Kohë qirinjsh

[Agim Metbala]

SA HERË GËRVISH TË KALUARËN

Sa herë gërvish të kaluarën
Vrullshëm pikojnë lot e gjak
Shpirti ma humb drejtëpeshimin.

PLAGË E GJALLË

Kosova plagë e gjallë
Po e hajnë krimbat vendorë
I hafshin kokat e veta.

KOSOVËN PO MA PLAGOSIN

Kosovën po ma plagosin përditë
Plagët po ia lyejnë me kripë
Horrat që s’do kenë vend për varrim.

#AgimMETBALA

[Agim Metbala]

ATDHEU IM

Atdheu im ec me paterica
Bastardët ia vënë kleçkat në çdo hap
Dëshmorëve u pikojnë lot mbi përmendoret.

DO HUMBASNI RRUGËN

Ju që si të qartur vraponi pa kokë
Herë kah lindja e herë kah perëndim
Do e humbasni rrugën e atdheut.

EPITAFE MBI VARR

Herë kasketë e herë fes
Vetëm për t’u pëlqyer djajve
Harruar kanë epitafet mbi varr...

#AgimMETBALA

[Agim Metbala]

BIJË KURVE

Bijë kurve ngjizur me djallin
Shtazarakisht ha pjellën e vet
Nuk e depërton dot qiellin e shtatë.

PËLLEJNË

Pëllejnë gomerët nëpër parlamente
Pëllejnë gomerët edhe nëpër qeveritë
Populli i hipnotizuar me gomari.

NDËRGJEGJIA E SHITUR

Po e shite ndërgjegjien në tregun e leckave
Do jetosh kufomë në apartamentin luksoz
Britmat e pendesës do të vrasin pak nga pak.

#AgimMETBALA

[Agim Metbala]

TË DEHUR

Politika na vrau ndërgjegjien
Kurrizin na e theu në njëzet e katër copë
Ne të dehur ecim pas lehjes së tyre.

BASTARDËT

Sakrilegje na bën në iks variante
Na e dhunojnë edhe të ardhmen
Bastardët e gjakut tim.

NA I VODHËN VITET

Horrat na i vodhën vitet
Zvarrë ec shteti ynë
Derisa populli t’i hapë sytë.

#AgimMETBALA