E akuzuan për prostitucion, merr pafajësinë te Krimet e Rënda
Haxhi Elezi, ish-emigrant në Greqi, kishte përdorur gazetën për t’u njohur e për t’u martuar me 19-vjeçaren S.A., por familjarët e vajzës e akuzuan për prostitucion
Laureta Rryçi
Tiranë - Aventura e nisur nëpërmjet një gazete që mendohej se kishte lidhje me një trafik prostitucioni u hodh poshtë. Gjykata e Krimeve të Rënda i dha dje pafajësinë Haxhi Elezit, që akuzohej për trafik prostitucioni. Historia e rrallë, që i ka kushtuar disa muaj burg të riut nga Peqini, do edhe dhjetë ditë që të marrë formën e prerë nëse përfaqësuesi i akuzës nuk do ta apelojë.
Një vit më parë, nëpërmjet gazetave që ofrojnë njohje të reja, Elezi ishte lidhur me 19-vjeçaren nga fshati i Dukagjinit që i përket zonës së Krujës. Njohja e tyre miqësore ka zgjatur vetëm pak, për shkak të denoncimit që u bë ndaj Elezit.
Njohja
Haxhi Elezi ndodhej në Greqi nga ku i shkroi në gazetë vajzës. Pasi shkëmbyen numrat e telefonit, ata lidheshin me celular. Në nëntor të vitit të kaluar erdhi “për qëllime serioze”, duke e marrë vajzën për ta çuar në Greqi. Mirëpo denoncimi i vëllait të vajzës dhe kallëzimi i mëvonshëm i saj në polici mundësuan arrestimin e Elezit dhe ngritjen e një procesi në Gjykatën e Krimeve të Rënda për të. Aventura e dashurisë në gazetë bëri që prej gati një viti ai të ndodhet i siguruar në qelitë e paraburgimit të Burgut të Sigurisë së Lartë në Peqin.
Ka përdorur gazetën në rubrikën “Djemtë kërkojnë vajza” për t’u njohur me 19-vjeçaren S.A. Elezi pretendonte se vajza i kishte pëlqyer dhe ishte kthyer nga Greqia për t’u martuar dhe nisur një jetë me të në tokën helene. Por rrethanat dhe mënyrat se si Elezi mendoi ta realizonte këtë u janë dukur familjarëve të tij mjaft dyshuese. Kaq mjaftoi që hetuesit t’i hidhnin prangat. Hetimi
Nuk ka pranuar asnjë akuzë për tentativën e trafikimit të 19-vjeçares, ndonëse nuk ka mundur ta provojë këtë. Haxhi Elezi pak kohë më parë refuzoi ushqimin në burgun e Peqinit duke hyrë në grevë urie, si një mënyrë për të bindur autoritetet të ballafaqohej me vajzën. Ajo, sipas tij, ishte e vetmja që mund ta nxirrte apo ta fundoste Elezin në këtë proces. Ndërkohë, gjatë leximit të kërkesës për gjykim, prokurori i Krimeve të Rënda ka këmbëngulur në akuzën e trafikimit për qëllime prostitucioni, të mbetur në tentativë. Kurse vetë Elezi pretendon se nën presionin e familjarëve, vajza ka pranuar edhe gjëra të paqena për historinë e tyre. Ndërsa dje Kolegji Penal i dha pafajësinë.
Gazeta Albania
Ps....Me vjen keq qe ndodhin raste ku shume persona perdorin ligjin per tu bere keq te tjereve dhe me vjen mire qe drejtesia ekziston akoma dhe ka bere me se miri punen e saj ne kete rast.
Jepni mendimin tuaj..
Respekte
Përgjigju Duke Cituar
Postuar më parë nga xfiles
Krijoni Kontakt