Kosova, e para në rajon për shërbimet e Internetit

[besart]

Kosova radhitet para disa vendeve të rajonit në përdorimin e internetit. Sipas statistikave të revistës së specializuar "Internet World Stats", Kosova del në mesin e vendeve me rritje më të madhe në përdorimin e internetit. Edhe pse nuk ka të dhëna zyrtare se sa është numri I atyre që kanë lidhje interneti për shkak se shumë kompani, madje edhe të palicencuara, ofrojnë shërbime dhe lidhje të tilla, ofruesit e shërbimeve të internetit janë të kënaqur me nivelin e shfrytëzimit.

"Internet World Stats" ka publikuar numrin e përdoruesve që kanë lidhje të përhershme në internet, sipas të cilës Shqipëria ka numrin më të vogël të përdoruesve që kanë lidhje interneti, me më pak se 1000, Bosnja ka rreth 40 mijë, ndërsa Maqedonia e cila ka numër përafërsisht të njëjtë banorësh me Kosovën, ka 35 mijë lidhje të vazhdueshme interneti.
Edhe pse në Kosovë mungojnë të dhënat zyrtare, vetëm kompania "Ipko-Net", e cila ka shtrirje në të gjithë Kosovën, ka 30 mijë lidhje, ndërsa Telekomi ka 10 mijë konektime interneti. "Kujtesa", ITS", "Albnet", gjithashtu janë të pranishëm në treg, kryesisht përreth kryeqytetit, ndërsa ka operatorë lokale të cilët i ofrojnë këto shërbime. Po të merren parasysh edhe kompanitë e tjera që ofrojnë shërbime interneti, Kosova ka rreth 60 mijë konektime, që është më e lartë se të gjitha vendet e rajonit në bazë të përqindjes së popullsisë. Edhe nga të deklaruarit si përdorues të internetit dhe nga numri i lidhjeve, del se në Kosovë interneti përdoret më shumë sesa në Serbi, Shqipëri, Maqedoni dhe Bosnjë, madje edhe se në Bullgari dhe Greqi, të cilat janë anëtare të BE-së.

Sa u përket çmimeve, oferta në Kosovë për lidhje interneti në shtëpi është më e lirë krahasuar me shërbimin e internetit në Shqipëri, por edhe Maqedoni. Përderisa oferta më e lirë në Maqedoni nëpërmjet Telekomit është rreth 10 euro për sasi të kufizuar deri në 2 gb transferim,
Telekomi i Shqipërisë nuk ka ofertë më të lirë të lidhjes ADSL sesa 21 euro për transferim pa limit. Ndërsa, në Telekomin e Kosovës, me 15 euro përfshirë edhe taksen e telefonisë, ofrohet shërbimi i ADSL-së pa limit. Në Kosovë më të avancuara mbeten ofertat e kompanive private, të cilat sillen rreth 10 euro, të cilat në Kosovë janë të shumta. Në "Ipko - Net" thonë se janë të kënaqur me nivelin e përdorimit të internetit. "Ka një trend gjithnjë e më shumë në rritje që ka filluar pas luftës. Por, brengosës është numri shumë i vogël I sajteve që ofrojnë përmbajtje në gjuhen shqipe, qofshin ato lajme ditore, apo sajte me interesa të posaçëm si sport, kulture, hobi etj.", - vlerësoi Akan Ismaili nga "Ipko-Net". Ndërsa, Astrit Gashi nga Posta e Kosovës, tha se interneti edhe në Kosovë kohëve të fundit ka një shtrirje të jashtëzakonshme. "Megjithatë, shqetësues mbetet fakti se ende jemi larg përmasave evropiane të përdorimit", tha ai.

Burimi i lajmit: Gazeta Start

[Baptist]

" Akan Ismaili nga "Ipko-Net" " po harron se Kujtesa ka filluar miniomalisht 2 vite para IPKO netit me sherbimet e tyre komerciale te internetit. Ipko ende nuk ka bere nje vit.
Po ta marrim si et sigurt te dhenen e Ipkos per numrin e perdorueseve te sherbimit te tyre 30 000 si te vertete Kujtesa duhet te kete rreth 60 000 parapagues te rregullt qe njekohesisht parapaguajne edhe kabllovikun.

Prandaj numri i perdoruesve te internetit ne Kosove eshte shume me i madh sespe tani edhe fshaterat e largeta po arrijne te kycen permes sherbimit qe kah mesiviti i kaluar ka filluar ta ofroj Posta e Kosoves.

[dodoni]

IPKO eshte numer nje ne Kosove per ofrimin e sherbimeve te internetit. Edhe Kujtesa ka shume kliente, por IPKO mendoj qe ja kalon. Menaxheri kosovar i vitit 2007, Akan Ismaili, krijoi nje kompani qindramiliona eurosh, nga zeroja, per vetem disa vite pune. Bravo i qofte. Per keshtu njerez ka nevoje Kosova. Me vetem 10 euro (kaq me duket eshte cmimi) merr high-speed internet dhe 50 kanale televizive kurse ne Amerike vetem per high-speed internet paguan 50 dollare ne muaj, dhe dallimi per nga aspekti cilesor eshte fare i vogel, per te mos thene hic fare. Keto statistika te ofruara ne kete shkrim, per IPKO-n dhe PTK-ne etj., duhet te jene te sakta, sepse paguajne taksa keto kompani per cdo klient.

Para disa kohesh, flitej se IPKO eshte duke punuar ne ofrimin e nje sherbimi te ri qe do tu mundesonte abonenteve te saj qe te lidheshin me internet kudo neper qytetin e Prishtines, dmth. jo vetem wireless ne shtepite tona por wireless kudo neper qytet. Nuk e di sa eshte dhe sa mund te jete i vertete ky lajm.

[besart]

Eshte e vertete qe Bajrush qe Kujtesa ka filluar para IPKO-s, por kjo nuk do te thote se kan me shume klienta se IPKO. Te them te drejten Kujtesa eshte shume larg nga IPKO jo vetem per nga numri i klienteve, por edhe nga sherbimet qe ofrojne.
Sido qe te jete kjo nuk do te thote se keshtu do mbesin gjithnje. E gjitha varet nga puna e tyre qe do te bejne ne te ardhmen.

Mirepo, arsyeja e lajmit nuk ishte se kush ka me shume klienta e kush me pak, qellimi ishte te tregojme sa shume po perdoret interneti ne Kosove. Ne shkrimin e lartecekur, eshte shkruar nje shifer prej 60 mije konektimeve, mirepo une besoj qe ky numer i afrohet 100'000 duke marre parasysh numrin e lidhjeve qe bejne kompanite me te vogla, numrin e lidhjeve neper fshatra permes kompanive te ndryshme, qe poashtu ka filluar te rritet me te madhe.

Statistikat e sakta do te publikohen ne fund te ketij viti nga Internet World Stats, pasiqe besojme qe atehere Kosova do te jete shtet dhe do te dallohet nga shtetet tjera permes IP-ve te veta.