Kohë qirinjsh

[Agim Metbala]

IKJA

Ti ik kah të sheh syri...
Do më kesh mbrapa si hijen
Ti ik kah të do shpirti...
Kam ngritur fortesën e dashurisë
Të pamposhtur ndër mote...

07.04.2012

[Agim Metbala]

ADRESA IME

Në çdo kohë, kam adresë
.................................... shtëpie
E gjithë lagja më ruan

Kam adresë në faqet
.................................. e “Pionierit”
Brezat në kujtesë mbiemrin

Kam adresë në kopertinat e lëndëve
.................................. të gjykuar
Pajtimet të shumëzuar në rënjë katrore

Kam adresë të qartë në revista
................................. redaktor...
Parafytyrim në imagjinatën e lexuesve

Kam adresë në internet
................................ shumë Forume
E miqt në të gjitha kontinente

Unë kam adresë pa frikë
................................. vdekjen e bardhë
Do ta rimishërojnë brezat në vijim

10.10.2008

[Agim Metbala]

VARGU IM

Vargu im, shpesh bëhet kurorë lulesh
Petalet i hapin gojët gjashtëmbëdhjetë
Nektar i ëmbël, i shijshëm skajshmërisht

Vargu im, shumëherë është grindavec
N’arenë si gjelat që bëjnë dyluftime
Ja do ta vrasish, ja të vret pa pardon

Vargu im, shpesh është i dehur nga dashuria
Lakuriqon shpirtin e zemrën botërisht
Kush i frikësohet dashurisë, a meriton të marr ajër?

Vargu im, në momente është plot dhembje
Dhimbshëm struket në rrudhat e ballit tim
Hieroglifet i tetovon kohës në lëkurë

Vargu im, është më i fuqishëm se unë vet
Unë rob i tij, rri gaditu në shërbim

05.10.08

[Xhenet.M.S.]

Frymezim te metejshem Bac,kjo e fundit me beri te buzeqeshem.

[Agim Metbala]

Frymezim te metejshem Bac,kjo e fundit me beri te buzeqeshem.

E sheh? Vargu im të bëri të qeshesh...prandaj shkruhen vargjet...
Ju falenderohem për lexim Xhenet...

[Agim Metbala]

KOHË E KRISUR

S'ma mashtrojnë dot bebzën...
Të krisur në sheshin e të krisurve
As joshjet, tërheqjet djallëzore...
kJo kohë, është e krisur
Do varrosen turpshëm në katakombe...

[Agim Metbala]

SHPRESA

Edhe pas rrëzimit një mijë herë...
Ajo rimëkëmbet sheshit
E buzëqeshur të thërret në marshim
E pamposhtur ndër shekuj...

08.04.2012

[Agim Metbala]

DORËZIMI

Aromën tënde, s'e gjeta në asnjë lule ndër petale
Njomësinë tënde, s'e kishte as vesa në agim
Gravitacion që s'i bëra ball në asnjë moment
Joshja jote ishte joshje mbi të gjitha joshjet
Unë u dashurova çmendurisht e u dërëzova pa kusht...

[Agim Metbala]

LETËRNJOFTIMI IM

Letërnjoftimi im, ka ngjyrë të kuqe e të zezë
Ballinën e pastër e ngjyrë të bardhë
Kështu dëshirova të identifikohem gjatë rrugëtimit
Jo se s'më joshën kënaqësitë
Jo se shpesh s'më vurën nënkëmbëza
Jo se nuk u ballafaqova me furtuna e uraganesh...
Ama desha të kem letërnjoftim të tillë
Identitet për këtë e për botën e përtejme...

[Agim Metbala]

JU S’KENI ÇKA T’I TREMBENI AS ZOTIT
(Të gjithë me aftësi të kufizuar)

Ju s’keni çka t’i trembeni jetës
Me sy nuk i keni parë tmerret e njeriut
Në fantazi kërkoni dritën e bardhë...

Ju s’keni çka t’i trembeni as tokës
Se kurrë s’keni shkelur rrëmbyeshëm
Imagjinoni ecjen e mëndafshtë...

Ju mos u trembeni as nga Zoti
Ai ua di dhembjen
Prandaj ua fali shpirtin e fortë
Dhe durimin deri në amshim...

20.11.2003