BABI, THIRRE RENË ME TELEFON
- Babi, babi! Kur fillon dimri?
- Me njëzetenjë dhjetor!
- Po pse atëherë nuk ka borë? Sot është njëzetenjë dhjetori!
- E ka zënë renë gjumi! – ia ktheu babai për të mos ia sqaruar gjërat.
- Babi, atëherë thirre renë me Hendy! Zgjoje nga gjumi e le të na sjellë borën me njëzetenjë dhjetor.
Babi qeshi me Albin. Mori Hendyn dhe bisedoi me shokun e punës.
Albi shikonte nëpër dritare dhe priste borën e parë...
G J E T U R I A
- Babi!
- Fol, Albi!
- Ke blerë prapë cigare?
- Po, si çdo ditë, pëllumbi im!
- Ke blerë edhe gazetë?
- Po, si rëndom, zogu i babit!
- Babi...
- Fol Albi!
- Mami, o mami!
- Urdhëro, shpirti i mamit!
- Babi ynë, pos cigareve dhe gazetës, asgjë tjetër nuk di të blejë!
Babi qeshi dhe mori Albin për dore dhe së bashku u nisën për në vetëshërbim për t’ia blerë Albit një çokollatë të madhe.
Albi rrugës kërcente si edh i vogël...
TEPIHI I ETUR
- Fitore!
- Urdhëro, babi!
- Ma sill një gotë ujë!
- Po, menjëherë, babi!
Fitorja u nis për në kuzhinë plot hare dhe sa çel mbyll sytë, u kthye në dhomën e ndejes. Por nga dora i rrëshqiti gota dhe i ra në tepih. Tepihi saora piu ujin.
- Ç’bëre ashtu, Fitore?
- Babi, shih tepihin sa është i etur, e piu përnjëherë!
Babi shikonte tepihun e lagur. Fitorja huri në kuzhinë
t’ia sillte babit ujin.
Pershendetje Agim!Të shkruash per femijet nuk eshte gje e lehte ,per mua teper e veshtire.Te futesh ne boten e tyre shpirterore eshte nje art me vete.Ju kete art e zotroni mire,kjo eshte aftesia juaj.Ju uroj krijimtari te vazhdushme per brezat e ardhshem.Me respektm Rizai.Postuar më parë nga Agim Metbala
Mik i nderuar, poet Riza Çato, më vjenë mirë se e respektoni letërsinë për fëmijë. Unë atë e dua me gjithë zemër - shkruaj për fëmijë mbi dyzet vjetë, kam botiar revistën letrare për fëmijë në nivel komunal, që nga viti 1996, kam bashkëpunuar me të gjitha revistat letrare që botohen e që janë botuar atëbotë si në Kosovë, ashtu edhe në Maqedoni...
Ju falenderohem për komplimentet e dhuruar!
Përshëndetje poet i respektuar!
Të gjithë shqiptarëve, ua uroj Njëvjetorin e Pavarësisë së Kosovës, forcimit dhe njohjes sa më shumë nga ana e shteteve që ende hezitojnë të bëjnë këtë akt formal!
Në vijim, po jua postoj pasthënjen e redaktorit të lobrit tim "Grinja e fjalëve", të poetit tonë të madh për fëmijë, profesorit të nderuar, Abdullah Thaçit...
NJË SPEKTËR LETRAR SHUMËNIANSOR
Poet e enigmat – vaj për atë vjershë, strofë apo varg që nuk ngërthen edhe enigmat e veta, të cilat na inkurajojnë t’i zgjidhim secili në mënyrën e vet, me qëllim të kuptimit sa më kompleks të artit të të shkruarit, por edhe i fshehtësive me të cilat na sprovon jeta.
Tregimtar e aforist – veçanarisht mjeshtër i tregimit të shkurtër që aq shumë e pëlqejnë fëmijët.
Këto ishin vetëm disa nga epitetet, respektivisht rrëzëllimet e figurës poliedrike të quajtur Agim Metbala, penda e të cilit e nderoi Rahovecin, por i ka hije edhe gjithandej ku shijohet fjala e ëmbël e shkruar shqipe.
Në jetë e në gjykatë, Agimi është një burrë, madje burrë i madh, ndërkohë që në krijimet e tij letrare, më shumë e ka përvetësuar fëmijëria, nga e cila kurrsesi të shkëputet, dhe, bëri mirë që veproi kështu.
Pikërisht atje e gjen mbretërinë më të padjallëzuar dhe më të etshme për vargje e tregime të shkurtëra, si mjeshtër i të cilave Agimi po dëshmohet për më shumë se dy dekada.
Pas defilimit të tij të gjatë dhe shumë të suksesshëm në periodikun tonë letrar, sidomos në atë për fëmijë, Agimi filloi t’a kurorëzojë krijimtarinë e tij letrare edhe me tituj librash, gjithsesi tërheqës për publikun e tij lexues, në vazhdën e të cilëve është edhe libri që kemi në dorë »GRINDJA E FJALËVE«.
Ky libër i ndarë në katër cikle, na sjell mbi 70 margaritarë letrarë, si një laryshi shumë e qëndrueshme dhe simpatike, ku, sikur e plotësojnë njëra tjetrën poezitë, trgimet e madje edhe pjesëzat teatrale qa janë deficitare.
Ndonëse të shkruara në një spektër kohor bukur të gjerë, krijimet e këtij autori i përshkon një kohezion i natyrshëm, siç kanë edhe një spektër të gjerë titujsh, temash dhe përmbajtjesh.
Për të qenë kaq i suksesshëm, Agimi, përveç dhuntisë natyrore që ka, ka bërë shumë pë t’u kthyer në moshën e lexuesve të vegjël, duke njohur thellësisht botën e padjallëzuar fëmijërore dhe preferencat e tyre për krijime letrare.
Në të shumtën, kemi të bëjmë me krijime që lehtë akceptohet nga fëmijët, me koloritin e tyre tematik e përmbajtësor, që shpeshherë zhvillohen në formë loje të mbrumur me mesazh, argëtim e humor të lehtë, por nuk mungojnë as përmbajtjet »serioze« që kërkojnë një seriozitet më të shtuar akceptues.
Fantazia dhe fantastika, janë elementet shumë i pëlqyer të krijimet e Agimi Metbalës, krahas kostumit aq modern të artit letrar, ku hasim medalione të shumta, kryesisht në formë figurash stilistike dhe sentencash të tjera që e bëjnë krijimin letrar aq të dashur për fëmijë, çfarë është padyshim edhe ky libër i Agim Metbalës, të cilin, pata privilegj ta lexoj me një kënaqësi të veçantë, që te fëmijët besoj se do të jetë e shumëfishuar.
Prizren, 1. XI 2004 Abdullah Thaçi
GJYSHE, SA MIRË QË NUK KE ASNJË DHËMB
Babit të Fitorës i erdhën mysafirë shokë të punës.
Biseduan sa biseduan duke pirë kafe, pastaj shkuan...
Mami shtroi darkën. Të gjithë iu afruan tavolinës.
- Gjyshe, gjyshe!
- Urdhëro, princesha e gjyshes!
- Hape gojën, të lutem!
- Për çka ashtu, Fitore?
Mami e babi ia plasën gazit.
- Gjyshe, të lutem, hape gojën!
Mami e babi ende qeshnin. Gjyshja e hapi gojën.
Fitorja qeshi e gëzimi iu duk në ballin e saj një liqe i pastërt.
- Pse qesh pëllumbesha e gjyshes?
- Sa mirë gjyshe!
- Çfarë, Fitore?
- Se nuk ke asnjë dhëmbë!
- Si mirë, moj lazdrane?
- Ashtu, mirë gjyshe! Ai shoku i babit, Asllani që erdhi tha: Plaka me një dhëmbë, ha një kala!
- Andaj gjyshe mirë është që s’ke asnjë dhëmbë dhe do të shpëtojë kalaja e qytetit!
Të gjithë qeshën edhe një herë lezetshëm. Dhoma u mbush me dashuri.
Fitorja futi lugën e parë në gojë...
EJA LEJLEK
Eja i dashuri lejlek!
Livadhi im t’ka qepur një jelek,
Karkaleci ta ka përgatitur një drekë,
Plepi ta ka ngritur shtëpinë,
Gjinkalla të pret me violinë...
Eja lejleku i bardhë,
Nga dielli letër s’ke marrë?
Piktori të pret me mall,
Biri im me telefon të fton,
Bretkosa ca vargje t’i reciton
Eja, eja lejleku i bardhë –
Sa më shpejt me vaporin e parë!
1985
Agim METBALA
P R A N V E R A
Dielli plot energji,
Dderdhë rreze t’argjent;
Natyra ndrinë për bukuri -
Duke i shtrirë krahtë e blertë!
Lulëbora shpatit të josh,
Me bukuri të magjeps;
E bilbili bukurosh -
Ia thot këngës pa skeps!
Lumi pak më tanë,
Simfonisë përsosur ia thotë;
Bariu plotë elan -
Fyellin s’e ndal dot!
Bari i njom shtatin rritë,
Trupin vesa ia pastron;
Flutura me fustan që ndritë -
Akrobacione ushtron!
I tërë zabeli rilind,
Sa hareshëm gumëzhinë;
Lepuri, ketri dhe të tjerë njëqind -
Dora dorës valle shtrijnë!
Bujqit t’epur për punë,
Llodhjen e lejnë n’harresë;
Fëmijët me lojën pa fund -
Botës bukuri i japin për besë!
Regullat e Postimit
Përgjigju Duke Cituar
Krijoni Kontakt