Kohë qirinjsh

[Agim Metbala]

- Fëmijët të befasojnë me veprimet e sinqerta!

@ Agim METBALA

[Agim Metbala]

- Nëse do shumë miq dhe mikeshat e xhepat e zbrazët, atëherë bëhu shkrimtar!

@ Agim METBALA

[Agim Metbala]

ORBITA JOTE NË ZEMRAT TONA
(Akrostik nipit Leon për ditëlindje)

Lindja jote na gëzoi shumë
Erdhe hareshëm si pranvera
Orbita jote në zemrat tona
Ndriçimi i jetës sonë të mbetur

Marshon guximshëm e në drejtpeshim
Eleganca jote josh edhe të panjohur
Të mbash në mend e shqipe të mbetesh
Botës tregoju bardhësinë e bardhësisë
Atje larg në vendin e vikingëve
Lartësoje e lakoje emrin tëndë
Ardhmërisë t’i lësh diagrame në rritje...

26.11.2015

@ Agim METBALA

[Agim Metbala]

Të gjithë lexuesve të krijimeve të mia në këtë faqe, Ju uroj 28 Nëntorin Ditën e Flamurit, me dëshirë që festat në vijim, t'i presim në mënyrë më solemne e në mënyrë më dinjitoze...

@ Agim METBALA

[Agim Metbala]

JU S’KENI ÇKA I TREMBENI AS ZOTIT-
(Të gjithë atyre që janë me aftësi të kufizuar)

Ju s’keni çka i trembeni jetës
Me sy nuk i keni parë tmerret e njeriut
Në fantazi kërkoni dritën e bardhë...

Ju s’keni çka i trembeni as tokës
Se kurrë s’keni shkelur rrëmbyeshëm
Imagjinoni ecjen e mëndafshtë...

Ju mos u trembeni as nga Zoti
Ai ua di dhembjen
Prandaj ua fali shpirtin e fortë
Dhe durimin deri në amshim...

25.11.2003

@ Agim METBALA

Ilustrimi: Demush R. AVDIMETAJ

[Agim Metbala]

LLAMBADAR NË MESIN E FILIZAVE
(Akrostik shkrimtarit për fëmijë Abdullah THAÇI)

Autoritetin e krijove ndër mote
Buzëqeshjen e kishe edhe në vetulla
Dashuri mbodhe ndër njerëzit
Uragan në mbrojtje të vërtetës
Llambadar në mesin e filizave
Aguliçe nëpër revista...letrare
Himni i fjalës së bukur shqipe...

Thirrja jote shtrihej horizontit
Atdheut gaditu i qëndrove prore
Çelik i palakueshëm mbete
I tillë je sedimentuar në kujtesë...

28.11.2015

@ Agim METBALA

[Agim Metbala]

Poezinë teknikisht e përpunoi Vahdet KOLLARI...

[Agim Metbala]

Në vend të urimit për ditëlindje ...

METAFORË E KËNGËS-
(Nexhmije PagarushA)

Ece shtigjeve me plotë të panjohura
Kur të tjerët s’patën guxim
Notat i këndove shqip
Kur në portë përgjonte veshi
Kur në çdo dritare syri përputhej...

Tentonin të të frikësonin në çdo hap
Ti çdo herë dilje edhe më e fuqishme
Nga thellësia jote lindnin epopetë
Që denjësisht dëshmonin dhembjet tona
Nga sytë e tu Deti Adriatik
Vërshonte gëzimet idilike...

Për ne brezat që ecnim pas këngës tënde
Që kemi qarë e jemi gëzuar bashkë
Në ne mbete metaforë e përjetshme
Ti je simfonia jonë e pavdekshme...

17.08.2003

@ Agim METBALA

[Agim Metbala]

FYTYRA E BURGUT NË PADREJTËSI

Një minutë sa vrastar
Një orë sa një shekull
Një natë përjetësi
E një vit vdekja e gjallë
Fytyra e burgut në padrejtësi...

25.08.2015

@ Agim METBALA

[Agim Metbala]

Kur fjala e bukur vlerësohet në mënyrë institucionale, për krijuesin është satisfakcion i mundit të dhënë dhe netëve pa gjumë!

@ Agim METBALA