Shpresat për ndryshime!

[DI_ANA]

Gati lëvizjet në Prokurorinë e Tiranës


Tiranë - Në sitën e inspektorëve të Prokurorisë së Përgjithshme do të kalojnë edhe ato dosje për të cilat është vendosur pushimi apo pezullimi i hetimeve. Ndonëse ende nuk është prezantuar me gjithë prokurorët, duket se kryeprokurorja Ina Rama po përgatit lëvizjet dhe transferimet për Prokurorinë e Tiranës. Zërat për lëvizjet të mundshme, kryesisht në radhët e drejtuesve, janë bërë më të shpeshta në ditët e para të vitit 2008. Por përpara lëvizjeve konkrete pritet që kryeprokurorja të urdhërojë një kontroll në Prokurorinë më të madhe të vendit, në atë të Tiranës, e cila përballon gati gjysmën e procedimeve dhe kallëzimeve penale në shkallë vendi. Sipas burimeve kontrolli pritet të përfshijë të gjitha dosjet që janë hetuar nga prokurorët e Tiranës gjatë vitit 2007. Në sitën e inspektorëve të Prokurorisë së Përgjithshme do të kalojnë edhe ato dosje, për të cilat është vendosur pushimi apo pezullimi i hetimeve. Ndoshta rezultatet e këtij kontrolli për secilin nga prokurorët, do të jenë edhe një farë prezantimi i kryeprokurores Ina Rama me vartësit e saj të kryeqytetit. Pasi duket se këta të fundit nuk e kanë shansin të prezantohen me shefen e tyre të re, qoftë edhe për t’u njohur me prioritetet e punës së saj në krye të organit të akuzës. Pas këtij kontrolli pritet që të firmosen edhe lëvizjet në radhët e drejtuesve të Prokurorisë së Tiranës, disa prej të cilëve ka gjasa që të kryejnë detyra të tjera nga ato që kanë kryer deri tani.

18 Janar 2008

Gazeta Albania

Le te shpresojme qe kjo kryeprokurore te beje ndryshime dhe te arrije te ndaloje korrupsionin e krijuar ne Shqiperi edhe te njerezit e ligjit dhe Gjykatat!


Respekte

[DI_ANA]

Nishani: “Dimension në luftën antikorrupsion”


TIRANË - “Lufta kundër korrupsionit të shtrihet në të gjithë territorin e vendit”. Në një takim të organizuar të mërkurën në Drejtorinë e Përgjithshme të Policisë së Shtetit, me drejtues qendrorë dhe vendorë të strukturave të policisë për luftën kundër krimit ekonomiko-financiar, ministri i Brendshëm, Bujar Nishani, tha se “duhet t’i jepet një dimension i ri luftës kundër korrupsionit, duke e shtrirë atë në të gjithë territorin e vendit. Motoja jonë, e juaja, e qytetarëve është e thjeshtë ‘Tolerancë zero ndaj krimit’. Për këtë arsye ju keni dhe do të keni gjithmonë mbështetje të plotë nga ana jonë për të vënë përpara përgjegjësisë penale çdo zyrtar që abuzon me detyrën, pavarësisht postit që mban”, - tha ministri Nishani. Ministri Nishani, duke vlerësuar punën e bërë gjatë vitit të kaluar nga këto struktura në luftën kundër korrupsionit, theksoi se “beteja me krimin ekonomik dhe korrupsionin është një betejë që u përket të gjithë shqiptarëve. Puna juaj, për këtë vit duhet të fokusohet në bashkëpunimin më të ngushtë me komunitetin dhe institucionet e zbatimit të ligjit për marrjen e informacioneve në lidhje me veprimtari korruptive nga individë e struktura shtetërore”, - vijoi ministri Nishani.


Gazeta Albania

[IL__SANTO]

DI_ANA korrupsioni ka lindur me boten.Eshte e kot te perpiqesh ta luftosh pasi do bllokosh rruget e vogla te korrupsionit por ato ku xhirojne leket e medhaja nuk i bllokon dot pasi jane vet politikanet qe vendosin edhe si rrjedhoje mendojne qe eshte me mire te shtojne pasurit e tyre edhe te presin korrupsionin e vogel dmth policin qe merr 5000 lekshin.Nuk eshte korrupsion ky i fundit por miliardat qe qarkullojne brenda qeveris edhe humbasin ne menyre te cuditshme sikur ti kete zhdukur David Copperfild.


Mgjt Shpresa eshte e fundit qe vdes.

[DI_ANA]

DI_ANA korrupsioni ka lindur me boten.Eshte e kot......

Nuk i kuptoj keto debatet e tua,une jam per luften kunder korrupsionit dhe luften kunder mizerjes dhe fitimin e drejtesise!
Ky eshte zanati im i nderuar,kete profesion kam dhe me takon te flas dhe te ndihmoj me aq sa mundem dhe kjo eshte nje lufte qe duhet te behet nga te gjithe,te gjithe se bashku!
Shpresa vdes e fundit....e pse jo?!

[IL__SANTO]

DI_ANA gjithmone i marrke me sy te keq opinionet e mia.

Nuk eshte se une nuk jam kunder tyre por me thuaj te lutem me gjithe shpresat tona te shumta cfare ka ndryshuar ne 18 vjet ne vendin tone?????????
Gjithe jeten do e kalojme duke shpresuar pa arritur ta shikojme Shqiperine ashtu si e mendojme valle????

[DI_ANA]

DI_ANA gjithmone i marrke me sy te keq opinionet e mia.

Nuk eshte se une nuk jam kunder tyre por me thuaj te lutem me gjithe shpresat tona te shumta cfare ka ndryshuar ne 18 vjet ne vendin tone?????????
Gjithe jeten do e kalojme duke shpresuar pa arritur ta shikojme Shqiperine ashtu si e mendojme valle????

Derman....

Me vjen keq ,po nuk i marr ashtu opinionet e tua!
Po dua pak me teper kurajo nga ty dhe nga te tjere....po si te luftoj vetem une aman
E vertete kjo qe thua,nuk kane ndryshuar shume gjera,pervec hapjes se hoteleve luksoze qe si ke as ne Paris,makinave me te shtrenjta qe si blejme dot ne ketej duke punuar gjithe jeten,kapitalizmit dhe materializmit te shthurur,dhe nje pjese derrmuse e popullit qe nuk ka buke te haje!
Eshte shtuar korrupsioni dhe blere ligji dhe poilitikanet...ja cfare eshte bere per 18 vjet!

Respekte

[IL__SANTO]

Derman....

Me vjen keq ,po nuk i marr ashtu opinionet e tua!
Po dua pak me teper kurajo nga ty dhe nga te tjere....po si te luftoj vetem une aman
E vertete kjo qe thua,nuk kane ndryshuar shume gjera,pervec hapjes se hoteleve luksoze qe si ke as ne Paris,makinave me te shtrenjta qe si blejme dot ne ketej duke punuar gjithe jeten,kapitalizmit dhe materializmit te shthurur,dhe nje pjese derrmuse e popullit qe nuk ka buke te haje!
Eshte shtuar korrupsioni dhe blere ligji dhe poilitikanet...ja cfare eshte bere per 18 vjet!

Respekte

Atehere Shume e Nderuar DI_ANA ti mendon se kjo e reja do bej spastrim????????


Diten kur do nisi lufta kunder Korrupsionit ne rradhe te pare te Politikanet atehere do fillojne te lindin Shpresat e mia per rregullimin e Shqiperise.

Deri atehere eshte e kot te Iludoj veten me shpresa te kota.

[DI_ANA]

Ina Rama “harron” analizat vjetore të prokurorive

TIRANE -Ndonëse jemi në fund të muajit janar, Prokuroria e Përgjithshme mund të cilësohet nga institucionet e vetme që nuk ka analizuar punën e një viti më parë. Jo vetëm kaq, por të paktën deri dje nga zyra e shtypit të Kryeprokurores Ina Rama nuk konfrimohej të ishte përcaktuar asnjë datë për zhvillimin e analizës. E njëjta situatë paraqitet edhe në prokuroritë e rretheve, të cilat zakonisht i kryenin analizat e punës së tyre gjatë dy javëve të parë të muajit janar. Ndërkohë që deri më tani nuk konfirmohet që ndonjë përfaqësues i Prokurorisë së Përgjithshme të ketë marrë pjesë në analizën e ndonjë prej prokurorive të rretheve. Arsyet e kësaj harrese nuk bëhen të ditura. Ndoshta Kryeprokurores së re, Ina Rama nuk i intereson periudha gjatë së cilës nuk kishte të bënte fare më Prokurorinë e Përgjithshme, e cila drejtohej nga ish-kryeprokurori Theodhori Sollaku. Aktualisht duket se Kryeprokurorja është më e angazhuar për kryerjen e reformës në institucionin që ajo drejton si dhe përcaktimin e emrave që do të lëvizin dhe të atyre që do të emërohen. Ndërkohë që informimi i publikut në lidhje me eficencën e punës së organit të akuzës gjatë 2007, është lënë në hije. Sikur të mos mjaftonte kjo “harresë”, edhe ato të dhëna statistikore për vitin e kaluar që ishin publikuar në faqen zyrtare të Prokurorisë së Përgjithshme në internet, në kohën kur në krye të këtij institucioni ishte Sollaku, janë fshirë. Nuk ishte e vështirë të kuptohej se thuajse të gjitha të dhënat statistikore që ishin botuar kanë qenë një kundërpërgjigje kundër akuzave të maxhorancës ndaj ish-kryeprokurorit Theodhori Sollaku. Të dhënat tregonin numrin e procedimeve të regjistruara nga organi i akuzës, ato të dërguara për gjykim, të pezulluarat dhe ato të pushuarat. Aty pasqyrohej edhe numri i kërkesave të bëra nga të dënuarit për lirime të parakohshme për shkak të gjendjes shëndetësore dhe qëndrimi i prokurorëve ndaj tyre. Por pavarësisht faktit që këto të dhëna u publikuan në kundërpërgjigje të akuzave të maxhorancës ndaj ish-kryeprokurorit Sollaku, ato ishin të dhëna zyrtare të një institucioni, të cilat nuk mund të fshihen apo të hiqen sipas dëshirës së drejtuesve të rinj.

Marre nga "Gazeta Shqiptare"

[DI_ANA]

Urdhërat e Ina Ramës që nga emërimi

Shkruar nga Aulona Kadillari

Ina Rama nuk ka qejf daljet e shpeshta në publik. Por zyra e saj në Prokurorinë e Përgjithshme gëlon nga puna. Që nga 22 nëntori i vitit të kaluar, ku ajo u emërua në postin e Kryeprokurores, e deri më sot, ka lëshuar 15 urdhra. Kjo do të thotë se ajo e ka nisur reformën në mënyrë konkrete. Gazeta "Tirana Observer" boton sot 15 urdhrat e Kryeprokurores Ina Rama, dhënë për vartësit e saj. Duke filluar që nga forcimi i punës me të gjitha hallkat e prokurorisë.

E duke vazhduar më pas me takimin e të gjithë prokurorëve, ku dhe aty nuk kanë munguar udhëzimet e numrit një të organit të akuzës.
Mendimet
Ka nisur të ecë me hapa të ngadaltë, por të sigurt. Nuk ka hyrë me "shpatë" të madhe në organin qendror të akuzës, por ka nisur punë qetësisht me stafin e paraardhësit të saj. E madje, jo vetëm kaq, hulumtimi i saj në Prokurorinë e Përgjithshme ka nisur që nga momenti i marrjes në dorëzim të postit. Për ta bërë sa më të pranishëm këtë fakt, vetëm disa ditë më parë ka shpërndarë në duart e të gjithë prokurorëve dhe hetuesve një formular. Në këtë të fundit do të shënohen të gjitha idetë e tyre në lidhje me reformën në organin e akuzës apo edhe për strukturën e saj.
Urdhrat
Ka bërë një mbledhje me të gjithë vartësit e saj të të gjitha prokurorive të rretheve. Gjatë prezantimit që ka bërë nuk ka lënë pas as urdhrat, udhëzimet për të gjithë drejtuesit e organeve të akuzave në të gjitha qytetet. Por urdhrat e Ina Ramës për funksionimin sa më mirë të organit të akuzës nuk janë vetëm brenda mureve të prokurorisë, por edhe jashtë saj. Një nga këto urdhra është përqendrimi i forcave në hetimin e çështjeve që lidhen me luftën kundër krimit të organizuar, krimit ekonomik, korrupsionin, lëndët narkotike etj. E më pas ka vazhduar me urdhrin e hetimit të çështjeve, të cilat duhet të bëhen pa abuzuar me zgjatjen e hetimeve. Orientim për një prezencë më të madhe të prokurorëve ku ndodhin krime të rënda, si dhe veprime procedurale të një procesi hetimor, udhëzon Rama për vartësit e saj. Nuk ka harruar edhe forcimin e rolit dhe pavarësisë të prokurorit në hetimin paraprak në raport me drejtuesit e prokurorisë. Madje edhe forcimin e disiplinës në punë të prokurorëve si pjesë e performancës dhe etikës së prokurorit, duke ruajtur sekretin hetimor dhe dhënë informacionin në rrugë institucionale nëpërmjet zëdhënësve respektivë të prokurorive të rretheve dhe Prokurorisë së Krimeve të Rënda. Një urdhër është edhe përkushtimi i drejtueseve të prokurorive në kohë të plotë të hallkave të organit të akuzës dhe angazhimin e tyre në proceset gjyqësore në çështje të veçanta. Një udhëzim është edhe forcimi i kontrollit të brendshëm nëpërmjet kontrolleve të ushtruar nga prokurorë më të lartë tek prokurorë më të ulët. Inspektimet në bazë të ligjit për prokurorinë në të gjitha organet e akuzës.
Reforma
Nuk ka lënë pas as reformën në Prokurorinë e Përgjithshme nëpërmjet ristrukturimit të kësaj hallke. Përcaktimi në mënyrë të detajuar i detyrave të çdo drejtorie dhe sektori që do të funksionojë pranë zyrës së prokurores së Përgjithshme, është një urdhër për punonjësit që janë brenda godinës së organit qendror të akuzës. Plotësimi i formularit me 14 pyetje, i dhënë nga Prokuroria e Përgjithshme për hetuesit dhe prokurorët e të gjitha prokurorive, ku do të jepen mendime për reformën në këtë institucion. Të punohet me çështjet dhe të përfundohen, të dërgohen në gjykim, të disponohet me një vendim me një akt procedural për fatin e tyre. Sipas ligjit për organizimin e prokurorisë, do të merren masa disiplinore për prokurorët që nuk zbatojnë ligjin. Por edhe rivendosja e raporteve mes dy institucioneve: Prokurori dhe Polici.

Urdhrat e Ina Ramës

1. Forcimi e bashkëpunimi i punës me të gjitha hallkat e prokurorisë.

2. Përqendrimi i forcave në hetimin e çështjeve që lidhen me luftën kundër krimit të organizuar, krimit ekonomik, korrupsionin, lëndët narkotike etj.

3. Hetimi i çështjeve duhet të bëhet pa abuzuar me zgjatjen e hetimeve.

4. Orientim për një prezencë më të madhe të prokurorëve ku ndodhin krime të rënda, si dhe veprime procedurale të një procesi hetimor.

5. Forcimi i rolit dhe pavarësisë të prokurorit në hetimin paraprak në raport me drejtuesit e prokurorisë.

6. Forcimi i disiplinës në punë të prokurorëve si pjesë e performancës dhe etikës së prokurorit, duke ruajtur sekretin hetimor dhe dhënë informacionin në rrugë institucionale nëpërmjet zëdhënsve respektivë të prokurorive të rretheve dhe Prokurorisë së Krimeve të Rënda.

7. Përkushtimi i drejtuesve të prokurorive në kohë të plotë të hallkave të prokurorisë dhe angazhimi i tyre në proceset gjyqësore në çështje të veçanta.

8. Forcimi i kontrollit të brendshëm nëpërmjet kontrolleve të ushtruar nga prokurorë më të lartë tek prokurorë më të ulët.

9. Inspektimet në bazë të ligjit për prokurorinë në të gjitha organet e akuzës.

10. Reforma në Prokurorinë e Përgjithshme nëpërmjet ristrukturimit të kësaj hallke.

11. Përcaktimi në mënyrë të detajuar i detyrave të çdo drejtorie dhe sektori që do të funksionojë pranë zyrës së prokurores së Përgjithshme.

12. Plotësimi i formularit me 14 pyetje, i dhënë nga Prokuroria e Përgjithshme për hetuesit dhe prokurorët e të gjitha prokurorive.

13. Të punohet me çështjet dhe të përfundohen, të dërgohen në gjykim, të disponohet me një vendim, me një akt procedural për fatin e tyre.

14. Sipas ligjit për organizimin e prokurorisë, do të merren masa disiplinore për prokurorët që nuk zbatojnë ligjin.

15. Rivendosja e raporteve mes dy institucioneve: Prokurori dhe Polici.

Gati lëvizjet e reja në organin e akuzës

Kryeprokurorja e re, Ina Rama, ka bërë gati ndryshimet në Prokurorinë e Përgjithshme dhe ato të rretheve. Burime të sigurta pranë stafit të prokurores së Përgjithshme bënë të ditur për gazetën "Tirana Observer", se, në projekt të Kryeprokurores janë disa lëvizje me krerët e prokurorive të rretheve dhe të stafit të saj. Ina Rama është në studim të emrave dhe së shpejti do t'i bëjë publik se cilët do të jenë ata prokurorë apo prokurore që do të jenë në krye të prokurorive të rretheve. Të njëjtat burime bënë të ditur se, më favoritët do të jenë ata juristë që kanë përfunduar shkollën e Magjistraturës, por nuk do të lihen pas as ata emra prokurorësh të cilët do të kenë mbi supe një eksperiencë të madhe pune. Por ndryshime nuk do të ketë vetëm në prokuroritë e rretheve, po edhe brenda institucionit qendror të akuzës. Të gjitha këto tani janë vetëm një projekt i cili do të vendoset në zbatim, kur emrat e përzgjedhur të plotësojnë të gjitha kriteret e duhura për postin e drejtuesit të prokurorisë apo drejtorit të organit qendror të akuzës.
Ndryshimet në prokurori
Sapo është ulur në karrigen e Kryeprokurores, por mes morisë së punëve që mbart institucioni i prokurorisë, ajo nuk ka lënë pas as reformën në të. Është përfolur kohët e fundit se në organin e akuzës do të ketë lëvizje, por në tavolinën e prokurores së Përgjithshme tashmë ka një projekt. Ina Rama do të nisë ndryshimet në prokuroritë e rretheve. Sipas burimeve nga stafi i Kryeprokurores, bëhet e ditur se prokurorja është duke parë të gjithë emrat e mundshëm që mund të jenë në krye të një prokurorie. Disa nga kriteret e vendosura do të mund të përzgjedhin se cilët nga ata drejtues që janë aktualisht do të qëndrojnë në këtë post, si dhe cilët do të largohen. Por, përveç kësaj, një tjetër hap që ka në projektin e saj të punës Kryeprokurorja është edhe emërimi i atyre prokurorëve që do të largohen nga reforma e do të zëvendësohen nga të tjerë. Pasi të mund t'i shikojë dhe t'i rishikojë një për një emrat e paraqitur për në krye të një prokurorie, Ina Rama do të vendosë si drejtues të organit të akuzës kandidaturën që i plotëson kushtet.

Katër takimet e Ina Ramës

Nga marrja e detyrës më 22 nëntor e deri dje, Kryeprokurorja Ina Rama ka zhvilluar katër takime me personalitete. Duke filluar që nga kreu i shtetit, Bamir Topi, si dhe deri te ai i djeshmi me ministrin e Brendshëm, Bujar Nishani. Të gjitha këto takime kanë qenë në kuadër të reformës në drejtësi, si dhe bashkëpunimi mes institucioneve të drejtësisë për të luftuar krimin e organizuar dhe korrupsionin. Por këto takime do të pasojnë edhe me të tjera në agjendën e Ina Ramës.

Arben Rakipi

"Është një nga juristët e rinj më të shquar në vend. E konsideroj si përzgjedhje optimale dhe që është një garanci që funksionet e saj do t'i ushtrojë me plot profesionalizëm".

Jozefina Topalli

"Unë uroj që Kryeprokurorja e re të gjejë forcën dhe kurajën për të përballuar luftën kundër krimit dhe korrupsionit. Është një përgjegjësi jashtëzakonisht e madhe".

Tirana Observer

[DI_ANA]

Transferime prokurorësh, Topi dekreton propozimet e Ina Ramës


Tiranë - Furtunë në Prokurorinë e Përgjithshme. Kreu i shtetit, Bamir Topi, dekretoi dje propozimet e bëra nga kryeprokurorja Ina Rama për transferimet, emërimet dhe shkarkimet e 20 prokurorëve. Kështu, Presidenti dekretoi shkarkimin e z. Bashkim Malaj nga detyra e prokurorit në Prokurorinë e Rrethit Gjyqësor Tiranë dhe emërimin e Arian Ndojës, prokuror në Prokurorinë e Rrethit Gjyqësor të Durrësit. Gjithashtu Topi, mbështetur në Kushtetutën e vendit dhe me propozim të prokurores së Përgjithshme, dekretoi dje edhe transferimin e disa prokurorëve.

29 Janar 2008 "Gazeta Albania"