I GUXIMSHËM DHE DINAMIK


Më kujtohet viti 1975, kur organet e pushtetit sllavo-shovenist më kishin burgosur dhe më kishin dërguar ta vuaj dënimin prej 11 vjetësh në këtë burg, për herën e katërt. Sipas tyre : Paskam vepruar kundër popullit dhe klasës punëtore dhe socializmit të tyre !

Iu nënshtrova torturave më çnjerëzore, ashtu si gjithë të tjerët...

Në njërën prej atyre ditëve të gushtit që më shpien në "Shllajferno" , që do të thotë burg në burg, më afrohet një djalosh 25 vjeçar dhe më përshëndet :

-Mirëdita baci Shaban !

[feneri]

E shikova mirë e mirë për disa çaste dhe ia ktheva përshëndetjen me dashamirësi.
Pastaj më tha ngadalë se : Jam Avni Elmazi ! Jam nga Sërmnova e Gostivarit.

Desha t'u tregoj !, vazhdoj Avniu. Se organet e burgut na kanë porositur neve ca të burgosurve, që mos të kontaktojmë me ju. Dhe, na janë kërcënuar se , po qe se e bëjmë këtë, do të ndërmarrin masa të rrepta.

-Baci Shaban! Pa marrë parasyshë se na kanë ndaluar të flasim me ju, unë nuk do ta bëj këtë ! Përkundrazi, unë gjithnjë do të kontaktoj me Ju ! Nëse do të keshë nevojë për ndihmë, trego! Jam gati të të ndihmoj !

[bili99]

AVNI ELMAZI

Ti bujk, mesues, coban.
Ti malesor trim, punetor.
Ne dore Ti shkopin mban,
Perballe nje fshat te tere.

Si t'njihje kufinjte Ti ?
Ne malet e vendit tend.
Robnuar , jetoje ne liri,
Vendlindjes kend me kend.

Na mohuan gjuhen neve,
bagetise, kullosen dhe barin.
Ky soj i me te pafeve,
Rob desh te mbaje shqiptarin.

Ashtu ngrysur , menduar,
i urte dhe s'deshe luftim.
Por c'ti beje turmes terbuar,
Provuan tendin guxim.

E kam emrin Avni,
Me hapni rrugen te shkoj.
Jam dhe une vendali,
dhe une ketu jetoj.

Shumice ishin ata,
dhe mesuesi i ri ishte vete.
U be nam , u be hata,
u be lufte e vertete.

Eshte e vertete ,kot s' thone,
Fati i prin vec guximtarit.
ngjarje qe kujtohet gjithmone,
Mesuesi me zemer t'shqiptarit.

I shtriu te gjithe per toke,
Arme kishte shkopin per bageti.
Arme zjarri kishin ata marroke,
zemren zjarr ,ky djale i ri.

Kohe te tjera ishin athere,
teli i ciftelise te mori.
"Kenga e mesuesit",ish per ne nder,
dhe tmerr per at soj horri.


Kujtim e mbaje per jete,
ate takim,ate doreshterngim.
O , shqiptar i vertete,
O, amanet per clirim.

Dhe lajmi zi kur erdhi,
me kujtohet si sot.
Kortezhin e gjate e zverdhi,
me ligeshtim, lule dhe lot.

Tek varri ku pushon,
malet kurore permbi.
Me emrin Tend , Iliriden mbron,
Lavdi Avni, ....... Lavdi...



Kam pasur privilegjin te takoj mesuesin Avni Elmazi, pas daljes nga burgu.Ishte tipik shqiptar, malesore si ne pershkrime burrnie kanunore,tipike shqiptare.Trup mesatar,me mollza pak te mprehta, mustaqe vesh me vesh, i urte dhe njekohesisht i gjalle.....Vertete ne ate kohe shume te rrept per ne atje ku neve na trjtonin me se keqi ishte nje kenge ne mesin e pak kengeve qe kendoheshin ilegalisht atkohe per kushtet dhe rrethanat e atehershme, ishte nje kenge qe na trimeronte, thirrte per qendrese dhe dinjitet njerezor dhe kombetare,ishte "Kenga e Mesuesit, Kenga e Avni Elmazit",kenge qe na rikujtonte sa here qe e ndegjonim ne konak te dasmave se c'soj jemi ne, se duhet guxim dhe dinjitet edhe kur je vete perballe nje katundi por edhe kunder nje shteti te tere..Avniu ne vetmbrojtje zbrapsi fshatin e tere te sllavomaqedonasve qe ia zune rrugen pa te drejte dhe duke llogaritur se do te bejne sic kishin planifikuar , duke ndjere mburrje tipike sllave njeqind me nje athere jane trima ata.Por, ndodhi mrekullia qe quhet drejtesi dhe trimeri shqiptare, Avniu e cau rrethimin dhe i sakatoi edhe fizikisht kete sakatet nga truri.....
Ne kohen kur ndegjova lajmin per vdekjen tragjike te Avniut ne Itali , une kam qene ne vendlindje , me kujtohet si sot ..ne mesin e shume shqiptareve nga gjithe trevat kam qene edhe une nje pjestare i atij kortezhi te piklluar te Popullit Tim, ne varrim te Avni Elmazit, ketij njeriu qe beri nje akt trimerie te rralle per kohen, mundesine dhe rrethanen....Lavdi Avni Elmazit

me nderime,
bili99

P.S.
Te pershendes i nderuar Feneri dhe te falenderoj qe ke perkujtuar nje njeri me emer te atij nenqielli, nje njeri unik Avni Elmazin...rrofsh!