Agim Metbala - vjersha për fëmijë

[Agim Metbala]

ÇKA THANË

- La, la, la-a-a-a,
Lulja në livadh,
Jam e gëzuar tha -
Dhe këndoi me mall:

- Sot n'kurorën time,
Me gëzim të madh;
Bleta.. n'dëfrime -
Ka thith nektar!

- Fi, fi, fi-i-i-i,
Era fishkëlloi
E tha me ëmbëlsi -
Kam diç t'ju tregoj:

- Sot mbi krahët e mi,
Kanë shetit bletat e retë;
Nëpër qiell me dëshirë
E me shumë shend!

- Ciu, ciu, ci-i-i-i,
Cimcimoi zogu,
Tha me shumë dashuri -
Aty mu te shtogu:

- Sot të dashur fëmijë,
Me këngën e fy'llit;
Unë i kam gëzuar -
Tërë banorët e pyllit!

03.04.1972

@ Agim METBALA

[Agim Metbala]

- Mundin dhe kujdesin e nënës ndaj fëmijës, nuk e mat dot asnjë kandar!

@ Agim METBALA

[Agim Metbala]

Vjershën teknikisht e përpunoi shkrimtari Bagzat SADIKI...

[Agim Metbala]

- Fëmijët çdo gjë kanë shumë të vockëla, ama sinqeritetin e kanë shumë, shumë të madh!

@ Agim METBALA

[Agim Metbala]

Nipi im ALTINI, sot i mbushi tre vjet...gjyshi të uron shumë shëndet, rritje të lumtur me prindër e me vëllezër, suksese, fat e lumturi pa kufi...

AUTENTICITETI SHQIPTAR
(Akrostik tim nipit Altin)

Autenticiteti shqiptar, në sy të vezullon
Largëndijimin ta perfeksionosh shpirtit
Ta ndjesh Kosovën në çdo çast
Itinerarit të rrugëve të Nyrenbergut
Ndërto e bindi të tjerët në pastërti...

Marsho jetës me guximin e të parëve
Ekuilibrin vazhdimisht krijo me dashuri
Tërhiqi koordinata e transverzale me llogari
Besimin kërko me nder e me drejtësi
Ashtu do e mbron emrin dhe fisin
Lartësive të ngjitesh me punë e djersë
Ardhmërinë do ta puthish në mes të ballit...

@ Agim METBALA

[EDUARDI]

Nipi juaj zoti agim u befte dhe 333 vite te tjera te lumtura plot paqe dashuri lumturi....

[Lulke]

Oh u beft 100 nipi Z.Agim fat dhe lumturi e me plot buzeqeshje .

[Agim Metbala]

Këtë vjershë, teknikisht e përpunoi shkrimtari Berzat SADIKI...

[Agim Metbala]

KUR QESH VOGLUSHJA

Kur qesh voglushja:
- Bilbili me hare këndon,
Zymbyli n'fushë...amshon,
Era i puth lulet n'livadh,
Nëna mbushet me plot mall,
Poeti këndon këngën e sheqert...
Ku voglushja qesh me lezet!

1971

@ Agim METBALA

[Agim Metbala]

HARTIMI ME SHKRIM

Në klasën time,
Hartim me shkrim;
Qetësia pushton hapësirën
Sa ndiet miza n’fluturim

Me dashuri i mbyllëm,
Fletorët e hartimit;
Në fytyrë na shfaqet-
Ndjenja e ngadhënjimit

Arsimtarja e kënaqur,
Gëzimin se fsheh dot;
Qëndisi fletoret e hartimit-
me pesa... plot.

2002

Agim METBALA

Ilustrimi: Demush R. AVDIMETA

J