Agim Metbala - vjersha për fëmijë

[Agim Metbala]

KUKULLA E SËMURË

Për ditëlindje mami ia bleu Fitorës një kukull që qeshte e qante, posa ta prekje në stomak.
Mirëpo, pas ndonjë muaji, kukulla e Fitores nuk qante e as nuk qeshte më.
- Mami, mami!
- Urdhëro, shpirti i mamit!
- Më është sëmuar kukulla!
- Çfarë e ka gjetur, pëllumbesha e mamit?
- Nuk di mami, por as nuk qesh, as nuk qan më!
- E ç’të bëjmë tani, bija e mamit?
- Ta dërgojmë te mjeku, mami. Mjeku me siguri do të dijë çfarë ka kukulla ime e bukur!
Mami vuri buzën në gaz. U ngrit nga minderi, mori nga kutia bateritë. Me lehtësi ia ndërroi kukullës.
Fitorja e mori në përqafim.
Kukulla filloi të qeshë e të qajë. Fitorja i lidhi duart për këmbët e nënës...

[Agim Metbala]

Këto dy vjersha të botuar në revistën letrare për fëmijë "GËZIMI", që atbotë, botohej në Shkup, m'i dërgoi miku Beqir Naim Sulejmani...
E falenderoj përzemërsisht!

#AgimMETBALA

[Agim Metbala]

- Fëmijët e mbajnë barazpeshën e kësaj bote!

@ Agim METBALA

[Agim Metbala]

- Pjeshkët... kanë lulëzuar,bletat...thithin nektar, fushat...janë zbukuruar, frymëzime vërdallë!

[Agim Metbala]

- Fëmija edhe kur të përgjesh, të krijon kënaqësi maksimale!

@ Agim METBALA

[Agim Metbala]

- Kush shkruan për fëmijë, mbetet i çiltër edhe në pleqëri!

@ AgimMETBALA

[Agim Metbala]

- Fëmijët i mbajnë gjallë edhe ata persona që janë mërzitur nga jeta!

(Me tre nipat e mi, tre yjet e mi)...

@ Agim METBALA

[Agim Metbala]

- Fëmija ta zbukuron edhe ditën me shi!

@ Agim METBALA

[Agim Metbala]

DERISA FËMIJA FLE

Derisa fëmija fle:
- Nëna flokët ia përkëdhel,
Hëna derdh ar në livadh,
Peshqit lodrojnë me mall,
Xixëllonjat me fener udhëtojnë,
Yjet ëmbël vetullojnë...
Derisa fëmija fle dhe ëndërron!

25.07.1971

(Vjersha është shkruar para dyzet e gjashtlë vitesh)...

#AgimMETBALA

[Agim Metbala]

- Nëse në jetë, vërtet s’ke parë engjuj, atëherë të preferoj të shkosh në çerdhen e fëmijve!

(Tre nipat e mi, tre musketarët)...

#AgimMETBALA