Kohë qirinjsh

[Agim Metbala]

- Edhe jeta e poetit do të kaloj sa çel e mbydh sytë, mirëpo veprat dhe emri i tij, do të jetojnë nëpër shekuj!

@ Agim METBALA

[Agim Metbala]

- Unë e përjetova dëbimin nga vendi, ishte dhembje mbi dhembje, ishte thyerja mbi thyerje, ishte trishtim mbi trishtim, ishte nënçmim deri në përdhosje...dhe atëherë definitivisht e kam kuptuar kuptimin dhe vlerën e fjalës ATDHE!

@ Agim METBALA

[Agim Metbala]

PA TY

Në çdo fjalën time
Të thënë je kryefjalë
Në poezitë e mia
Të shkruar je i vetmi titull
E në çdo ëndrrën time
Të ëndërruarr je i vetmi personazh

Pa ty as jeta e as vdekja ime
Aspak s’ do të kishin kuptim

08.02.2004

[Agim Metbala]

- Muza ndonjëherë është e lazdruar, dridhet, pëvillet dhe largohet... herë-herë tekanjoze e s’i bindet mendimeve...mirëpo, poeti është i durueshëm dhe e pret derisa qetësohet dhe derisa i kalojnë teket...pastaj prap dashurohen, përkëdhelen, përqafohen e puthen me mallin e shtuar e nga kjo dashuri, lindin krijimet e reja...

@ Agim METBALA

[ermira6]

PERTEJ THYERJES SE SHPRESAVE

Fakti që je lënduar ndonjëherë
Nuk do të thotë të mos dashurosh përsëri.
Po të ketë zhgënjyer ndonjëherë dikush,
Nuk duhet të mos besosh më asnjëri!

Nëse të është thyer zemra ndonjëherë
Kurr mos dysho që kjo ndodh përsëri,
Mos harro, jo të gjithë janë të njejtë,
Në fat as në fatkeqësi.

Jo të gjithë kanë qëllim të keq për ty,
Thjesht vlerëso kohën me përkushtim,
Mos gjyko nga pika e parë e ndodhjes ,
Jeta sjell edhe të tjera befasi !

[Agim Metbala]

- Natë, vonë…yjet hedhin valle duke u lazdëruar…ca prej tyre lëshohen pingul si me parashutë…hëna bukuroshe, buzëqeshë këndshëm…qetësi e vdekjes…asgjë spëpëlit…unë e kërkoja MUZËN, ajo si një nimfë deti, më sillet vërdallë…herë si manekine ma përdrell belin e trupin…më buzëqeshë e më ik rrotull…reprizoi disa herë, pastaj përfundimisht u tret…lapsi më mbeti në dorë, flete e fletores, mbeti fare e bardhë në tavolinë…
Ndeza një cigare duke e ngrehur tymin thellë…sërish do e kërkoj nesërmbrëma…

[Agim Metbala]

(MOS) FALJE

Do t’u fali edhe vitet e vjedhura
Edhe netët e pagjumësisë
Edhe frikën duke pritur
Me ankth hijet e natës
Do t’u fal të gjitha
E pse mos t’u fal
Jeni poret e mia të frymëmarrjes...

Një gjë s’do t’u fal
Me kurrfarë kushti
As edhe i vdekur s’do t’u fal
Fantazmave me yll të kuq
Që i xingërojnë edhe sot
Telefonatat djajëve
Për nostalgjinë e shkuar
E ritualet e lugetërve...

11.10.2004

[Agim Metbala]

- Gaza do të mbetet njollë e zezë dhe e pashlyeshme e krimeve më monstruoze e më makabre të izraelitëve, ku do shkruhen me mija ditarë, romane, filma dokumentar e filma artistik...që do ia kalojnë me mija herë “Ditari i Ana Frank”, nga të cilat do të skuqen brezat e izraelitëve që do të lindin...

@ Agim METBALA

[Agim Metbala]

- Sinqerisht jam stërngopur me të ligat në këtë nënqiell e shumë e shumë herë kam ardh në situata t’a “thej” lapsin, mirëpo fal artistve (nga të gjitha fushat e artit), sërish jam mobilizuar maksimalisht e lapsin e kam “mprehur” për betejat e reja...
(Ju falenderohem të gjithëve, më duhet një regjistër i tërë të artistve me shpirt e zemër të fuqishme që t’i përmendja që më frymëzojnë në këtë rrugë jo edhe aq të lehtë)...

[Agim Metbala]

- Edhe jeta e poetit do të kaloj sa çel e mbydh sytë, mirëpo veprat dhe emri i tij, do të jetojnë nëpër shekuj!

@ Agim METBALA

Sa keq e paskam shkruar fjalën MBYDH në vend të MBYLL, ngutia e bënë të vetën...