Kohë qirinjsh

[Agim Metbala]

te bukura poezite e tua o agim metbala..

poezia muza.. ishte brilante..



na fol pak per mesuesin tuaj .. vuciterna..
nga ishte kush ishte.. etj..

Zotëri Brari, vërtetë ndjej kënaqësi se i vlerësoni e Ju përlqejnë poezitë e mia.

Në vazhdimësi edhe unë Ju përcjelli, Ju vlerësojë për komunikim të urtë, vlerësim serioz dhe profesional, në shumë paraqitjet e Juaj.

M'i parashtruat disa pyetje për mësuesin tim të repektaur (jam i bindur se shpirti i Tij pushon në amshim, e ka merituar me sjelljet, punën, dashurinë...), por paraprakisht, do t'i parashtroj unë kërkesat e mia (më keni qitur në vesh).

Me vendimin e Qeverisë së atëhershme të Shqipërisë, meqenëse në atë kohë, Kosova nuk kishte kuadër të kualifikuar për mësuesëri, në Kosovë, dërgohet një numër i konsiderueshëm i mësuesve, të diplomuar në Shkollën Normale të Elbasanit, në krye me të madhin Mehmet Gjevori.

Në shkollën fillore "Isa Boletini" në Rahovec, si mësues, atëbotë kanë punuar z. Stati Kostari dhe Nebil Dino.

Nëse eventualisht këto pak rreshta, i lexojnë familjarët e këtyre kolosve të arsimit shqiptar, EMRAT QË S'HARROHEN KURRË, apo dikush nga lexuesit që eventualisht ka lidhje farefisnore me pasardhësit e tyre, iu kisha lutur që në faqen time, apo në emajlin privat, të më dërgojnë nga një biografi të shkurtër, me nga një foto, për hirë të tyre, për hirë të pasurimit të monografisë të shkollës "Isa Boletini", shkollës sime, ku kam kryet tetëvjeçaren.

Në vijim z. Brari, po ju prezentoj një biografi të shkurtër të mësusesit tim të repektuar:

Myhedin Jonuz Vuçitërna, ka lindur nëvitin 1930 në Rahovec. Shkollën fillore edhe semimaturën, i kreu në Prizrenin legjendar, dy kurse pedagogjike në Pejë, ndërsa diplomoi në Shkollën Normale të Gjakovës.
Pra, ishte mësuesi i parë i diplomuar në qytetin tim.
Pas diplomimit, respektivisht prej viti 1950, punoi si mësues në fshatin Drenoc të Rahovecit, Mushtisht të Therandës (Suharekës), dhe në Shkozë.
Më pastaj, është punësuar në Shkollën fillore "Isa Boletini" në Rahovec, ku punoi deri në pensionim, më 1992.
Është fitues i disa shpërblimeve e mirënjohjeve si në nivel komunal, ashtu edhe në nivel të kosovës, si dhe post mortum.
Si mësues dhe pedagog, ka qnë lart i respektuar nga të gjitha gejeratat që kanë kaluar nëpër duart e tija, në realitet, ai ishte mësues popullor.

Edhe pas vdekjes, emri i tij përmendet me admirim si në takimet e lira, ashtu edhe në takimet zyrtare . Në analet e arsimittë komunës sime, emri i tij ëhtë ahënuar me shkronjat e arta

[Brari]

flmn per sqarimin z agim..

eshte nder per ne ne forum qe ju sillni ketu poezite tuaja.. qe jan vertet te bukura artistikisht a edukativisht..


ne lidhje me mesuesit e asaj kohe vertet i duhet ti jemi mirnjohes te madhit mustafa kruja.. i cili ishte per pak kohe kryeminister i shqiperise.. pothuajse..natyrale apo etnike sic quhej..

eshte pra puna e tije qe beri te mundur ardhjen e mesuesve te brezit te gjevorit ne kosove.. por jo vetem te mesuesve por dhe te krijimit te administrates shqiptare ne kosove..
edhe te tjere kane merita per kete sikurse i madhi ernest koliqi.. ministri i arsimit i asaj kohe.. i cili mblodhi rreth vetes kuadro te afte e atdhetare.. si kurse eqerem cabeu e te tjere.. te cilet me urgjence e prioritet te madh.. realizuan kte enderr.. te madhe kombetare .. ndonse jet shkurter..

por fara e mbjelle prej tyre i solli frytet me vone..

..

cdo te mire..

si i ka punet rahoveci me rrushin e kantinat.. e pijeve..?

[Agim Metbala]

LE TË LIDHEN GRUSHTAT PËR PAQË

Hapni portat e zemrës
Shkepni dashuri me grushta
Të gjithë janë të etur për dashuri
Nga lodhja në pelegrinazhin maratonik
Në varrimin e të keqes
Që s’na linte të marrim oksigjen...

Hapni portat e shpirtit
Krahmekrah butësisë
Të gjithë kanë nevojë për prehje
Nga udhëtimi i gjatë labirinteve
E të lodhur për vdekje nga terri...

Hapni duart qiellit të kaltërtë
Le të lidhen grushtat për paqë...

12.03.2004

[mondishall]

Balona

Balonë e burgosur përjetësisht
Në kaltërsinë e burgut-qiell
Aty ku mbajtësi im mat lirin’
Robëria ime udhën merr.

Ç’kujtoni, se jam e lirë?
Robëria nga një lëmsh zgjatet
Qelia ime në hapësirë
Më shtrëngon më shumë frymëmarrjen.

Kam frikë në qiell e vetme
Pa spango kurrë s’kam fluturuar
Lëshuar tmerrohem për vdekje
Tërhequr mbetem robëruar.
-------------------------------------
SHIKOJ DHE NUK BESOJ ATE QE SHIKOJ
BESOJ DHE NUK SHIKOJ ATE QE BESOJ(E.SH)

[Agim Metbala]

NËNAVE

Nga lotët valë të nënave tona
Do të ishin shkrirë
Edhe ajsbergët e polit verior
Nga ankthet e nënave tona
Para këmbëve të tyre
Do të ishin shtrirë
Të gjitha bjeshkët
Nga dhembjet e nënave tona
Do të kishin pëlcitur
Të gjitha prangat e qelive
Me durimin për çmimin Nobël
Të nënave tona
U rebeluan liderët botërorë

MBI SUPET E TYRE ERDHI PRANVERA NË KOSOVË!

14.04.2003

[GeoF]

E bukur kjo poezia e nenes i dashur Agim !
Me ngopi dhe shijova pas gjithe vargjeve tuaja te dlira dhe te pasura me art.
Jeni nje poet i dashur i nderuar mik shpirteror.
Ju akm lexuar dhe po ju rikthehem, cuditerisht me terhiqni dhe nuk ndjehem gati te jap nje definicion rreth larmise dhe cilesise.
Por, ja , mbeteni i dashur dhe me terhiqni ne me bargun tuaj qe te thyej mesnataen e te rilexoj perseri per shijen e embel qe le poezia juaj.
Ju dua dhe ju nderoj.
Gentjan Banaj

[Agim Metbala]

E bukur kjo poezia e nenes i dashur Agim !
Me ngopi dhe shijova pas gjithe vargjeve tuaja te dlira dhe te pasura me art.
Jeni nje poet i dashur i nderuar mik shpirteror.
Ju akm lexuar dhe po ju rikthehem, cuditerisht me terhiqni dhe nuk ndjehem gati te jap nje definicion rreth larmise dhe cilesise.
Por, ja , mbeteni i dashur dhe me terhiqni ne me bargun tuaj qe te thyej mesnataen e te rilexoj perseri per shijen e embel qe le poezia juaj.
Ju dua dhe ju nderoj.
Gentjan Banaj

Gentjan, Ju falenderohem për fjalët ledhatuese (nuk jam i sigurt se i meritoja), mbi të gjitha, unë do të mbetem edhe një kohë me Ju, që t'i ndajmë kënaqësitë bashkarisht, duke shijuar fjalën e bukur.

Po të përshëndesë me një poezi nga përmbledhja që e kam në pregatitje të sipër:


Po të përshëndesë me një poezi nga përmbledhja që e kam në pregatitje të sipër:[/COLOR][/SIZE]

ARSYEJA

Mis e keqja në pistë
Na sillet si svilatë mode
Duke na i kthyer vithet
Her majtas e herë djathtas
Duke na e shkelur syrin e lavires
Të dehur nga mashtrimi
I duartrokasim vdekjes
Dhe flejmë mbi ëndrrat...

Në gjysëm të kësaj maratone
Në stadin e çmendurisë
Na kthejnë rikverc fëmijët
Duke na i thyer kafkat me maus
E mbydhur gojën me mrekullit e internetit
Përfundimisht të na çlollë arsyeja...


27.09.2004]

[Agim Metbala]

SHPRESA

Shpresën në mijëvjeçarë
E torturuan për ta vrarë
Ajo është rreze
Që bie pingul
Majave të thepave të mprehta...

Shpresën me shekuj u munduan
Ta pushkatojnë
Nga tytat çelin lulebozhuret
Shpresën me decenie
E mbyllën në katakombe
Bërtiti shesheve Eureka...

Shpresa pushton horizontin
E njerëzit - mbishkrime në varre...



17.11.2003

[Agim Metbala]

HESHTJA

Heshtja në vete fsheh
Dhëmbët e krokodilit
Në bark lavën e vullkanit
Që vlon pa pushuar
Në sy akumulon rrezet e uraniumit
Në shuplaka shtrëngim indesh...

Mos lejoni që heshtja
Të shpërthejë në klithje
Ajo pastaj pjell të zezat e tmerrshme...

[Agim Metbala]

NUK DUA TË MBETEM APATRIT

Nuk dua prapë të mbetem apatrit
Nëse ka nevojë do t’i pres të gjitha venat
Dhe le të shkojë gjaku im rrëke rrugëve
Deri në pikën e fundit
Mbase dymbëdhjetë lëkura m’u kanë rjepur nga shpina
Duke kërkuar hartën e re gjeografike...
Nuk dua prapë të mbetem apatrit
Duke u përcjellë brezave stafetën me pikëpyetje
Dhe vullnet të padeshifruar
Nëse ka nevojë do të dal në Sheshin Skënderbe
Për ta reinkarnuar Jan Pallahun
Sepse krejt çka pata dhashë
Duke kërkuar hartën e re gjeografike...
04.03.2003