Kohë qirinjsh

[Agim Metbala]

...bukur bukur,komplimente.....

Më vjenë mirë se Ju pëlqeu poezia e një herë, Ju falenderohem për komplimente...

[Agim Metbala]

RRËNJË NË KUJTESË
(Poetit Fehmi KORÇËS, i cili vdiq para ca ditësh)

Buzëqeshja jote e brisht
Ka zënë rrënjë në kujtesë
Sa herë do na merr malli
Do e gjejmë në vargjet e murosur
Në mozaik plot ngjyrash
Ku shkepe dashuri pa kufi
E sa herë të na merr malli
Për peshën e atdhedashurisë
Me gishtërinj do i prekim pentagrame
Të shkruar butas me lot
Mbi letrën...e bardhë...

Ti ike, duke u ngjitur lartësive
Atje në shoqëri mes engjujsh
Ne na le të heqim edhe pak
T’i deshifrojmë enigmat...

Ndjej dhembje, por edhe kënaqësi
Që u shoqëruam në lexim
Pse, ka shoqëri më të sinqert
Se sa të ndjehesh me lexim?

31.08.2013

[Agim Metbala]

- Duke udhëtuar në një autobus urban në Prishtinë, përnjëherë të gjithë udhëtarët drejtuan shikimin në ulësen e aprë. Kureshtja ma tërhoqi vemendjen e mbase isha kah fundi i autobusit, lëviza pak përpara. Ç’të shoh, udhëtari i ulur në ulësen e parë, lexonte me kënaqësi një libër me poezi…edhe për mua ishte kënaqësi e për 30 udhëtarë një befasi apo ndoshta budallaki…

[Agim Metbala]

Mbrëmë, e ndjeva veten të vetmuar...zemra e shpirti bosh...m'u kujtua kjo pezi e shkruar para ca vitesh...me kënaqësi po e ripostoj...

HESHTJA

Të gjithë paskan ikur
Heshtjen më lanë për shoqërim
Unë hesht, ajo hesht
Asgjë s’pëpëlit rreth meje
Kam të ftoft, të ftoft kam
Dridhërima m’i lëvizë organet në takt
Si orkestri pas dirigjentit
Era bënë lojë
Me pjergullën pranë dritares
Duke m’i shqetësuar muzat...

Ah, sikur të vinte ajo
Të ma ngroh bile shpirtin
E ta vras heshtjen e kësaj nate...

2003

@ Agim METBALA

[Agim Metbala]

PAVARËSISA
(Akrostik)

Pikërisht me 17 shkurt 2008
Aurora shpërndau fishekzjarret hareje
Varret lëvizën shtatë pashë thellë
Ankthin, ankthin e mundën për vdekje
Rimishërim i pritur ndër brezash
Ëndrrat shekullore realitet i vulosur
Spërkatur njomësisht me gjak
Itinerarit hyjnor liri
Amaneti hypi në fronin Pavarësi

13.02.08

@ Agim METBALA

[Agim Metbala]

Mbrëmë më doli gjumi diçka pas orës tre të mëngjesit, ashtu si në ëndërr – zhgjëndër, vargoja vargjet me shumë kujdes për një poet të ri...varg ps vargut, doli një poezi e fuqishme dhe mrekullueshme (çdo herë sipas mendimit tim), vargjet i përsërita shumë herë dhe në fund mendova se janë ngulitur në kujtesën time...
Në mëngjes, u zgjova i lodhur nga pagjumësia, u orvata me çdo kusht t’i riprodukoj në letër, vargjet e “shkruar” në mëndje, nuk arija dot, ato më kishin ikur në pakthim, vetëm disa sosh m’u kujtuan, e ato disa, po i ndaj bashkë me ju, i meriton ky poet i ri...

AI PATI KUJDES ME FJALËN

Poeti i ri
Sapo kishte filluar të shkruaj
Dëshiroja t’i jap një këshillë
Nuk mu dha rasti:
KUJDES ME FJALËN!

Poeti i ri
U “rrit” shumë shpejt
I vodhi të gjitha fjalët
Tash sheshit të bukurisë
Ndërton pallate dashurie
AI PATI KUJDES ME FJALËN...


@ Agim METBALA

[Agim Metbala]

Muaji MARS, është muaji i jetës, i ringjalljes, aromës, blerimit, lulëzimit...i haresë, i dashurisë, e mbi të gjitha, muaji i frymëzimit ku muza troket zhurmshëm në portat e poetëve...

[Agim Metbala]

(MOS)KUPTIMI

Për shkak se përrreth shtëpisë sime, i kam afër disa shtëpi të pabanuar, macat i kanë “uzurpuar” të tërat duke u akomoduar në “apartamente” të veçanta...
Për disa vite, u shumuan shumë e nëpër oborrin tim e mbi çati...sillen shumë komod, pa u shqetësuar edhe nëse mbrenda ditës kaloj një mijë herë pran tyre, dhe adini pse?
Sepse asnjëherë, ama asnjëherë nuk i kam shqetësuar, nuk i kam gjuajtur as me bukë e lëre më me objekte të forta...
E tani tërheqi diagonalen mes macave dhe njerëzve, nëse macat kuptojnë sjelljen, pse njerëzit bëhen tosh?
Jo se pyetja kërkon meditim e kohë për përgjigje, por desha t’ju transmetoj e ta ndajmë bashkë këtë sjellje të KAFSHVE, ndoshta një pjesë nga ne njerëz do ta përvetësojmë, ose më mirë thënur, do t’a PRAKTIKOJMË në jetë...

@ Agim METBALA

[Agim Metbala]

- I përkulem POEZISË...më ndihmoi në çastet më të vështira e më lumturoi tej mase në çaste gëzimi...

[Agim Metbala]

- Secili që natën fle me libra nën jastëk, ditën do ta vesh kostumin e gëzimit!

@ Agim METBALA