Komuna "zhduk" fshatin Bogovë, banorët në protestë
Komuna: 241 banorët e fshatit nuk janë në regjistrin themeltar. Kryeplaku: Nuk do të lejojmë zhdukjen e fshatit
BERAT- Banorët e fshatit Bogovë janë ngritur dje në protesta pas vendimit për zhdukjen nga harta të fshatit të tyre. Një grup banorësh të fshatit, të kryesuar nga kryeplaku Kujtim Bakiu kanë shkuar paraditen e djeshmete prefekti i Beratit ku i kanë kërkuar anulimin e një vendim që ka marrë këshilli i komunës me të njëjtin emër, Bogovë. Sipas këtij vendimi, kryeplaku duhet të dorëzojë vulën e fshatit pasi nuk do të ketë më fshat Bogovë në hartën e Shqipërisë. Sipas banorëve, vetëm tre ditë më parë me anë të një shkrese Nr.5 dt. 16.01.2008 kryetari i komunës Bogovë, ka urdhëruar që kryeplaku i këtij fshati, Kujtim Boduri, të dorëzojë vulën e fshatit, pasi në këtë fshat nuk do të ketë zgjedhje të kryeplakut të fshatit pasi nuk ekziston vetë fshati.
Kryeplaku i fshatit Bogovë ka shpjeguar dje se është thirrur në këshillin e komunës dhe i kanë bërë prezent vendimin se nuk do të ketë fshat pasi 241 banorët e tij nuk janë të regjistruar në regjistrin themeltar. "Nuk e kuptoj këtë vendim pasi ky fshat ka ekzistuar prej shekujsh dhe prej një shekulli fshati Bogovë është shpallur edhe pikë turistike. Nëse nuk më duan mua si kryeplak të fshatit le të zgjedhin një tjetër njeri që unë t'i dorëzoj vulën por që ta dorëzoj vulën se duhet të hiqet nga harta fshatin Bogovë këtë nuk e lejoj unë dhe banorët e fshatit. Unë e di se vendimin për krijimin apo heqjen nga harta të një fshat e bën Kuvendi i Shqipërisë me vendim dhe jo të heqin me një urdhër verbal të një kryetari komune",- tha kryeplaku Kujtim Boduri. Tashmë fshatarët kanë varur të gjitha shpresat e tyre tek Prefekti i Beratit për të gjetur një zgjidhje të problemit.
Përgjigju Duke Cituar
Postuar më parë nga xfiles
Krijoni Kontakt