Poetët ditën e Martë

[Agim Doçi]

POETËT ditën e Martë!.....

Poetët e trishtuar nga pavioni i të marrëve
dalin me pizhamat e kohës amorale!...
Numërojnë të premtet e të vetëvrarëve
dhe nisin vajin marramendshëm në korale.

Pa ngrihuni poetë! Ju të dashurit e mi!
Dhe lini bubuzhelët të sorollaten në mjerim...
të thurim së toku një Hymn t'i vëmë në vij
Të gjithë të trishtuarit në një Grand Parakalim!

Le të ndezim ngado zjarre të anti inkuizicionit
të shpallim me të madhe Vitin e Dashurisë!
Ka ardhur koha e mbrapshtë e ekzibicionit
Le të bëjmë edhe né Sfilatën e Poezisë!

Vërtet jemi shpirtbrishtë shpesh dhe rënkojmë...
Se nuk e dimë ku vemi, as dhe nga vijmë!
Po le t'i themi Botës se dimë të Dashurojmë
të ndezim zjarrin poetik dimë

[Agim Doçi]

Poeti të Enjten...

Rreshtohen
çastet,
orët,
ditët,
javët,
muajt,
vitet,
shekujt e…
mijëvjeçarët në… kuadrate kalendarësh.
Datat shtyjnë njera tjetrën
Njerzit po ata.
Hallet po ato
Stresse shqiptarësh.
Katundet
Qytetet
mëhallat
rrugicat
zgjerohen e ngushtohen
jeta në TENDER.
Kazanët e plehrave plot e përplot
Qentë dhe macet në konsesus
llapaçisnin mbeturinat njerzore...
gazetat nxijnë nga kronikat e zeza
Vlora don REFERENDUM
Çfar të bëj un?!...
Fërshëllej motivin e këngës “Jeta kërkon dashuri”
Interesant!!!!
Dhe kjo këngë nxit sherr
Nxit mllefet
Përtej tyre nxin një JURI.
Çudia më e madhe zgjat 3 ditë!!!
Po sikur të bëj një çorbë
me të gjitha meloditë
Pastaj ta gris kalendarin
e ditët do t’i numëroj me kalendarin kinez
Hë si thoni?...
Do të kisha sukses???
Mendimin ma preu një çift i dashuruar
Që fërshëllenin motivin “Zemrat i lamë peng”...
dhe putheshin të dy
Pranë kazanit të plehrave
Ku hedhur ishte një gazetë
E në faqen e saj të pistë lexohej
“Dallaveret e një gjykimi!...”

[Palma]

Realja ne poezi!

...dhe une qe s´di te fershellej, ate nate belbezova nder buze..."Jeta kerkon dashuri".

Suksese, Agim!

[hope31]

si ju, fershellej te njejten melodi te kenges "jeta kerkon dashuri"

[Syku]

POETËT ditën e Martë!.....

Poetët e trishtuar nga pavioni i të marrëve
dalin me pizhamat e kohës amorale!...
Numërojnë të premtet e të vetëvrarëve
dhe nisin vajin marramendshëm në korale.

Pa ngrihuni poetë! Ju të dashurit e mi!
Dhe lini bubuzhelët të sorollaten në mjerim...
të thurim së toku një Hymn t'i vëmë në vij
Të gjithë të trishtuarit në një Grand Parakalim!

Le të ndezim ngado zjarre të anti inkuizicionit
të shpallim me të madhe Vitin e Dashurisë!
Ka ardhur koha e mbrapshtë e ekzibicionit
Le të bëjmë edhe né Sfilatën e Poezisë!

Vërtet jemi shpirtbrishtë shpesh dhe rënkojmë...
Se nuk e dimë ku vemi, as dhe nga vijmë!
Po le t'i themi Botës se dimë të Dashurojmë
të ndezim zjarrin poetik dimë

Pershendetje Agim.
Lexoj vargjet e mesiperme dhe mahnitem me gjendjen tende poetike "te nje niveli vertet te admirueshem", ndaj s'mundem te mos te't'uroj perzemersisht:
Urime dhe suksese!